Tag: నో.వా.చే.రా

సప్తమ కప్పు – కాఫీలాంటి ఆనంద్..ఆనంద్ లాంటి కాఫీ


ఒక యూనివర్సిటీ పూర్వ విద్యార్ధులు కొందరు తమకి పాఠాలు చెప్పిన ప్రొఫెసర్ గారింట్లో కలుసుకున్నారు. అందరూ తమ తమ కెరీర్స్ లో మంచి స్థాయిల్లో ఉన్నవాళ్ళే. అందరు యావరేజ్ ఇండియన్ మేల్స్ లాగే వీళ్ళూ ఉద్యోగాల్లో, డే-టు-డే లైఫులో పడుతున్న బాధలు, స్ట్రెస్సూ అంటూ ఇంకే టాపిక్కూలేనట్టు అదే సుత్తి కొడుతుంటే ప్రొఫెసరు గారికి చిరాకు పుట్టింది. కిచెన్ లోకి వెళ్ళిపోయి అందరికీ కాఫీలు కలుపుకొచ్చాడు. కాఫీ కప్పులు రకరకాలు – ప్లాస్టిక్, పింగాణీ, గ్లాసు, క్రిస్టల్ – ఖరీదైనవి, చీప్ గా వున్నవి, అందమైనవి, ఇలా వున్నాయి. అక్కడున్నవాళ్ళకన్నా ఎక్కువ సంఖ్యలోనే వచ్చాయి కాఫీలు. అందరూ కాఫీలు అందుకున్నారు. కొన్ని మిగుల్తాయి కదా! ప్రొఫెసరు మిగిలిన పోయిన కప్పుల్ని చూపిస్తూ అన్నాడు – ” మీరు గమనించారో లేదో అందమైన, ఖరీదైన కప్పులే మీరంతా తీసుకున్నారు. ప్లాస్టిక్ వి, పాతవి ఎవరూ ముట్టుకోలేదు. జీవితంలో బెస్ట్ థింగ్స్ కోరుకోవడం సహజమే కానీ ప్రాబ్లెమ్స్ అన్నీ ఆ కోరికలోనే వున్నాయి. మీరు తాగేది కాఫీ, కప్పు కాదు. అన్ని కప్పుల్లోనూ అదే కాఫీ వున్నా ప్రతీ ఒక్కరు ఖరీదైన కప్పే కోరుకున్నారు. పక్కవాడికి ఎలాంటి కప్పొచ్చిందా అని చూస్తున్నారు. నౌ, జీవితం కాఫీ అనుకుంటే ఉద్యోగం, డబ్బు, ఆస్తి, స్టేటస్ .. ఇవి కప్పులు. జీవితం గడపడానికి అవి సాధనాలు. అంతే! వాటి మీద ఫోకస్ ఎక్కువైతే జీవితం ఎంజాయ్ చెయ్యలేరు. కప్పులు కంపేర్ చేస్తూ కూచుంటే కాఫీ ఎంజాయ్ చెయ్యలేనట్టు,” అన్నాడు. తరవాతేమయిందో మనకి తెలీదు.

తెలుసుకోవడం కూడా అనవసరం. ఎందుకా? ఎందుకంటే జీవితం విషయంలో ప్రొఫెసర్ సలహా అవసరమే కానీ కాఫీ విషయంలో కాదు.

వై బికాజ్, పొజిషన్ కన్నా జీవితం గొప్పది.

కప్పు కన్నా కాఫీ గొప్పది.

దేర్-ఫోర్, జీవితం కంటే కాఫీ విలువైనది.

పిచ్చి లాజిక్కనిపిస్తోందా? ఇంకా పిచ్చిగా అనిపించే లాజిక్ కూడా వుంది. ప్రేమవున్నచోట లాజిక్ వుండదు అన్నప్పుడు కాఫీ వున్నచోట లాజిక్ అనే మాట కూడా వుండదు. అందువల్ల జీవితం కన్నా, ప్రేమకన్నా కూడా కాఫీయే విలువైనది అని తేలుతోంది. ఇలాంటి లాజిక్కుల ద్వారా తెలుసుకోవలసింది, ఇదీ –

 కాఫీ క్వాలిటీ బావుంటే ఏ కప్పులోతాగినా ఆనందం తప్పదు. దానికి మనమేం చెయ్యలేం. కానీ అందమైన కప్పుతోనో, ధగ ధగ మెరిసే స్టీల్ గ్లాసులోనో నురుగులు కక్కే ఫిల్టర్ కాఫీ తాగితే ఆ ఆనందం ఎక్స్పొనెన్షియల్ గా, ఎక్స్ప్లోజివ్ గా పెరిగిపోతుంది. 

చుట్టూ అందమైన వాతావరణం వుంటే ..

చక్కటి సంగీతం వింటూ వుంటే…

మంచి పుస్తకం చేతిలో వుంటే ….

దీనికీ ఏం చెయ్యలేం, ఎంత లెవెల్లో వీలయితే అంత లెవెల్లో ఆనందించడం తప్ప.

