Tag: నో.వా.చే.రా

కాఫీత్వ37 – మేం తెలుగు నేర్చుకునేది టీవీ యాంకర్ల దగ్గర. వాళ్ళు ప్రస్తుతం సంస్కృతం మాట్లాడట్లేదు. మోడీగారు వచ్చే ఎలక్షన్స్‌లో మళ్ళీ ప్రధాని అయ్యాక….


పాలకడలిలోంచి నాలుగూ చెంచాల పాలు తీసుకుని మనసులో మరుగుతున్న ఆలోచనల డికాక్షన్‌లో వేసి ప్రపంచంతో ఎటాచ్‌మెంట్ అనే పంచదార వేసి అసంతృప్తి చెంచాతో కలుపుతున్నాను. భారతమాతాకి జై అంటే దేశానికి లాభం ఏంటి? జై హింద్ అనే అంటే నష్టం ఏంటి? ఎంత శాతం? అనే విషయం తీవ్రంగా ఆలోచిస్తూ… స్వామివారు ప్రత్యక్షమయ్యారు. కూర్మావతార రూపంలో.

అదేంటి స్వామీ ఇవాళీ రూపంలో వచ్చారు?

ఇప్పుడు నీ మనసులోనూ ఏదో మేధోమధనం జరుగుతోంది, సమయానుకూలంగా ఉంటుందని.  ఈ ఉభయచర రూపం ధరించింది సాగరమధన కాలంలోనే కదా!

థాంక్స్, స్వామీ ! అసలు క్షీరసాగర మధనం ఎందుకు జరిగిందదంటారు? ముప్ఫైఏడోకప్పు కాఫీ సిప్పుతూ స్వామివారిని గూగులించాను.

ఎందుకేవిటి నీ మొహం? ఆ మధనం జరక్కపోతే కామధేనువు, కల్పవృక్షము, దేవతలక్కావాల్సిన ఐరావతం, ఉచ్చైశ్రవం, అమృతం వగైరా ఎలావచ్చేవి?అంతవరకూ ఎందుకు, నాకు మా ఆవిడ దక్కేదా?

నా ఉద్దేశం, మధనం చెయ్యాలనే ఐడియా ఎందుకొచ్చిందీ అని?

ఆన్సరు మధనంలో ఉన్న ధనమే. అమృతం, హలాహలం తప్ప మిగిలినవన్నీ కోరికలు తీర్చేవి, సుఖాలనిచ్చేవీ. చివరికి అమ్మవార్ని కూడా మీరు ధనలక్ష్మిగానే కొలుస్తున్నారు తప్ప గుణలక్ష్మిగా కాదు కదా. సాగరమధనానికి బోల్డు మంచి మంచి అర్ధాలున్నాయి కానీ…

“ధనమార్జయ కాకుత్స్థ ధనమూలమిదం జగత్” అని మీకు రామావతారంలో విశ్వామిత్రుడు చెప్పినట్టు విన్నాను. అలాంటిది మీరే ఇలా అంటే ఎలా స్వామీ?

రైటే కానీ ఆ వాక్యాన్ని ఎలా పాటించానో కూడా రామాయణంలో వుందిగా? అదీ చెప్పు.

అవున్లెండి, పువ్వులోంచి తేనెటీగ మకరందాన్ని ఎంత సున్నితంగా తీసుకుంటుందో అంత ఇదిగా రాములవారు ప్రజల నుంచి టాక్సులు వసూలు చేసేవారని విన్నాం.

కదా? మరిప్పుడు?

Link : నేనెక్కడున్నాను, ఎలా వచ్చాను, ఎక్కడికిపోతానులాంటి ప్రశ్న నాబుర్రలో మెదిలే ప్రశ్నేలేదు

మనిషి తలపులు, మాటలు, చేతలని ఎంతో కొంత ఉన్నతస్థాయికి చేర్చడానికి మార్గాలైన చదువులు, కళలు; రోగాలనుంచి కాపాడి, ప్రాణదానం చేసి అన్ని జన్మల్లో దుర్లభం అనబడే మానవజన్మని పొడిగించగల శాస్త్రం, సేవ ఐన వైద్యం; శారీరక, మానసిక ఆరోగ్యాలని మన కంట్రోల్లో ఉంచే ఒక అభ్యాసం, యోగా; సృష్టికి అతీతంగావుండి సృష్టిని నడిపించే అదృశ్య ఆదిశక్తితో, అదే మీతో, మమ్మల్ని అనుసంధానించే భావం, అంటే భక్తీ; ప్రక్రియ, అంటే  పూజ, పునస్కారం; కేద్రం, అంటే గుడి, ఆశ్రమం; పనిపాటల్లో పడి అలిసిపోయిన మనిషికి ఉల్లాసం ఉత్తేజం కలిగించి తిరిగి రొటీన్‌లో పడడానికి అత్యవసరమైన కార్యక్రమాలు అంటే వినోదం – ఇవన్నీ కమర్షియలైజ్ ఐపోయాయి స్వామీ. పైగా డబ్బులు పెట్టినా వీటిలో ఏ ఒక్కటీ స్వచ్చంగా, కల్తీలేకుండా దొరికే పరిస్థితి లేదు. అన్నిటికీ పాపులారిటీ విపరీతంగా పెరిగిపోయినా సమాజంలో మంచిమనుషులు కాకుండా మరబొమ్మల, కోరికల యంత్రాల, యూజ్&త్రో టైపు జీవితాల పర్సంటేజి పెరుగుతూ పోతోంది. ఎందుచేత?

అవ్వదా మరి? మధనం అంటే మననం. చింతనం. ఫిలాసఫీ. అదేదో మీకు బాగా అర్ధం అవ్వాలని, అలవాటవ్వాలని చక్కటి కధలా చెప్తే ధనం ఒక్కదాన్నే పట్టుకున్నారు.

మేము పట్టుకోవడం ఏమిటి స్వామీ? మీరిప్పుడు చెప్పిన చదువులు, వైద్యం, వగైరాలకి వాడిన సంస్కృతపదాలని చూడండి – చదువు = బో”ధన”; యోగాభ్యాసం =సా”ధన”; పూజాపునస్కారం = ఆరా”ధన” ; గుళ్ళు = ప్రార్ధన = ప్రార్”ధన”; ఆశ్రమాలు= ధనం కోసం సాగదీసి చేసే యాగీ = ధ్యాన (= ధ+యా……+న). ఏమనుకోకండి స్వామీ ఘటోత్కచులవారి మాయాబజార్ గ్రామర్ వాడాను. మాకు వినోదం అంటే  బ్రెయిన్ బీరువాలో దాచేసి చూడాల్సిన సినిమాలు, సీరియళ్ళు తప్ప  బ్రెయిన్ వాడాల్సిన ఎంటర్‌టైన్మెంట్లేమీ లేవు కదా స్వామీ! సినిమాలకి కొత్త కధల కంటే పాతకధల్నే కొత్తగా చెప్పే క”ధనం” ముఖ్యం. లేకపోతే డబ్బులు రాలవు. బ్రెయిన్ బీరువాలో దాచేసాకే సినిమాలు చూడ్డం జనాలకి ఒక ఆచారంగా  అలవాటైపోయింది.

వైద్యం సంగతేంజేశావ్?

పాల సముద్రంలోంచి వచ్చిన మొట్టమొదటి డాక్టర్‌గారు, ధన్వంతరిగారి పేరులోనే వుంది డబ్బుకీ, వైద్యానికీగల  విడదీయరాని బంధం.   మా డాక్టర్లకి అందులో  ధనం ధ్వనిస్తుంది, కనిపిస్తుంది. సంధులు విడదీసేది అలాకాదని చెప్పకండి. మేం తెలుగు నేర్చుకునేది బడిలో కాదు, టీవీ యాంకర్ల దగ్గర. వాళ్ళు సంస్కృతం మాట్లాడట్లేదు. మోడీగారు వచ్చే ఎలక్షన్స్‌లో మళ్ళీ ప్రధాని అయ్యాక ఆ సరదాకూడా తీరిపోతుందనుకోండీ, అది వేరే విషయం.

అవున్లే ఇందులో కాస్త పాయింట్ ఉన్నట్టే కనిపిస్తోంది. కాన్షస్‌‌గానో, సబ్‌కాన్షస్‌గానో, అన్‌కాన్షస్‌గానో మీరంతా క్షీరసాగర మధనంలోని కమర్షియల్ ఫిలాసఫీ ఫాలో అయిపోతున్నారు. మళ్ళీ  ఒకచుక్క కాఫీ సేవిస్తే గానీ ఈ సమస్యకి పరిష్కారం వెదకుట సాధ్యము కాదు అంటూ మందరగిరిధారి వైకుంఠం కిచెన్‌‌వైపు దారి తీశారు. నేనూ నా కాఫీ ఫిల్టర్ వైపుకు అడుగు వేసాను.  

బై4నౌ _/\_ 🙂    

స”శేషం”

Link :కార్బైడుపొగకన్న హాలాహలము మిన్న వదిలెయ్యరా నన్ను నా మానవా!!!
Link : …love for Nature, Beauty, Truth, Freedom and the underlying Oneness of all beings (YVR’s అం’తరంగం’)

“మన్మధుడు” నాగార్జున డిక్షన్ లో రోజులో ఎనిమిది గంటలు ఎలా ప్లాన్ చెయ్యాలో తెలీదుగానీ పెళ్ళిళ్ళు చేసుకుని పిల్లల్ని కనేసి వాళ్ళ జీవితాలు తీర్చిదిద్దేస్తారు


రోజులో ఎనిమిది గంటలు ఎలా ప్లాన్ చెయ్యాలో తెలీదుగానీ పెళ్ళిళ్ళు చేసుకుని పిల్లల్ని కనేసి వాళ్ళ జీవితాలు తీర్చిదిద్దేస్తారు – ఈ మాటలు నాగార్జున డిక్షన్ లో వెరైటీగా వుంటాయి. చాలామందికి సరిగ్గా ఈ డైలాగు లేకపోతే సందర్భాన్ని బట్టీ ఇలాంటిదే ఇంకోటి ఎవరో ఒకళ్ళ మీద వెయ్యాల్సిన అవసరం వస్తూ వుంటుంది. బైటికి అనలేక, అనే ధైర్యం ఉన్నా సరైన మాటలు పడక జనం కష్టపడుతున్న వైనం కనిపెట్టి త్రివిక్రమ్ శ్రీనివాసు “మన్మధుడు” నాగార్జునతోనే అనిపించిన డైలాగిది. పాపం లేడీ సెక్రటరీ మీద ఇలా విరుచుకుపడి ఆమె చేత కంటతడి పెట్టిస్తాడు. ఇంకాపైగా ఆడాళ్ళ ఏడుపన్నా అంబులెన్స్ సైరనన్నా నాకు మంట అని సెక్సిస్ట్ కామెంట్స్ చేస్తాడు. చివర్లో ప్లేటు ఫిరాయించేసినా నాగార్జున ఆ సినిమాతో మహిళాభిమానులకి మరీ దగ్గరైపోయాడు. అది వేరే విషయం. ఇప్పుడీ సుత్తి ఎందుకని ఓ ప్రశ్న చదువరి మదిలో ఈపాటికి మెదిలే వుంటుంది.
ఎందుకంటే –
పిల్లల్ని కనేసి జీవితాల్ని తీర్చిదిద్దెయ్యడం – అనే కాన్సెప్ట్ సందర్భానుసారం మార్చి ప్రజాప్రతినిధుల(ప్ర.ప్ర)కి (ఎంపీలు, ఎమ్మెల్యేలు, మంత్రులు గట్రా)
అన్వయించాల్సిన అవసరం, సమయం, సందర్భం అన్నీ కట్టకట్టుకు వచ్చేశాయని నాయకుల వ్యవహారాలు కోళ్ళై కూస్తున్నాయ్ మరి.
ఒక ప్ర.ప్ర. కొడుకు తన ఇంట్లోనే మరో మనిషిని పిస్టల్ తో కాల్చేశాడు (ట)
ఇంకొక ప్రస్తుత ప్ర.ప్ర. తనే పిస్టల్ తో కాల్చి ఇంకొకాయన్ని చంపినంత పని చేశాడు(ట)
మరొకాయన ఇంట్లో ఒక తల్లి గాస్ సిలిండర్లు పేల్చి పిల్లల్తో సహా ఆత్మహత్య చేసుకొనేంత నెగెటివ్ ఎట్మాస్ఫియర్ ఉన్నట్టు చెబుతున్నారు.
రేప్ చెయ్యడం తేలికేం కాదంటాడు ఒక ముఖ్యమంత్రి. అందులో ఎంత అనుభవం ఉన్నవాడో మరి. ఇంకాపైగా మగపిల్లలు అప్పుడప్పుడు అలా చేస్తారు చూసీచూడనట్టు వదిలెయ్యాలంటాడు.
మరో ముఖ్యమంత్రి గోమాంసం తినాలనుంది అంటూ “కుక్క కాటుకి చెప్పు దెబ్బ” స్టేట్ మెంట్ ఒకటి పడేస్తాడు. అసలే వెర్రెక్కుతున్న జనాన్ని ఇంకా వెర్రెక్కిస్తుందని తెలిసే అలా అంటున్నాడని తెలిసి కూడా వెర్రెక్కుతారు జనం. ఆ సంగతి తెలిసిన మరో నాయకుడు ఆ సీఎం తల తెగేస్తానని చెప్పు దెబ్బకి మళ్ళీ కుక్కకాటు వేస్తాడు.
భార్య గృహహింస కేసు పెడితే అజ్ఞాతంలోకి వెళ్ళిపోయి నానా రభసా చేసి చివరికి లొంగిపోయాడు ఒక ప్ర.ప్ర.
ఇంక నేరచరిత్రుల గురించి ఎంత చెప్పినా తక్కువే.
సొంత వ్యక్తిత్వాన్ని, పిల్లల్ని, కుటుంబాల్ని చక్కదిద్దుకోలేరుగానీ లీడర్లై పోయి ఎలక్షన్స్ గెలిచేసి దేశాన్ని ప్రజల్ని తీర్చిదిద్దేస్తారు – అని నాగార్జున డిక్షన్ లో తిట్టుకోవడం తప్ప ఏం చెయ్యగలం? ప్చ్! ఏం చెయ్యలేం.

