ఉల్లిపాయల ధరలు, రైతుల ఆత్మ హత్యలు, నేరాలుఘోరాలు, కుంభ కోణాలు అన్నీ వాస్తు సరిగా లేకేనా ???


sasesham

“ప్రజలకి కలిగే అసౌకర్యాలకి, పడే బాధలకీ ప్రభుత్వాల, నాయకుల అసమర్ధత కారణం కాదు. పాలసీ, ప్లానింగ్ సరిగా లేకపోవటం కాదు. అంతటికీ మూలం వాస్తు,” అని నేతలు చెప్పే రోజులు దగ్గర్లోనే ఉన్నాయ్. “మేం చేసేదంతా చేసేస్తున్నాం కానీ రాష్ట్ర వాస్తు బావుండక ప్రజలు కష్టాలు పడుతున్నారు. పెట్రోలు, ఉల్లిపాయల ధరలు; రైతుల ఆత్మ హత్యలు, అత్యాచారాలు; నేరాలు ఘోరాలు, కుంభ కోణాలు అన్నీ వాస్తు సరిగా లేకే,” అని ఎవరో ఒక మంత్రి వర్యుడు త్వరలో అనకపోడు. “కేంద్రంనుంచి ప్రత్యేక పాకేజీలు రాకపోవడానికి వాస్తు దోషాలే కారణం,” అని కూడా తేల్చేయవచ్చు. జస్ట్ ఏ మాటర్ ఆఫ్ టైమ్. అసలు ప్రాబ్లెం రాష్ట్ర విభజన ముహూర్తంలో ఉందని కూడా అనుమానం. గులాం నబీ అజాద్ గారు ప్రత్యేక రాష్ట నిర్ణయానికి ఉగాది నుంచీ పోలాల అమావాస్య, అట్లతద్ది వరకూ రకరకాల ముహూర్తాలు కన్సిడర్ చెయ్యడం గుర్తుందా?

చీటికీ మాటికీ, అయినదానికీ, కానిదానికీ పిల్స్ వేసేవాళ్ళు ఇలాంటి అనవసరపు వ్యక్తిగత నమ్మకాల ఆధారంగా జరిగే వృధాఖర్చుల్ని ఆపమని ఓ పిల్ వేయ్యోచ్చుగా. వెయ్యరు. మూఢ నమ్మకాలు పెరిగిపోయాయని గోల చేసే మీడియా వాళ్ళేమో వాస్తులు, feng shui, వారఫలాలు అంటూ ప్రత్యేక పేజీలు పెడతారు. (ముందు మీడియా వాళ్ళందరి వాస్తులూ సరిగ్గా ఉన్నాయో లేదో చూసుకోవాల్సిన పరిస్థితులు కూడా ఉన్నాయని అభిజ్ఞవర్గాల ఉవాచ)

నేతలు చేసే పనులూ, కుహనా పండితులు చెప్పే శాస్త్రాలూ చూసి డీప్ గా ఆలోచిస్తే రాష్ట్ర వాస్తు, నగర వాస్తు, ఇళ్ళ వాస్తులు సరిగ్గా లేకపోవటం నిజంగానే పెద్ద సమస్య కదా? ఇవన్నీ బాగు చేసేసినా, సపోజ్! ఫర్ సపోజ్ ! దేశం వాస్తు బావుండక యుద్ధాలు, తుఫాన్లు, సునామీలు రావచ్చు. పొరుగు దేశభూభాగాలు ఆక్రమిస్తే తప్ప దేశవాస్తు బావుపడదు. అదీ బావున్నా భూగోళానికి వాస్తు సరిగ్గా లేక మొదటికే మోసం రావచ్చు. భూమి తన అక్షానికి ఇరవై మూడున్నర డిగ్రీల యాంగిల్లో వంగి తిరుగుతూ ఉంటుంది. అదేకాక సూర్యుడి చుట్టూ తిరగే ఆర్బిట్ ఒకే ఫైన్ లైన్ గా ఉండదు. తడి ఇసుకలో సైకిల్ రౌండ్లు కొడితే టైర్ గుర్తులు ఎలా పడతాయి? అలా కొద్దిగా అటూ ఇటూగా ఉంటుంది భూ కక్ష్య. దానివల్ల ఎన్నో వాస్తు ఎఫెక్ట్స్ ఉండొచ్చు. వాస్తు పండితులు తమ దృష్టి ఇంకా అటు సారించలేదు. ముందుగా ఇళ్ళు, నగరాలు, రాష్ట్రాలు ఆపైన దేశాలు — వీటన్నిటి సమస్యలు తీర్చాక అప్పుడు దాని పని కూడా పట్టిస్తారు. (అయితే ప్రపంచాన్ని తుగ్లక్ పాలించడం మొదలుపెట్టే వరకూ ఆ అవసరం రాదని పరిశీలకుల అభిప్రాయం.)

సరే, ఫలానా వాస్తు మార్పు చేసేసినంత మాత్రాన లైఫ్ సెటిల్ ఐపోయిందనుకోడానికి లేదు. ఎప్పటికప్పుడు మార్పులు చేస్తూ వాస్తు మెయింటైన్ చెయ్యాలి. అదెలా అంటే …
ఇళ్ళ వాస్తు — ఇందుకు చేతిలో బాగా డబ్బుండాలి, మస్ట్. వాస్తు బావుంటే డబ్బోస్తుంది. డబ్బుంటే వాస్తు మార్చి ఇంకా సంపాయించొచ్చు. ఇంట్లోనూ, ఇంటి చుట్టూ చోటుండాలి. సామాన్లు అటూ ఇటూ అవసరాన్నిబట్టీ షిఫ్ట్ చెయ్యడానికి ఇది ముఖ్యం. ఇంటిచుట్టూ ఖాళీస్థలం ఉంటే ఈశాన్యం పెంచి, వాయవ్యం తగ్గించి…. లాంటి మార్పులతో మనం అనుకున్నవి సాధించొచ్చు. అలా కుదరకపోతే కొత్త స్థలం కొనుక్కోవాలి, కొత్తిల్లు కొనుక్కోవాలి.
నగర వాస్తు — ఇది చాలా కష్టమైన పనైనా చెయ్యవచ్చు. కాలవలు మళ్ళించడం, రోడ్ల అలైన్-మెంట్లు మారుస్తూ ఉండడం, క్రమబద్ధీకరణ పేరుతో బిల్డింగ్స్ కూలగొట్టించడం లాంటి మార్గాలు ఉన్నాయి.
రాష్ట్రవాస్తు — మార్చాలంటే బెస్ట్ మెథడ్ తెలుగు ప్రజలకి బాగా తెల్సిందే. రాష్ట్రాన్ని విడగొట్టేయ్యడమే.
దేశవాస్తు– మార్చడం అతి కష్టం. హిట్లర్, సద్దాం టైపు లీడర్లుంటే తప్ప. ఉన్న భూభాగాన్ని రక్షించుకోవడం ముఖ్యం. లేదా 1962 లో చైనాకి సమర్పించినట్టు కొంత సమర్పించి వాస్తు సర్దుబాట్లు చేసుకోవచ్చు. లేదా పాకిస్తాన్ పళ్ళూడగొట్టి బంగ్లాదేశ్ క్రియేట్ చేసినట్టు, అలాంటి పన్లూ చెయ్యొచ్చు.
గ్రహవాస్తు… ఇంపాజిబుల్, సో, మాట్లాడేది లేదు. ఏ గ్రహ శకలమో వచ్చిపడి భూకక్ష్య మార్చేస్తే, అప్పుడాలోచించొచ్చు మిగిలుంటే.

వాస్తు మార్పులపై ఒక అవగాహన ఏర్పడింది కదా! బేసిగ్గా పైన చెప్పిన అన్ని రకాల వాస్తులూ సరిగ్గా ఉన్నప్పుడే మనిషన్నవాడికి వాస్తు శాంతి జరుగుతుంది, విచ్ ఈజ్ ఇంపాజిబుల్. అందుకే భగవంతుడు రుద్రాక్షలనీ, ఉంగరాలకి రాళ్ళని, పుట్టు మచ్చలనీ … ఇంకా చాలా వాటిని ఏర్పాటు చేసాడని ‘కలి’ యుగపురుషులు చెప్తున్నారు.
వీటన్నిటిలోనూ అతిముఖ్యమైనవి రుద్రాక్షలు. రుద్రాక్షల్లో వంద రకాలు, ఒక్కొక్క రకం వాడితే ఒక్కొ ప్రయోజనం. అవన్నీ వివరించడానికి వంద ఛానల్స్ ఉన్నాయి. ఎక్కడో ఎవరో ఈ పాటికి రీసెర్చి చేస్తూ ఉండొచ్చు, రుద్రాక్ష జాతులన్నిటినీ క్లోన్ చేసేసి ఒకే చెట్టునుంచి అన్ని రకాల, అన్ని ముఖాల రుద్రాక్షలు కాసేలా చెయ్యడానికి. అది టైం పట్టే వ్యవహారం కనక దొరికిన రుద్రక్షకే చెక్కులు చెక్కి ఎన్ని ముఖాలు కావాలంటే అన్ని తయారుచేసుకోవచ్చు. రుద్రాక్ష చెట్లు ఈ పాటికి అంతరించే స్థితికి వచ్చి వుంటే చెక్క పూసలనే రుద్రాక్షలని చెప్పి అమ్మేయ్యచ్చు. చెట్టు పేరు చెప్పి కాయలమ్మడం మనకి బాగా తెలిసిన టెక్నిక్కేగా. ఏదో ఓ రకంగా సంపాయించిన ఈ రుద్రాక్షలని వాస్తు, జాతక దోష నివారణలకి వాడుకోవచ్చు. కాకపొతే మొహానికి దట్టంగా పిండికట్లు పట్టించి, పెద్ద కుంకం బొట్టు, మెడనిండా హారాలు, రుద్రాక్షమాలలు ధరించి పయస్ గా మాట్లాడుతూ సరసమైన ధరకి ఆఫర్ చేసే వాళ్ళ దగ్గర కొంటే ఫలితాలు బావుండే అవకాశం ఉంది. ప్రొవైడెడ్, కొనే వాడి జాతకం బావుంటే.