మంచి కాఫీ నిజానికి ఆనంద్ సినిమాలాంటిది. అందుకే శేఖర్ కమ్ముల తన ‘ఆనంద్’కి మంచి కాఫీ లాంటి సినిమా అని టాగ్ లైన్ పెట్టారు. హృషీకేశ్ ముఖర్జీ తన 1971 ఆనంద్ కి కాఫీ టాగ్ తగిలించకపోయినా ఆ సినిమా కూడా కాఫీలాంటిదే, బ్లాక్ కాఫీలా చేదైన ఆనందం ఇస్తుంది.

యూ కెన్ ఇమాజిన్ ఇట్, రైట్! సో, డోంట్ కాంప్రమైజ్ వెన్ ఇట్ కన్సర్న్స్ కాఫీ!

kaafeetva5

 

 

 స’శేషం’

గాంధీజీ చేత కాఫీ కలిపించిన కాప్రి + 6th cup of Kafeetva


సబర్మతి ఆశ్రమంలో వుండే ఎవరికైనా ఒంట్లో బావుండకపోతే వాళ్ళ ట్రీట్-మెంట్, తక్కిన అవసరాలు అన్నీ గాంధీజీ తనే స్వయంగా చూసుకునేవారు. ఒంట్లో బావుండక పడకేసినవాళ్ళది అదృష్టం అనుకునేవాళ్ళుట ఆశ్రమవాసులు. ఎందుకంటే అనారోగ్యంతో ఉన్నవాళ్ళని ప్రతిరోజూ గాంధీజీ వచ్చి చూసేవారు, మాట్లాడి, జోక్స్ వేసి ఉత్సాహపరిచేవారు మరి.

KAAFEETVA 4

ఒకసారి డిసెంట్రీతో మంచం పట్టిన ఒక తమిళ యువకుడు పథ్యాలతో విసిగి తనకిష్టమైన కాఫీ ఎప్పుడు తాగగలనా అని నిట్టూర్చుకుంటున్న సమయానికి గాంధీజీ పావుకోళ్ల టకటక వినబడింది. కాఫీ పోతేపోయింది బాపూజీ కబుర్లు వినొచ్చులే అనుకుని బెడ్ మీద లేచి కూచున్నాడు. ఇంతలో గాంధీ లోపలికి వచ్చి, “ఇవాళ బాగా కోలుకున్నట్టు కనిపిస్తున్నావు, ఆకలి కూడా ఇంప్రూవ్ అయ్యుంటుంది. నీకేం తినాలనుంది? ఉప్మానా? దోసె కావాలా?,” అన్నారుట. మనవాడు కాఫీకి మొహం వాచీవున్నాడు కదా, గాంధీజీ కాఫీ, టీలు తాగడం ఇష్టపడరని తెలిసీ అదే కావాలని అడిగేశాడు. ఆయనేమో, “ఓరి! పాపాత్ముడా! నీకు కాఫీయే కావాల్సొచ్చిందా?,” అని గట్టిగా నవ్వి, “సరే! నీకో కాఫీ పంపిస్తాను, లైట్ కాఫీ నీకు మంచిదే,” అని వెళ్ళిపోయారు. మన హీరో మహదానందంగా ఎవరో కాఫీ పట్టుకుని వస్తారు అని ఎదురు చూస్తుండగా మళ్ళీ పావుకోళ్ల టకటక వినబడింది. గాంధీజీ కాఫీ కాన్సిల్ చేసేశారేమో, అది చెప్పడానికి వస్తున్నారనే ఊహ కలిగి మొహం వేలాడేయడానికి రెడీ అయిపోయాడు. అంతలో గాంధీ తాత కాఫీ ట్రే పట్టుకుని లోపలికొచ్చారు. మనవాడు మళ్ళీ డీలా పడ్డాడు బాపుకి పని పెట్టానే అనే బాధతో. “బాపూ! ఎవరితోనైనా పంపకుండా మీరు తెచ్చారేంటి,” అని మొహమాట పడ్డాడు. “మొహమాట పడితే కాఫీ ఎంజాయ్ చెయ్యలేవు. కస్తూర్బా రెస్టు తీసుకునే టైము. ఆమెని డిస్టర్బ్ చెయ్యడం ఇష్టంలేక నేనే కలుపుకొచ్చాను. నా కాఫీ బావుందా లేదా చెప్పు,” అని, “కాఫీతో ఉప్మా, దోసెల కంటే టోస్ట్ బావుంటుందని అది కూడ తెచ్చాను,” అన్నారుట. అలా అని వెళ్ళిపోయారు. మన కాఫీ ప్రియుడు కాఫీ లైటుగా వుందే అనుకుంటూనే ఒక సిప్ చేశాడు అద్భుతంగా వుందిట. వుండదా మరి? కలిపింది మహాత్ముడయ్యె. ఎవర్నీ డిస్టర్బ్ చెయ్యకుండా వంటింట్లోకి వెళ్లి స్టవ్ వెలిగించి కాఫీ కలిపి, టోస్ట్ చేస్తున్న దృశ్యం ఊహించుకుని ఆయన్ని జాతిపితగా కాక కొడుక్కి ప్రేమతో కాఫీ కలిపిచ్చిన తండ్రిలా భావిస్తూ, ప్రపంచంలోనే అత్యంత విలువైన, అరుదైన కాఫీని ఎంజాయ్ చేశాడు.   