(బై ద వే, అంటే పనిలో పనిగా, డిక్షన్ కి తెలుగు వాక్సరణి అని తెల్సింది. ఈ టపావల్ల ఏమైనా ఉపయోగం ఉందా అంటే ఇదొకటి వుంది 🙂 )

Click > బాపూరమణీయం@వైకుంఠం

బాపూరమణీయం@వైకుంఠం

హెల్త్ బుక్ ప్రింటింగ్ మిస్టేక్ = కళ్ళకింద కారీ బాగ్స్; మరి మంత్రాలబుక్కులో అచ్చు తప్పులు=?

ఈ మధ్య టీవీల్లో మంత్రోపదేశాలు, యంత్రతంత్రాల మీద పుస్తకాలు ఎక్కువైపోయాయి. దేవుణ్ణి ప్రత్యక్షం చేస్తామనే స్వామీజీల కెరీర్లు కూడా బాగా నడుస్తున్నాయి. ఓకే, కూటి విద్యలు కూటి కొరకే అని తెలుసుకదా! కూటి కొరకే అన్నది కోటి కొరకే అని అర్ధం చేసుకుని పాపం టీవీగురువులు, యంత్రతంత్ర గ్రంధాల రచయితలూ, దొంగస్వాములు వాళ్ళ శక్తి కొద్దీ సమాజానికి “సేవ” చేస్తున్నారు. వారి దేశభక్తిని, సేవాభావాన్ని మనం అర్ధం చేసుకోగలం. సేవ+అభావము = సేవాభావము అనగా సేవ లేమి = సేవ లేకపోవటం అనే అర్ధం తీసుకునే వాళ్ళని ఆ స్వామీజీలు ప్రత్యక్షం చేసుకున్న దేవుళ్ళు కూడా బాగు చెయ్యలేరు. నిజంగా వాళ్ళని, వాళ్ళ పుస్తకాల్ని, యంత్రతంత్రాలని, మంత్రోపదేశాల్ని నమ్మి ఫాలో ఐపోయే భక్తశిఖామణుల గురించే ఆలోచించాలి.
ఏ నాడు ఏ సందర్భంలో అన్నాడోగానీ మార్క్ ట్వైన్ Be careful about reading health books. You may die of a misprint అన్నాడు. బహుశః, అంటే Probably, చంటబ్బాయ్ లో శ్రీలక్ష్మి కనిపెట్టిన బంగాళదుంప భౌ భౌ లాంటి హెల్త్ ఫుడ్ బారినపడి ఉంటాడు. ఆయన లాజిక్కు ఈ యంత్రతంత్ర మంత్రోపదేశాలకి వర్తించదని గారంటీ ఏమన్నా వుందా? మంత్రోపదేశ గురువుల బాక్ గ్రౌండ్ ఏమిటో, ఏ అచ్చుతప్పుల గ్రంధాలు చదివి బట్టీపట్టి ఆ ఉపదేశాలు చేస్తున్నాడో ఎవరికి తెలుసు?
హెల్త్ బుక్ లో ప్రింటింగ్ మిస్టేక్ వల్ల చావు రాక పోయినా ఏ కన్నో లొట్టపోవచ్చు, మొహం పీక్కు పోవచ్చు, కళ్ళ కింద కారీ బాగ్స్ రావచ్చు. వచ్చినా అవన్నీ గ్రాఫిక్స్ లో ఎడిట్ చేసెయ్యొచ్చు. అదెలాగో దూకుడు సినిమా చూసినవాళ్లకి తెలుసు. వాళ్ళనడిగి తెలుసుకోవచ్చు.
మంత్రతంత్రాల్లో తెలీని తప్పులుంటే అవి ఫాలో అయిపోయినోళ్ళ గతి ఏమిటో? ఫాలో అయ్యి “పోవడమే” కావచ్చు! 😉

భూమి బల్ల పరుపుగా వుండును. గ్రహములన్నీ భూమి చుట్టూ తిరుగును. దేవుడు సమస్త ప్రపంచమును నాలుగువేల సంవత్సరాల క్రితం జస్ట్ వారం రోజుల్లో సృష్టించెను.


భూమి బల్ల పరుపుగా వుండును. గ్రహములన్నీ భూమి చుట్టూ తిరుగును. దేవుడు సమస్త ప్రపంచమును నాలుగువేల సంవత్సరాల క్రితం జస్ట్ వారం రోజుల్లో సృష్టించెను. పుష్కరాల్లో నదిలో మట్టి జల్లని వారిని కృత్య నాశనము చేయును. నదిలో కాలుష్యాలను కలుపు వారిని ఏమీ చేయదు. తన పేరు మీద యుద్ధములు, మతమార్పిళ్ళు, హత్యాకాండలు జరపమని దేవుడు కొన్ని మతములవారికి చెప్పెను. 

కిటికీలోంచి బద్ధకంగా డైనింగ్ టేబుల్ మీదకి ప్రసరిస్తూ, మామూలుగా కంటికి కనపడకుండా గాలిలో ఎగిరే ఏవేవో కణాలని వెలిగిస్తూ, ఒంటరి కిరణం. చుట్టూ నిశ్శబ్దం. దూరంగా వర్షపు నీటికాలవపై అందంగా, మందంగా ఎగురుతూ తెల్లటి కొంగలు. ఇంకొంచెం దూరంగా, కాలువ అవతలనుంచి అప్పుడే దినచర్య మొదలెట్టిన లకుముకిపిట్ట అరుపు.
ప్రపంచం మన్ని పట్టించుకునేంత మెలుకువలోకి రాలేదింకా.
జీవనసమరంలో దూకడానికి ఇంకా టైముండడంతో మనసూ, శరీరం ఆ కొంగల్లాగే మందగమనంలో వున్నాయి.
తళతళలాడే స్టీలుగ్లాసులో వెచ్చటి ఆవిర్లు చిమ్ముతూ ఫ్రెష్ ఫిల్టర్ కాఫీ. గ్లాసు అంచుల మీంచి పొంగిపొర్లబోతున్న అమృతంలా లేతబంగారు రంగు నురుగు. కాఫీ తాగేవాళ్ళకి కంపెనీ ఇవ్వడానికా అన్నట్టు చల్లచల్లగా మెల్లమెల్లగా తెల్లవారుఝామునే తయారయిపోయే పచ్చిగాలి. సంస్కారం నిండిన యవ్వనంలా కాఫీ పరిమళం కలిసిన పచ్చిగాలి.
అటు ప్రపంచం, ఇటు దేహం ఇంకా జాగృత్-స్వప్నావస్థల మధ్య ఎక్కడో వుండడంతో బుద్ధికీ, ఆత్మకీ కలిసి ఒక చుక్క కాఫీ తాగే సమయం దొరికింది.
(ఏకాంత దర్శనం అంటే ఇదేనేమో!)
“లార్డ్! నీకు నిన్నటి కాఫీ-థాట్ నచ్చితే, అదే మానవజాతి అమ్మమ్మమ్మ…….మ్మ లూసీ గురించి చెప్పుకున్నాం కదా, అదే టాపిక్ మీద ఇవాళ్టి థాట్ చెప్తాను,” వేడికాఫీ పెదాలని చురుక్కుమనిపిస్తుంటే అంది బుద్ధి. చిరునవ్వుతో తలూపింది ఆత్మ.

“డార్విన్ నేచురల్ సెలక్షన్ సిద్ధాంతం ప్రకారం మనిషి, కోతి అనే డిఫరెన్సుకి కారణమైన అంశాల్లో మంచి నాణ్యమైన, పుష్టికరమైన ఆహారం వీలైనంత ఎక్కువగా త్వరగా సంపాదించుకోవడం ఒకటట. వానరదశ నుంచి వాలరహితులైన నరులుగా పరిణామం చెందుతున్న మొదటిదశలో కొన్ని రకాల విషాలు (toxicants) కలిగిన మొక్కలని వదిలిపెట్టి నిరపాయకరమైన non-toxic ఆహారాల్ని ఎన్నుకునే నేర్పు, మర్నాడు తినడానికి తిండి దాచుకోవడంలాంటి అలవాట్లు ముఖ్యపాత్ర వహించాయిట. ఆ దశలో ఆ సెమీ-నరులు ఎంచుకున్న ఆహారాల్లో కాఫీ కూడా ఒకటి అనుకుంటే తప్పేంలేదని కొందరు శాస్త్రజ్ఞుల అభిప్రాయంట. సైంటిస్టులు ఎప్పుడూ ప్రూఫ్ దొరికే వరకూ ఇది ఫలానా అని ఖచ్చితంగా చెప్పెయ్యరు కదా. వాళ్లకి విశ్వాసం కంటే ఆధారం ముఖ్యం. వాళ్లకి లేని కన్వీనియెన్స్ నమ్మకం మీద ఆధారపడి బతికేసేవాళ్లకి వుంటుంది.

భూమి బల్ల పరుపుగా వుండును. గ్రహములన్నీ భూమి చుట్టూ తిరుగును.
దేవుడు సమస్త ప్రపంచమును నాలుగువేల సంవత్సరాల క్రితం ఒక వారం రోజుల్లో సృష్టించెను.
పుష్కరాల్లో నదిలో మట్టి జల్లని వారిని కృత్య నాశనము చేయును. నదిలో కాలుష్యాలను కలుపు వారిని ఏమీ చేయదు.
తన పేరు మీద యుద్ధములు, మతమార్పిళ్ళు, హత్యాకాండలు జరపమని దేవుడు కొన్ని మతములవారికి చెప్పెను.
ఇలా ఇన్ని నమ్మకాలు నడిచిపోతున్నప్పుడు కాఫీవల్లే కోతులు మనుషులయ్యాయి అని కాఫీమతస్తులు నమ్మడంలో తప్పేముంది. అందువల్ల అలా నమ్ముదాం. అన్నట్టు స్వామీ! ఈ మధ్యే తెల్సింది – ఎప్పుడో 1870లో మొదలైన ఫ్లాట్-ఎర్త్ సొసైటీ ఇప్పటికీ నడుస్తోందిట. 2014 నాటికి ఐదువందలమంది మెంబర్సుతో. పిచ్చోళ్ళు మనదేశంలోనే అనుకున్నా అన్నిచోట్లా వున్నారు స్వామీ! ”

“పిచ్చోళ్ళ గురించి నాకా నువ్వు చెప్పేది. నిన్న కాక మొన్న పుట్టావ్. ఇలాంటివాళ్ళని యుగయుగాలుగా భరిస్తున్నా. ఐనా ఎర్త్ ఫ్లాట్ గా వుందని గుడ్డిగా నమ్మి వాళ్ళ పని వాళ్ళు చూసుకుంటే ఎవరికేం బాధ? అది పట్టుకుని టెర్రరిజం చేస్తే అప్పుడు కదా సమస్య. నమ్మకాలు, విశ్వాసాలు ఇంటి వరకూ పరిమితం చేసుకోండిరా బాబూ! మీ నమ్మకాలవల్ల భూమ్మీద సుఖశాంతులు పెరిగితే అది సరైన నమ్మకం కానీ మూర్ఖత్వం పెరిగితే అది మీ మితిమీరిన అజ్ఞానానికే సంకేతం.”