That brings us to the topic of astrology. జ్యోతిష్యం – గ్రహ, రాశి, నక్షత్రాల గమనాల ఆధారంగా పనిచేసే శాఖ. జాతకం సరిగ్గా ఉండాలంటే మనిషి సరైన టైం చూసుకుని పుట్టాలి. అలా పుట్టాలంటే ఏం చెయ్యాలో ఎవరికి వాళ్ళు ఆలోచించుకోవాలి. కొంచెం నాటీగా కూడా ఆలోచించాల్సొస్తుంది. జోక్కాదు, బర్త్ టైము కరెక్టు గా తెలిస్తే జ్యోతిష్యం ఆల్మోస్ట్ పర్ఫెక్ట్ గా చెప్పేవాళ్ళు ఒకరిద్దర్ని నేను చూసాను. ట్రిక్కంతా బర్త్ టైం నోట్ చెయ్యడంలో ఉంటుందని వాళ్ళంటారు. ఆ టైముకి వాడిన గడియారం, వాచీ సరిగ్గా పనిచేస్తూ ఉండాలి, వాటికి సెకండ్ల ముల్లో, డిస్ప్లేయో ఉండాలి. నోట్ చేసిన మనిషికి దృష్టి దోషాలుండకూడదు. టైము చూసిన వెంటనే కాయితమ్మీద సరిగ్గా రాయాలి. రాసే వాడికి డిస్లెక్సియా ఉందంటే ఇంకంతే. చూసే టైముకి కరెంట్ పోయిందంటే గోవిందా. ఇద్దరు వ్యక్తులు వేరు వేరు టైములు నోట్ చేస్తే కూడా ఇంకంతేనే. చెప్పొచ్చేదేంటంటే జ్యోతిష్యం ఎక్యురసీ ఆఫ్ టైమ్ బట్టీ కరెక్ట్ అయ్యే అవకాశాలున్నాయి. చెప్పేవాడు సబ్జెక్టున్నవాడవ్వాలి. ఇప్పుడదే సమస్య. శాస్త్రం తెలిసినవాడితో ఒక ఇబ్బంది ఉంది. ఫ్రాంక్ గా నీ ఖర్మ ఇలా ఉందీ అని చెప్తాడు. మనశ్శాంతి కోసం పూజలు, జపాలు చెప్తాడు. బ్రహ్మ రాత మార్చేయ్యాలని చూడడు. ఎందుకంటే వాడు బ్రహ్మని నమ్ముతాడు కనక. రాత మార్చేస్తామనే వాళ్ళంతా ఏ టైపో మరి వాళ్ళే చెప్పాలి. మనశ్శాంతి మటాష్ అయిపోయిన వాళ్ళని మార్కెట్ గా చూసే వాళ్ళే అంటే మనోభావాలు దెబ్బతింటాయేమో! మరి బ్రహ్మ రాతని డబ్బులు తీసుకుని మార్చేస్తే బ్రహ్మ మనోభావాలు దెబ్బతినవా? ఏమో బ్రహ్మ చెప్పడుగా. “బ్రహ్మ” కుహనా జ్యోతిష్కులకీ, వాస్తు/రుద్రాక్ష పండితులకీ “చెప్తాడు” మీరు వీటితో వ్యాపారం చేసి మీ రాతలు మార్చుకోండి, ఆ విషయం ప్రజలకి మాత్రం చెప్పకండీ అని. ఒకవేళ ఆయన చెప్పకపోయినా చెప్పాడనుకునే రాంగ్ నంబర్స్ ఉంటారు. ఐతే అది వాళ్ళ అదృష్టం, మన అదృష్టం. చెయ్యగలిగిందేం లేదు.

పై విధంగా నేతలు, ప్రజలు తమ తమ తలరాతలు మార్చుకుని ఒండొకరి తలరాతలు కూడా మార్చుకొనుట సాధ్యమని తేటతెల్లమగుచున్నది. ఐతే ఒక్క డౌటు గలదు, అదియేమన, అసలు పురాణపురుషులెవరూ మేనిప్యులేషన్ ఆఫ్ ఫేట్ యూజింగ్ వాస్తు, జాతక, రుద్రాక్ష టెక్నిక్స్ అనే టాపిక్ పై ఎక్కువ ఫోకస్ పెట్టినట్టు లేదు. ఈ యాంగిల్లో చూస్తే రాముడు, కృష్ణుడు, ధర్మరాజు వెర్రి మనుషులు; వసిష్టుడు, వ్యాసుడు, ధౌమ్యుడు వంటి మహర్షులకి వాస్తు, రుద్రాక్ష, ఎట్సెట్రా అస్సలు తెలీదు అనుకోవాల్సోస్తుంది. రాముడు, తన తమ్ముళ్ళు పుట్టింతర్వాత దశరధుడు జాతకాలు వేయించి, శాంతులు చేయించాడు. పంచవటి నిర్మాణంలో లక్ష్మణుడు వాస్తు పాటించాడు. అంతే వనవాసం ఆపి పట్టాభిషేకం జరగడానికి వాస్తు మార్పులు, సీతని వెతకడానికి అంజనాలు వేయించి, రావణున్ని చంపడానికి తాంత్రికపూజలు చెయ్యలేదు. వసిష్ట విశ్వామిత్రులు ఇలాంటివెం చెప్పకుండా సత్యాన్ని నమ్ముకో, ధర్మం ఆచరించు అనే చెప్పారు. రామాయణంలో ఒక్క కారెక్టర్ కీ లేటెస్ట్ ఫేట్ మేనిప్యులేషన్ టెక్నిక్స్ తెలీదని దీన్ని బట్టీ తెలుస్తోంది.

ఇంక కృష్ణుడి విషయానికొస్తే జరాసంధుడి ఓటమి, చావు మన చేతిలో లేదని ప్రాక్టికల్ గా రాజధాని మధుర నుంచి ద్వారకకి మార్చేసుకున్నాడుగానీ వాస్తువల్ల మార్చాడని ఎక్కడా ఉన్నట్టు లేదు. అదేంకాదు వాస్తు గురించే రాజధాని మార్చేశాడంటే ఆ మార్పు తరువాత ఆయన ఇంకా పెద్ద ప్రాబ్లెమ్స్ టాకిల్ చేసాడు. శమంతక మణి విషయంలో నీలాపనిందలు, పాండవులతో పాటు యుద్ధాలు, గాంధారి శాపం, యాదవ వంశానికి దుర్వాసుడి శాపం, ఎట్సెట్రా. వాస్తులు, రుద్రాక్షలు వాడి అవి తప్పించుకున్నట్టు లేదు. పైగా మహా శివభక్తుడు, అడిగితే శివుడు బ్రహ్మాండమైన రుద్రాక్ష ఇవ్వడా? అవతార పురుషుడు ఆయన మనకి ఎగ్జాంపుల్ చూపించడానికి వచ్చాడు, అందుకే ఆన్ని కష్టాలు
పడ్డాడు, ఆయనతో మనకి పోలికేంటి అనొద్దు. మనకి ఎగ్జాంపుల్ అని నమ్మితే ఆయన చెప్పినట్టు, చేసినట్టు చెయ్యడమే. ఎందుకు చెయ్యరు?

ధర్మరాజు వనవాసానికెళ్ళేముందు జాతకం ఎందుకు చూపించుకోలేదు? రెండోసారి జూదానికెళ్ళేముందు మయసభ వాస్తు ఎందుకు చూడలేదు?
కర్మ సిద్ధాంతం అర్ధం చేసుకున్నాడు కనక. మనం సరైన పనులు చేస్తేనే సరైన ఫలితాలు వస్తాయి అని తెలుసుకున్నవాడు కనక.

చివరికి తేలినదేమనగా, ప్రజలు తాము పురాణపురుషుల, ఋషుల చర్యలను ఫాలో అవ్వవలెనా లేక (కుహ)నాయకుల, పండితపుత్రుల చర్యలను ఫాలో కావలెనా తేల్చుకొనవలెను.

హిందువైనవాడు బ్రహ్మ, ధర్మ, కర్మ, జన్మ నాలుగూ నమ్మాలి. దేవుడిపై నమ్మకంతో ధర్మం ఆచరిస్తూ మంచి కర్మలు చేస్తే మంచి జన్మ(కులము కాదు, అది లేదు) వస్తుంది. ఇందులో షార్ట్ కట్స్ ఎక్కడున్నాయి? షార్ట్ కట్ ట్రై చేసినందుకేగా త్రిశంకువు తలకిందులుగా వ్రేలాడాల్సి వచ్చింది. వశిష్టుడి శాపం అనుభవించాల్సి వచ్చింది. వసిష్టుడు బ్రహ్మ రాతకి విలువిచ్చి తన ధర్మం తను నిర్వర్తించాడు. విశ్వామిత్రుడు తన అహంకారానికి విలువిచ్చి గిమ్మిక్స్ చేశాడు. అతన్ని నమ్మి త్రిశంకు ఇప్పుడు రూపం కూడా అసహ్యంగా మారిపోయి తలకిందులుగా వేళ్ళాడుతున్నాడు. పురాణాలు, శాస్త్రాలు నమ్మాలని, మేము నమ్ముతామని చెప్పేవాళ్ళకి వాటికి సరైన అర్ధం చెప్పి, అర్ధానికి తగినట్టు పాటించే బాధ్యత కూడా ఉంటుంది. నేతలు, శాస్త్రజ్ఞులు ఆ పని చేస్తున్నారా?