గాంధీజీ చేతి కాఫీ కోసం టైం మెషీన్లో కూచుని చరిత్రలోకి వెళ్లిరావాలని వుంది కానీ తిరిగొచ్చేటప్పుడు ఆయన దేశవిభజనని, అనంతర హింసని చూసి ఆయనపడ్డ బాధ రిపీటవ్వడం ఇష్టంలేక ఆ ఊహ వదిలేసుకున్నా.   

BTW, కస్తూర్బా తన కిచెన్ లో అతిధుల కోసం కాఫీపొడి, టీ ఉంచేవారు(ట), ముఖ్యంగా రాజాజీలాంటి వారికోసం. 

కాప్రి అంటే లియోనార్డో డి కాప్రి లాంటి కాప్రి కాదండోవ్ కాఫీ ప్రియుడు.

అలా కొంచెం కిందకెళ్ళి ఎడం వైపుకి తిరిగితే పాత కాఫీ పోస్ట్లు కనిపిస్తాయ్

ఫిఫ్త్ కప్ ఆఫ్ కాఫీత్వ> బాప్తిస్మం – బ్లాస్ఫెమీ – ఘర్ వాపసీ


బాప్తిస్మము

బ్లాస్ఫెమీ

ఘర్-వాపసీ

క్రూడాయిల్

వీటన్నిటి మీదా వాదించుకోడానికి, తి(కొ)ట్టుకోడానికి, యుద్ధాలు చేసుకోవడానికి చాలామందే వున్నారు. కొన్నాళ్ళయ్యాక పై టాపిక్స్ అన్నీ ఎగ్సాస్ట్ ఐపోతే కొట్టుకోడానికి కొత్తగా వాటర్ వార్స్ కాన్సెప్ట్ వుండనే వుంది. వాళ్ళు ఆ కార్యక్రమాలన్నీ యధావిధిగా నిర్వర్తిస్తున్నప్పుడు మనకెందుకు ఆ గొడవ? రాష్ట్రాల విభజనల పేరుతో విభజనలు ఐపోయాక కొట్టుకునే, కనీసం తిట్టుకునే, అవకాశాలు దండిగా సృష్టించుకునే నైపుణ్యంవున్న నాయకులు దండిగా వున్నారు.

కాఫీత్వలో తత్వ మీద ఉన్న ఇంటరెస్టు ఫత్వా మీద వుండదు. ఆ తత్వ కూడా అందరినీ సమదృష్టితో వేడిగా చూస్తూ, అందరిచేతా సమానంగా ప్రేమించబడే కాఫీకి సంబంధించిన తత్వ, సో, కాఫీత్వ ఈజ్ ఏ కంప్లీట్లీ, నాన్-కంట్రావర్షియల్ ఫిలాసఫీ. ఆ మధ్య ఒక స్కాలర్ అన్నారు – “జ్ఞాని అయినవాడు తన జ్ఞానాన్ని ప్రదర్శించడు, ప్రదర్శించేవాళ్ళెవరూ జ్ఞానులు కారు,” అని. ఈ సూత్రం కాఫీత్వానికి వర్తించదు. కాఫీ గురించి దాన్ని ప్రేమించే ఎవ్వరైనా హాయిగా మాట్లాడవచ్చు. ఇలా –

kaafeetva 3

కొంచెం కిందకెళ్ళి ఆకడున్న లెఫ్ట్ ఫేసింగ్ యారో క్లిక్ చేసారో  తక్కిన కాఫీత్వ పోస్ట్స్ కనిపించేస్తాయ్, జాగ్రత్త!! తరవాత మీ ఇష్టం. 🙂

 

టూత్-బ్రష్షూ కాల్గేట్ పేస్టూ ; లాప్-టాపూ కాఫీ కప్పూ …


పొద్దున్నే మొహం కడుక్కోవడం (పళ్ళతో సహా) ఐపోగానే …..

లైఫ్ ఈజ్ ఎ మైండ్ బాగ్లింగ్ ఇంటలెక్చువల్ టర్మాయిల్ …..

సోమపానం చేసిన వాళ్ళు ఆర్యులు, మరి సోమలత ఇప్పుడు దొరుకుతోందా?

kaafeetva 3

కాఫీత్వ – మూడో కప్పు, ఇట్’స్ హాట్ !!


ఒకప్పటి, యూఎస్ ప్రెసిడెంటు రోనాల్డ్ రీగన్ సినిమా రంగంనుంచి  రాజకీయాల్లోకి వచ్చాడు. అటు సినిమా ఫీల్డు, ఇటు పాలిటిక్సు తెలిసినందువల్ల ఆయనకి ఆ రెండు రంగాలపై కాఫీ ప్రభావం ఏమిటో ఎంతో తెలిసే అవకాశం ఉండే ఉంటుంది — కదా!!

Now enjoy ur latest cup of coffee _/\_ 🙂

kaafeetva 2

చట్టసభల్లో కునుకు తీసే ప్రైమ్ మినిస్టర్లు, ఎంపీలు

అసెంబ్లీల్లో బ్లూ ఫిల్ములు చూసే ఎమ్మెల్యేలు 

సినిమాలని మసాలా పాకేజిలు చేసేసిన కళామతల్లి ‘ముద్దుబిడ్డలు’

వీళ్ళందర్నీ భరిస్తూ తరిస్తున్న జనజీవన స్రవంతి 

– ఈ వర్గాలు లేకుండా ఈ పోస్టు సాధ్యపడేది కాదు. ఇది వారికే అంకితం. 