“అవును స్వామీ. దేవుడు, అంటే నువ్వు అందరికీ ఒక్కడివే ఐనప్పుడు ఇన్ని మతాలూ, వాటికి మళ్ళీ ప్రత్యేకమైన దేవుళ్ళు ఇదంతా ఏమిటి, ఎందుకు స్వామీ?”
“అందరికీ నేను ఒక్కడినే అని నువ్వు నమ్ముతావా? ఎలా?”
“ఎలాగో నేను చెప్పలేను కానీ నాకలా అనిపిస్తుంది, అంతే.”
“ఎలాగంటే నీకు నేను నామాలు, శంఖుచక్రాలతో కనిపించట్లేదు కనక. సిలువ మీద కానీ, స్వర్గంలో సింహాసనం మీద కానీ కనిపించట్లేదు. ఆకారం లేకుండా, ప్రపంచంతో ఏ విధమైన సంబంధం లేకుండా ఉన్నట్టు కూడా అనిపించట్లేదు. గమనించావా?”
“ఆఁ! కరెక్టే స్వామీ!”
“అది శాస్త్రీయంగా కాఫీ తాగడంవల్ల కలిగిన ఎఫెక్టు. శాస్త్రీయం అనే మాట మర్చిపోకు. ఏ కాఫీ పడితే ఆ కాఫీ తాగితే ఏం లాభంలేదు. ఒక ఆర్కే నారాయణ్, తత్వవేత్త వోల్తేర్, మరో తత్వవేత్త సర్ జేమ్స్ మాకింటూష్ లాంటివాళ్ళు కాఫీని ఎలా, ఎంతలా ఆస్వాదించారో అలా ఆస్వాదిస్తేనే అది శాస్త్రీయమైన కాఫీపానం అనిపించుకుంటుంది.”
“స్వామీ! ఆ మహానుభావులు కాఫీ తాగిన విధం …”
“అది ముప్ఫైయ్యారో కప్పుతో చెప్పుకోవచ్చు కానీ ముందు నువ్వు ‘చూస్తున్న’ నా రూపం ఏంటో తేల్చు.”
“అదే స్వామీ! బాలన్సింగ్ పవర్ ఆఫ్ దిస్ యూనివర్స్. సత్వగుణం, శాంతగుణం, సమదర్శనం, స్థితప్రజ్ఞత.”
“ఇంకొంచెం బాగా చెప్పు”.
“అంటే, ఏ శక్తి –
గ్రహనక్షత్రాల్ని వాటి గతుల్లో నడిపిస్తుందో
నదులు సముద్రాలని వాటి స్థితిలో వుంచుతుందో
పుట్టిన ప్రతి నిస్సహాయ శిశువుకీ తల్లి అనే రక్షణ ఏర్పాటు చేసిందో
సంఘజీవనం ఏర్పడడానికి మూలం అయిందో
సంఘంలో ధర్మం, న్యాయం అనే భావనలకు కారణం అయిందో
వినాశకరశక్తులని విరగడ చేస్తుందో — ఇలా సృష్టిలో స్థితి అనేదాన్ని-అంటే Continuance, Preservation, Status quo – కలిగిస్తుందో ఆ శక్తివి నువ్వు. ఆ శక్తిగా విశ్వంలో వున్న ప్రతి ఎంటిటీలోనూ నువ్వుంటావు కదా. అన్నిట్లోనూ వుంటూనే అన్నిటికీ అతీతంగా వుండే ఆత్మ. నాకు క(అ)నిపిస్తున్న నువ్వు అదే అనుకుంటున్నా.”
“ఇంకా బాగా చెప్పొచ్చు కానీ ప్రస్తుతానికిది సరిపోతుంది. అదీకాక నీ ముప్ఫైఐదో కప్పు పూర్తి కావొచ్చింది కూడాను.”
“ఔను స్వామీ! నాకింకో కప్పు కాఫీ పడాలి. మీరు కాస్సేపు యోగనిద్రలో కునకాలి. ఈ మధ్య మాటిమాటికి మీ నిద్ర డిస్టర్బ్ చేస్తున్నాను.”
“ఏం ఫర్వాలేదు కానీ, కాఫీ కలుపుకురా. బై4నౌ.”

స’శేషం’

కాఫీత్వ33 – మత్స్యావతారం-DNA-జీవపరిణామం


“ఏమోయ్! కాఫీగత ప్రాణీ! కిందటి కాఫీత్వంలో సిరివెన్నెల శాస్త్రిగారి పాట ఎందుకు కోట్ చేసానో ఏమైనా ఆలోచించావా?,” ఆది దేవుడు, అభవుడు, సామవేదనాద వినోదుడు ఎదురుగా నిలబడి ఇలా అడిగితే మానవమాత్రుడైనవాడు తట్టుకోగలడా?
తప్పక తట్టుకోగలడు. తట్టుకోవాలి. ఆదిదేవుడు, అంటే ఆరిజిన్ ఆఫ్ దిస్ హోల్ క్రియేషన్, ఎదురుగా కనిపించినప్పుడు ఆయనతో సుబ్భరంగా మాట్లాడి అన్ని డౌట్లు తీర్చుకుని, మనం ఎలావుండాలని ఆయన అనుకుంటాడో అలా వుండడానికి ట్రై చెయ్యాలిగానీ మేనమామ చెవులో వెంట్రుకలు మొలిపించమనో, మోక్షం అంటే ఏంటో చిన్న క్లూ ఐనా లేకపోయినా సరే అదిచ్చెయ్యమనో అడిగిస్తే బావుంటుందా? అస్సలు బావుండదు. నొక్కి మరీ చెప్పాలంటే చా…లా…బాగోదు. (చాలా బాగోదు అను పదబంధమును-అనగా phraseను-ఉచ్ఛరించు విధానము సన్నాఫ్ సత్యమూర్తి చూసి అల్లు అర్జున్ ద్వారా నేర్చుకోవచ్చును. ఆయన ఈ విద్యను మంచు లక్ష్మీప్రసన్న వద్ద అభ్యసించెనని కొందరియభిప్రాయము) “మనం ఎలావుండాలని ఆయన అనుకుంటాడో అలా వుండడానికి ట్రై చెయ్యాలిగానీ”అన్నది ఎందుకంటే మనిషిపై దేవుడి ఎక్స్పెక్టేషన్ ఏంటో డైరెక్టుగా తెలుసుకునే వాళ్ళకన్నా వీళ్ళు వాళ్ళు చెప్పింది-ఇంక్లూడింగ్ టీవీ ధర్మసందేహాల్లో చెప్పేవి-వినేసి దేవుడికో కొబ్బరికాయ, అరటిపళ్ళు, అగరొత్తులు లంచం పెట్టేసి, దాంతో ఆయన సంతోషించి మేనమామల చెవుల్లో వెంట్రుకలు మొలిపించేస్తే బావుపడిపోదామనుకునే జనాభాయే ఎక్కువని ఆయా ఛానెళ్ళ టీఆర్పీ రేటింగులు తెలుపుచున్నవి. ఇదే విషయాన్ని పందొమ్మిదివందల డెబ్భైయ్యారులో వచ్చిన ముత్యాలముగ్గు సినిమాలో రావు గోపాలరావు అను కంట్రాక్టరు చేత ముళ్ళపూడి వెంకటరమణ గారు చెప్పించినా, వేలాదిమంది ఆ డైలాగును ఎంజాయ్ చేసినాకూడా ఈ నలభైయ్యేళ్ళలో పరిస్థితులు ఏమీ మారలేదని ఈ మధ్యనే వచ్చిన గోపాల గోపాల మరియు పీకే చిత్రములకు వచ్చిన జనాదరణ చెప్పు చున్నది. ఇలా స్వగతంలో మాట్లాడుకుంటూ కాఫీ కలుపుతున్నా. మళ్ళీ స్వామివారి రిమైండరు,”సిరివెన్నెల శాస్త్రిగారి పాట ఎందుకు కోట్ చేసానో ఏమైనా ఆలోచించావా?,” అని. “ఆలోచించాను స్వామీ! కానీ నేను చెప్పడంకన్నా విషయం నీ నోటివెంట వస్తే దానికుండే వెయిటేజీ వేరు,” అన్నాను. “మరి ఈ పూటకి కాఫీ థాట్ఏమిటీ? అదేదో విన్నాక అప్పుడు విధాత తలపున ప్రభవించినదేమిటో వివరంగా చెప్పుకుందాం,”- స్వామి ఉవాచ.
సరేనని తయారైన ముప్ఫై మూడో కప్పు కాఫీ స్వామివారికి నైవేద్యంపెట్టి ఆపైన ఒక సిప్పు సిప్పగానే కాఫీకప్పులోంచి థాట్-వేవ్స్ తల పైకప్పులోకి చేరాయి. ఇంతకీ కాఫీ-థాట్ ఏంటయ్యా అంటే –
మనందరికీ పూవులకీ, తేనెటీగలకీ మధ్యనున్న సంబధం తెలుసు. పువ్వులాంటి అమ్మాయి – తేనెటీగలాంటి అబ్బాయి మధ్యనుండే “జోరుగా హుషారుగా షికారు పోదమా..”టైపు పైత్యప్రవాహం గురించి కాదు, వాటి మధ్యనున్న సింబయోసిస్ గురించి. కొన్ని రకాల మొక్కలు తమ పువ్వుల్లో కాఫీలో వుండే కెఫీన్ లాంటి పదార్ధాన్ని మకరందంలో కలుపుతాయిట. ఒకసారి కేఫీనేటెడ్ మకరందం రుచి చూసిన తేనెటీగ మళ్ళీ మామూలు మకరందం జోలికి పోదుట. దీన్నిబట్టీ ఏం తెలుస్తోంది?
“మందార మకరంద మాధుర్యమున దేలు మధుపంబు వోవునే మదనములకు…” అనే పోతనగారి వాక్యాన్ని తిరగరాయాలనా? ఐ డోంట్ థింక్ సో, ఎందుకంటే మందార మకరందంలో కాఫీఫ్లేవర్ వుందో లేదో మనకి తెలీదు కనక. మనకి, దటీజ్ తెలుగుతేజాలకి, ఇలాంటి విషయాలు రీసెర్చి చేసి మరీ తెలుసుకునేంత రుచి, అభిరుచి, ఆసక్తి తక్కువ కనక. సో, పోతనగారి కాపీరైట్స్ కి కాఫీవల్ల ఎట్టి సమస్యా లేదు. అదలావుంచితే బేసిగ్గా తెలుస్తున్నదేంటంటే ప్రాణులు కాఫీగతప్రాణులుగా మారడం అనేది కేవలం మనుషులకే పరిమితం కాదు, కాఫీప్రియత్వం ప్రకృతిసిద్ధమైన జీవధర్మం అని. శాస్త్రజ్ఞులు కనుక్కున్న విషయమే కూడా. ఈ ప్రకృతిసహజ కాఫీప్రియత్వాన్ని జీవులన్నిట్లో పైకి కనిపించని, అంటే అవ్యక్తమైన – మళ్ళీ అంటే అన్-మానిఫెస్ట్ జ్ఞానకాంక్ష అని కాఫీత్వభాష్యం. మనిషి అదృష్టంకొద్దీ కాఫీని, తద్వారా కాఫీత్వాన్ని వంటబట్టించుకునే ఇవల్యూషనరీ అడ్వాంటేజ్ మనిషికి దక్కింది. ప్రతిరోజూ కనీసం రెండు గ్లాసుల సౌతిండియన్ ఫిల్టర్ కాఫీ శాస్త్రీయంగా సేవించి మైండు అనే రైలుని తాత్వికత, సైన్సు అనే రెండుపట్టాల మీద నడిపిస్తే మన ఇవల్యూషనరీ అడ్వాంటేజ్ సరిగ్గా పన్జేస్తుంది. లేకపోతే ఇప్పటి మన పొలిటీషియన్లు, మీడియా, సినిమాలు కలిసి మన ఇవల్యూషనరీ ఫార్ములాని అడ్డదిడ్డంగా కన్ఫ్యూజ్ చేసేసి మనిషిని గోరిల్లాకి, ఎలుగుబంటికి మధ్యరకంగా ఉండే జీవిగా మార్చెయ్యగలరు.