ఒకడి తలరాత మార్చే ప్రయత్నం చేసేటప్పుడు మార్పించుకునేవాడికి త్రిశంకువులాగ కొత్త రిస్కులేమీ ఉండవని, అనుకున్న ఫలితాలు ఫలానా టైములో వస్తాయని కొంత గారంటీ ఇవ్వాలి వాస్తు, రుద్రాక్ష శాస్త్రజ్ఞులు.
వాస్తు, ఎట్సెట్రాలతో ప్రజల, ప్రభుత్వాల సమస్యలు తీర్చదలుచుకునే నాయకులు ప్రచారం లేకుండా, ఎదుటివాణ్ని తిట్టకుండా, డబ్బులు, సారా పాకెట్లు పంచకుండా వాస్తు/రుద్రాక్ష/ స్టోన్స్ ఏదో ఒకటి కానీ, అన్నీ కానీ వాడి ఒక్క ఎలక్షన్ లో గెలిచి చూపించాలి. కావాలంటే కావలసినన్ని యాగాలు, హోమాలు చేసుకోవచ్చు.

ఇప్పటికీ వసిష్టుడిలాంటి పండితులు, ప్రవచనకర్తలు ఉన్నారు. విశ్వామిత్రుడిలా గిమ్మిక్స్ చేసేవాళ్ళూ ఉన్నారు. నేతల్లోనూ రెండు టైప్సూ ఉన్నారు. ఎవరిని ఫాలో అవ్వాలో సరిగ్గా చూసుకోకపొతే జనానికి త్రిశంకు స్వర్గమే గతి.

******

భూమ్మీద మొదటి జీవి పుట్టినప్పుడు తను బ్రతకాలంటే పరిసరాలనుంచి ఏదో ఒకటి సంగ్రహించాలన్న విషయం ఎలా తెలుసుకుంది? – {అం’తరంగా’ల్లో విశ్వకవి భావాలు-2}


రవీంద్రుడి దృష్టిలో “స్కాండినేవియన్ దేశాల ప్రజలకి సంబంధించినంత వరకు సముద్రం వారి జీవన విలువలని ప్రతిబింబిస్తుంది. ఉత్తుంగ తరంగాలతో నేలతో, ఆ నేలతల్లి బిడ్డలతో ఎడతెగని యుద్ధం చేస్తూ కడలి వారికి నిరంతరం పొంచి ఉండే ప్రమాదంగా, అధిగమించవలసిన అడ్డంకిగా కనబడుతుంది. అజేయమైన మానవుడి ఆత్మస్థైర్యానికి విలయ ప్రకృతి విసిరే సవాలు సముద్రం. ఈ పోరాటంలో మనిషే గెలిచాడు, అది అతనిలో పోరాట స్ఫూర్తి నింపి ఇప్పటికీ అతనిచేత దారిద్ర్యం, నియంతృత్వం, అనారోగ్యాలపై యుద్ధం చేయిస్తోంది. నౌకాయానం నేర్చి మహాసముద్రాలు దాటి భూమిని చుట్టి వ్యతిరిక్త పరిస్థితులని అనుకూలంగా మార్చుకోవడం నేర్చుకున్నాడు.”

INNER WAVE

ప్రకృతిలో పుట్టిన మనిషి దాని తత్వాన్ని, చేష్టలనీ గమనించి, ప్రశ్నించి, పరిశోధించి దానికి అతీతుడయ్యే ప్రయత్నం చేస్తాడు. చాలాసార్లు కృతకృత్యుడౌతాడు. కానప్పుడు ఇలా ఎందుకు జరిగిందనే ప్రశ్నతో, విశ్లేషణతో మళ్ళీ మళ్ళీ ప్రయత్నిస్తాడు.

మనిషి అలుపెరగని ప్రయత్నం అలలతో తీరాన్ని కుదిపి కుదిపి ప్రశ్నించే సాగరాన్ని తలపిస్తే; తన చేష్టల్లోనే తన రహస్యాల్ని ఛేదించే సూచనలు దాచివుంచి ఏమీ ఎరగనట్టు ప్రవర్తించే ప్రకృతి ఆకాశానికి ప్రతీక.

ఏ సమస్యకైనా పరిష్కారమార్గం ప్రశ్నలతో ప్రారంభం అవుతుంది.
క్వెస్ట్, అన్వేషణ, శోధన, తత్త్వ చింతన … ప్రశ్నకి పర్యాయపదాలు. ప్రస్తుతంలో మిగిలిఉన్న చిక్కుముళ్ళకి సంకేతాలు.
భూమ్మీద మొట్టమొదటి జీవి ఆవిర్భవించినప్పుడు దానికి చుట్టూ ఉన్న ప్రపంచం అస్సలేం తెలీదు కదా. తను బ్రతకాలంటే తన పరిసరాలనుంచి ఏదో ఒకటి సంగ్రహించాలన్న విషయం దానికి ఎలా తెలిసింది? కళ్ళూ, ముక్కూ, చెవులూ లేని, ఏర్పడని ఏకకణ జీవి ఏ విధమైన పరిశీలనతో జ్ఞానేంద్రియాలని అభివృద్ధి చేసుకుంది? అప్పుడే పుట్టిన శిశువుకి స్తన్యం అందేవరకూ అది పడే ఆరాటంలో జీవసృష్టి ఆరంభంలో మొదటి జీవి తన ఉనికిని నిలుపుకునే పోరాటం ప్రతిఫలిస్తోందా?నిటారుగా నిలబడ్డం నేర్చుకున్న శాఖాచరం నేల మీద చేసిన బ్రతుకు పోరాటంలో గెలవటానికీ, ఆ స్థితినించీ ఇప్పటి అత్యాధునిక నరుడి వరకూ లక్షల సంవత్సరాల దాని పరిణామక్రమానికి కారణం బతికుండే మార్గాల నిరంతర అన్వేషణే కదా? నిరంతర ప్రశ్నోత్తర పరంపరే కదా?

జీవితంలో కొత్త పేజీ తెరుచుకోవాలన్నా,
జీవితాశని తిరిగి పుంజుకోవాల్సిన అవసరం కలిగినా,
జీవనపోరాటపు అనేకానేక యుద్ధరంగాల్లో ఏ ఒక్క రంగం శాంతించాలన్నా,
జీవిత గమ్యం తెలియాలన్నా; తెలిసిన గమ్యం అర్ధం కావాలన్నా —- అన్నిటికీ ప్రశ్నించే గుణమే సాధనం; సంధించిన ప్రశ్నే మార్గం

నీకు నువ్వు సరైన ప్రశ్న వేసుకుని, అసలైన సమాధానం వెతికినప్పుడు నువ్వెక్కదల్చుకున్న రైలు ఎన్ని జీవితాల పాటు లేటయినా ఇప్పుడు నువ్వెక్కివున్న రైలు కూడా రైటేనని అర్ధం అవుతుంది. అదీ నిన్ను గమ్యం చేర్చగలదని తెలుస్తుంది. ఆత్మహత్యల, ప్రేమోన్మాదాల అవసరం లేదని నొక్కి చెప్తుంది.

(శేషం‘)

అం’తరంగా’ల్లో విశ్వకవి భావాలు (1) – ‘అ’ర్ణవం-‘ఆ’కాశం

‘అ’ర్ణవం-‘ఆ’కాశం జీవానికి అఆలు నేర్పిన ఆదిగురువులు.

ఒక ప్రక్క అగాధమైన అర్ణవం మరోవైపు అనంతమైన ఆకాశం. ఆ రెండిటి మధ్య ఆలోచనా తరంగాలనీ, అమృతత్వాన్నిచ్చే జ్ఞానాన్ని తనలోనే ఇముడ్చుకున్న మేధస్సు.
అయస్కాంతపు విజాతి ధ్రువాల మధ్య తీగ వేగంగా కదిలినప్పుడు విద్యుత్తు ప్రవహిస్తే, మేధస్సు అంతుపట్టని విషయాల మధ్య అలుపులేని అన్వేషణ జరిపితే విజ్ఞానం వికసిస్తుంది.