కాఫీత్వ – ఓ కప్పు కాఫీ, ఒక మాట & నేపాల్ భూకంపానికి అసలు కారణం!!


kaafeetva 1

కాఫీత్వ ఫాలోవర్స్ కి ఎప్పుడూ కూడా బ్రెయిన్ పని చేస్తూఉండాలి. అదీ పదునుగా.

అలా అని కాఫీ తాగేవాళ్ళంతా  షార్ప్-మైండెడ్ అనుకోరాదు.

మెదడుకి పని పెట్టడానికి, పదును పెట్టడానికి కాఫీ తాగేవాళ్ళే మెజారిటీ.

శ్రీశ్రీ మైండు షార్పు కనక ఆయనకి కాఫీ ఇష్టం.

నా మైండు షార్పు కానందువల్ల నాకు కాఫీ ఇష్టం.

అదన్నమాట కాఫీత్వ ఫిలాసఫీ, నో, ఫిలాకాఫీ 🙂

దేర్-ఫోర్ కాఫీత్వ ఫాలోవర్స్ కాని వాళ్ళెవరూ ప్రపంచంలో వుండరు.

వుండరు అంటాం, వుండరు అని నమ్ముతాం కనక ప్రమాదం లేదు.

వుండకూడదు అంటే కాఫీత్వ కాస్తా కా’ఫత్వా’ ఐపోగల్దు. కాఫీ విషయంలో కాంప్రమైజులు పనికిరావు. సో, కా‘ఫత్వా’ ఫీత్వ ఎలోన్ ఈజ్ రైట్!!

 

‘కాఫీ’త్వ


KAAFEETVA

ఈ పొద్దు, పవన్ కళ్యాణ్ యాదికి రాలే, రాల్ఫ్ వాల్డో ఎమర్సన్ అనేటి …..


————————————————————————————————————————————

చూసినవా? చికెన్ బ్రెయిన్ పనిజేసుడు షురూ అయిపాయె. ఇంగ నేను జెప్పెడిది ఎట్ల సమజయితదిరా భయ్ నీకు? నీలెక్క సోంచాయించబట్టి ఇప్పుడు మనుషులందర్ దేవుని పేరు మీదిడిపోయి సంపుడో! సచ్చుడో ! అనే లెక్క కొట్టుకుంటుండ్రు. ఆళ్ళల్ల నువ్వొక్కనివి తక్కువైనవ్. కోడిదేవుణ్ణి బెట్టుకుని కోడి మతం తయారు జేసేటోడివే.

————————————————————————————————————————————

ఈపోస్టులను సహనంతోని చదివేటోళ్ళందర్కి మొదల్లనే కృతజ్ఞతల్ జెప్పాల్నని డిసైడ్ జేసుకున్న, గిప్పుడు జెప్తున్న. థాంక్స్ జెప్పుడెందుకంటె మేడమూ / సారూ! వేరే ప్రాంతాలోళ్ళకు ఈ యాసర్ధం జేస్కొని సదువుడు కష్టమైతదిగద! ఐనగూడ ఎట్లనోగట్ల సదువుతున్నరని థాంక్సు జెప్తున్న. ఏమో, నేను రాసెడి తీరు ఎట్లున్నదో ఏందో నాకైతే తెల్వదుగద. నోటికొచ్చింది వాగుడు, చేతికొచ్చింది రాసుడు. ఈ పొద్దు నాకు మైండుల, రాల్ఫ్ వాల్డో ఎమర్సన్ అనేటి అమెరిక పెద్దమనిషి కనపడతుండు. కొద్దిగ ఆయన మాటలు జెప్పుకునేడిదుంది. ముందుగాల నాకైన ఓ ఎక్స్పీరియన్సు ఒకటి షేర్ జెయ్యాలె.