ఇలా కాఫీత్వం యొక్క సహజసిద్ధతను నాకు నేనే నిరూపించేసుకుని స్వామీ, కాఫీ-థాట్ పూర్తయింది ఇకమీరు శాస్త్రిగారి పాటకు మీ భాష్యం చెప్పవచ్చును అన్నాను.
నౌ, ఓవర్ టు శ్రీమహావిష్ణు –

శ్రీ అం’తరంగ’ మహావిష్ణు ఉవాచ –
“విధాత తలపున ప్రభవించినది అనాది జీవన వేదం
ప్రాణ నాడులకు స్పందన నొసగిన ఆది ప్రణవనాదం
కనుల కొలనులో ప్రతిబింబించిన విశ్వరూప విన్యాసం
ఎద కనుమలలో ప్రతిధ్వనించిన విరించి విపంచి గానం” ఈ సాకీలోని నాలుగు వాక్యాలు నాలుగు వేదాలు. ఆ నాలుగూ అర్ధం అయితే చతుర్వేదాలూ చదివినంత ఫలితం. మత్స్యావతారంలో నేను సముద్రం అడుగునుంచి బయటకి తెచ్చానని మీ పురాణాలు చెప్పే వేదాల నిజస్వరూపం ఈ నాలుగు వాక్యాల అర్ధమే. నువ్వనుకున్నట్టు వేదాలు తడిసిపోడం వగైరా ప్రమాదాలేవీ లేవు. సృష్టిలో మొట్టమొదటి జీవావిర్భావం జరగడానికి కారణమైన సృష్టికర్త సంకల్పానికి అనుగుణంగా అమినో ఆసిడ్స్ ఏకకణజీవిగా తయారై తన చుట్టూవున్న ప్రపంచాన్ని తెలుసుకుంటూ క్రమక్రమంగా పరిణామం చెంది భవిష్యత్తులో అనంతంగా సాగబోయే జీవపరిణామానికి అవసరమైన ఇచ్ఛా, జ్ఞాన, క్రియా శక్తులని DNAలోకి అప్-లోడ్ చెయ్యడమే
మత్స్యావతారం, ఐ మీన్ ఆ ప్రక్రియ అంతటికీ మత్స్యావతారం ఒక సింబల్.”
నోరు తెరిచి వింటున్నా.
“నాయనా! కప్పులో కాఫీ అడుక్కి చేరింది. ఇంతటితో ఈ ముప్ఫైమూడవ కాఫీత్వాన్ని చాలించి తిరిగి ముప్ఫైనాలుగో కప్పుకి కలుద్దాం, సీయూ,” అనేసి స్వామి అంతర్ధానమయ్యాడు.
ఓకే! నేనుకూడా స్వామి ఇచ్చిన వివరణతో కలిసి మైండులో ప్రవహిస్తున్న కాఫీని ఎంజాయ్ చెయ్యాలి. బై4నౌ. సీ యూ ఫర్ ద నెక్స్ట్ కప్ ఆఫ్ కాఫీ! 🙂 _/\\_

బాపూరమణీయం@వైకుంఠం

బాపూరమణీయం@వైకుంఠం

తెలుగువాణ్ణి కదా!ఇంగ్లీషులో చెప్తే బుర్రకెక్కింది /మీకు నేనక్కర్లేదు నా మేజిక్కులు,రాజకీయాలు,మూఢనమ్మకాలు ..


ఈ కప్పు కాఫీ స్వీకరించేముందు ఓ Coffee-Thought for the day :
కందసామి పిళ్ళైతో కలిసి కాఫీ హోటలుకెళ్ళిన మహాశివుడు, మహాశివుడనే మనిషి కాదు అచ్చంగా లార్డ్ శివ, మొదటిసారిగా భూలోకపు అమృతం కాఫీని రుచి చూసాడు. ఆయన ముఖంలో సోమరసం తాగిన అనుభూతికి ఇంచుమించు సరిసాటి అయిన ఫీలింగ్ చూస్తున్న కందసామితో, “కందసామీ! ఈ కాఫీ పరిమళంలో, రుచిలో నీకు నా లీల కనబడుతోందా?,” అన్నాడు. “స్వామీ! నీ లీల కాదు నాకు హోటలు వాడి లీల కనబడుతోంది, ఈ కాఫీలో చికరీ కలిపింది వాడే,” అన్నాడు కందసామి. “చికరీనా అదేమిటోయ్!?!,” భగవంతుడి క్వెరీ. “చికరీ పౌడరు దేవుడి అవతారాలమనీ, ఆయన పంపిన దూతల మనీ మోసంచేసేవాళ్ళలాంటిది. చూడ్డానికి కాఫీ పొడిలాగే వుంటుంది కానీ కాఫీ కాదు,” కందసామి ఎక్స్ప్లనేషన్. తమిళ రచయిత పుదుమైప్పితన్ (సి.విరుతాచలం) రాసిన ఒకానొక కధలోది(ట) ఈ నరనారాయణ సంభాషణ. (అదేం అచ్చు తప్పు కాదు, శివ=నారాయణ=బ్రహ్మ అనేది కాఫీత్వ విశ్వాసం, పేర్లు రాయడానికి చోటు చాలదు కానీ ప్రపంచంలో వున్న దేవుళ్ళ పేర్లన్నీ ఇక్కడ ఈజీకోల్టూ(=) పెట్టి రాసెయ్యాలి దేవుడు మనకి అర్ధమైతే. నాక్కొంచెమే అర్ధమయ్యాడు, కనక మూడు పేర్లే రాయడం జరిగింది)
ఇలా మనసులో కాఫీ- ఇన్స్పిరేషన్ అనగా కాఫీ స్ఫూర్తి నింపుకుని మొదటి సిప్ చేస్తూ కళ్ళు మూసుకున్నా.

ఇక్కడ క్లిక్కితే >> ఇప్పటి వరకూ కలిపిన కాఫీలన్నీ ఇక్కడ 🙂 ఒకసారే తాగెయ్యచ్చు!!

నాలుక మీద పడిన కాఫీ నరాల్లో చేరి అక్కణ్నుంచి మెడుల్లా ఆబ్లాంగేటా చేరుకునే క్షణంలోనే-
అన్నమాచార్యుడి కీర్తన “శ్రీమన్నారాయణ, శ్రీమన్నారాయణ…”లోని జ్ఞానం ఎమ్మెస్ సుబ్బులక్ష్మి గళంలోని భక్తిరసంలో మునిగి ఆ ఆర్ద్రతలో ఒదిగి
అక్కణ్నుంచి యూ ట్యూబులోకెళ్లి ఐ-ఫోన్ ద్వారా మన చెవుల్లో ప్రవేశిస్తే ఏమౌతుంది అనే ప్రశ్న ఎవరైనా ఎప్పుడైనా వేసుకునుంటే దానికి సమాధానం ఇలా వుంటుంది – 31st కప్పులో మళ్ళీ వస్తానన్న శ్రీమన్నారాయణుడు నిజంగానే వస్తాడు. వచ్చాడు.
జ్ఞానమయమైన భావతరంగాలు భక్తిమయ శబ్దతరంగాలుగా మారి చెవులకు సోకినప్పుడు కాఫీ(త్వ) తాగిన మనసులో అదే ఫ్రీక్వెన్సీలో అం’తరంగము’లు కదలును – ఏదో ఫిజిక్స్ లా లాగా వుంది కదా! వుంటుంది, ఎందుకంటే ప్రపంచమంతా తరంగాలనుంచే, అంటే వేవ్స్ నుంచే పుట్టింది. ఫిజిక్స్ లో ప్రస్తుతం స్ట్రింగ్ థియరీ మీద రీసెర్చ్ జరుగుతోంది. అది ఒక కొలిక్కొచ్చిందంటే తేలే విషయం అదే, జగత్తంతా అలల(Vibrations)మయం అని. ఆ అలలే శేషశాయికి పవళింపుసేవ చేసే పాలకడలి ఊ’యలలే’మో!! ఆ అలలకి పుట్టిల్లైన Epicenter(అధికేంద్రం)నే మనం శ్రీమహావిష్ణువు అంటున్నామేమో!! (అలా నాకెందుకనిపించిందో ఇక్కడ క్లిక్కినచో తెలియును >>

(1) ఐన్-స్టీన్ చూసిన ఆదిశేషుడే శంకరుని స్పేస్-టైమ్ కంటిన్యువమ్ !! ;

(2) దేవుడిపై ఓ ఫిజిసిస్ట్ అభిప్రాయం పై నా అభిప్రాయం ), ఆ స్ట్రింగ్ థియరీ ఎప్పటికి ఋజువౌతుందో మరి!! ఇలా అనుకుంటుంటే స్వామివారు ప్రత్యక్షమయ్యారు, ఇలా –

kaafee matsya
“అదేమిటి స్వామీ! ఇలా చేపరూపంలో వచ్చారు? నా కాఫ్యంతరంగం (కాఫీ+అంతరంగం=కాఫ్యంతరంగం, యణాదేశ సంధి – సంధి కరెక్టే వికిపీడియా
చూశాకే చెబుతున్నా! 😉 ) చేపల వాసన ….,” అనబోయి ఠక్కున ఆగిపోయా. స్వామివారు ఏమీ ఎరగనట్టే, “ఇందాకటి నీ కాఫీ-థాట్ వింటే అవతారాల మీద దైవాంశసంభూతుల మీదా నీకు చాలా డౌట్లున్నాయనిపించి ఇలా వచ్చా,” అన్నాడు.
“ఆ డౌట్లు అలా వుంచండి స్వామీ! మిమ్మల్నిలా చూసాక పెద్ద డౌటు తీరిపోయింది.
“ఏవిటది?”
“హరనాధ్ గా మీరు నటించిన ఎన్టీఆర్ సీతారామకల్యాణంలో ఒక్క పాటలో అన్ని అవతారాలు చూపించారు కదా, అప్పుడు చూడడమే మళ్ళీ చూళ్ళేదు.”
“ఇంతకీ నిజం అవతారం కూడా సినిమాలో ఉన్నట్టే వేసారనమాట!”
స్వామివారు చిరునవ్వుతో రెస్పాండ్ అయ్యారు.
“అందులో చేతుల్లో నాలుగు వేదాలు పట్టుకుని నీళ్ళలోంచి సగం చేప, సగం హరనాధ్ గా మీరొస్తుంటే ఆ వేదాలు తడిసిపోతాయని తెగ టెన్షన్ పడ్డాను.”
“పిచ్చివాడా! అప్పుడు కాయితాలెక్కడున్నాయిరా బాబూ?”
“తాళపత్రాలేమో!”
“నీ మొహం, అప్పటికి తాటిచెట్లు కూడా లేవురా మూర్ఖా! పలకా, బలపం; ఆదిమానవుల cave paintingsలాంటి టెక్నాలజీలు కూడా లేవు రాయడానికి.వేదాలు అపౌరుషేయాలు, అంటే పురుషకృతము కానివి, అనగా they are super-human; not of human but of divine origin.”
తెలుగువాణ్ణి కదా, ఇంగ్లీషులో చెప్పేసరికి కాస్త బుర్రకెక్కింది, ఐనా, “భాషయినా ఉండి వుండాలి కదా స్వామీ!, వాటిని శ్రుతులు అంటారు కదా,” అన్నా తెలివిగా. ఎలా తెలుసోగానీ శ్రుతులు అంటే విన్నవి అని తెలుసు.
“వినాలి అంటే చెవులు, భాష కావాలంటే నోరుండాలి. నేను సోమకాసురుడితో యుద్ధం చేసి వేదాలు బయటికి తెచ్చినప్పటి చెవులు, నోరూ అనేవి ఇప్పటి షేపులో లేవు.”
“చేపకి నోరుచెవులు లేకపోవడమేమిటి స్వామీ!?! మీ చేపావతారం గురించి నాకు తెలిసింది ఒకటి అసలు జరిగింది మరోటి అనిపిస్తోంది. కొంచెం అర్ధమయ్యేలా చెప్పరాదా?”
“ఏం చెప్పమంటావ్? మీ మనుషులకి నేనేం చెప్పినా దాన్ని చిలవలు పలవలు చేసి చివరకి ఏమీ అర్ధంకాని వాళ్ళలా ప్రవర్తిస్తారు. ఇప్పుడు నీకేమైనా విడమర్చి చెప్తే నువ్వెళ్ళి ఓ కొత్త కల్ట్ నో, మతాన్నో స్థాపిస్తావు. నీ చుట్టూ వందిమాగధులు, నీ పేరున ఆస్తులు, కాంట్రావర్సీలు… ఎందుకొచ్చింది? మీకు నేనక్కర్లేదు నా చుట్టూ అల్లుకున్న మేజిక్కులు, రాజకీయాలు, మూఢనమ్మకాలు … వీటి మీదే మీ ఇంట్రెస్టు. ఇప్పటికి మీకర్ధమైంది సరిగ్గా ఆచరిస్తే చాలు. కొత్త కధలు భాష్యాలేం అవసరం లేదు, ఓకే?”
“స్వామీ! ఒక్క కాఫీ తాగడం తప్ప ఇంకే ఆచారమూ, కాఫీ కిక్కు మీదున్న నమ్మకమూ, అది మైండు మీద చేసే మాజిక్కుని మించిన అద్భుతమూ తప్ప ఇంకే విధంగానూ మనసు పొల్యూట్ చేసుకున్న వాణ్ణి కాను. కాఫీ తాగుతూ నీ పాట విన్నప్పుడే కదా దర్శనమిచ్చావు. నా సందేహములు తీర్చక పోవుట పాడియే, విష్ణుమూర్తీ?,” అని ప్రార్ధించేప్పటికి స్వామి కన్విన్స్ అయినట్టున్నాడు. “సరే అయితే! ఇంకో కప్పు కాఫీ తెచ్చుకో తాగుతూ నీ డౌట్లు అడుగుదువుగాని,” అన్నాడు. ముప్ఫై రెండో కాఫీ తాగే ఛాన్స్ ఇంత త్వరగా వచ్చిందనే ఆనందంతో నేనూ కిచెన్ వైపుకి పరుగెట్టా. నౌ లెట్స్ గో ఫర్ ఏ షార్ట్ బ్రేక్ బిఫోర్ హావింగ్ ద థర్టీ సెకండ్ కప్ ఆఫ్ కాఫీత్వ!! _/\\_ 🙂

CLICK >>> బాపూరమణీయం@వైకుంఠం (సారంగ సాహిత్య వార పత్రికలో)

స”శేషం”

వాడ్డూయూ థింక్?- కుజగ్రహంపై మనుషులు బీఫ్ తినొచ్చా?చంద్రబాబు గుడిలో మోడీ, జైట్లీ, కేసీఆర్, సోనియా?భూమాత భర్తకి కొత్త సమస్య?