యుగయుగాల ప్రస్థానంలో జీవికి అ ఆ లు నేర్పిన గురువులు  ర్ణవం  కాశం
ప్రళయజలధిలో ఏక కణజీవిగా ప్రప్రధమ ఆవిర్భావం, కోట్లాది సంవత్సరాల పరిణామం, అనేకానేక రూపంతరాలతో ఆగని బ్రతుకు ప్రయాణం తరువాత పంచ భూతాల వొడిలో అ ఆ లు దిద్దిన జీవం అసలు సిసలు బుద్ధిజీవిగా నరావతారం మొదలయ్యింది
రెండు కాళ్ళపై నిలబడడం నేర్చి కొన్ని లక్షలయేళ్ళే; నాగరికత నేర్చి కొన్ని వేలయేళ్ళే; ‘నేల విడిచి సాము’ చేసే నేర్పు కలిగి వందేళ్ళయినా కాలేదు
ఈ పరిణామానికంతటికీ ప్రత్యక్షసాక్షులుగా అగణ్యమైన అలలతో ప్రశ్నలు సంధిస్తూ సాగరం; అనంతమైన మౌనంతో స్పందించే అగమ్యమైన ఆకాశం. మనిషి భూమ్మీద శాశ్వతత్వం సంపాదించినా, మనిషిని మించిన మరో బుద్ధి జీవి ఆ స్థానాన్ని ఆక్రమించినా ఈ సాక్షులు అలాగే ఉంటాయి, తమని చూసి అచ్చెరువు పొందిన ఏ జీవికైనా అద్భుతాల అనుభవాలు కలిగిస్తూ.

ప్రకృతిలో అంతర్భాగంగా వచ్చిన మనిషి దాన్ని నియంత్రించినా, దానికి అతీతంగా ఎదిగినా దానికి మూలం అతని మస్తిష్కంలో చెలరేగిన ప్రశ్నలు, వాటికి ప్రకృతి ఆరాధనలో, పరిశీలనలో అతను పొందిన సమాధానాలే.

మనిషి మెదడులో చెలరేగిన భయం,కుతూహలం, ఆసక్తి, ఆర్తి, ఆశ, భావనాశక్తి, inquisitiveness, తార్కికప్రజ్ఞ, deductive logic.. వీటన్నిటినీ రెచ్చగొట్టి “ఇంతింతై వటుడింతై…” రీతిలో మనిషి ఎదుగుదలకి ప్రేరణనివ్వటానికా అన్నట్టు ఎన్ని యుగాలైనా ఆగని ప్రశ్నాపూరిత కెరటాలు;

ఎంత తెలుసుకున్నా తెలుసుకోవాల్సింది ఇంకా ఎంతో ఉందని చెప్తూ అనంతమైన కాలాన్ని, అంతులేని దూరాన్ని మ్రింగేస్తూ ఆకాశం.
లోలోతుల్లోంచి ఏదో ఆరాటం, ఆవేశాలని కెరటాలే మాటలుగా పక్కనున్న తీరాన్ని, పైనున్న ఆకాశాన్నీకడలి కుదిపి కుదిపి ప్రశ్నిస్తోందా అనిపిస్తుంది.

వెల్తురు పరదా మాటున పగలంతా దాచిన తన నిజరూపాన్ని చూపుకి ఆనని ఊహకి అందని దూరాల్లో అంతరిక్ష అద్భుతాల్లో ఆవిష్కరించి మానవ మస్తిష్కంలో ప్రశ్నల అలల్ని ఉధృతం చేస్తుంది.

ఒమర్ ఖయాం కవికోకిల మాటలలో చెప్పినట్టు –

ఆదిమధ్యాంత రహితమై యలరుచుండు
కాలయవనిక భేదింపఁ గలమె మనము?
ఇటకు నెందుండివచ్చె నింకెటకుఁ బోవు
ప్రాణి యను ప్రశ్న కెవ్వాఁడు బదులు సెప్పు?

అని సత్యాన్వేషణ మొదలు పెట్టి,

ఎవ్వనిచే జనించు ఎవ్వనిచే జనించు జగ; మెవ్వని లోపల నుండు లీనమై
యెవ్వని యందు డిందు; పరమేశ్వరు డెవ్వడు; మూల కారణం
బెవ్వ; డనాదిమధ్యలయుడెవ్వడు; సర్వము దానయైన వా
డెవ్వడు వాని నాత్మభవు నీశ్వరు నే శరణంబు వేడెదన్

అని మూలకారణానికి శరణాగతి ప్రకటించి

ఆపైన ఏకం సత్ విప్రాః బహుదా వదంతి దగ్గర ఆగి చివరికి తత్వమసి తో కన్-క్లూడ్ చేసేవరకూ  అంతరంగంలో అర్ణవాకాశ సంవాదం జరుగుతూనే ఉంటుంది.

ఐతే ఇదంతా మూలకారణానికి దానితో వ్యక్తికి(ఇండివిడ్యువల్) గల సంబంధానికి సంబంధించిన ప్రాసెస్ మాత్రమే. ఆకాశ, సముద్రాల మిస్టీరియస్ కమ్యూనికేషన్ ఒక్క ఆధ్యాత్మిక తలంలో మాత్రమేనా మనిషిని ప్రభావితం చేసేది? ఠాగూర్ సముద్రాన్ని గురించి చెప్పిన కొన్ని మాటలు ఇక్కడ గుర్తు చేసుకోవాలి.

అం’తరంగా’ల్లో విశ్వకవి భావాలు (1) – ‘అ’ర్ణవం-‘ఆ’కాశం


YVR's అం'తరంగం'

INNER WAVE

‘అ’ర్ణవం-‘ఆ’కాశం జీవానికి అఆలు నేర్పిన ఆదిగురువులు.

ఒక ప్రక్క అగాధమైన అర్ణవం మరోవైపు అనంతమైన ఆకాశం. ఆ రెండిటి మధ్య ఆలోచనా తరంగాలనీ, అమృతత్వాన్నిచ్చే జ్ఞానాన్ని తనలోనే ఇముడ్చుకున్న మేధస్సు.
అయస్కాంతపు విజాతి ధ్రువాల మధ్య తీగ వేగంగా కదిలినప్పుడు విద్యుత్తు ప్రవహిస్తే, మేధస్సు అంతుపట్టని విషయాల మధ్య అలుపులేని అన్వేషణ జరిపితే విజ్ఞానం వికసిస్తుంది.

యుగయుగాల ప్రస్థానంలో జీవికి అ ఆ లు నేర్పిన గురువులు  ర్ణవం  కాశం
ప్రళయజలధిలో ఏక కణజీవిగా ప్రప్రధమ ఆవిర్భావం, కోట్లాది సంవత్సరాల పరిణామం, అనేకానేక రూపంతరాలతో ఆగని బ్రతుకు ప్రయాణం తరువాత పంచ భూతాల వొడిలో అ ఆ లు దిద్దిన జీవం అసలు సిసలు బుద్ధిజీవిగా నరావతారం మొదలయ్యింది
రెండు కాళ్ళపై నిలబడడం నేర్చి కొన్ని లక్షలయేళ్ళే; నాగరికత నేర్చి కొన్ని వేలయేళ్ళే; ‘నేల విడిచి సాము’ చేసే నేర్పు కలిగి వందేళ్ళయినా కాలేదు
ఈ పరిణామానికంతటికీ ప్రత్యక్షసాక్షులుగా అగణ్యమైన అలలతో ప్రశ్నలు సంధిస్తూ సాగరం; అనంతమైన మౌనంతో స్పందించే అగమ్యమైన ఆకాశం. మనిషి భూమ్మీద శాశ్వతత్వం సంపాదించినా, మనిషిని మించిన మరో బుద్ధి జీవి ఆ స్థానాన్ని ఆక్రమించినా ఈ సాక్షులు అలాగే ఉంటాయి, తమని చూసి అచ్చెరువు పొందిన ఏ జీవికైనా అద్భుతాల అనుభవాలు కలిగిస్తూ.

ప్రకృతిలో అంతర్భాగంగా వచ్చిన మనిషి దాన్ని నియంత్రించినా, దానికి అతీతంగా ఎదిగినా దానికి మూలం అతని మస్తిష్కంలో చెలరేగిన ప్రశ్నలు, వాటికి…

View original post 201 more words

అం’తరంగా’ల్లో విశ్వకవి భావాలు (1) – ‘అ’ర్ణవం-‘ఆ’కాశం


INNER WAVE

 

‘అ’ర్ణవం-‘ఆ’కాశం జీవానికి అఆలు నేర్పిన ఆదిగురువులు.

ఒక ప్రక్క అగాధమైన అర్ణవం మరోవైపు అనంతమైన ఆకాశం. ఆ రెండిటి మధ్య ఆలోచనా తరంగాలనీ, అమృతత్వాన్నిచ్చే జ్ఞానాన్ని తనలోనే ఇముడ్చుకున్న మేధస్సు.
అయస్కాంతపు విజాతి ధ్రువాల మధ్య తీగ వేగంగా కదిలినప్పుడు విద్యుత్తు ప్రవహిస్తే, మేధస్సు అంతుపట్టని విషయాల మధ్య అలుపులేని అన్వేషణ జరిపితే విజ్ఞానం వికసిస్తుంది.

యుగయుగాల ప్రస్థానంలో జీవికి అ ఆ లు నేర్పిన గురువులు  ర్ణవం  కాశం
ప్రళయజలధిలో ఏక కణజీవిగా ప్రప్రధమ ఆవిర్భావం, కోట్లాది సంవత్సరాల పరిణామం, అనేకానేక రూపంతరాలతో ఆగని బ్రతుకు ప్రయాణం తరువాత పంచ భూతాల వొడిలో అ ఆ లు దిద్దిన జీవం అసలు సిసలు బుద్ధిజీవిగా నరావతారం మొదలయ్యింది
రెండు కాళ్ళపై నిలబడడం నేర్చి కొన్ని లక్షలయేళ్ళే; నాగరికత నేర్చి కొన్ని వేలయేళ్ళే; ‘నేల విడిచి సాము’ చేసే నేర్పు కలిగి వందేళ్ళయినా కాలేదు
ఈ పరిణామానికంతటికీ ప్రత్యక్షసాక్షులుగా అగణ్యమైన అలలతో ప్రశ్నలు సంధిస్తూ సాగరం; అనంతమైన మౌనంతో స్పందించే అగమ్యమైన ఆకాశం. మనిషి భూమ్మీద శాశ్వతత్వం సంపాదించినా, మనిషిని మించిన మరో బుద్ధి జీవి ఆ స్థానాన్ని ఆక్రమించినా ఈ సాక్షులు అలాగే ఉంటాయి, తమని చూసి అచ్చెరువు పొందిన ఏ జీవికైనా అద్భుతాల అనుభవాలు కలిగిస్తూ.