మూడు నాలుగు సమత్సరాల కిందటి మాట. ఒకనాటి రాత్రి పన్నెండుగంటలైతుండగ ఫోను మోగింది.  విజయవాడల నాతోని ఇంజనీరింగు జదివిన దోస్తొకడు మాట్లాడుతుండు అమెరికలుంటడు. మామూలిషయాలు మాట్లాడినంక, “భయ్! నీతొని ఒకిషయం జెప్పాలెనన్నడు.” “చెప్పుర భయ్!,” అని నేనుగుడ అనేసిన. “నీ పేరు జెప్పి ఒక పామును అడవిల ఇడిచిపెట్టొచ్చిన,” అన్నడు. నాకైతె ఏమర్దంగాలె. పామేంది, దాన్ని జూసి నా పేరు గుర్తొచ్చుడేంది అనుకున్న, గదే మాట వానినే అడిగిన. “భయ్! దిమాగ్ సరిగ పనిజేస్తలేదు. కొద్దిగ నువ్వెజెప్పరాదు? పామును జూసి నా పేరు జెప్పుడేంది,” అని అడిగిన. అప్పుడు నాకు యాద్ జేయించిండు. కాలేజి హాస్టల్లవుండెతప్పుడు ఆడ మాతో పాములు గూడ ఉండేటివి. రాతిరి టైముల వాకింగ్ జేస్తుంటే కప్పలను మింగనీకి దిరిగె పాములు కూడ మాతో వాకింగ్ జేస్తుండె. కాలేజి, హాస్టలు అన్నీ పొలాల మధ్యనుండె. ఒకనాడు వాకింగు టైముల బాట పక్కన కప్పను మింగుతున్న జెర్రి గొడ్డును జూస్తావుండగ నైటు వాచ్-మన్నొచ్చి కర్రతో ఫట్ట ఫట్ట గొట్టి పామును జంపిండు. కప్ప రక్తాలు కారుకుంట బత్కిపొయ్యింది. పాము కప్పను దిన్నట్టాయనా, ఎవర్నేంజేయ్యకుండ పోయేటిది. నా కంటబడనుగదా సారూ! దానికి సచ్చె సావొచ్చింది? నాకు మాత్రం బలే బాద. అప్పుడప్పుడే అడవులన్న, జంతువులన్న, పర్యావరనమన్న నాకు ఇంటరెస్టు ఎక్కువైతుండె. అప్పటి సంది ఎవడైన పాముల జంపనీకి పోతుండగ జూస్తే సాలు, కొంచెం లొల్లి జేసెటోన్ని. శబ్దమిన్న పాము ఆగుతాది? బర్ర బర్ర పాక్కొని పారిపోయి బతికేటివి. నా దోస్తులకు నా బిహేవియరు అస్సలు అర్ధం కాకుంకుంటుండె.  అప్పుడు నేను పర్యవరన, ప్రకృతి .. ఇట్లాంటిష్యాలపై క్లాసు పీకెటోన్ని. కొంతకాలానికి అర్ధమైందో ఏందో తెలవదు. ఇన్నేళ్ళయినంక ఈ రోజు ఫోన్ జేసి, “నువ్వప్పుడు జంతువులను రక్షించమనేటోడివి, ఈ రోజు మాఇంట్లకు పామొస్తే, నీ మాటలు యాదికొచ్చి దాన్ని చంపబుద్దెయ్యలే, కర్రతోని తోసుకుంటా మా శీనుగాని పేరుజెప్పి నిన్నొదిలి పెడతన్నా అని ఇంటి బయట అడవిలెక్కున్న చెట్లల్ల వదిలేసిన,” అన్నడు. సారూ/మేడమూ ! ఆ రోజు నాకెంత సంతోషమయిందంటే … ఈ వాక్యం పూర్తి జెయ్యనీకి రావటంలే.. అంత సంతోషమన్నట్టు. గిదంత ఎందుకు చెప్పిన్నంటే, ఇందనక మెన్షన్ జేసిన గద, రాల్ఫ్ వాల్డో ఎమర్సన్, ఆయనేమన్నడంటే –  “To know even one life has breathed easier because you have lived. This is to have succeeded,”   అన్నడు. నా దోస్తుజేసిన పనికి అసుంటి సక్సెస్ ల చిన్న నలకంత భాగం నాగ్గూడ దక్కిందిగద? ఈ ఎమర్సన్ సారు 1845లనే భగవద్గీత చదివిండంట. ఈయన రాసిన రాతలు సదివెటోళ్లకు ఆయన అద్వైతసిద్దాంతం నమ్ముతడా అన్నట్టుండెనంట. ఈ కిందున్నది ఎమర్సన్ సారు కొటేషనే! సూడున్రి –

We live in succession, in division, in parts, in particles. Meantime within man is the soul of the whole; the wise silence; the universal beauty, to which every part and particle is equally related, the eternal ONE. And this deep power in which we exist and whose beatitude is all accessible to us, is not only self-sufficing and perfect in every hour, but the act of seeing and the thing seen, the seer and the spectacle, the subject and the object, are one. We see the world piece by piece, as the sun, the moon, the animal, the tree; but the whole, of which these are shining parts, is the soul. 

అమెరికన్ల జీవనిదానంల భారతీయ విలువలుగాని కనపడినయంటే (నిజంగనే వున్నయంట), అది ఎమర్సన్ సారు సలవేనంట. మాజీ డీజీపి అరవిందరావు సారు చెప్తుంటిన్న. ఇది కొంచెం రాయనీకే కష్టమైంది ఇంక ఆపుత! ఇగ, కోడి మేక సంవాదంల మూడో బాగం సూడున్రి – kodi meka 03

పార్ట్ 2 > “మోడీ సారు, అమితాబ్బచ్చన్ వెజ్జు ఫుడ్డే తింటరంట; సెహ్వాగ్, పవన్ కళ్యాణులు గుడ వెజిటేరియన్సని …..” ఈడున్నది >> http://wp.me/p2uFNm-fm

పార్ట్ 1 > “రిచర్డ్ గెరె, హాలీవుడ్ల హీరో యేషాలేసేటోడు, ఇట్లన్నడు….” ఈడున్నది >> http://wp.me/p2uFNm-fd

స’శేషం’

మోడీ సారు, అమితాబ్బచ్చన్ వెజ్జు ఫుడ్డే తింటరంట; సెహ్వాగ్, పవన్ కళ్యాణులు గుడ వెజిటేరియన్సని ఇన్న,


———————————————————————————————————————————-

 “గుడికాడ పంతులుగారు కత జెప్తుండె, అప్పుడిన్నా!పెపంచమంత కలిపి బ్రమ్మాండం అంటరంట, అండమంటే గుడ్డేగదన్న?

 అవ్ రా భయ్! నేను గూడ ఆణ్ణే ఇన్న!

 కోడిగుడ్డుకెల్లొచ్చే పిల్లల్ను కోళ్ళు దినవ్, మేక పిల్లల్ను మేకల్ దినవ్. మరి మనందరం బ్రమ్మగుడ్డుకెల్లొచ్చే పిల్లలమైతే కొన్ని పిల్లలు వేరే పిల్లల్ను ఎందుకుదింటున్నయో?”

 ———————————————————————————————————————————-

మోడీ సారు, అమితాబ్బచ్చన్ వెజ్జు ఫుడ్డే తింటరంట; సెహ్వాగ్, పవన్ కళ్యాణులు గుడ వెజిటేరియన్సని ఇన్న, కరీన కపూరు, షహీద్ కపూరు, జాన్ అబ్రహం,… శాకాహారమే ప్రిఫర్ జేస్తరంట. కుస్తీలుబట్టే సుశీల్ కుమారు గుడా కూరగాయలే దింటడంట. ఎవురూగుడ మొదట్నుండే వెజ్జోళ్ళు కాదు. ఐనగాని వెజ్ లోనికి మారిపోయిన్రు. అందరొకే లెక్క జంతువుల కొరకే వెజిటేరియన్సయిపోయిన్రని అననుగాని కావాల్నంటే నాన్-వెజ్ మానడం వీజినే, వారానికొక్కసారైన పర్లే,

మనిషులల్ల కొందరు జిందగికి ఏదోక మీనింగుండాలె, దాని ప్రకారమే బతకాలె అనుకుంటుంటరు. గదేమంత చెప్పినంత వీజికాదుగానీ గట్ల బతకనీకి ట్రై జేసుడుల ఏదో మజా ఉంటదనుకుంట. గందుకే కద పెద్దపెద్ద లీడర్లందరు ఏదోకటి స్పెషల్ పని జేస్తుంటరు! గాంధిగానీండ్రి, నెహ్రుగానీండ్రి, లింకన్, మండేలసుంటోళ్ళు గానీండ్రి ఆళ్ళు జెప్పేటి మాటలల్ల ఏదో గమ్మత్తైన పాయింటుంటది. గమ్మత్తని ఎందుకన్ననో సమజయ్యిందా? ఆళ్ళీడ లేకున్న గూడ పెపంచమంత ఇప్పటిగ్గూడ ఆళ్ళను తలుస్తుంటది. గది తిట్టనీకి గావచ్చు, మెచ్చుకోనీగ్గూడ గావచ్చు. మాటల్ల గమ్మత్తుంటెనే మనుషుల్ ఎక్కువ దినాలు యాదికుంటరు. లేకుంటె ఒక్క రోజుల మరుపుకొస్తరు. ఇప్పుడు జూడరాదు, జనాల యాదిల వుండేదానికి సినిమలోళ్ళు, లీడర్లు, మతాలోళ్ళు .. ఇష్టమొచ్చిన తీరుగ పిచ్చి స్టేట్మెంట్లిస్తుంటరుగద, గట్లన్నట్టు.

పార్ట్ 1 > “రిచర్డ్ గెరె, హాలీవుడ్ల హీరో యేషాలేసేటోడు, ఇట్లన్నడు …” ఈడున్నది – (http://wp.me/p2uFNm-fd

థామస్ అల్వ ఎడిసన్ ఎరికనే గద? ఆయన్నే, లైటుబల్బు తయారుజేసిన పెద్దమనిషి, గాయనేమన్నడు?  “Non-violence leads to the highest ethics, which is the goal of all evolution. Until we stop harming ALL other living beings, we are still savages,” అంట. గిట్లెందుకన్నడాని తెగ సొంచాయించిన. హింస మొత్తం మానేయాల్నంటడు. అదెట్లన్నదే నాకెరికవ్వలే. ఎందుకంటే కూరగాయలను, గింజలను, దుంపలను తినుడు మాత్రం హింస కాదానండి? మొక్కలకు ప్రానమున్నాదని యేనాడో తేలిపాయె గద. గసుంటప్పుడు వెజ్ ఫుడ్డు దినేటోళ్ళు గూడ హింస జేస్తున్నట్టుగాదు? గా హింస మానేదెట్లననే నా డౌటు. ఏం దినకుంటే అందరొకేసారి సస్తరుగదండి! ఐతే, ఒక పెద్ద పంతులుగారిట్ల జెప్పిండు – “బతకాల్నంటే ఏదోకటి దినక తప్పదురా బిడ్డ! మామూలు మనుషులకు సరైన తిండిదినక తప్పదు. అడవుల్ల తపస్సు జేసేటోళ్ళు పండిన ఆకులు, రాలిన పండ్లు తిని గడిపేటోళ్ళు గానీ తెల్లారి లేచినకాణ్ణుండి కష్టంజెయ్యాల్సినోళ్లకు బలానికి తినాలె. తినకుంటే నీలోని జీవుని హింసించినట్టుగాదుర? ఒక్క పాయింటు యాదుంచుకో మళ్ళ. ఏందిన్న సరే నీకు ఆకలి తీరంగనే తినుడు ఆపెయ్యాల. అవసరంలేకున్నగూడ తిన్నవంటే, రుచి కొరకు దిన్నవంటే అది మన్నైన సరే వయొలెన్సు కిందనే లెక్కయితది.” ఇల్ల పాయింటు కనబడతనేవుండె. నువ్వు కూరగాయలు దిన్నవా? మాంసం దిన్నవా అన్నదిగాదు ఇంపార్టెంటు. ఎంత దిన్నవ్? ఎన్నిసార్లు దిన్నవ్? ఎందుకొరకు దిన్నవ్? అదీ పాయింటు. మాంసం దినటం తప్పు అనేటోళ్ళున్నరు. ఐతే ఎడారుల్ల, మంచుదేశాలల్ల వుండేటోళ్లకు కూరగాయలేడ దొర్కుతయ్? సైన్యంల పనిజేసే సైనికులు పప్పన్నందిని యుద్ధాల్ జేయగల్తరా? ఆళ్ళందరుగూడ మాంసం దినాలె. ఈడ లాజిక్కేందంటే సైన్యంనుండి బైటకొచ్చినంక మాంసం మానేయాలె. లేదా తక్కువదినాలె. గట్లనే ఆఫీసులల్ల పనిజేసేటోళ్లకు రోజు మాంసందినాల్సిన పనేముంది? ఆ ఇదంగ బాలెన్సు జేసుకోవాలె. టేస్టు కొరకు గాకుండ అవసరం కొరకు ఫుడ్డుదినాలె. అందుకెగద పూర్వం పండుగలప్పుడే పిండివంటలు జేసుకునేది. ఇప్పుడైతే రోజూ పిండివంటలు, బిర్యానీలేనాయె!ఇట్ల జూస్తె ఎడిసన్ సారు జెప్పింది అరవై, డెబ్భై శాతం వరకు చెయగల్తమని నమ్ముతున్న. ఎడిసన్ జెప్పినట్టు ఎందుకు చెయ్యాలె?  అనిగాని అడిగితిరా ఒకటే జవాబు.  బూమ్మీదున్న అన్ని జీవులుగూడా దేవుని దృష్టిల సమానమే, ఆ లెక్కన జీవులన్నీగూడ అన్నదమ్ముల్లెక్క. అంతలెక్క అర్ధమయ్యేవరకి మనుషుల ఇవల్యూషన్ అవ్వనీకి ఆస్కారమున్నదని ఎడిసన్ సారు అంటున్నట్టు. ఈ రోజుకీడతో ఆపుత సారు / మేడం , ఉండున్రుండున్రి, ముందు మేడం, తర్వాతనే సారు! గిప్పుడు మన కోడి, మేక డిస్కషనినండి –

kodi meka 02

 

స’శేషం’

రిచర్డ్ గెరె, హాలీవుడ్ల హీరో యేషాలేసేటోడు, ఇట్లన్నడు – “As custodians of the planet………”


ఈ పోస్టు రాయల్నా వద్దాని చానా దినాల సంది సొంచాయిస్తుంటి. కారనాలు చెప్పాల్నంటే  – ఇది మతాలకి సంబందించిన ఇష్యమని మతాలోళ్ళు, నాన్-వెజ్ తినేటోళ్ళను ఇమర్సించుడని నాన్-వెజ్జోళ్ళు మనోబావాల్ దెబ్బతిని బాదపడి నన్నుగూడ బాదపెడతరో ఏందోననే గీ సొంచాయించుడంత. గానీ మహాబారతంల జదివిన – మనిషి ఐదురకాల యజ్ఞాల్ జేయాల్నంట – బ్రహ్మ, దేవ, పితృ, మనుష్య, భూత యజ్ఞాలంట. భూతమంటే దెయ్యాలు, భూతాలుగాదు పక్షులు, జంతువులన్నట్టు. తతిమ్మ యజ్ఞాల సంగతేమోగానీ చివరిది, గదే భూతయజ్ఞమంటే సచ్చెటంతిష్టం నాకు. ఇట్ల బ్లాగులల్ల జంతువుల, పక్షుల సంగతులు రాసుడు గూడ భూతయజ్ఞం లెక్కనే అని ఎవుడో జెప్తుంటిన్న! తెలంగాణయాసలెందుకుర ఈ రాసుడంటరా? నాలుగు నుండి పది వరకి నల్లగొండ డిస్టిక్కుల సదివిన. తెలంగాణ యాసన్న, జొన్నరొట్టెలన్న, పొన్నగంటి కూరన్నఇప్పటిగ్గూడ తెగిష్టం. అయన్నీ మిస్సయితున్న. అందుకె మూడు సరదాలు ఒక్కటేసారి ఈ తీరుగ తీర్చుకోవాల్ననుకున్న. గిప్పుడు సదివేటోళ్లకు నేఁజెప్పెడిది – మీ నమ్మకాల్ను, మీరుదినే ఫుడ్డును కించపర్చనీకిగాని, మార్చనీకిగానీ గిది రాయట్లే. సదువుతాబోతె గదే సంజైతది. జంతువులన్నిటిగ్గూడ – అడవుల్లుండేటివి, ఆహారమిచ్చేటివి, ఆహారమయ్యేటివి, మనం పెంచుకునేటివి – అన్నింటిగ్గూడ మనం డిగ్నిటీ ఇవ్వాలె. యానిమల్సుకు గిప్పుడది దొరుకుతలేదు. రిచర్డ్ గెరె అని హాలీవుడ్ల హీరో యేషాలేసేటోడు ఇట్లంటుండు – “As custodians of the planet it is our responsibility to deal with all species with kindness, love, and compassion. That these animals suffer through human cruelty is beyond understanding. Please help to stop this madness.” ఫాక్టు జెప్పాల్నంటే మనదేశంల కన్న మాంసం ఎక్కువ దినే ఇతర దేశాలల్ల జంతువులకు, పక్షులకు కొంచెం మంచిగనే ట్రీట్ జేస్తున్రు. థాయిలాండ్ ల, మలేషియాల జూసిన! కోళ్ళను, బాతులను, పందులను ట్రాన్సుపోర్టు జేసేదానికి వాడే ట్రక్కులల్ల వానికి మంచిగుండేలాగ ఎరెంజిమెంట్లు బాగనేజేస్తున్రు. ఇంక అగ్రదేశాలిష్యం చెప్పెడిదేముంది? ఆడుండే రిచర్డు గెరెనే ఇట్ల మాట్లాడుతుండంటే మనదగ్గర సంగతి ఎట్లుండొచ్చు సారు? చిన్నప్పుడు సూసేటోన్ని, బండి లాగే ఎద్దులకు మెడ మీద కాడి బెడతరు గద! ఆడ పుండయితది. దానికి మందెయ్యరు, మాకెయ్యరు. ఎద్దు పుండు కాకికి ముద్దని మనకు సామెతగూడున్నది గద. చూడను మనకు బాదయితదిగాని బండోళ్లకు మాత్రం యే ఫీలింగుండదు. కర్రపెట్టి ఫట్టఫట కొడుతుంటరు.  మొదటిసారి ముంబై, గప్పుడు బొంబై, పొయినపుడు ఒకనాడు రాత్రిపూట బాల్కనీలనుండి సూస్తావుంటె ఒక లారీల బక్కచిక్కిన ఎద్దులను తీసుకుపోతుండ్రు. ఆయన్నీ కబేళకు పోతున్నయని మా కజిన్ చెప్పిండు. ఎంత బాదయ్యెనంటే ఈ రోజుగ్గూడ గామూగజీవాల ముకాల్లొనున్న దైన్యం గదేతీరుగ కన్పడతది మనసుల. మహారాష్ట్రోళ్ళు బీఫ్ బాన్ జేసిన్రు గద, గా బాన్ సరింగ పంజెయ్యాల్నని అందరుగుడ కోరుకోవాలె. ఎందుకనంటరా? లిక్కర్ బాన్ జూసినంగద, గది బాన్ జేయగనే స్మగ్లింగ్ ఎక్కువైతది, దొంగసార బట్టీలు ఎక్కువైతయ్, జనాలు స్టేటు దాటుకొనిబోయి తాగోచ్చేటోళ్ళు. గదే సీను గిప్పుడు గుడ రిపీటవ్వదని గ్యారెంటేంలేదుగద! గవర్మెంట్లు గా దిక్కునుండి గూడ జూసి పకడ్బందిగ అమల్జెయ్యాలె.

సింహాలకు, పులులకు గూడ సర్కసులల్ల, మొబైల్ జూలల్ల మెడ తిప్పనీకిరాని బోనులల్ల పెట్టేటోళ్ళు. మేనక గాంధొచ్చినంక సర్కసులు, మొబైల్ జూలు బాన్ జేసింది. నిజాన్కి సారూ, మనదేశంల జీవాలకిచ్చినిలువ ఇంకేడ ఇవ్వకుంటుండెనంట. రామాయణంల, మహాబారతంల అందికి ఆధారాలు గూడున్నయ్. తర్వాతెప్పుడైన చెప్త. ఇయన్నీ మాకు చెప్తుండేంది మేమేమన్న సంపుతన్నమా, బోన్లల్ల బెడుతన్నమా అనుకుంటున్రా సారూ, మీరు గాపన్లుజెయ్యకున్నా చేసేటోల్లను మీరు సంజాయించగల్తరు. మీరు చికెనో, మటనో కొననీకి బోయినపుడు ఆడ కండిషన్లు ఎట్లున్నయో జర జూడున్రి. సరింగ లేనక్కడ కొనకుండ్రి. గది సాలు.  నా సంగతి సర్లెండిగాని మొన్నొక కోడి , మేక ఆళ్ళ మనోబావాలు చెప్పుకుంటుండగ రికార్డు జేసిన, కొంచెం కొంచెం నా సోదితో గలిపి ఈడనే ఇనిపిస్త, ఇనుండ్రి –

kodi meka 01

స’శేషం’