కుజగ్రహం పైన మనిషి నివాసానికి తగిన ఇళ్ళు డిజైన్ చెయ్యమంటూ నాసా పోటీ పెట్టిందిట. సమీపభవిష్యత్తులో (వామ్మో ఇంత పెద్ద తెలుగు పదమే? రాసేప్పటికి ఆయాసం వస్తోంది కదా! నియర్ ఫ్యూచర్ అనేస్తే పోలా?) మార్స్ మీద మానవుల హల్ చల్ మొదలైపోయేలాగే వుంది. మనం కూడా మార్స్ ఆర్బిటర్ మిషన్ మొదలుపెట్టాం కదా! సైంటిస్టులు వాళ్ళ పనివాళ్ళు చేసుకు పోతారు కానీ సామాన్యుడి వ్యధ వాళ్లకి పట్టదు కదా. వాళ్ళు మేధావి వర్గం వాళ్ళేకదా, మేధావి లేబుల్ పెట్టుకున్నవాళ్లకి వచ్చిందల్లా సామాన్యుణ్ణి ఐదర్ రెచ్చగొట్టి బకరాని చెయ్యడం ఆర్ పత్రికల్లో టీవీల్లో ఫోటోజెనిక్ చర్చలు చెయ్యడం అంతేకదా! నేనూ, రాజకీయనాయకులూ, మతాధిపతులు, ఆధ్యాత్మికవేత్తలు తప్ప సామాన్యుల్ని నిజంగా పట్టించుకునేవాళ్ళెవరూ లేరు. మా అందరి వుద్దేశం ఏంటంటే సైంటిఫిక్ రీసెర్చి తో పాటే –

మార్స్ పైన ఇళ్ళకి ఏ విధమైన వాస్తు పాటించాలి, అక్కడ పుట్టేవాళ్ళ జాతకాలు వ్రాసే పద్ధతులు ఏమిటి (వాళ్ళని కంట్రోల్ చేసే గ్రహాల్లో భూమి కూడా వుంటుంది కదా, భూగ్రహపు గురుత్వం(gravity) మూఢత్వం, మతతత్వం, జారత్వం, చోరత్వాలతో కల్తీ అయివుంటుంది కదా మరి)

అక్కడ పుట్టేవాళ్ళ పేర్లలో ఏ అక్షరాలు ఎన్ని, ఏ స్థానాల్లో వుంటే మంచిది, అక్కడ రుద్రాక్షలు సాలిగ్రామాలు దొరకవు గనక వాటిని అక్కడికి సప్ప్లై చేసే విధానం ఏమిటి, వాటిని అక్కడ దొరికే రాళ్ళతో రిప్లేస్ చెయ్యడం గురించి వేదాల్లో ఏమైనా ఆధారాలున్నాయా,

అక్కడ నదులకి పుష్కరాలు ఎప్పుడు వస్తాయి? (ఈ మధ్యే కుజుడిపై నీటి ప్రవాహాల ఆనవాళ్ళు దొరికాయి) ఆ నదుల్లో జల్లాల్సిన మట్టి అంగా రకుడి నుంచి తీసుకోవాలా? భూమ్మీదనుంచి దిగుమతి చేసుకోవాలా వంటి అంశాలపై పరిశోధనలు మొదలుపెడితే మంచిది.

కుజగ్రహవాసులు ఇక్కడి టీవీఛానల్ ఆధ్యాత్మికవేత్తలని లైవ్ లో “ధర్మ”సందేహాలు అడగటానికి హాట్-లైన్ సౌకర్యం ఏర్పాటు చెయ్యడానికి ఇస్రో పరిశోధనలు మొదలెట్టాలి.

అంతేకాకుండా అక్కడ మన సినిమాలు రిలీజ్ చెయ్యడానికి ఉన్న అవకాశాలు, అక్కడి పేదలకి ఆరోగ్యశ్రీ, పక్కాఇళ్ళ నిర్మాణం, అక్కడి రాష్ట్రాలకి
ప్రత్యేకహోదాలు, పాకేజీలు, మార్స్ మీద మన సిటీలు నిర్మించడానికి సింగపూర్ నుంచి ప్లాన్లు, (టర్కీనుంచి కూడా) – ఇవన్నీ పరిశీలించాలి.

కుజగ్రహం మీద బీఫ్ తినవచ్చా లేదా అన్నది కూడా ఇప్పుడే తేల్చేసుకుంటే మరీ మంచిది. ఇన్-ఫాక్ట్ బీఫ్, మటన్ తప్ప ఇంకే చెత్తయినా తినచ్చు అని రూల్ పెట్టేస్తే భూమ్మీదున్న సగం సమస్యలు మార్స్ పైకి చేరుకోలేవు.

Ooops! కల్తీకల్లు సమస్య ఒకటుంది కదూ! ఇప్పుడే మార్స్ మీద గుడుంబా బాన్ చేసేసి మంచి కల్తీ లేని కల్లు అక్కడికి ఎగుమతయ్యేలా చూసుకుంటే అన్నెససరీ కాంప్లికేషన్స్ ఉండవు, వాడ్డూయూ థింక్?

ఘటోత్కచుడు అన్నాడో పింగళి నాగేంద్ర రావు గారు అనిపించారో గానీ ఎవరో ఒకరు పుట్టించకుండా మాటలెలా పుడతాయి అన్నది మహామీనింగ్
ఫుల్ డైలాగు. భాషాశాస్త్రపు మూలాల్ని కదిలించే వాక్యం. కొత్త మాటలు పుట్టించినందుకు లంబుజంబూలకి వేసిన వీరతాళ్ళ కాన్సెప్టుక్కూడా తెలుగు నేల మీద ప్రాచుర్యం ఎక్కువ. ఇప్పుడా కాన్సెప్ట్లని తుళ్ళూరు రైతులు(ట) మాంచి వెరైటీగా వాడుతున్నారు. వాళ్లకి వీరతాళ్ళు గారంటీ. ఎందుకంటే కొత్తమాటలే కాదు ఎవరో ఒకరు పుట్టించకుండా కొత్త దేవుళ్ళు కూడా పుట్టలేరు అని కొత్తర్ధం తీసుకుని చంద్రబాబుకి ఓ గుడి కట్టిస్తన్నారు. ఆయన వల్లనే తుళ్ళూరు అమరావతిగా మారుతున్నందుకు అని న్యూస్ పేపర్ ఉవాచ. ఇలాంటి విషయాల్లో తెలుగుతేజాలు కొంచెం స్లో అనే చెప్పుకోవాలి. ఐ మీన్ తమిళతంబిలతో పోల్చినప్పుడు. మనవాళ్ళు ఎక్కువగా విగ్రహాలకీ, ఫ్లెక్సీలకీ పాలాభిషేకాలు చెయ్యడంలో స్పెషలైజ్ చేసారు. తమిళతంబీలు ఎమ్జీయార్, జయలలిత, ఖుష్బూ, ఇత్యాది ద్రవిడలోకదేవతలకి ఆలయాలు కట్టించి పూజిస్తూ కొన్ని మెట్లు పైనే ఉన్నారు. బాహుబలి తీసి మనం, అంటే తెలుగువాళ్ళం(ప్లీజ్ సీ నోట్ బిలో), ఖర్చులో కలెక్షన్స్ లో (Please don’t talk about content, okay?) వరల్డ్ సినిమాకి సరిసాటి అని నిరూపించిన ఈ సందర్భంలోనే తెలుగుతేజాలు తమిళబాజాలని అధిగమించాలని నిర్ణయించుకోవడం ముదావహం. ఇప్పుడీ గుడికి ప్లాన్లు అవీ కూడా సింగపూర్ నుంచే వస్తాయా అనేది ఇంకా తెలియవలిసివుంది. గుడికి మూలవిరాట్టు చంద్రబాబే కానీ ప్రత్యేక రాష్ట్ర ఏర్పాటుకి దేర్ ఫోర్ కొత్త రాజధాని నిర్మాణానికి మూలకారకులైన కేసీఆర్, సోనియాలని కూడా పరివార దేవతలుగా ప్రతిష్టిస్తే మంచిదేమో? ప్రత్యేక పాకేజీ మరియు హోదాలు సంపాదించటానికి ప్రత్యేకపూజలు చెయ్యడానికి – కాళహస్తిలో రాహు కేతు పూజల్లాగా – మోడీకి, అరుణ్ జైట్లీకి కూడా ఉపఆలయాలు కట్టించి ప్రధాన పూజారిగా వెంకయ్యనాయుణ్ణి నియమిస్తే మరీ మంచిది. వాడ్డూయూ థింక్?
(నోట్: ఆంగ్లపద మిశ్రిత త్రిలింగభాష (తేంగ్లము=Tenglish) ను వాడి వాడి తెలుగు వాళ్ళం అని అప్పుడప్పుడు గుర్తు చేసుకోవలసి వచ్చుచున్నది)

గత వారంలో జరిగిన రెండు సంఘటనలు, అవి జరిగిన తీరు వేరే అయినా వెనక వున్న కారణాలు సంస్కృతిలో పేరుకుపోయిన కుళ్ళిపోయిన భాగాల్ని-ఒకటి ప్రజల్లో పెరుగుతున్న మూఢత్వాన్నీ రెండోది పబ్లిక్ సేఫ్టీ విషయంలో ప్రభుత్వాల అలసత్వాన్నీ- హైలైట్ చేస్తున్నాయి. ఎవరిదో స్వార్ధానికి మూఢత్వం జోడైతే పుట్టిన భూతం నాలుగేళ్ల మనుసాగర్ ని మింగేసింది. పబ్లిగ్గా టీవీల్లో అదృష్టతాయెత్తులూ, అద్భుతకవచాలు, అర చేతుల్లో స్వర్గాలు అమ్మేవాళ్ళు వాటిని కొనుక్కునేవాళ్ళు ఒక ఎత్తైతే తమ పదవీవ్యామోహం ధనదాహం తీర్చుకోడానికి క్షుద్రదేవత రక్తదాహం తీర్చే దరిద్రులు మరో ఎత్తు. వాళ్ళుకూడా సంఘంలో నాగరీకుల ముసుగుల్లో వున్నారు. బలి ఇచ్చి దొరికిపోయినవాడే అసలు నేరస్తుడు కావచ్చు. కానీ వాడికి డబ్బిచ్చి ఈ క్షుద్రకార్యం చేయించిన కోరికలభూతం ఇంకెవరో ఉండే అవకాశం లేదూ? కావాల్సినంత వుంది. ప్రొమోషన్ కోసం ప్రత్యంగిరా హోమాలు చేయించి ప్రత్యర్ధిని పడగొట్టాలని చూసే ప్రొఫెషనల్స్ ఉన్న సొసైటీ మనది. ఆ కోణంలో ఈ కేసుని పరిశీలించొద్దూ? వాడ్డూయూ థింక్?డ్రెయినేజ్ హోల్స్, బోరుబావులు ఎంతమందిని పొట్టనపెట్టుకున్నా కార్పోరేషన్లు, సిటిజెన్లలో సేఫ్టీ ఎవేర్-నెస్ పెరిగిన సూచనలు కనబడడం లేదు.
స్టేట్ ని సింగపూర్,అంకారా చేసేస్తాం అని గొప్పలుచెప్పే నాయకులకి ఆ (ప్ర)దేశాల్లో వుండే మంచి పరిపాలనా పద్ధతులు, ప్రజల్లోవుండే సివిక్-సెన్స్ పైన అవగాహనవుండి మాట్లాడతారో లేక అవన్నీ ఊకదంపుడు కబుర్లేనోగానీ చిన్నారి అదితి ట్రాజెడీ తర్వాత సిటీలోవున్న కాలువలు, డ్రెయిన్సు విషయంలో భద్రత పెంచేవైపుగా చర్చ జరుగుతున్నట్టు లేదు. ఆ పాప చదివిన స్కూలువాళ్ళకి పిల్లలు మెట్లెక్కుతూ జారి కాలువలో పడే అవకాశం ఉందనే ఊహకూడా వచ్చినట్టు లేదు. మీడియా ఇలాంటి విషయాల్లో ఎలా ప్రవర్తిస్తుంది, ఎంత బాధ్యతగా ఉంటుందో పుష్కరాల టైములో వాళ్ళు చేసిన చర్చల్లోని ప్రొఫెషనలిజం చూస్తే తెలుస్తుంది. కనక వాళ్ళ మీద ఆశ పెట్టుకోవడంలో అర్ధంలేదు. వాడ్డూయూ థింక్?