ప్రకృతిలో అంతర్భాగంగా వచ్చిన మనిషి దాన్ని నియంత్రించినా, దానికి అతీతంగా ఎదిగినా దానికి మూలం అతని మస్తిష్కంలో చెలరేగిన ప్రశ్నలు, వాటికి ప్రకృతి ఆరాధనలో, పరిశీలనలో అతను పొందిన సమాధానాలే.

మనిషి మెదడులో చెలరేగిన భయం,కుతూహలం, ఆసక్తి, ఆర్తి, ఆశ, భావనాశక్తి, inquisitiveness, తార్కికప్రజ్ఞ, deductive logic.. వీటన్నిటినీ రెచ్చగొట్టి “ఇంతింతై వటుడింతై…” రీతిలో మనిషి ఎదుగుదలకి ప్రేరణనివ్వటానికా అన్నట్టు ఎన్ని యుగాలైనా ఆగని ప్రశ్నాపూరిత కెరటాలు;

ఎంత తెలుసుకున్నా తెలుసుకోవాల్సింది ఇంకా ఎంతో ఉందని చెప్తూ అనంతమైన కాలాన్ని, అంతులేని దూరాన్ని మ్రింగేస్తూ ఆకాశం.
లోలోతుల్లోంచి ఏదో ఆరాటం, ఆవేశాలని కెరటాలే మాటలుగా పక్కనున్న తీరాన్ని, పైనున్న ఆకాశాన్నీకడలి కుదిపి కుదిపి ప్రశ్నిస్తోందా అనిపిస్తుంది.

వెల్తురు పరదా మాటున పగలంతా దాచిన తన నిజరూపాన్ని చూపుకి ఆనని ఊహకి అందని దూరాల్లో అంతరిక్ష అద్భుతాల్లో ఆవిష్కరించి మానవ మస్తిష్కంలో ప్రశ్నల అలల్ని ఉధృతం చేస్తుంది.

ఒమర్ ఖయాం కవికోకిల మాటలలో చెప్పినట్టు –

ఆదిమధ్యాంత రహితమై యలరుచుండు
కాలయవనిక భేదింపఁ గలమె మనము?
ఇటకు నెందుండివచ్చె నింకెటకుఁ బోవు
ప్రాణి యను ప్రశ్న కెవ్వాఁడు బదులు సెప్పు?

అని సత్యాన్వేషణ మొదలు పెట్టి,

ఎవ్వనిచే జనించు ఎవ్వనిచే జనించు జగ; మెవ్వని లోపల నుండు లీనమై
యెవ్వని యందు డిందు; పరమేశ్వరు డెవ్వడు; మూల కారణం
బెవ్వ; డనాదిమధ్యలయుడెవ్వడు; సర్వము దానయైన వా
డెవ్వడు వాని నాత్మభవు నీశ్వరు నే శరణంబు వేడెదన్

అని మూలకారణానికి శరణాగతి ప్రకటించి

ఆపైన ఏకం సత్ విప్రాః బహుదా వదంతి దగ్గర ఆగి చివరికి తత్వమసి తో కన్-క్లూడ్ చేసేవరకూ  అంతరంగంలో అర్ణవాకాశ సంవాదం జరుగుతూనే ఉంటుంది.

ఐతే ఇదంతా మూలకారణానికి దానితో వ్యక్తికి(ఇండివిడ్యువల్) గల సంబంధానికి సంబంధించిన ప్రాసెస్ మాత్రమే. ఆకాశ, సముద్రాల మిస్టీరియస్ కమ్యూనికేషన్ ఒక్క ఆధ్యాత్మిక తలంలో మాత్రమేనా మనిషిని ప్రభావితం చేసేది? ఠాగూర్ సముద్రాన్ని గురించి చెప్పిన కొన్ని మాటలు ఇక్కడ గుర్తు చేసుకోవాలి.

(శేషం‘)

 

నాన్న చేసిన త్యాగం వ్యర్ధం కాదు, “మనిషి”ని మనిషిగా మార్చే ప్రేమై ఆ శౌర్యం, ధైర్యం మళ్ళీ అవతరిస్తాయి


YVR's అం'తరంగం'

Don’t know if this world can ever give answers to the thousand questions that your young heart is pining for, O hero’s daughter !   Sourya

Sri MN Rai

ఈ దుఃఖానికి కారణమెవరు?ఈ గాయానికి బాధ్యులు ఎవరు?

మనుషుల మధ్యన మంటలు పెట్టే మతమా?మతం పేరుతో నాటకమాడే రాజకీయమా?

ఈ దుఃఖానికి కారణమెవరు?ఈ గాయానికి బాధ్యులు ఎవరు?

చేతికొచ్చిన తలరాతలు రాసే దేవుళ్ళా?దేవుడి పేరిట ద్వేషం నేర్పే మనుషులా?
ఈ దుఃఖానికి కారణమెవరు?ఈ గాయానికి బాధ్యులు ఎవరు?
అమాయకంగా ప్రాణాలొడ్డే దేశభక్తులా?అధికారంకై ఎత్తులు వేసే దేశభోక్తలా?
ఈ దుఃఖానికి కారణమెవరు?ఈ గాయానికి బాధ్యులు ఎవరు?
జిహాద్ ముసుగులో మూఢులు చేసే రక్తపాతమా?చేతకానితనపు ఆయుధం పట్టిన శాంతికపోతమా?
ఈ దుఃఖానికి కారణమెవరు?ఈ గాయానికి బాధ్యులు ఎవరు?
విభజించి పాలించే సామ్రాజ్యవాద స్వార్ధపరత్వమా?వ్యాపారానికి ఆదర్శాల్ని బలిచేసే బడుగుదేశాల నిస్సహాయత్వమా?

కులమతవర్గ ప్రాంతవర్ణజాతిబేధాలను పాటించనివి తీరని దుఃఖాలూ,మానని గాయాలే, మనుషులు కాదు
సరిహద్దులు, అంతస్తులు, ఆచారాలకి అతీతమైనవి వ్యాపారం, దురహంకారం, అధికార దాహం అంతే, మానవత్వం కాదు
మనుషులందర్నీ ఒకటి చేసేది మంచి మనసు, కానీ దేవుళ్ళని విడగొట్టేది మనసు చచ్చిన మతం
తెలుసుకో పిచ్చితల్లీ, ఏడవకు మళ్ళీ మళ్ళీ

గాయాలు, దుఃఖాలు, మతమౌఢ్యాలు, సిద్ధాంతాల్లో తేడాలు, మనుషుల మధ్య గోడలు, అవి రాజకీయాల పంచ ప్రాణాలు
రాజకీయం, దురహంకారం, వ్యాపారం, అధికారం, అతివ్యామోహం ఇవి స్వార్ధానికి పంచశిరస్సులు
రాజకీయాల పంచప్రాణాలు పోతేనే…

View original post 32 more words

నాన్న చేసిన త్యాగం వ్యర్ధం కాదు, “మనిషి”ని మనిషిగా మార్చే ప్రేమై ఆ శౌర్యం, ధైర్యం మళ్ళీ అవతరిస్తాయి


Don’t know if this world can ever give answers to the thousand questions that your young heart is pining for, O hero’s daughter !   

Sourya

Sri MN Rai

 

ఈ దుఃఖానికి కారణమెవరు?ఈ గాయానికి బాధ్యులు ఎవరు?

మనుషుల మధ్యన మంటలు పెట్టే మతమా?మతం పేరుతో నాటకమాడే రాజకీయమా?

ఈ దుఃఖానికి కారణమెవరు?ఈ గాయానికి బాధ్యులు ఎవరు?

చేతికొచ్చిన తలరాతలు రాసే దేవుళ్ళా?దేవుడి పేరిట ద్వేషం నేర్పే మనుషులా?
ఈ దుఃఖానికి కారణమెవరు?ఈ గాయానికి బాధ్యులు ఎవరు?
అమాయకంగా ప్రాణాలొడ్డే దేశభక్తులా?అధికారంకై ఎత్తులు వేసే దేశభోక్తలా?
ఈ దుఃఖానికి కారణమెవరు?ఈ గాయానికి బాధ్యులు ఎవరు?
జిహాద్ ముసుగులో మూఢులు చేసే రక్తపాతమా?చేతకానితనపు ఆయుధం పట్టిన శాంతికపోతమా?
ఈ దుఃఖానికి కారణమెవరు?ఈ గాయానికి బాధ్యులు ఎవరు?
విభజించి పాలించే సామ్రాజ్యవాద స్వార్ధపరత్వమా?వ్యాపారానికి ఆదర్శాల్ని బలిచేసే బడుగుదేశాల నిస్సహాయత్వమా?

కులమతవర్గ ప్రాంతవర్ణజాతిబేధాలను పాటించనివి తీరని దుఃఖాలూ,మానని గాయాలే, మనుషులు కాదు
సరిహద్దులు, అంతస్తులు, ఆచారాలకి అతీతమైనవి వ్యాపారం, దురహంకారం, అధికార దాహం అంతే, మానవత్వం కాదు
మనుషులందర్నీ ఒకటి చేసేది మంచి మనసు, కానీ దేవుళ్ళని విడగొట్టేది మనసు చచ్చిన మతం
తెలుసుకో పిచ్చితల్లీ, ఏడవకు మళ్ళీ మళ్ళీ

గాయాలు, దుఃఖాలు, మతమౌఢ్యాలు, సిద్ధాంతాల్లో తేడాలు, మనుషుల మధ్య గోడలు, అవి రాజకీయాల పంచ ప్రాణాలు
రాజకీయం, దురహంకారం, వ్యాపారం, అధికారం, అతివ్యామోహం ఇవి స్వార్ధానికి పంచశిరస్సులు
రాజకీయాల పంచప్రాణాలు పోతేనే నీ దుఃఖానికి అంతు
స్వార్ధం పంచశిరస్సులు తెగిపడితేనే ఈ గాయానికి మందు
స్వార్ధం, రాజకీయం ఉన్నన్నాళ్ళూ సరిహద్దులకటూఇటూ నీ దుఃఖం పంచుకునే అమాయకులుంటూనే ఉంటారు.
నాన్న చేసిన త్యాగం వ్యర్ధం కాదు, “మనిషి”ని మనిషిగా మార్చే ప్రేమై ఆ శౌర్యం, ధైర్యం మళ్ళీ అవతరిస్తాయి.

నా జన్మభూమి ఎంతో అందమైన దేశము (2) – Tigers of Bandhavghar


YVR's అం'తరంగం'

అడవిలో టూరిస్టుల్ని మోసే ఏనుగులూ, జీపులూ దగ్గరగా రావడం ఇష్టం ఉండేది కాదుట ఛార్జర్ కి. మరీ హద్దు మీరుతున్నట్టనిపిస్తే వాటి మీద దాడి చేయబోతున్నట్టు హడావిడి చేసేది, గర్జించేది. అందుకే ఆ పేరు వచ్చింది. ఐతే ఏ ఎటాక్ లోనూ ఎవరూ గాయపడలేదు. ఉత్తుత్తి మాక్ ఎటాక్స్. మనుషుల్ని దగ్గరగా చూడడం అలవాటు పడిన అడవి మృగాలలో టాలరెన్స్ లెవెల్స్ అన్నిటికీ ఒకలాగా ఉండవు. పులులయితే కొన్ని చూసి చూడనట్టు వదిలేస్తే, కొన్ని దట్టమైన గడ్డిలోకి, చెట్లలోకి వెళ్ళిపోయి తప్పించుకు తిరుగుతాయి. ఛార్జర్ లాంటివి సరేసరి. మరీ చిన్న పిల్లలతో ఉన్న అడపులి జోలికి ఎట్టి పరిస్థితిలో వెళ్ళకూడదు. ఛార్జర్ దాదాపు పదేళ్లు రాజ్యం చేసి 2000 సంవత్సరంలో చనిపోయింది. ఇప్పుడు బాంధవఘర్లొ ఉన్న పులులన్నీ ఛార్జర్ తో ఏదో రకంగా చుట్టరికం ఉన్నవే అంటారు. ఆశ్చర్యమేంలేదు. పదేళ్లంటే వైల్డ్ టైగర్స్ లెక్కలో ఒక జీవితకాలం. ఛార్జర్ పదేళ్లు డామినెంట్ మేల్ గా పార్కు టూరిజం జోన్ అంతటినీ తన స్వాధీనంలొ ఉంచుకుంది. ఆ కాలంలో ఎన్నో మగపులుల్ని ఆ ప్రాంతంనుంచి తరిమేసి ఉంటుంది. పెద్ద టూరిస్ట్ ఎట్రాక్షన్ అయిన ఛార్జర్ చివరలో మరో యువపులి చేతిలో గాయపడి, వేటాడలేక యాతన పడింది. పార్క్ వాళ్ళు అది ఉన్న ప్రాంతం కనిపెట్టి దానికి ఆహారం అందించి, ఇతర పులులు దాని జోలికి రాకుండా కాపలా కాసి అది సహజంగానే పోయేందుకు పరిస్థితులు…

View original post 726 more words

నా జన్మభూమి ఎంతో అందమైన దేశము (2) – Tigers of Bandhavghar


అడవిలో టూరిస్టుల్ని మోసే ఏనుగులూ, జీపులూ దగ్గరగా రావడం ఇష్టం ఉండేది కాదుట ఛార్జర్ కి. మరీ హద్దు మీరుతున్నట్టనిపిస్తే వాటి మీద దాడి చేయబోతున్నట్టు హడావిడి చేసేది, గర్జించేది. అందుకే ఆ పేరు వచ్చింది. ఐతే ఏ ఎటాక్ లోనూ ఎవరూ గాయపడలేదు. ఉత్తుత్తి మాక్ ఎటాక్స్. మనుషుల్ని దగ్గరగా చూడడం అలవాటు పడిన అడవి మృగాలలో టాలరెన్స్ లెవెల్స్ అన్నిటికీ ఒకలాగా ఉండవు. పులులయితే కొన్ని చూసి చూడనట్టు వదిలేస్తే, కొన్ని దట్టమైన గడ్డిలోకి, చెట్లలోకి వెళ్ళిపోయి తప్పించుకు తిరుగుతాయి. ఛార్జర్ లాంటివి సరేసరి. మరీ చిన్న పిల్లలతో ఉన్న అడపులి జోలికి ఎట్టి పరిస్థితిలో వెళ్ళకూడదు. ఛార్జర్ దాదాపు పదేళ్లు రాజ్యం చేసి 2000 సంవత్సరంలో చనిపోయింది. ఇప్పుడు బాంధవఘర్లొ ఉన్న పులులన్నీ ఛార్జర్ తో ఏదో రకంగా చుట్టరికం ఉన్నవే అంటారు. ఆశ్చర్యమేంలేదు. పదేళ్లంటే వైల్డ్ టైగర్స్ లెక్కలో ఒక జీవితకాలం. ఛార్జర్ పదేళ్లు డామినెంట్ మేల్ గా పార్కు టూరిజం జోన్ అంతటినీ తన స్వాధీనంలొ ఉంచుకుంది. ఆ కాలంలో ఎన్నో మగపులుల్ని ఆ ప్రాంతంనుంచి తరిమేసి ఉంటుంది. పెద్ద టూరిస్ట్ ఎట్రాక్షన్ అయిన ఛార్జర్ చివరలో మరో యువపులి చేతిలో గాయపడి, వేటాడలేక యాతన పడింది. పార్క్ వాళ్ళు అది ఉన్న ప్రాంతం కనిపెట్టి దానికి ఆహారం అందించి, ఇతర పులులు దాని జోలికి రాకుండా కాపలా కాసి అది సహజంగానే పోయేందుకు పరిస్థితులు కల్పించారు.

ఛార్జర్ కి ఆ పేరు రాక ముందు మరో పేరు ఉండేదిట. అది పీ.పీ.సింగ్. ఒకసారి అది టూరిస్ట్ ఏనుగుపై ఉత్తుత్తి దాడి చేసినపుడు దాని గర్జనలు, బెదిరిన ఏనుగు సృష్టించిన గందరగోళం టూరిస్టుల్లో ఒకాయనలొ అసంకల్పిత ప్రతీకార చర్యలు కలిగించాయిట. నట్టడివిలో బట్టలు మార్చుకోవాల్సిన పరిస్థితి. అప్పట్నుంచీ గైడ్స్ పీ.పీ.సింగ్ అని పిలవడం మొదలెట్టారు. తరువాతెప్పుడో ఛార్జర్ పేరు వచ్చింది. ఇదీ క్లుప్తంగా ఛార్జర్ కధ.