తిరుపతి కొండల్లో అంజనాద్రి మీద స్వామి సహజసిద్ధ శిలామూర్తిగా కనిస్తాడు. వీరభక్తులు తాళ్ళు వేసుకుని ఆ మూర్తిని చేరుకొని పూజలు, అభి షేకాలు చేసి వచ్చార్ట. త్వరలో ఆ మూర్తికి నామాలు, ఆ చుట్టూ కొట్లూ, రోడ్లూ, వగైరాలన్నీ – అన్నట్టు మర్చిపోయా హుండీలూ, టికెట్లూ, కొబ్బరికాయలు కూడా – ఏర్పడిపోతాయి.

ప్రకృతి సహజమైన ప్రతిదాంట్లోనూ నేనున్నాన్రా నాయనా వాటన్నిటికీ తగిన గౌరవం ఇచ్చి చెట్లనీ, జంతువుల్నీ, పర్యావరణాన్నీ కాపాడండ్రా బాబూ అని చెప్పడానికో ,

శేషాచలంలో ఎర్రచందనం స్మగ్లింగ్ ఎవరు చేయిస్తున్నారో చూడ్డానికో

తిరుమల ఆలయంలో “ప్రముఖుల” రద్దీ “తట్టుకోలేక” కాస్త బ్రేక్ తీసుకుని పచ్చిగాలి పీల్చుకోడానికో స్వామి పర్వతశిలలో వెలిస్తే అక్కడికెళ్ళి మనం అతి చెయ్యడం అవసరమా? దూరంనుంచే చూసేలా వ్యూ పాయింట్ పెట్టి అక్కడ భక్తులకి పర్యావరణ సమస్యలు వివరించి వాళ్ళు పర్యావరణ రక్షణకి పాటుపడేలా ప్రోత్సహిస్తే భూదేవి భర్త ఎక్కువ సంతోషిస్తాడేమో కదా? కదా ఏంటి.. నిస్సందేహంగా సంతోషిస్తాడు. వాడ్డూయూ థింక్?

 

_/\_ 🙂 _/\_

అపరవిశ్వామిత్రుళ్ళు బ్రహ్మదేవుణ్ణి మార్కెటింగ్ చెయ్యడం మొదలెట్టేస్తారు – 28th Cup


కప్పు కాఫీ, సమ్ టైమ్స్ గ్లాసు కాఫీ, పడగానే మూడు ఎఫెక్ట్స్ కలుగుతాయి.మొదటిది ఇమీడియట్ గా చెయ్యాల్సిన పని, మాయాబజార్ దుశ్శాసనుడి మాటల్లో తక్షణకర్తవ్యం, పూర్తి చెయ్యాలనే ఉత్సాహం.రెండో ఎఫెక్టు ఒంట్లో, మనసులో ఆ పని వీలైనంత బాగా చెయ్యడానికి కావాల్సిన ఎనర్జీ, పేషెన్స్ ల ప్రవాహం.ఇంక మూడో ఎఫెక్ట్ , చేస్తున్న పని బండ పడ్డ గాడిదలా, గానుగెద్దులా (ప్లీజ్ నోట్ ద నోట్ బిలో) కాకుండా కొంచెం వెరైటీగా, అవుట్-ఆఫ్-ది బాక్స్ ఆలోచించి, అవసరమనిపిస్తే కార్యక్రమాన్ని సమూలంగా మార్చేసి కొత్తగా ప్రెజెంట్ చేసే కెపాసిటీ ఫర్ క్రియేటివ్ డిస్ట్రక్షన్.సుందరకాండలో హనుమంతుడిలా.

kaafeetva28

ఆ మొదటి ఎఫెక్టు బ్రహ్మదేవుడి మహిమ. విశ్వంలో అనంతంగా సృష్టి కార్యక్రమం అలా జరిగిపోతూనేవుంటుంది. రెండు ఆటమ్స్ దగ్గరగా వస్తేచాలు వాటి మధ్య అటామిక్ బాండ్ ఏర్పడిపోయి మాలిక్యూల్ తయారైపోతుంది. రెండు జీవులు దగ్గరైతే చాలు స్నేహం, శత్రుత్వం, వాణిజ్యం, కామం, ప్రేమలాంటి ఏదో ఒక రిలేషన్-షిప్ ఏర్పడిపోతుంది. ఆ జీవులు మనుషులైతే . అన్ని రకాల రిలేషన్ -షిప్సూ ఒకేసారి, ఇద్దరి మధ్యే కావాలనుకుంటే ఆ జీవులు పెళ్లి చేసేసుకుంటాయి. ఇద్దరికంటే ఎక్కువైతే పొలిటికల్ పార్టీ పెడతాయి. సంకీర్ణం, సీట్ల సద్దుబాట్లు, ఎన్నికల ముందు పొత్తులులాంటి ఎక్స్ట్రాలన్నీ యాడ్ అవుతాయ్. అదీచాలదనిపిస్తే ఒక కల్ట్, ఒక మతం, తమదైన శైలిలో ఒక ఉగ్రవాద సంస్థో పెట్టుకుంటాయ్. ఊరికే తిని తొంగుంటే మడిసికీ గొడ్డుకీ తేడా ఏటుంటదనే వ్యధ తట్టుకోలేని జీవులు లాండ్ సెటిల్మెంట్ల నుంచీ సినిమా బిజినెస్ మీదగా ఇంటర్నేషనల్ డ్రగ్ & హ్యూమన్ ట్రాఫికింగ్ వరకూ సరసమైన ధరలకి వివిధ మాఫియాసేవలందిస్తాయి. ఇలా ఎందుకౌతుందంటే బ్రహ్మదేవుడి ప్రధానగుణం రజోగుణం కావటం వలన.
వాట్ ఐ మీన్ ఈజ్ దిస్ -> బ్రహ్మదేవుడు = సృష్టి శక్తి= డైనమిక్ పవర్ ఆఫ్ యూనివర్స్. అంతే, జస్ట్ అంతే!
ఈ విషయం ఇక్కడితో ఆపేయడం మంచిదనిపిస్తోంది. లేకపోతే –
బ్రహ్మదేవుడి కోసం దీక్షలు, వ్రతాలు, మాలలు, అరిటిపళ్ళు, అగరొత్తులు మొదలెట్టేసి
ఆయన్ని ఫోటోల్లోనూ, విగ్రహాల్లోనూ బంధించేసి
ఆకుల్లోకి, రుద్రాక్షల్లోకి, కవచాలూ, యంత్రాల్లోకీ ఆయన పవర్ డౌన్-లౌడ్ చేసేసి
వాస్తు, న్యూమరాలజీ, ఉంగరాల రాళ్ళూ, ఎట్సెట్రాలతో ఆయన స్వహస్తాలతో రాసిన నుదుటిరాతలు మార్చేసే
అపర విశ్వామిత్రులు బ్రహ్మదేవుణ్ణి మార్కెటింగ్ చెయ్యడం మొదలెట్టేస్తారు. వాళ్లకి తోడు “భారతదేశపు సౌభాగ్యాన్నంతా ఇడ్లీలు, దోసెలుగా మార్చుకు తినేస్తున్న(from యండమూరి నిశ్శబ్దం నీకూ నాకూ మధ్య)”వాళ్ళల్లా ఇప్పుడు వాస్తులూ, పేరులో అక్షరాలూ, ఉంగరంలో రాళ్లుగా “మార్చేసుకుంటున్న” వాళ్ళు . వీళ్ళందరికీ తోడు టీవీ ఛానళ్ళూ! ఏదో శాపవశాత్తూ భూమ్మీద శివకేశవుల్లా ఓవర్ టైమ్ వర్కు లేకుండా 9to5 జాబ్ లో ఉన్న బ్రహ్మయ్య ని డిస్టర్బ్ చెయ్యదల్చుకోలేదు. ఆయన్నలా ఉండనిచ్చి ఇరవైఎనిమిదో కాఫీ చివరికంటా ఊర్చి ఇంక ఉంటా! Btw, నోట్ ఒకటి పెడదామనుకుని మర్చిపోయా, వచ్చే పోస్టులో పెట్టాలి. బై4నౌ 🙂 సీ యూ విత్ ద నెక్స్ట్ కప్!

స’శేషం’

We confuse-You refuse అల్లాటప్పాఛానల్ డిస్కషన్ ఫోరం


కొలావెరి స్టేషన్లో జరిగిన తొక్కిసలాటలో ప్రయాణికుల మృతిపై అల్లాటప్పా ఛానల్ డిస్కషన్.

వెల్-కమ్ టు అల్లాటప్పా ఛానల్’స్ డిస్కషన్ ఫోరం. యువర్స్ ట్రూలీ అల్లాటప్పేష్ హియర్. జరిగిన దురదృష్ట సంఘటన పై తన అభిప్రాయాల్ని మనతో పంచుకోడానికి   ప్రముఖ సామాజిక పరిశీలకులు, సంస్కర్త  శ్రీ ఫలానారావుగారు, అలాగే ప్రముఖ మేధావి బుర్రా మోకాల్ గారు ఇప్పుడు మనతో స్టూడియోలో వున్నారు. నమస్కారం ఫలానారావు గారు, మోకాల్ గారు. ఫలానారావ్ గారు ముందుగా మీరు చెప్పండి. ప్రఖ్యాత సామాజిక పరిశీలకుడిగా నిన్న కొలావెరి  స్టేషన్లో జరిగిన తొక్కిసలాటలో ప్రయాణికులు మృతి చెందడంపై మీరేమంటారు? ఇది ప్రభుత్వ వైఫల్యమా, ప్రయాణికుల ఆత్రుతా లేక ఇంకేవైనా కారణాలున్నాయంటారా?

ప్రతి చిన్న విషయానికి ప్రభుత్వాన్ని నిందించటం పరిపాటి అయిపోయిందండి అల్లాటప్పేష్ గారూ. ప్రయాణికులు ఎక్కడికెళ్తే అక్కడ స్టేషన్లు కట్టి రైళ్ళు నడిపించటం ప్రభుత్వం పని. అంతకు మించి వాళ్ళేం చేస్తారండి? వాళ్ళని తప్పు పట్టాల్సిన అవసరం ఖచ్చితంగా లేదండి. అలాగే ప్రయాణికులని అనడానికీ ఏమీలేదు. వాళ్ళ వాళ్ళ పనులలో వాళ్ళుండి ఊళ్ళకి వెళ్లాలనే ఆత్రుతలో తప్పు పట్టాల్సిందేముందండీ?

ఇక్కడో మాట చెప్పుకోవాలి ఫలానారావ్ గారు. ప్రయాణికులంటే వుట్టి ప్రయాణికులే కాదండి, ప్రజలు. ప్రజలంటే వోట్లు. వాళ్ళనేమన్నా అంటే కళ్ళు, కాదు వోట్లు, వోట్లు పోతాయండి. సో, వాళ్ళని తప్పుపట్టే అవకాశం వుండకూడదండి.

మీరన్నది అక్షరసత్యం. ప్రజలంటే దేవుళ్ళు కదండీ. వాళ్ళలో మార్పు ఆశించటం, నేర్పించటం అంటే మన అస్తిత్వాన్ని మనం సందేహించటమే. అందువల్ల ప్రజల గురించి డిస్కస్సే చెయ్యకూడదండి.

అంతే కాద్సార్! ప్రజాస్వామ్యం అంటే ప్రజలే ప్రభుత్వం. కనక ప్రభుత్వం గురించి మాట్లాడినా ప్రజల గురించి మాట్లాడినట్టే అవుద్దండి.

అందులో సందేహమేముందండి? ఈ చర్చ  ప్రజల్ని, ప్రభుత్వాన్ని బోనులో నిలబెట్టడం కోసం కాదండి. దుర్ఘటనకి బాధ్యులైన వ్యక్తులెవరో తేల్చటం.

ఒక్క నిముషం, ఫలానారావుగారు, దుర్ఘటనకి ప్రత్యక్ష సాక్షి తిక్క శంకరయ్యగారు లైన్లో ఉన్నారు. ముందుగా వారి ప్రశ్న ఏమిటో విందాం. ఓకే!తిక్క శంకరయ్యగారూ! సార్ వింటున్నారు. మీరు మాట్లాడండి.

సార్! నమస్కారం సార్! ఫలానా రావు గారు! నా పేరు తిక్క…

నమస్కారం తిక్క శంకరయ్య గారు, మీరేం అడగాలనుకున్నారో అడగండి.

అవున్సార్! మిమ్మల్ని ఒకటి అడగాలనుకున్నాం……… మా ఫామిలీ అంతా మీ అభిమానులం సార్!

మంచిదండి, మీరేదో అడగాలన్నారు, అడగండి.

సార్?

అదేనండీ, మీరేదో అడగాలన్నారు కదా అడగండి.

ఓకే సార్! అదే సార్ తొక్కిసలాటకి స్టేషన్ మాస్టర్ బాధ్యత ఏమీ లేదంటారా? కొంచెం మీ వివరణ చెప్పండి సార్.

అయ్యా! నేనో సామాజిక సంస్కర్తని. సామాజిక స్పృహతో మాట్లాడ్డం నా స్వభావం, నా బాధ్యతాను.

సార్!

అయితే స్టేషన్ మాస్టర్ ప్రభుత్వోద్యోగి. ప్రభుత్వానికీ, సామాజిక విషయాలకి లంకెలా పెడతామండి? ప్రభుత్వం జోక్యం చేసుకోని, చేసుకోకూడని జోన్ ని సామాజికం అంటారండి. ఆ విషయం దృష్టిలో ఉంచుకుని స్టేషన్ మాస్టర్ పాత్రపై ఆలోచిస్తే మన తక్షణ కర్తవ్యం ఏమిటో బోధపడుతుంది.

ఛా! నిజమా! సార్!?!?!

అవును. స్టేషన్ మాస్టర్  పని ప్రభుత్వం కట్టించిన స్టేషన్లో కూచుని రైలు రావడానికీ, వెళ్లడానికీ జెండా ఊపడం. ఈ బాధ్యతా నిర్వహణలో ఆయన లోపాలేం కనబడ్డంలేదు. ఆయన్ని తప్పు పట్టే అవకాశం లేదండి.

ఓకే సార్. థాంక్యూ సార్! ఉంటానండి.

మంచిదండి శంకరయ్య గారు. ఇప్పుడు చెప్పండి ఫలానారావ్ గారు, జరిగిన ఘోరానికి బాధ్యత వహించి యాత్రికుల దుర్మరణం అనే పాపాన్ని మూట కట్టుకోవాల్సిందెవరు? చెప్పండి ఫలానారావు గారూ, ఈ పాపాన్ని మూట కట్టాల్సింది రైలు ఆలస్యంగా నడిపి, రద్దీ పెరగడానికి పరోక్షకారణమైన డ్రైవరు అంటే అది తప్పా? 

తప్పేనండి. డ్రైవరు కూడా ప్రభుత్వోద్యోగే, సిగ్నల్సు ప్రకారం రైలు నడపడమే అతని డ్యూటీ. ఆలస్యం వల్ల స్టేషన్లో రద్దీ పెరిగితే ఆయనేం చెయ్యగలడు? సమయానికి రైలు నడపడం అతని ఒక్కడి చేతిలోనే ఉండదు కదా. రైల్వే ట్రాఫిక్కూ, సిగ్నల్ వ్యవస్థలో లోపాలు, రాస్తారోకోల వల్ల రైళ్ళు ఆగిపోవడం ఇలాంటివెన్నో వుంటాయి. ఆయన్ని అనడం అధర్మం.

మరైతే ఎక్కువ రైళ్ళు నడిపి రద్దీని సరిగ్గా మేనేజ్ చెయ్యలేకపోవడం రైల్వేల అసమర్ధత కాదా? 

రైల్వేలూ కాదండీ, వారికున్న నిధుల కొద్దీ వాళ్ళు రైళ్ళు నడుపుతారు. అక్కడికీ వీలైనన్ని రైళ్ళు నడిపి రద్దీ తగ్గిస్తూనే వున్నారు. ఒక ప్రభుత్వ శాఖ పని చెయ్యడం మాటలా? ఎన్నెన్నో తలనొప్పులు. ఒక్క స్టేషన్లో జరిగిన దానికి రైల్వే శాఖని, ఆ మంత్రిని బ్లేమ్ చెయ్యడం అన్యాయం.

మరైతే జనాల్లో ఆదుర్దా పెంచి అందరూ ఒక్కసారే రైలెక్కడానికి ఉరకలెత్తించి ఇన్ని ప్రాణాల్ని ఆర్పేసిన బాధ్యత ఎవరిది సార్? ఎవరిది?

చూడండి అల్లాటప్పేష్ గారు. తప్పు, ఖచ్చితంగా, రైలొచ్చే టైముకి గణ గణ గణ గంట కొట్టి ప్రయాణికుల గుండెల్లో రైళ్ళు పరుగెట్టించిన ఆ గంట కొట్టేవాడిదేనండీ. ప్రయాణికులు ఆలోచించలేరు, ఆదుర్దా మాత్రమే పడగలరు. ప్రభుత్వం అన్నీ పట్టించుకునే అవకాశం వుండదు. ఇవన్నీ తెలిసీ అంత గట్టిగా, జనం ఝడుసుకునేలా గంట కొట్టి, రైలొచ్చేస్తోందని కంగారు పెట్టేలా ప్రవర్తించిన ఆ గంటవాడిదే తప్పంతా. వాడిదే పూర్తి బాధ్యత. నేనూ ఇంతకూ ముందు బడిలో గంట కొట్టినవాడినే, మీరూ గుడిలో గంట కొట్టేవుంటారు. మనందరికీ తెలుసు గంట శబ్దం భావోద్వేగాల్ని పురి కొల్పుతుందని. కావాలంటే బళ్ళో ఇంటి బెల్లు కొట్టగానే పొలోమంటూ పరుగులెత్తే పిల్లల్ని చూస్తే తెలీదా? గుళ్ళో గంట కొడుతుంటే మీ బుర్రలో సుళ్ళు తిరిగే కోరికల చిట్టా తెరిస్తే తెలీదా? ఇన్నీ తెలిసీ అంత భయంకరంగా, మూఢంగా, మూర్ఖంగా గంట కొట్టిన వాడిదే ఈ నేరం, ఈ ఘోరం, ఈ పాపం.

బుర్రా మోకాల్ గారు ఇంతవరకూ మౌనంగా వున్నారు. సార్! మీరు చెప్పండి గంట కొట్టేవాడిదే బాధ్యతని ఫలానావారు అంటున్నారు. మీరేమంటారు?

ఫలానారావ్ గారితో ఏకీభవిస్తానండీ. ప్రేక్షకులకీ, మీకూ కూడా సవినయంగా మనవి చెయ్యాల్సిందొకటుందండి. ఈ గంటలుకొట్టేవాళ్ళ విషయంలో నాది ప్రత్యేకమైన, సుదీర్ఘమైన అనుభవం. నేను తొమ్మిదో తరగతి మొదటిసారి చదివినప్పటికీ తొమ్మిదోసారి చదివినప్పటికీ – అంటే ఆ తొమ్మిదేళ్ళలో బళ్ళో కొట్టే గంటల శబ్దంలో విపరీతమైన, అవాంఛనీయమైన మార్పు వచ్చిందండి. ఇదే కాలంలో గుళ్ళల్లో గంటల శబ్దంలో కూడా సమాంతర మార్పు సంభవించిందండి. ఇన్ని రంగాల్లో గంటలు మారుతున్నప్పుడు రైల్వే స్టేషన్ గంటలు మారవనుకోవడం శుద్ధ అమాయకత్వమండి. ఐతే మనం గమనించాల్సిన విషయం మరోటుంది. గంట సంగతలా వుంచితే, జనాన్ని ఆకర్షించాలనే గంట కొట్టేవాడి తాపత్రయం, ఆజ్ఞానంనుండి పుట్టిన అనవసర ఆవేశం, మూఢత్వం ఇందులో పెద్ద పాత్ర వహిస్తాయండి.

సార్! తిక్క శంకరయ్యగారు మళ్ళీ లైన్లో ఉన్నారు… శంకరయ్యగారూ చెప్పండి, మీ బుర్ర దొలుస్తున్నదేమిటో!

సార్! నాక్కొంచెం తిక్కండి, ఎప్పుడైనా ఒకసారి దానిక్కొంచెం లెక్కుంటుందండి. ఇప్పుడీ చర్చా ……

ఐతే మీ లెక్కేంటో చెప్పండి.

సార్!?!

మీ లెక్కేంటో చెప్పండీ!!

ఈ సంఘటనకి సంబంధించి నిర్ణయాలు తీసుకోవాల్సిన అధికారులదీ, రైల్వే శాఖదీ తప్పులేదన్నారు. బానేవుంది. ఐతే గంట కొట్టమంటే కొట్టే వుద్యోగినీ … అంటే నా ఉద్దేశం, అతని డ్యూటీ రైలు దగ్గరికొస్తోంటే గంట కొట్టడం…. ఆ గంట శబ్దం…గర్ ర్ ర్ ర్ ……ప్రయాణీకుల…. గర్రర్ర్ర్…గుర్….ర్…ర్

లైన్లో ప్రాబ్లం అనుకుంటా. సమయాభావం మన చర్చ ముగించాల్సివుంది. సో, అల్లాటప్పా ఛానల్ ప్రేక్షకులందరూ విన్నారుగా! ఫలానారావు గారు, బుర్రామో కాల్ గార్ల అభిప్రాయాలు. లైన్లో లోపంవల్ల శంకరయ్యగారి కాల్ కట్ అయ్యింది కానీ వినబడినంతవరకూ ఆయనా మనతో ఏకీభవిస్తున్నారని తెలుస్తోంది. మనతో వున్న పరిశీలకులు, మేధావులూ అభిప్రాయపడుతున్న దాన్ని బట్టీ – రైల్వే స్టేషన్లలో జరిగే తొక్కిసలాటలన్నిటికీ, నిన్న కొలావెరి స్టేషన్లో జరిగిందాంతో సహా- నిస్సందేహంగా -గట్టిగా చెవులు చిల్లులు పడేలా గంటలు కొట్టిన, కొడుతున్న, సమీప భవిష్యత్తులోనూ కొట్టబోతున్న ఆ గంటలు కొట్టేవాళ్ళదే బాధ్యత. రైల్వేశాఖ, సంబంధిత అధికార్లు, ఎవడి గోల వాడిదిలా వుండే ప్రయాణికులు – వీళ్ళెవరికీ సంబంధం, బాధ్యతగానీ, అవి వుండే అవకాశాలు గానీ లేవని ఈ పెద్దలందరి అభిప్రాయం. గంటలు కొట్టేవాళ్ళు విధిగా ప్రజల భావోద్వేగాలనీ, మనోభావాలనీ, ఇంకా ఏమైనా వుంటే వాటినీ, ఏమీ లేకపోతే వాటినీ కూడా దృష్టిలో వుంచుకుని బాధ్యతగా గంట కొట్టి అమాయక ప్రయాణికుల్ని సురక్షితంగా ఉంచాలని దేశం మొత్తం భావిస్తోంది. ఈ సందర్భంగా ఈ విషయంలో ప్రభుత్వం ఏం చెయ్యబోతోంది? ఎన్నాళ్ళ వరకూ గంటలు కొట్టేవాళ్ళ అలసత్వాన్ని ఉపేక్షిస్తుందీ ప్రభుత్వం? ప్రతిపక్షం నిర్మాణాత్మకంగా వ్యవహరించగలదా ? ఈ ప్రశ్నలన్నీ మన ముందున్నాయ్. ఆ వివరాలన్నిటితో త్వరలో మీ ముందుకి వస్తోందీ .. అల్లా..టప్పా టీవీ. గుడ్ బై.
మీ అభిప్రాయాలూ, సూచనలూ మా తొక్కలోన్యూస్@అల్లాటప్పా.కామ్ కి పంపండి. We confuse, You refuse.

????!!!!????!!!!????!!!!????!!!!????!!!!????!!!!????!!!!????!!!!????!!!!????!!!!????!!!!????

అదండీ కధ. పంతొమ్మిదో కాఫీకి టాపిక్కేంటా అని ఆలోచిస్తుంటే తట్టిన ఐడియా. మన్ని మేలుకొలుపుతున్నామంటూ ఒక్కొక్కరూ ఒకో రకం చొప్పున మన మైండ్స్ లోకి, యా డైరెక్ట్ గా మైండ్స్ లోకే, ఇంజెక్ట్ చేసేస్తున్న మత్తుల వైనం. ఎంతమంది ఎన్ని కప్పుల కాఫీలు సేవిస్తే ఈ మత్తు దిగుతుందో !?! అందుకే గావాఁలు (కొందరు కామోసు / కాబోలు అంటారు) Antoine Galland అనే ఫ్రెంచి రచయిత, పురాతత్వ శాస్త్రజ్ఞుడు – “Coffee joins men, born for society, in a more perfect union; protestations are more sincere in being made at a time when the mind is not clouded with fumes and vapors, and therefore not easily forgotten, which too frequently happens when made over a bottle,” అన్నాడు. బాటిల్ అనేది అందరికీ వర్తించకపోవచ్చు దాని స్థానంలో మనకున్న సవాలక్ష ‘మత్తు’ పదార్ధాలతో ప్రతిక్షేపిస్తే సరిగ్గా సరిపోతుంది. బై4నౌ _/\_ 🙂

స’శేషం’

కాఫీత్వ18-పాంటు వేసుకోడం మర్చిపోయి,ఎదుటివాడి చొక్కా బాలేదని ఎక్కిరించి…


అధః శ్రీ అష్టాదశమ కప్పు కాఫీత్వః,

కాఫీ పాపులారిటీ పెరిగిన పద్ధెనిమిదో శతాబ్దంలోనే ఎలా పెరిగిందో కానీ చికరీకీ ప్రాధాన్యత పెరిగింది. దానికున్న మెడిసినల్ క్వాలిటీస్ వల్ల కావచ్చు. ఏమైనా అది ప్యూర్ కాఫీలోని స్వచ్ఛతని, ఫ్రెష్-నెస్సుని, పవిత్రతని దెబ్బ తీస్తోందా లేదా? తీస్తోంది. నిదర్శనం కావాలా? జర్మన్ స్టేట్స్-మన్, ఛాన్సలర్ బిస్మార్క్ కి ఆపాదించబడిన ఈ ఉదంతం, ఎనెక్-డోట్, చదివితే కాఫీ యొక్క స్వచ్ఛత ఎంత ముఖ్యమన్న విషయంపై ఆలోచించాలనిపించొచ్చు. పర్టిక్యులర్లీ సో, ఇఫ్ యూ నో వాట్ బిస్మార్క్’స్ కంట్రిబ్యూషన్స్ వర్ టు మోడర్న్ జర్మనీ –
Among coffee drinkers a high place must be given to Prince Bismarck (1815-1898). He liked coffee unadulterated. While with the Prussian army in France, he one day entered a country inn and asked the host if he had any chicory in the house. He had. Bismarck said: “Well, bring it to me; all you have.” The man obeyed, and handed Bismarck a canister full of chicory.
“Are you sure this is all you have?” demanded the chancellor.
“Yes, my lord, every grain.”
“Then,” said Bismarck, keeping the canister by him, “go now and make me a pot of coffee.”
సత్యం అనేది కాఫీ అనుకుంటే(ఇదివరకు అనుకున్నాం) దాన్ని ఆచరణలో పెట్టే విధం స్టీమింగ్ గోల్డెన్ బ్రౌన్ ఫిల్టర్ కాఫీ కలపడంతో సమానం. అటువంటి సత్య దర్శనం మనిషికి చేయించే ముఖ్యసాధనం మతం. అలాంటి మంచికాఫీలాంటి మతం –

ఛాందసవాదం, ప్రతివాది భీకరత్వం వంటి చికరీ,
దురాచారాలు, వక్రభాష్యాలు, ప్రచారం, మత మార్పిళ్ళు, మైనారిటీ రాజకీయాల్లాంటి చింతపిక్కలపొడి
కుహనా సెక్యులరిజంలాంటి తొరకలతో
కల్తీ అయితే అత్యంత నాసిరకపు కాఫీ తయారై ఉదరసంచలనం కలిగిస్తుంది.

ప్యూర్ కాఫీలాంటి మతం ఎప్పటికీ మత్తు కాదు. చికరీ, చింతపిక్కలపొడి, తొరకలు కలిసిన, అంటే, ఛాందసవాదుల అతి ఎక్కువైన; మితి మీరిన మతం కాఫీ ఎన్నటికీ కాదు. మత్తు. అలాగే గుడ్డిగా మతాన్ని ఖండించడం, ద్వేషించడం కూడా ఇంకొక రకం మత్తే తప్ప మేలుకోవడం కాదు. ఈ సత్యం పదహారు కప్పుల కాఫీ అయ్యాక్కానీ తట్టనటువంటి నా మట్టిబుర్ర క్కూడా గ్రహింపుకొచ్చే మరో రకం మత్తు గురించి ఊకదంచడమే ఈ పద్ధెందో కప్పుకి థీమ్. కొంత లాజికల్ గా , తెలుగు వంటబట్టిన మెదడైతే తార్కికంగా, ఆలోచించే కెపాసిటీ రాగానే మేధావి వర్గంలో మెంబర్షిప్ వచ్చేసినట్టు ఫీలయ్యే మత్తు వర్గం ఒకటుంది. ఇందులో ఉపవర్గాలుంటాయ్. పుర్రెల్లో పుట్టిన లాజిక్కుల్ని బట్టీ –

మతాన్ని గుడ్డిగా ఖండించే వర్గం ఒకటి.
రెండోది కేవలం సొంతమతంలోనే తప్పులు పట్టేది.
మూడోది ఎదుటి వాడి మతానికి ఈకలు పీకేది.

నిజానికి ఈ మూడు ఉపవర్గాల ఉనికికి కారణం వారివారి వాదాలకి ప్రతివాదాలు అతిగా చేసే ప్రతిపక్షులు, కౌంటర్-పార్ట్స్, సొసైటీలో ఉండడమే. వాళ్ళ గురించి నెక్స్ట్ కప్ ఆఫ్ కాఫీత్వలో..

లీస్ట్ ప్రాబ్లెమాటిక్ ఈజ్ ద ఫస్ట్ కేటగరీ. అంటే వీళ్ళతో అసలు ప్రాబ్లెం లేదని కాదు. తక్కిన వాళ్ళతో పోలిస్తే కొంచెం తక్కువ, అంతే. బట్టలు వేసుకునే వాడే మనిషి అనబడటానికి అర్హుడు అని సొసైటీ ఒక రూలు పెడితే, ఛస్! అదేంలేదు. బట్టలు కట్టుకోవడం మూఢనమ్మకం, అసలు శాస్త్రీయం కాదు అని ఒకడు బయలుదేరాడనుకోండి. అదుగో అలాంటివాడే మొదటి ఉపవర్గానికి మూలపురుషుడు.

ఇప్పుడు రెండో కేటగరీ. వీళ్ళు బట్టలు వేసుకోడానికి వ్యతిరేకులు కాదు కానీ ఏ బట్టలు వేసుకున్నా అవి బాలేవని గొణుగుతూ, గోలపెడుతూ… అసలు బట్టలేసుకోవాలా వద్దా అనే గందరగోళం మామూలు మనుషుల్లో పుట్టిస్తారు, వాళ్ళు బుద్ధిగా బట్టలేసుకు తిరుగుతున్నవాళ్ళే అయినా సరే. దట్స్ వై దీజ్ గయ్స్ ఆర్ ఏ న్యూసెన్స్.

ఇహపోతే మూడో వర్గం. తను పాంటు వేసుకోడం మర్చిపోయిన సంగతి వదిలేసి ఎదుటివాడి చొక్కా బాలేదని ఎక్కిరించి, ఆ చొక్కా ఎలావుంటే బావుంటుందో తర్కించి, చర్చించి, నిగ్గు తేల్చేసే వర్గం ఇది. సొంత మతమే బెస్ట్ ఐతే అందులో దురాచారాలు ఎందుకు బయల్దేరాయనే విషయం వీళ్ళకి పట్టదు. ఒకవేళ పట్టినా వాటికి వాళ్ళ దేవుడు వేసే శిక్షలే పరిహారం, వాళ్ళ మత పెద్దలు చెప్పేదే నిజం. ఈ వర్గం న్యూసెన్స్ అండ్ డేంజరస్. దురదృష్టవశాత్తూ ఈ రోజుల్లో ఈ వర్గపు హల్-చలే ఎక్కువ. That’s all 4 now, Hope the coffee is strong enough _/\_ 🙂

స’శేషం’

డౌట్లడిగే చికెన్-మాట్లాడే మటన్ (3) – To know even one life has breathed easier……..


చాలా ఏళ్ళ క్రితం, వైజాగ్, నరసింహనగర్ లో ఉన్నప్పుడు –
మేమున్న అపార్ట్-మెంట్ బ్లాక్ పక్కన పెద్ద ఖాళీ స్థలం వుండేది. మనం మామూలుగా పిచ్చి మొక్కలు, తుప్పలు అనుకునే రకరకాల మొక్కలు ఆ స్థలమంతా పెరిగాయి. (“What is a weed? A plant whose virtues have never been discovered” అన్న ఎమర్సన్ మాటలు గుర్తొస్తే పిచ్చిమొక్కలు,తుప్పలు లాంటి పదాలు వాడాలనిపించదు) ఒకరోజు, కొద్దిగా ముసురు పట్టిన సాయంత్రం వేళ, ఒక జంతువు ఆ స్థలంలోకి వేరే ఏవో మొక్కల కొమ్మలు వేరే చోటు నుంచి తీసుకొస్తూ అనేక రౌండ్లు కొట్టడం నేను, నా బెటర్-హాఫూగమనించాం. చీకటి పడే వరకూ అదే పనిలోవుంది. యానిమల్ బిహేవియర్ కి సంబంధించి మనకి తెలీనిదేదో జరుగుతోందని తెలిసి క్యూరియాసిటీ పెరిగింది కానీ అదేమిటో తెల్సుకునే అవకాశం …. అది డౌటే, ఎందుకంటే అదో అందమైన పక్షి కానీ, ముద్దొచ్చే కుందేలో, తువ్వాయోకానీ కాదు. కనీసం దగ్గరకెళ్దామంటే మేకలాంటి అప్రోచబుల్ క్రియేచర్ కూడా కాదు. చాలా ఇతర జంతువుల కన్నా ఎక్కువే తెలివితేటలూ, విచక్షణా వున్న జంతువని తెలిసినా దగ్గరకెళ్ళే ధైర్యసాహసాలు చేయనివ్వని ఒక మామూలు పంది. మనుషులు తనకి మరీ దగ్గరవ్వడం ఇష్టంలేక అది ‘పంది’లా బిహేవ్ చేస్తుందేమో అనిపిస్తుంది ఒకోసారి, ఎస్పెషల్లీ, కలుపు మొక్కల గురించి ఎమర్సన్ అన్నది విన్నాక. ఎనీవేస్, ఆ వరాహం ప్రవర్తన సస్పెన్స్ గానే వుండిపోయింది, మర్నాడు ఉదయం వరకూ. తెల్లవారుతూనే సస్పెన్స్ విడిపోయింది, వరాహకిశోరాల ఘుర్ఘురారవాలతో. పొదల లోపల, తల్లి పాల కోసం పోటీలుపడుతూ, వెచ్చదనం కోసం ఒకదానిమీదోకటిగా గుంపుగూడుతూ, కిందామీదా పడుతూ, పరుగులు పెడుతూ ఆ పిల్లలూ, తల్లిదనాన్ని అనుభవిస్తూ, ఓరకంట ప్రతి పిల్లని తన కంటిచూపు మేర దాటనివ్వకుండా గమనిస్తూ పడుకుని ఆ తల్లీ – ఇదీ ఆ శబ్దాలని బట్టీ మదిలో మెదిలిన దృశ్యం. ముందురోజు సాయంత్రం ఆ వారాహి చేసినదంతా తన ప్రసూతి కోసం, పుట్టబోయే పిల్లలకి వెచ్చదనం కోసం ఏర్పాటు చేసుకున్న మెత్తటి పక్క అన్నమాట. పంది అని ఛీత్కరించుకున్నా , తిరస్కారభావం చూపించినా ఆ పందిలో ఉన్న తల్లిని గుర్తించకుండా వుండగలమా? ఆ తల్లి ప్రపంచంలో ఉన్న ఏ ఇతర తల్లి కన్నా తక్కువ కాదు అనుకోకుండా వుండగలమా?
కానీ పందిని, ఐతే అసహ్యానికి, లేకపోతె ఆహారానికి ప్రతీకగా మార్చిన మానవజాతి దాని సహజధర్మాలనీ, మనిషితో సహా అన్ని ఇతర జీవాలతో సమానంగా అది పంచుకునే మాతృత్వ భావాలనీ ఎలా కించపరుస్తోందంటే, ఇలా –

Below Photos & Text courtesy>  http://www.all-creatures.org/

pig-gest-01

This factory farming operation utilizes partially open gestation “stalls” in which the pigs are secured by their heads and necks so that they cannot even turn around. All they can do is stand up and lie down with their legs under them. The slotted floor allows urine and feces to be forced down to the sub-floor below. The fumes and odors are atrocious. To understand how these pigs feel, one has to imagine one’s self living in these conditions.

pig-gest-10

In this factory farming operation, the pregnant pigs are totally enclosed in these extremely cramped crates. Any human woman who has been pregnant knows how uncomfortable pregnancy can be, and how torturous it would be to be unable to change her position, forced to suffer day in and day out all her life, as these pigs are. To treat any living being this way is evil.

Photos & Text courtesy>  http://www.all-creatures.org/

“To know even one life has breathed easier because you have lived. This is to have succeeded.” – Ralph Waldo Emerson,American philosopher, poet, essayist(1803-1883)

http://wp.me/p2uFNm-j2 (డౌట్లడిగే చికెన్-మాట్లాడే మటన్ – 01)

http://wp.me/p2uFNm-jq (డౌట్లడిగే చికెన్-మాట్లాడే మటన్ – 02)

kodi meka 06

kodi meka 07

 

స’శేషం’