ఛార్జర్ ని సమాధి చేసిన చోటు చాలా ఎత్తైన చెట్లతో, గడ్డీ, తుప్పలు మరీ గుబురుగా లేకుండా ఉంది. అతి నిశ్శబ్దంగా ఉంది. మృగరాజుపై గౌరవం అన్నట్టు గైడూ, డ్రైవరు కూడా మౌనంగా ఉన్నారు. పదేళ్ళ పాటు వాళ్లకి ఉద్యోగ భద్రత కల్పించింది ఆ పులి. ఆ మాత్రం గౌరవం ఉండదా? ఆ నిశ్శబ్దంలో లంగూర్ మంకీ అరుపు వినబడింది. ఏదో ప్రిడేటర్ ని చూసిందో లేక అనుమానంతోనో ఒక హెచ్చరిక చేసింది. ఇతర కోతులూ, నేల మీదున్న జింకల్లాంటి జంతువులూ కూడా ఈ హెచ్చరికల మీద చాలా ఆధారపడతాయి. నిజానికి కొండముచ్చుకీ – మచ్చల జింకకీ symbiotic relationship/ interspecies friendship ఉంది. రక్షణ కోసం ఒకదానిపై ఒకటి ఆధారపడతాయి. ఎత్తులో ఉండి దూరంలో ఉన్న ప్రమాదాల్ని కనిపెట్టడం కోతికి తేలిక. గడ్డిలో, పొదల్లో దాగిన ప్రిడేటర్స్ ని పసిగట్టడం జింకకి వీలవుతుంది. పరిణామక్రమంలొ రెండు జాతులూ ఒకదాని ఉపయోగం ఒకటి గ్రహించుకున్నాయి. వీలయినంతవరకూ దగ్గరగా మసులుతాయి. కలిసి ఉంటే కలదు సుఖం అనేది కేవలం మనిషి కనిపెట్టిన సత్యం కాదు. సంఘ జీవనపు ఉపయోగం ప్రతీ జీవి గ్రహించగలదు. ప్రకృతి సహజమైన జంతుప్రజ్ఞ ఉన్న స్థాయినిబట్టీ ప్రతీ జీవీ తన పరిసరాలతో, తన జాతి జీవులతో, ఇతర జాతులతో కూడా సంబంధాలు ఏర్పాటు చేసుకుంటాయి. వాటిలో అవి బుద్ధిపూర్వకంగా మోసాలు చేసుకోవడం వుండదు. అది కూడా సాధించిన ఘనత మనిషికి మాత్రమే చెందుతుంది. Sorry for the digression. లంగూర్ మంకీ అరుపుతో మాలో ఎక్స్పెక్టేషన్ పెరిగిపోయింది. ఏదో జంతువు దగ్గర్లో తిరుగుతోంది. ఏ క్షణంలోనయినా మా కంట బడవచ్చు. అక్కడున్న గాఢమైన నిశ్శబ్దం చూస్తే ఆ జంతువు పులే కావచ్చు. ఓ పది నిమిషాలు అక్కడే ఉన్నాం. మా జీపు ఒక్కటే. వాహ్! ఫస్ట్ ట్రిప్ లో అందరికంటే ముందు పులిని చూసినవాళ్ళం మేమే అవుతాం అనిపించలేదు. జిమ్ కార్బెట్ స్టైల్లో ఒంటరిగా (ఇంచుమించు) పులిని ఫేస్ చెయ్యబోతున్నాం. జూలో, సర్కస్ లో లా కాకుండా పులిని దాని సహజ వాతావరణంలో నీ ఇంటికొచ్చా! నీ నట్టింటికొచ్చా! అన్నంత లెవెల్లో ఎదుర్కోబోతున్నామనే ఎక్సైట్-మెంట్. భయం వేస్తే ఎలా? దానికి భయ పెడదామని సరదా పుడితే ఎలా? ఇలాంటి ప్రశ్నలేంలేవు బుర్రలో. ఐదు నిముషాలయ్యింది. మంకీ అరుపులు ఆగిపోయాయి. ఫాల్స్ అలార్మ్ కావచ్చు. థ్రిల్ కాస్తా నిల్. రోజుల తరబడి పులులు ఎక్కువ సంఖ్యలో ఉన్న అడవుల్లో తిరిగినా కనీసం దాని కాలి గుర్తులు కూడా సరిగ్గా దొరకని జిమ్ కార్బెట్ అనుభవాలు గుర్తుచేసుకున్నాం. జీపు కదిలింది. చూద్దాం! ఇంకా నాలుగ్గంటల టైముంది అడవిలో తిరగడానికి ఈ మొట్ట మొదటి సఫారీలో. ఇదిగో ఇదీ ఛార్జర్ని బరీ చేసిన స్థలం –

DSC_0874

మళ్ళీ అడవిలోకి ప్రయాణం. దారిలో అడవులన్నా పులులన్నా ఎందుకు నాకీ పిచ్చి అని ఒక పనికిమాలిన డౌట్ వచ్చింది. కొన్ని క్షణాల పాటే ఉన్నా నా మటుకు అది చాలా ఇంట్రెస్టింగ్ డౌట్. ఎందుకంటే మా యింట్లో ఎవరికీ లేని వైల్డ్ లైఫ్ ఇంటరెస్ట్ నాకు ఎలా ఏ సందర్భంలో కలిగివుంటుందా అని గతాన్ని తవ్వుకోవడం కూడా ఎందుకో బావుంటుంది. నిశ్శబ్దమైన అడవి మధ్య మనకి తెలియకుండా మన్ని అబ్జర్వ్ చేస్తూ పచ్చటి కళ్ళు రెండు చాలా దగ్గర్లోనే ఉన్న ఫీలింగ్ ఉంటుందే, అందులో ఒకటో, రెండో శాతమైనా ఆ మెమరీ మైనింగ్ వల్ల కలుగుతుంది. ఆ మెమరీస్ లో నాకు తెలిసి మొట్టమొదట పులి గురించి విన్న నిజమైన కధో, నిజమా అనిపించే కధో ఏదైతేనేం అది చెప్తాను. ఐదారేళ్ల వయసులో మా నాన్న చెప్పిన కధ. బెడ్రూమ్ కిటికీలోంచి చంద్రుణ్ణి తెల్లవార్లూ చూస్తూ చంద్రుడు వెళ్లి సూర్యుడు ఎలా వస్తాడో చూడాలని నాకో ప్రాజెక్టుండేది అప్పుడు. (ఇప్పటికీ పూర్తవ్వలేదు) అలా చంద్రుణ్ణి చూస్తూ కధ చెప్పమంటే చెప్పిన కధ ఇది.

సీలేరు అనే వూరు, ఆ వూరి చుట్టూ దట్టమైన అడవులు. కంప్లీట్ విత్ టైగర్స్ అనమాట. రాత్రిళ్ళు బయటకొస్తే పులో, చిరత పులో ఎదురవ్వడం చాల సాధారణంట అక్కడ. అక్కడ హైడ్రో ఎలక్ట్రిక్ స్టేషన్ ఉంది. అందులో స్టాఫ్ కి అక్కడే క్వార్టర్స్. ఆ స్టాఫ్ లో ఒకడే ఈ కధకి నాయకుడు (అని నా ఉద్దేశం, కన్ఫర్మ్ చేసుకోవాలని అప్పుడు తెలియదు, ఇప్పుడు కుదరదు). సరే కదా నాయకుడు ఒక రాత్రి చలి మంట వేసుకుని ఒక్కడే కూచున్నాడు. వేచ్చాదనానికి నెమ్మదిగా కునుకు పట్టింది. కాస్సేపటికి మెలుకువొచ్చి చూస్తే మంటకవతల ఓ పులి కూర్చుని ఉందిట. అదీ చలి కాగుతోంది. పనిలో పనిగా నోరు తెరిచి వేడి తగిలేలా పెట్టుకుందిట. అడ్డమైన మాంసాలూ తిని బ్రష్ చేసుకోకుండా వదిలేసినందువల్ల పళ్ళలో బాక్టీరియా చేరి బాధ పెడుతుంటే పులులు ఇలా మంటలు కనిపించినప్పుడు నోరక్కడ పెట్టి క్రిముల్ని వదిలించుకుంటాయిట. ఐతే కధలో పులికి కానీ, హీరోక్కానీ ఈ విషయం తెలుసో లేదో అనేది పక్కన పెట్టాల్సిన అవసరం ఉంది కనక అదలా వదిలేస్తున్నాను. సరే పులిని ముందు హీరో చూసాడు. అసంకల్పిత ప్రతీకార చర్య జరిగింది. ఐనా మనవాడు బుర్ర స్టేబుల్ గా ఉంచుకున్నాడు. లేచి పరిగెడితే పులి వెంట పడుతుంది. దానికా చాన్స్ ఇవ్వకుండా తప్పించుకోవాలి. మండుతున్న కట్టె మెల్లిగా తీసి తెరిచిన పులి నోట్లో విసిరేసి పారిపోయాడు. పులేం బాధలు పడిందో పాపం హీరో మాత్రం ప్రాణాలతో బైట పడ్డాడు. ఇప్పుడైతే క్రూరమైన కధ అనిపిస్తుంది. అలా అని అప్పుడు కూడా పులి చచ్చి, కధ సుఖాంతం అయిందని నేను సంబరపడ్డ గుర్తు లేదు. This last point is something that makes me happy over that matter. ఈ కధ కాక ఇతర కధలున్నా ఎంతో కొంత రియాలిటీకి దగ్గరగా ఉన్న టైగర్ స్టోరీ ఇది.

దీని తరువాత జంతువుల మీద కొంతవరకూ సైంటిఫిక్ ఇంట్రెస్ట్ పెరగడానికి కారణం సెవెంత్ లో ఉండగా మా పిన్ని ప్రెజెంట్ చేసిన ‘పిల్లి జాతి’ అనే నేషనల్ బుక్ ట్రస్ట్ పబ్లికేషన్. Cat Family పేరుతో  M.D. చతుర్వేది వ్రాసిన పుస్తకానికి తెలుగు అనువాదం. సింహంతో మొదలై పిల్లి వరకూ ఇండియాలో ఇప్పుడూ/ఒకప్పుడూ ఉన్న జంతువులన్నిటి గురించీ వ్రాసినది.

దాని తర్వాత, దాని ప్రభావం వల్ల అనొచ్చేమో, సర్కస్ లో సింహాన్ని (in fact, బోనులో పడుకునున్న సింహం తోక చివరి కుచ్చుని) ముట్టుకోవడం జంతువులపై ఇంట్రెస్ట్ ఇంకా పెరిగిపోవడానికి కారణం అయిందని అనుమానమో, అభిప్రాయమో – అది కూడా ఒకటుంది. ఆ విషయాలు నెక్స్ట్ ఇన్స్టాల్మెంట్ లో.

(సశేషం)

***4ksy***

జీకే గా పీకే ఓకే పీకే గా ఏకే డబలోకే


YVR's అం'తరంగం'

ఏకే నటించిన పీకే, పీకే నటించిన గోపాల గోపాల ఓకే వారంలో చూసేసాం. జీకే గా పీకే ఓకే పీకే గా ఏకే డబలోకే
రెండిట్లో థీమ్ ఒకటే, దేవుడికీ మనిషికీ మధ్య ఏర్పడ్డ దళారీ వ్యవస్థని ప్రశ్నించడం.
గోపాల గోపాలలో ప్రశ్నలన్నీటికీ మొదట్లోనే దేవుడి ఆమోద ముద్ర పడిపోతుంది. పీకేలో అసలు దేవుడు రంగంలో ప్రవేశించకుండా, ఆయన ఆస్తిత్వానికి భంగం రాకుండా డిబేట్ అంతా మనుషుల మధ్యే జరుగుతుంది.

పీకేలో ఇజాల ప్రిజాల్లో ఇరుక్కుపోయిన మైండ్స్ లో సమస్యలకి తాజా పరిష్కారాలు దొరకడం కష్టం అనే పాయింట్ ఎత్తి చూపిస్తూ గ్రహాంతర జీవిని ప్రవేశపెట్టారు. ఏ సమస్యనైనా అర్ధం చేసుకోవాలంటే ముందుగా దాని ప్రభావం నుంచి మనసు బయట పడాలి. ఫ్రీగా ఆలోచించాలి. అందులో నేనులేను అనుకుని ఒక పరిశీలకుడిగా వ్యవహరించాలి. అప్పుడే సమస్య డైమన్షన్స్ పూర్తిగా అర్ధం అవుతాయి. మూల కారణం తెలుస్తుంది. గ్రహాంతర జీవికి భూలోకవాసుల విశ్వాసాలు, లాజిక్కులు, పరిమితులూ, .. ఏవీ లేవు, తను ఏ చట్రంలోనూ ఇరుక్కోలేదు, ఏ ఛత్రంకిందో దూరి పబ్బం గడుపుకునే అలవాటు లేదు. ఫ్రెష్ గా ఆలోచించి నిజాయితీగా జవాబులు వెతుకుతాడు. అందరికీ చెప్తాడు.భూలోకవాసులతో పోలిస్తే కంప్లీట్ ఔట్-ఆఫ్-ది బాక్స్ థింకింగ్ చేస్తాడని చూపడానికి symbolicగా శరీరం మీద ఏ ఆఛ్ఛాదనా లేకుండా వదిలేసారు, (పాపం!)

అసలు దేవుడు మాత్రం తెరపైకి రాడు. దేవుడున్నాడా లేడా అనే మీమాంస ఎవరికీ కలగదు…

View original post 496 more words

మహాసముద్రంతో నీటి బిందువు అంటోంది ….


YVR's అం'తరంగం'

నువ్వూ నేనూ ఒకటనుకుంటే చెప్పలేని దైర్యం , ఆపలేని ఆనందం
అనంతం నీ వైశాల్యం అగాధం నీ ఆంతర్యం
అద్భుతం నీ సౌందర్యం అల్లకల్లోలం నీ ఆనందం
అన్నీ నావే అన్నీ నేనే

అంతలో ఏదో భయం, నేను నువ్వు కాదనిపించే సంవిద్వైతం
అలగా ఎగయాలని ఆరాటం, ఎంత ఎగిసినా విరగకతప్పని దౌర్బల్యం
కట్ట దాటనీయని నీ బంధం, కట్టలు తెంచే అర్ధంకాని చైతన్యం
గుండె బాదుకున్నా చెదరని ఇసుక తిన్నెల నిశ్శబ్దం
ఉత్సాహం విరిచేస్తూ రాతిగుండెల్లో ఘనీభవించిన అహంకారం
నువ్వేనేననుకోనివ్వని అంతులేని నీ అంతర్మధనం
నీలోనే నా ఉనికనుకొమ్మనే జడప్రపంచపు అంధ నిబంధనం
నువ్వూ నేనూ ఒకటైనప్పుడు ఎందుకు నాకీ గతజల సేతుబంధనం
నేను నీది కాదనుకుంటే తప్పదుమరి నీ మనసున మధనం
ఎంత కాలమీ అరణ్య రోదనం ఎంత సేపు నీ ఆత్మ శోధనం

అయినా …

ఫరవాలేదు కూడగట్టుకుంటాను ధైర్యం
దుర్భరం నా మనసులోని దైన్యం
ప్రాణమివ్వమని సూర్యుణ్ణడుగుతా
ఊతమివ్వమని కొండగాలినడుగుతా
వానమబ్బునై ఆకాశంతో చేరిపోతా

అలనై ఆవిరినై మేఘాన్నై జలపాతాన్నై ఆకసమంతా ఆవరిస్తా
యేరునై సెలయేరునై చైతన్యపు తేరునై పుడమిపై నడయాడి వస్తా
నదినై పావన హృదినై జీవన కధనై నేను నేనై నీకై మళ్ళీ తిరిగివస్తా

మందమారుతాల మృదుత్వం
పిల్లతెమ్మెర సితారల సంగీతం
మేఘాన్నై నేనాస్వాదిస్తా

పర్వత సానువుల ఆత్మవిశ్వాసం
ఒంటరి శిఖరాగ్రాల ధైర్యం, స్థైర్యం
అందుకున్న నేఁ జలపాతాన్నై దూకేస్తా

లోయలోతుల్లోని భావగాంభీర్యం
అరణ్యాల…

View original post 79 more words

vedika

your forum for critical and constructive writings

నా కుటీరం

సమాజం, సాహిత్యం, సౌందర్యం

Kadhana Kuthuhalam

మరపురాని కథలను మళ్ళీ చదువుదాం.!

🌿🐢YVR's 👣Walks🐾With🌾Nature🐌🍄

🌻Look deep into nature, and then you will understand everything better 🌹 👨‍🔬Albert Einstein👨‍🏫

ఉహల ఊసులు

కవిత్వం, వంటా - వార్పు, మనసులో మాటలు, అక్కడ - ఇక్కడ

Prasad Oruganti

“I've learned that people will forget what you said, people will forget what you did, but people will never forget how you made them feel”— Maya Angelou

A Birder's Notebook

"Learning to bird is like getting a lifetime ticket to the theater of nature".

SEEN ALONG THE TRAIL

"I am at home among trees." -J.R.R. Tolkien

BUDGET BIRDERS

birding the world on a budget

Mike Powell

My journey through photography

Birder's Journey

"If you want to see birds, you must have birds in your heart." -- John Burroughs

Singapore Bird Group

The blog of the NSS Singapore Bird Group

MORGAN AWYONG

little truths . little deaths

Animals in South-East Asia

By Andrew Rhee (http://blog.daum.net/fantasticanimals)

Singapore Birds Project

Singapore birds information for birders by birders

Life is a poetry

Life is a beautiful journey. Live, discover, feel and fall in love with it

vedika

your forum for critical and constructive writings

నా కుటీరం

సమాజం, సాహిత్యం, సౌందర్యం

Kadhana Kuthuhalam

మరపురాని కథలను మళ్ళీ చదువుదాం.!

🌿🐢YVR's 👣Walks🐾With🌾Nature🐌🍄

🌻Look deep into nature, and then you will understand everything better 🌹 👨‍🔬Albert Einstein👨‍🏫

ఉహల ఊసులు

కవిత్వం, వంటా - వార్పు, మనసులో మాటలు, అక్కడ - ఇక్కడ

Prasad Oruganti

“I've learned that people will forget what you said, people will forget what you did, but people will never forget how you made them feel”— Maya Angelou

A Birder's Notebook

"Learning to bird is like getting a lifetime ticket to the theater of nature".

SEEN ALONG THE TRAIL

"I am at home among trees." -J.R.R. Tolkien

BUDGET BIRDERS

birding the world on a budget

Mike Powell

My journey through photography

Birder's Journey

"If you want to see birds, you must have birds in your heart." -- John Burroughs

Singapore Bird Group

The blog of the NSS Singapore Bird Group

MORGAN AWYONG

little truths . little deaths

Animals in South-East Asia

By Andrew Rhee (http://blog.daum.net/fantasticanimals)

Singapore Birds Project

Singapore birds information for birders by birders

Life is a poetry

Life is a beautiful journey. Live, discover, feel and fall in love with it

Why watch wildlife?

A site dedicated to watching wildlife

Discover

A daily selection of the best content published on WordPress, collected for you by humans who love to read.

Gangaraju Gunnam

What I love, and mostly, what I hate

చిత్రకవితా ప్రపంచం

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

సాహితీ నందనం

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

బోల్డన్ని కబుర్లు...

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

భండారు శ్రీనివాస రావు – వార్తా వ్యాఖ్య

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

SAAHITYA ABHIMAANI

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

లోలకం

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

కష్టేఫలి

సర్వేజనాః సుఖినోభవంతు

zilebi

Just another WordPress.com site

కష్టేఫలే

సర్వేజనాః సుఖినోభవంతు

అంతర్యామి - అంతయును నీవే

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

ఎందరో మహానుభావులు

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

వరూధిని

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

హరి కాలం

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

The Whispering

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

Satish Chandar

Editor. Poet. Writer

పిపీలికం

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

పని లేక..

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

గురవాయణం

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

పక్షులు

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

ఆలోచనలు...

అభిమానంతో మీ ప్రవీణ.....

Vu3ktb's Blog

Just another WordPress.com weblog

ఆలోచనాస్త్రాలు

............... ప్రపంచంపై సంధిస్తా - బోనగిరి

abhiram

album contains photos of my thoughts & feelings

%d bloggers like this: