చంబల్ లోయలో, ఒళ్ళంతా నగలతో- దోపిడీ చేసే హక్కు ఎవరికీ ఎప్పటికీ లేదు- అని, బందిపోట్లు “చదివేలా”, బోర్డు తగిలించుకుని


YVR's అం'తరంగం'

ఇండియాస్ డాటర్ రేపిన దుమారంతో మేధావులూ, సంస్కర్తలూ, రకరకాల ‘ఇస్టు’లు – అదేనండీ ఫెమినిస్టులు, సోషల్ ఎనలిస్టులు, కాలమిస్టులు, ఎట్సెట్రాలు ఒక్కసారి ఒంటికాలిమీద లేచారు. ఇన్ని రకాల ‘ఇస్టు’ల్నిరెచ్చగొట్టిన మరో ‘ఇస్టు’ ఒక రేపిస్టు. తనలోఉన్న పురుషాహంకార పంది (male Chauvinist pig)ని బీబీసీ ద్వారా బయటకొదిలి పరుగులు పెట్టించి వాడీ వివిధ ‘ఇస్టు’ల్ని “చైతన్య”పరిచాడు. ఇక్కడ “చైతన్యం” = గడ్డి మంట అనుకుంటే చాలు అది ఎందుకు రెండు మూడ్రోజుల్లో చతికిలబడిందనే డౌటు రాదు. రేపిస్టు తప్పించి ఇతర వివిధ మంచి ‘ఇస్టు’ల్లో పొంగిన చైతన్యం సడెన్ గా చతికిలబడిందంటే బడదా మరి? ఆ చైతన్యం కలిగేది వాళ్ళలోని రిఫార్మిస్టు వల్లకాక ఈగోయిస్టు వల్ల అయినప్పుడు అంతకన్నా ఎక్స్పెక్ట్ చెయ్యడం అనవసరం. ఇలా ఎందుకనుకోవాల్సొచ్చిందయ్యా అంటే –

వివిధ పడక్కుర్చీ సైన్యాధిపతులు (Armchair Generals) చేస్తున్న, మీడియాలో వస్తున్న వాద ప్రతివాదాలు చూస్తే మహా కన్ఫ్యూజింగా ప్లస్ ఫ్రస్ట్రేటింగా వుంటోంది మరి.  కన్స్ట్రక్టివ్ డిబేట్ కన్నా మేధోన్మత్తత, తెలివితేటల ప్రదర్శన, మిస్-ప్లేస్డ్ పేట్రియాటిజమ్, ఏదో ఒక ఐడియాలజీని మాత్రమే నెత్తికెత్తుకొనే ఆతృత ఎక్కువ కనిపిస్తాయి.

విచారణా గుడ్డా అలాంటి పశువుల్ని ఎన్ కౌంటర్ చేసెయ్యాలని – న్యాయ ప్రక్రియ, అదే లీగల్ ప్రాసెస్, జరగాలని,

వీణ్ణి ఉరి తియ్యకపోవడం వల్ల బీబీసీకి దేశాన్ని అవమానించే చాన్స్ వచ్చిందని, ఇదంతా విదేశీ హస్తాల కుట్ర అని,

ఇండియాస్ డాటర్ లాంటి ప్రోగ్రామ్స్ వలన జనంలో అవేర్ నెస్ పెరిగి, చైతన్యం వస్తుందంటే,
ముందు…

View original post 871 more words

చంబల్ లోయలో, ఒళ్ళంతా నగలతో- దోపిడీ చేసే హక్కు ఎవరికీ ఎప్పటికీ లేదు- అని, బందిపోట్లు “చదివేలా”, బోర్డు తగిలించుకుని


ఇండియాస్ డాటర్ రేపిన దుమారంతో మేధావులూ, సంస్కర్తలూ, రకరకాల ‘ఇస్టు’లు – అదేనండీ ఫెమినిస్టులు, సోషల్ ఎనలిస్టులు, కాలమిస్టులు, ఎట్సెట్రాలు ఒక్కసారి ఒంటికాలిమీద లేచారు. ఇన్ని రకాల ‘ఇస్టు’ల్నిరెచ్చగొట్టిన మరో ‘ఇస్టు’ ఒక రేపిస్టు. తనలోఉన్న పురుషాహంకార పంది (male Chauvinist pig)ని బీబీసీ ద్వారా బయటకొదిలి పరుగులు పెట్టించి వాడీ వివిధ ‘ఇస్టు’ల్ని “చైతన్య”పరిచాడు. ఇక్కడ “చైతన్యం” = గడ్డి మంట అనుకుంటే చాలు అది ఎందుకు రెండు మూడ్రోజుల్లో చతికిలబడిందనే డౌటు రాదు. రేపిస్టు తప్పించి ఇతర వివిధ మంచి ‘ఇస్టు’ల్లో పొంగిన చైతన్యం సడెన్ గా చతికిలబడిందంటే బడదా మరి? ఆ చైతన్యం కలిగేది వాళ్ళలోని రిఫార్మిస్టు వల్లకాక ఈగోయిస్టు వల్ల అయినప్పుడు అంతకన్నా ఎక్స్పెక్ట్ చెయ్యడం అనవసరం. ఇలా ఎందుకనుకోవాల్సొచ్చిందయ్యా అంటే –

వివిధ పడక్కుర్చీ సైన్యాధిపతులు (Armchair Generals) చేస్తున్న, మీడియాలో వస్తున్న వాద ప్రతివాదాలు చూస్తే మహా కన్ఫ్యూజింగా ప్లస్ ఫ్రస్ట్రేటింగా వుంటోంది మరి.  కన్స్ట్రక్టివ్ డిబేట్ కన్నా మేధోన్మత్తత, తెలివితేటల ప్రదర్శన, మిస్-ప్లేస్డ్ పేట్రియాటిజమ్, ఏదో ఒక ఐడియాలజీని మాత్రమే నెత్తికెత్తుకొనే ఆతృత ఎక్కువ కనిపిస్తాయి.

విచారణా గుడ్డా అలాంటి పశువుల్ని ఎన్ కౌంటర్ చేసెయ్యాలని – న్యాయ ప్రక్రియ, అదే లీగల్ ప్రాసెస్, జరగాలని,

వీణ్ణి ఉరి తియ్యకపోవడం వల్ల బీబీసీకి దేశాన్ని అవమానించే చాన్స్ వచ్చిందని, ఇదంతా విదేశీ హస్తాల కుట్ర అని,

ఇండియాస్ డాటర్ లాంటి ప్రోగ్రామ్స్ వలన జనంలో అవేర్ నెస్ పెరిగి, చైతన్యం వస్తుందంటే,
ముందు ఫోకస్ పెట్టాల్సింది రేప్ కల్చర్ పైన, అది అన్ని దేశాల్లోనూ ఉంది కనక ఇండియానే ఎత్తి చూపించడం అన్యాయం అనే కౌంటర్లు(What do we want? ఇండియాలో సాంఘిక సమస్యలకి పరిష్కారమా? అన్ని దేశాల్లోనూ ఉండే సమస్యే కనక అలా వదిలేయడమా?)

ఆడవాళ్ళు సభ్యతగా ఉంటే నేరాలు జరగవని బోధించి సాయంత్రం సినిమాలో ఐటం డాన్స్ నోర్మూసుకుని చూసే పెద్దమనుషుల శ్రీరంగనీతులు

మృగాళ్ళని ‘అన్నా’ అని పిలిస్తే అప్పటికప్పుడు వాడు పరివర్తన చెందుతాడనే దుర్’ఆశా(రాం)’వాదం .Vs. no outfit is an
invitation to rape / Dont tell me how to dress, tell them not to rape లాంటి వితండవాదం

ఇండియాలో జరిగే రేపులు తక్కువా, రిపోర్ట్ చెయ్యబడేవీ తక్కువ కానీ అమెరికాలో జరిగేవి ఎక్కువ, రిపోర్ట్ అయ్యేవి తక్కువ అని
పక్కదోవ పట్టించే అనలిస్టులు + రేపిస్ట్ సైకాలజీపై ఇంకా ఇంకా రీసెర్చి జరగాలనే ‘మేధో’న్మత్తులు

పడక్కుర్చీ సైన్యాధిపతులు అన్ని రకాల మీడియాల్లో చర్చోపచర్చలు చేసేస్తున్నారు. But, అన్నీ థియరీలే. సిట్యుయేషన్ని కంట్రోల్ చేసే మార్గాలు మాత్రం ఎవరి దగ్గరా లేవు. పాపం ప్రజా ప్రతినిధులకి పార్లమెంట్ సెషన్స్ స్తంభింపజేయడానికే టైం సరిపోట్లేదు చర్చలు, డిబేట్లు ఏం చేస్తారు?

ఇలాంటి వాళ్ళు తప్ప సునితా కృష్ణన్ గారిలా( _/\_ ) ధైర్యంగా అఫర్మెటివ్ యాక్షన్ తీసుకునేవాళ్ళు ఎంతమంది ఉన్నారు?
ప్రాణాలకి తెగించక్కర్లేదు, at least, ప్రభుత్వం, ప్రజాప్రతినిధులు, పోలీసులు, ప్రజలు – వీళ్ళందరి దృక్పధంలోంచి రేప్ కల్చర్ సమస్య జారిపోకుండా,
ప్రతీరోజూ వాళ్ళని ఉలిక్కిపడేలా చేసే ఒక్క సింపుల్ యాక్షన్ చాలు. అతివృష్టి అనావృష్టి లాగా వస్తే ఒక్కసారి అందరూ రోడ్లమీదకొచ్చేయ్యడం, లేకపోతే వ్యవస్థని తిట్టుకుంటూ కూచోడం. పాకిస్తాన్ ని పొగిడితే చావగొట్టమనే సాధ్వులేగానీ ఆడపిల్లల్ని – శిశుహత్యలు చేసే ఆడవాళ్ళని, కట్నాల కోసం హింసించే వాళ్ళని, అసభ్యంగా ఏడిపించేవాళ్ళని, హత్యాచారాలు చేసేవాళ్ళని – పిలకపట్టుకుని దుమ్ముదులిపే మామూలు స్త్రీలు ఎక్కువ కనపడరేంటి?

పోనీ, రూట్ కాజ్ ఎనాలిసిస్ జరగాల్సినంత తీవ్రంగా జరుగుతోందా అంటే కొన్ని విషయాల మీద ఏ మూల నుంచీ ఏ విధమైన సౌండ్స్  వినిపిస్తున్నట్టు లేదు. వాటిలో కొన్ని –

పార్లమెంట్ లో కానీ, రాష్ట్ర అసెంబ్లీల్లో కానీ మొత్తమ్మీద ఈ సమస్యలపై ఎన్ని గంటలు చర్చ జరిగింది?
పసితనంనుంచే పిల్లల్లో మోరల్ వాల్యూస్ పెంచే చదువు ప్రాముఖ్యత, అందరికీ ఆ చదువు అందాల్సిన అవసరంపై చర్చ ఎందుకు జరగదు?

సెన్సేషన్ కోసం అరుపుల గోల చర్చలే తప్ప దారుణాలపై దేశవ్యాప్తంగా జాతిలోనిజమైన కదలిక వచ్చేవరకూ కంటిన్యువస్ అండ్ కన్స్ట్రక్టివ్ డిబేట్ అన్ని మీడియాల్లో, సెలబ్రిటీల్లో, నాయకుల్లో, ప్రజాప్రతినిధుల్లో, కనీసం మంత్రివర్యుల్లోజరపాలనే ఆకాంక్ష, ఆసక్తి మీడియాకి ఉందా?

చదువులేనివాళ్ళని, అదివున్నా సంస్కారంలేని వాళ్లని, మానసిక పరిపక్వతలేనివాళ్ళని, డబ్బులెక్కువై ఏమీ తోచక తాగుడుకీ, డ్రగ్స్ కి బానిసలై తిరిగే దరిద్రులకి ఇంటర్నెట్టూ, అది అందుబాటులోకి తెచ్చే అన్నిరకాల పెర్వర్టెడ్ ఇన్ఫర్మేషనూ ఎంత వెర్రెక్కిస్తాయనే పాయింటు పై చర్చ???

ఎక్కడ అత్యాచారం జరిగినా బ్రేకింగ్ న్యూస్ లో వెంటనే చూపించే పేపర్లూ, ఛానల్సూ, ఆన్-లైన్ పత్రికలూ హాట్&స్పైసీ టైటిల్స్ పెట్టి అసభ్య ఫోటోలు వెయ్యడం పాఠకులు/ప్రేక్షకుల చేత మానసిక వ్యభిచారం చేయించడం కాదా?

సినిమాల్లో ఐటం డాన్సులూ, “స్క్రిప్ట్ ప్రకారం” చూపించే ‘అడల్ట్’ కంటెంట్ నిజంగా అవసరమా అని ఎవరైనా అడుగుతున్నారా?ఇలాంటివి స్త్రీని చీప్ గా చూపిస్తాయని కానీ, అవి రేప్ కల్చర్ ని ఎగదోసే అవకాశం ఉందని కానీ జనం అనుకుంటున్నారా?

ఇరవై ముప్ఫై ఏళ్ళ క్రితం బందిపోటు దొంగతనాలు ఎక్కువగా జరుగుతున్నప్పుడు సిటీల్లో రాత్రిళ్ళు జనం వాచ్-కీపింగ్ గ్రూప్స్ గా ఏర్పడి కాపలా కాసేవాళ్ళు. అలా రేప్-వాచ్ గ్రూప్స్ ఏర్పాటు చేసి మృగాళ్ళని కంట్రోల్లో ఉంచాలన్న ఆలోచన పోలీసులకి రాదా?

ఇవన్నీ జరగడం అంత తేలిక్కాదు గానీ ఈ సమస్య గురించి బాధపడుతున్న, భయపడుతున్న వాళ్ళు పదివేలమందిలో ఒకళ్లైనా, తమ ఇళ్ళ ముందు యాంటీ రేప్ కొవ్వొత్తి or యాంటీ రేప్ ఫ్లాగ్ ప్రతిరోజూ ఉంచడం మొదలుపెడితే?
అదొక ఫాషన్ లాగా, ఒక రూమర్ లాగా, సినిమాలూ, హీరోల పట్ల పిచ్చిలాగా, అంటువ్యాధిలాగా వ్యాపిస్తే?
సిటీల్లో యువతీయువకులతో మొదలైతే క్రమంగా అందరికీ దీనిపై ఆసక్తి పెరగదా?
ఐస్-బకెట్ లాంటి కాంపెయిన్స్ కి బ్రహ్మాండంగా స్పందించే జనం ఇలాంటివేవో ఎందుకు మొదలుపెట్టరు?

ప్రతీ ఇంటి ముందూ ప్రతిరోజూ ఓ యాంటీ రేప్ కొవ్వొత్తి వెలుగుతూ ఉంటే అటుగా వెళ్ళే నాయకులకీ, పోలీసులకి, టేకిట్ ఈజీ పాలసీ పెట్టుకున్న ప్రతీ వ్యక్తికీ ఒకరోజు కాకపోతే ఒక రోజైనా మనసులో గుబులు పుట్టకపోతుందా? ఆ గుబులు మొదలైనప్పుడు పరిస్థితిలో మార్పుకి మొదటి అడుగు పడుతుంది.
అమాయకుల్లా, మామూలు మనుషుల్లా చెలామణీ అయిపోతున్న అన్-ప్రూవెన్ రేపిస్టుకీ, పొటెన్షియల్ రేపిస్టుకీ ఎక్కడ చూసినా వెలుగుతూ కనబడే కొవ్వొత్తి తమని కాల్చేసే దావానలంలా కనబడడం మొదలౌతుంది.

(మహారాష్ట్ర బీఫ్ బాన్ చేసాక తెలిసింది, దీనికోసం వినోబా భావే ఫాలోవర్స్ అయినా కొందరు ముప్ఫై మూడేళ్ళపాటు ముంబై లో దేవనర్ కబేళా ముందు శాంతియుత సత్యాగ్రహం చేసార్ట. సాధించింది వీళ్ళు కాకపోవచ్చు కానీ ఆ ఎవేర్ నెస్ పోకుండా ఉంచారు కదా, I think that should be the spirit in dealing with any social issue)

కొవ్వొత్తి ఖర్చెక్కువనిపిస్తే ఇంటి ముందు యాంటీ రేప్ జెండా, చేతిపై బాండ్, చొక్కాపై బాడ్జ్, నెత్తిపై కాప్ … ఏదో ఒకటి ప్రతీ మృగాడికీ తన రోజులు మూడాయనే ఫీలింగ్ కలిగేలా … ఆడా, మగా అందరూ, రేప్ కల్చర్ ని, “నిర్భయ” నిందితుల్ని అసహ్యించుకునే ప్రతీ ఒక్కరు …
Do some thing, and now!
Do it until every sister, daughter, wife … simply every girl child feels, “Yes, people are behind me,
not chauvinist pigs.”

ఆఫీస్ లోనూ, ఆటో రిక్షాలోనూ , సినిమా హాల్లోనూ, కాలేజీ కారిడార్స్ లోనూ అసభ్య ప్రవర్తనకి, మృగత్వానికీ స్టాట్యూటరీ వార్నింగ్ లాగా యాంటీ రేప్ సింబల్స్ గా సభ్యజనం తిరుగుతుంటే మళ్ళీ ఎలక్షన్స్ వచ్చే సమయానికి పరిస్థితి మారుతుంది!

Ineffectiveness of Government and/or Society  IS DIRECTLY PROPORTIONAL TO  (Timidity or frailties of the victims+ degree of social apathy + depth of societal hypocrisy + extent of social fragmentation) X Criminals’ legal / illegal means of escape.

anti rape

************

కొసరు

లెస్లీ ఉడ్విన్ ఆఫ్ బీబీసీకి ఓ సందేశం –
ఇండియన్స్ లో మీ ప్రోగ్రామ్ చైతన్యం తెచ్చే మాటెలా ఉన్నా కొంతమందికి అది వెర్రెక్కించే అవకాశాలు ఎక్కువున్నాయేమో చూడండి మేడం! ఓ ఉచిత సలహా కూడా – స్త్రీ సాక్ష్యానికి విలువ ఇవ్వని సంస్కృతుల మీద, అత్యాచారానికి గురైన స్త్రీకి, నలుగురు మగవాళ్ళు సాక్షులుగా ఉంటే తప్ప ఆ నేరాన్ని నిరూపించలేని స్థితిఉన్న న్యాయ వ్యవస్థలనీ కూడా ప్రశ్నిస్తూ ఓ ప్రోగ్రామ్ తయారు చెయ్యరాదా? మీది సెన్సేషనలిజం కాదని జనం పూర్తిగా నమ్ముతారు.

No outfit is an invitation to rape / Dont tell me how to dress, tell them not to rape లాంటి స్టైలిష్ & ట్రెండీ స్లోగన్స్ ఇచ్చేవాళ్ళకి/ వాటిని నిజాయితీగా నమ్మేవాళ్ళకి ఒక ఉచిత సలహా-
చంబల్ లోయలో ఒళ్ళంతా నగలు దిగేసుకుని దొంగతనం, దోపిడీ చేసే హక్కు ఎవరికీ ఎప్పటికీ లేదు అని బందిపోట్లు చదివేందుకు వీలుగా మెళ్ళో ఓ బోర్డు కూడా తగిలించుకుని తిరగమని. పులులూ, సింహాలకి అహింసా పరమోధర్మః అని ఉపదేశించినట్టుండదూ?

అరె! మృగాలు తిరుగుతున్నాయని తెలిసీ వాటిని రెచ్చగొట్టడం అవసరమా? అలాంటి స్లోగన్స్ కృతయుగంలో పంజేస్తాయి, హ్యూమన్ వాల్యూస్ & రైట్స్ ని గౌరవించే వ్యక్తులకి అర్ధం ఔతాయిగానీ, కలియుగంలో, కలిపురుషుల దగ్గర ఎలా పనికొస్తాయి? స్ట్రీట్-స్మార్ట్ గా ఉండాలని తోచదా?

ఓవరాల్ గా ఏం జరుగుతోందో, ఏం జరగబోతోందో కానీ నాగాలాండ్ లో ఉన్నట్టుండి జనాల్లో ఆవేశం కట్టలు తెంచుకుంది. జైల్లో ఉన్న రేపిస్ట్ ని బయటకి లాక్కొచ్చి చావబాది చంపేశారు. వాడు బంగ్లాదేశ్ నుంచి వచ్చి ఇక్కడ పాతుకుపోయిన ఇల్లీగల్ ఇమిగ్రెంట్ కనక ‘ఆవేశం’ కట్టలు తెంచుకుందిగానీ లోకలోడైతే ఇంతగా తెంచుకుంటుందా? అన్నది పెద్ద ప్రశ్న. ఇది ముకేష్ సింగ్ ఇంటర్వ్యూ చూసి కట్టలు తెంచుకున్న చైతన్యం కాదు రాజకీయ కారణాలతో కూడుకున్న కావేషం అంటే చాలా డిజప్పాయింటింగా ఉంది. ఓ రకంగా ఉరుమురిమి మంగలం మీద పడినట్టుంది. But still, a rapist is a rapist whoever he is and wherever he is from. It was justice done to The Woman.

“””””””””””””” *******””””””””””””””

ఐన్-స్టీన్ చూసిన ఆదిశేషుడే శంకరుని స్పేస్-టైమ్ కంటిన్యువమ్ !!


YVR's అం'తరంగం'

తనీయాంసం పాంసుం తవచరణ పంకేరుహ భవం|విరించిస్సంచిన్వన్ విరచయతి లోకనవికలమ్||
వహత్యేనం శౌరిః కథమపి సహస్రేణ శిరసాం|హరః సంక్షుద్యైనం భజతి భసితోధ్ధూలనవిధిమ్||

తల్లీ! నీ పాదపద్మాలకంటిన ధూళికణాలతో బ్రహ్మ పద్నాలుగు లోకాలని ఎటువంటి లోపాలు లేకుండా సృష్టించగా విష్ణువు అతికష్టంతో ఆదిశేషుడిగా తన వెయ్యితలలపై వాటిని మోస్తున్నాడు. ఆ లోకాలని లయకారుడు, శివుడు పొడిపొడి చేసి విభూతిగా ధరిస్తున్నాడు.

సౌందర్యలహరిలో రెండో శ్లోకం. శ్రీ జీ. ఎల్.ఎన్. శాస్త్రిగారి సౌందర్యలహరి తెలుగు అనువాదంలో ఆయన ఇచ్చిన సైంటిఫిక్ వివరణ ఆలోచనా తరంగాల్ని పురికొల్పి సైన్సు, ఫిలాసఫీల సంగమప్రదేశానికి తీసుకుపోతుంది. శాస్త్రిగారు స్వయంగా ఫిజిక్స్ ప్రొఫెసర్ కావడం గమనార్హం. ఆదిశేషుడు పధ్నాలుగు భువనాలనీ మొయ్యలేక తన వెయ్యి తలలపై అటూ ఇటూ మార్చుకుంటూ అతికష్టంగా భరిస్తున్నాడన్న విషయాన్ని భూమి ఉత్తరదక్షిణాయనాల్లో ప్రవేశించడంతో పోల్చారు. ఉత్తరాయనంలో సూర్యుడు ఉత్తర దిక్కుగా, దక్షిణాయానంలో ఆ దిశగా సూర్యుడి కదలిక కనిపిస్తుంది కదా. నిజానికి పొజిషన్ మారేది భూమి. తన కక్ష్యలో తన యాక్సిస్ కి ఇరవై మూడున్నర డిగ్రీల కోణంలో వంగి ప్రయాణించడం వల్ల సూర్యుడు అలా కదిలినట్టు అనిపిస్తుంది. ఋతువుల మార్పు దీనివల్ల కలుగుతుంది. ఆదిశంకరుడు అదే విషయాన్ని పొయెటిక్ గా చెప్పారని అంటారు శ్రీ శాస్త్రిగారు. ఆదిశేషుడి వెయ్యి పడగల మీద భూమి ఒక ఏడాదిలో ఆ చివర నుంచి ఈ చివరికి, ఈ చివరనుంచి ఆ చివరకి దొర్లుతూ భూగోళపు ఊహాచిత్రం మనసులో మెదిలింది.
అద్వైతాన్ని…

View original post 517 more words

ఐన్-స్టీన్ చూసిన ఆదిశేషుడే శంకరుని స్పేస్-టైమ్ కంటిన్యువమ్ !!


తనీయాంసం పాంసుం తవచరణ పంకేరుహ భవం|విరించిస్సంచిన్వన్ విరచయతి లోకనవికలమ్||
వహత్యేనం శౌరిః కథమపి సహస్రేణ శిరసాం|హరః సంక్షుద్యైనం భజతి భసితోధ్ధూలనవిధిమ్||

తల్లీ! నీ పాదపద్మాలకంటిన ధూళికణాలతో బ్రహ్మ పద్నాలుగు లోకాలని ఎటువంటి లోపాలు లేకుండా సృష్టించగా విష్ణువు అతికష్టంతో ఆదిశేషుడిగా తన వెయ్యితలలపై వాటిని మోస్తున్నాడు. ఆ లోకాలని లయకారుడు, శివుడు పొడిపొడి చేసి విభూతిగా ధరిస్తున్నాడు.

సౌందర్యలహరిలో రెండో శ్లోకం. శ్రీ జీ. ఎల్.ఎన్. శాస్త్రిగారి సౌందర్యలహరి తెలుగు అనువాదంలో ఆయన ఇచ్చిన సైంటిఫిక్ వివరణ ఆలోచనా తరంగాల్ని పురికొల్పి సైన్సు, ఫిలాసఫీల సంగమప్రదేశానికి తీసుకుపోతుంది. శాస్త్రిగారు స్వయంగా ఫిజిక్స్ ప్రొఫెసర్ కావడం గమనార్హం. ఆదిశేషుడు పధ్నాలుగు భువనాలనీ మొయ్యలేక తన వెయ్యి తలలపై అటూ ఇటూ మార్చుకుంటూ అతికష్టంగా భరిస్తున్నాడన్న విషయాన్ని భూమి ఉత్తరదక్షిణాయనాల్లో ప్రవేశించడంతో పోల్చారు. ఉత్తరాయనంలో సూర్యుడు ఉత్తర దిక్కుగా, దక్షిణాయానంలో ఆ దిశగా సూర్యుడి కదలిక కనిపిస్తుంది కదా. నిజానికి పొజిషన్ మారేది భూమి. తన కక్ష్యలో తన యాక్సిస్ కి ఇరవై మూడున్నర డిగ్రీల కోణంలో వంగి ప్రయాణించడం వల్ల సూర్యుడు అలా కదిలినట్టు అనిపిస్తుంది. ఋతువుల మార్పు దీనివల్ల కలుగుతుంది. ఆదిశంకరుడు అదే విషయాన్ని పొయెటిక్ గా చెప్పారని అంటారు శ్రీ శాస్త్రిగారు. ఆదిశేషుడి వెయ్యి పడగల మీద భూమి ఒక ఏడాదిలో ఆ చివర నుంచి ఈ చివరికి, ఈ చివరనుంచి ఆ చివరకి దొర్లుతూ భూగోళపు ఊహాచిత్రం మనసులో మెదిలింది.
అద్వైతాన్ని ఔపోసన పట్టకపోయినా ఆదిశంకరుడన్న పేరు విన్నా, ఆ రూపం తలచుకున్నా ఎందుకో హృదయం ఉప్పొంగుతుంది. శివుడి అవతారంగా పరిగణించే శంకరుడికి ఖగోళ విజ్ఞానం ఒక లెక్కలోది కాదని తెలుసు. కానీ ఒక తత్త్వవేత్తగా, జీవాత్మ, పరమాత్మల మధ్య సరిహద్దు రేఖని చెరిపి ఇద్దరినీ విలీనం చేసిన అద్వైత శాస్త్రవేత్తగా చూసినప్పుడు ఆయనకీ ఖగోళ రహస్యాలు తెలిసే అవకాశం ఉందా? ఆయన కాలానికి ఇండియన్ ఆస్ట్రానమీ అంత అభివృద్ధి చెందిందా? ఇలాంటి ప్రశ్నలతో ఆలోచనలు అటు మళ్ళాయి.
శంకరాచార్యుడి కాలానికి ఇండియాలో ఆస్ట్రానమీ, దాని ఆధారంగా జ్యోతిష శాస్త్రం వృద్ధి చెందాయి. వరాహ మిహిరుడు అప్పటికే అయనాంశ (shift of equinoxes) లెక్క కట్టాడు. ఆర్యభట్ (I), భాస్కర (I) ప్రసిద్ధులయ్యారు. సో, శ్లోకరచనలో శంకరుడు దివ్యదృష్టితో కాక తన శాస్త్రజ్ఞానంతోనే ఈ ఆస్ట్రనామికల్ అంశం ఇమిడ్చే అవకాశం ఉందనుకోవచ్చు. ఇదంత ఆశ్చర్యం కలిగించే విషయం కాదు. కానీ శూన్యమైన ఆకాశంలో గ్రహ గోళాల్ని ఏ అదృశ్యశక్తి మోస్తున్నదనే విషయానికే ఆయన ప్రాధాన్యత ఇచ్చాడు. అందుకే భూకక్ష్యలో మార్పులకి ఆదిశేషుడు తలలు మార్చుకోవడమనే ఊహ(?) జోడించి అందంగా వర్ణించాడు. శంకరుడి వర్ణనకి, మోడర్న్ సైన్సు ఇచ్చిన వివరణకి పోలిక ఎంత దూరం వెళ్ళిందో తెలుసుకోవాలనే క్యూరియాసిటీ పెరిగిపోయింది.

ముందు భూమి ఇలా ఎందుకు పొజిషన్ మారుతుందో తెలుసుకుందామని గూగులించగా దొరికిన సమాచారంలో, నాకర్ధమైనంత వరకూ భూమికి మూడు రకాల మూవ్-మెంట్స్ ఉన్నాయని తెలిసింది. (తన చుట్టూ తన ఆత్మప్రదక్షిణాలు కాక)
ఒకటి – సూర్యుడి చుట్టూ ఒక కక్ష్యలో తిరగడం.
రెండు – ఉత్తర దక్షిణ ధ్రువాలు ఇరవై ఆరు వేల ఏళ్ళకొకసారి తారుమారవ్వడం (Axial Precession). హిపార్కస్ (190 – 120 B.C) తో మొదలుపెట్టి టాలెమి, భాస్కరులతో సహా అనేకమంది దీనిపై పరిశోధనలు చేశారు.
మూడు – భూకక్ష్య స్థిరంగా ఒకే పొజిషన్ లో ఉండదు. భూమితో సహా కక్ష్య కూడా సూర్యుడి చుట్టూ మెల్లిగా తిరగలి రాయిలా (eccentricగా) తిరుగుతుంది. ఇలా –

Perihelion_precession

(శాస్త్రిగారి సౌందర్యలహరి అనువాదం ఇక్కడ – https://archive.org/details/sondaryalahari023321mbp)

దీన్ని Apsidal precession అంటారు. హిపార్కస్ మొదటిగా చంద్రుడి కదలికల్లో దీన్ని గమనించాడట. బుధ గ్రహానికి ఈ precession లెక్కవేయ్యడంలో కెప్లర్ చిక్కులు పడ్డాడు. ఐన్-స్టీన్ తన జనరల్ థియరీ ఆఫ్ రిలేటివిటీ ప్రతిపాదించాక దాని ఆధారంగా బుధగ్రహపు precession సరిగ్గా లెక్క వెయ్యగలిగారు. సాపేక్ష సిద్ధాంతాన్ని ఋజువు చేసిన ప్రయోగాల్లో ఇదొకటి. భూకక్ష్య సూర్యుడి చుట్టూ ఒక రౌండు తిరిగి రావడానికి 29000 ఏళ్ళు పడుతుంది. ఇదంతా మామూలు కళ్ళతో, మహా అయితే టెలిస్కోపుతో అబ్జర్వ్ చెయ్యగలిగిన విషయాలే. బ్యూటీ అంతా ఐన్-స్టీన్ ప్రతిపాదించిన స్పేస్-టైమ్ కంటిన్యువమ్ లో ఉంది. కంటికి కనిపించని శూన్య ఆకాశాన్ని,ఊహకందని కాలాన్ని కలిపి వలగా అల్లి దానిపై గ్రహ నక్షత్రాలు కదలాడుతున్నాయని ఎలా ఊహించాడో ఈ ఫిజిక్స్ పాలిటి ఆదిశంకరుడు! ఊహించడమే కాదు ప్రయోగాత్మకంగా ఋజువైన వైనం మరీ విచిత్రం. గ్రహాలు, నక్షత్రాల వంటి వస్తువుల చుట్టూ ఉన్న స్పేస్ వంగుతుంది అన్న ప్రతిపాదన ఒకానొక సూర్యగ్రహణ సమయానికి సూర్యుడి వెనుక, అంటే ఆకాశంలో మనకి కనిపించకుండా ఉండే భాగంలో ఉండే ఒకానొక నక్షత్రం ఈ ఎఫెక్టు వల్ల కనబడుతుందని జోస్యం చెప్పారు శాస్త్రవేత్తలు, ఐన్-స్టీనే అనుకుంటా. అది నిజమయ్యింది. సంపూర్ణ సూర్య గ్రహణ సమయంలో మామూలుగా అయితే కనబడకూడదనుకున్న ఆ నక్షత్రం కనబడింది. దాన్నుంచి వచ్చే కాంతి సూర్యుడి పక్క వంపు తిరిగితే తప్ప అది సాధ్యం కాదు. మామూలుగా స్ట్రైట్ లైన్ లో ప్రయాణించే కాంతి వంగిన స్పేస్ తో పాటు వంగి భూమిని చేరింది. ఆకాశం వంగడమేమిటి? శూన్యం అని అనుకుంటున్నది శూన్యం కాదనేగా దీనర్ధం.

ఇదిగో ఆకాశం వంపు తిరిగేది ఇలా –

earth-around-sunwarp

బొమ్మలో భూమి చుట్టూ క్రుంగి ఉన్న స్పేస్-టైమ్ మాట్రిక్స్ ఒత్తుకున్న మెత్తటి పడగలా లేదూ? So, నిజంగానే కంటికి కనిపించని పడగల మీద భూగోళం దొర్లుతోంది. In fact, అంతరిక్షంలో ఉన్న గోళాలన్నీ.

శంకరుడు ఆదిశేషుడిగా వర్ణించిన అదృశ్యశక్తినే ఆధునికంగా space-time continuum అంటున్నామా?

అయితే శేషుడి పడగలు వెయ్యి కాదు అనంతం. It may be coincidental, but, ఆదిశేషుడి మరోపేరు అనంతుడు!

శతాబ్దాల క్రితం ఆదిశంకరుని ఆలోచనలు, ఇటీవలి ఐన్-స్టీన్ ఆలోచనలు మస్తిష్కంలో ఒకటైపోయాయి,
“Both religion and science require a belief in God. For believers, God is in the beginning, and for physicists He is at the end of all considerations… To the former He is the foundation, to the latter, the crown of the edifice of every generalized world view,” అని క్వాంటమ్ థియరీకి ఆద్యుడైన మాక్స్ ప్లాంక్ అన్న మాటలు గుర్తొచ్చాయి.

spacetime-travel

– సైంటిఫిక్ హిందూ.

Hi! Thank you for reading this post 🙂

Your kind feedback via LIKES button

will help me write better  _/\_

దిల్లీ ఎలక్షన్లు, ఒబామా పీకిన క్లాసు కాని క్లాసు & జాతీయ ప్రార్ధనా ఫలహారం (నేషనల్ ప్రేయర్ బ్రేక్-ఫాస్ట్)


YVR's అం'తరంగం'

saseshamఒబామా ఇండియాలొ “ఉన్న” పరమత”అసహనం” పై మనకి చురకలేసాడా? వేసాడు అనుకుంటే వేసాడు. లేదనుకుంటే లేదు. అది తీసుకునే వాడి దృష్టిని బట్టీ ఉంటుంది. ఛ, ఇక్కడ దృష్టి అనచ్చా? చెవుల గురించి మాట్లాడుతూను. ముఖ్యంగా రాజకీయ కళ్ళు, చెవులు,నోరు అన్నీ దేని పని అది చేసుకుంటూ ఉంటాయి. తమ పని తాము చేసుకు పోతాయి. చట్టం లాగ. కళ్ళు చూసేది ఒకటి, చెవులు వినేది ఇంకోటి, నోరు మాట్లాడేది ఇంకా ఇంకోటి. అసలు రాజకీయాల్లో కరెక్టుగా పని చేసేది ముక్కొక్కటే. ఎందుకంటే సెన్స్ ఆఫ్ స్మెల్ జంతుప్రపంచంలో అతి ముఖ్యమైన సర్వైవల్ టూల్. కళ్ళు, చెవులు మోసం చేసే అవకాశం ఉంది కానీ ముక్కు మాత్రం కరెక్టుగా పొంచి ఉన్న ప్రమాదాన్ని పసిగడుతుంది.రాజకీయాల్ని బతికించేదే జంగిల్ లా. శాశ్వత మిత్రులు కానీ శాశ్వత శత్రువులు కానీ రాజకీయాల్లో ఉండరని దేవరాజ్ అర్స్ చెప్పింది జంగిల్ లా ఉన్నచోట కాక మరెక్కడ అప్లై అవుతుంది? అందువల్ల ఒబామా మాటలు ఒకో రాజకీయ పక్షానికి ఒకలా వినబడతాయి. కాంగ్రెస్ కి ఒకలా, బీజేపీకి మరోలా, త్రిణాముల్ కాంగ్రెస్ కి ఇంకోలా, ఎస్పీకి వీనులవిందుగా, అవసరార్ధం ఎవరి చెవులెలా పనిచేస్తే అలా వినబడుతుంది. వినబడాలి. లేకపోతే వోటర్లకి ఎన్నుకోడానికి ఛాయిస్ ఉండొద్దూ. ఎలా వింటే వోట్లు పడతాయో రాజకీయచెవులు అలా వింటాయి. దాని ప్రకారమే వోట్ బాంకుల్ని విడగొడతాయి. అంతేకానీ ఒబామా అన్నాడు కదాని ఎలా పడితే…

View original post 1,346 more words

దిల్లీ ఎలక్షన్లు, ఒబామా పీకిన క్లాసు కాని క్లాసు & జాతీయ ప్రార్ధనా ఫలహారం (నేషనల్ ప్రేయర్ బ్రేక్-ఫాస్ట్)


sasesham

ఒబామా ఇండియాలొ “ఉన్న” పరమత”అసహనం” పై మనకి చురకలేసాడా? వేసాడు అనుకుంటే వేసాడు. లేదనుకుంటే లేదు. అది తీసుకునే వాడి దృష్టిని బట్టీ ఉంటుంది. ఛ, ఇక్కడ దృష్టి అనచ్చా? చెవుల గురించి మాట్లాడుతూను. ముఖ్యంగా రాజకీయ కళ్ళు, చెవులు,నోరు అన్నీ దేని పని అది చేసుకుంటూ ఉంటాయి. తమ పని తాము చేసుకు పోతాయి. చట్టం లాగ. కళ్ళు చూసేది ఒకటి, చెవులు వినేది ఇంకోటి, నోరు మాట్లాడేది ఇంకా ఇంకోటి. అసలు రాజకీయాల్లో కరెక్టుగా పని చేసేది ముక్కొక్కటే. ఎందుకంటే సెన్స్ ఆఫ్ స్మెల్ జంతుప్రపంచంలో అతి ముఖ్యమైన సర్వైవల్ టూల్. కళ్ళు, చెవులు మోసం చేసే అవకాశం ఉంది కానీ ముక్కు మాత్రం కరెక్టుగా పొంచి ఉన్న ప్రమాదాన్ని పసిగడుతుంది.రాజకీయాల్ని బతికించేదే జంగిల్ లా. శాశ్వత మిత్రులు కానీ శాశ్వత శత్రువులు కానీ రాజకీయాల్లో ఉండరని దేవరాజ్ అర్స్ చెప్పింది జంగిల్ లా ఉన్నచోట కాక మరెక్కడ అప్లై అవుతుంది? అందువల్ల ఒబామా మాటలు ఒకో రాజకీయ పక్షానికి ఒకలా వినబడతాయి. కాంగ్రెస్ కి ఒకలా, బీజేపీకి మరోలా, త్రిణాముల్ కాంగ్రెస్ కి ఇంకోలా, ఎస్పీకి వీనులవిందుగా, అవసరార్ధం ఎవరి చెవులెలా పనిచేస్తే అలా వినబడుతుంది. వినబడాలి. లేకపోతే వోటర్లకి ఎన్నుకోడానికి ఛాయిస్ ఉండొద్దూ. ఎలా వింటే వోట్లు పడతాయో రాజకీయచెవులు అలా వింటాయి. దాని ప్రకారమే వోట్ బాంకుల్ని విడగొడతాయి. అంతేకానీ ఒబామా అన్నాడు కదాని ఎలా పడితే అలా వినేస్తాయేంటి?
ఇలా అంటే గుర్తుకొచ్చింది, ఒక M.S. నారాయణ డైలాగు. ” చిన్నపిల్ల చెప్పింది కదాని ఏ బ్రాండ్ పడితే ఆ బ్రాండ్ తాగేస్తానేంటన్నయ్యా,” అని ‘నువ్వు నాకు నచ్చావు’లో డైలాగు. డైలాగ్ మాత్రమే కామన్. రాజకీయుడు ఆ సినిమాలో ఎమ్మెస్ కారెక్టర్లా అమాయకుడు కాదు గదా? మళ్ళీ అదే సినిమా డైలాగ్ గుర్తొస్తోంది. ఎమ్మెస్ దే, వెంకీ కారెక్టర్ గురించి, “ఇతనికి నోట్లో నాలిక లేదనుకుంటే మనకి బుద్ధి లేనట్టు.” అంటాడు కదా.

నిజానికి ఒబామా అన్నాడు కనక ఇంత ప్రొజెక్షన్ వచ్చిందిగానీ ఆర్కే నారాయణ్’స్ కామన్ మాన్ అంటే వస్తుందా? ఒబామా అంతటివాడు ఇలా అనేసాడేంటబ్బా అని ఆలోచించేవాడుంటాడెమోననే అనుమానంవల్ల సో-కాల్డ్ సెక్యులరిస్టులు ఒంటికాలి మీద లేస్తారు. అదే అనుమానంవల్ల సో-కాల్డ్ మతతత్వవాదులు ఆయనందర్నీ అన్నాడు, మమ్మల్ని స్పెప్సిఫిగ్గా అన్లేదు అనేస్తారు. నిజానికి అందర్నీ అన్నాడనుకోవచ్చు. ఒబామా అసలుద్దేశం ఏంటో అనేది పక్కనపెట్టి ఆ మాట ఓ ఇండియనే అన్నాడనుకుంటే? ఆ దిశలో ఆలోచించేవాళ్ళుంటారు కదా. వర్గాలకతీతంగా గాంధీని గౌరవించే, అభిమానించేవాళ్ళు దేశంలో కొల్లలు. గాంధీ’స్ వెర్షన్ ఆఫ్ హిందూయిజంని యాక్సెప్ట్ చేసేవాళ్ళు కోకొల్లలు. గాడ్సేకి గుడి కట్టమంటే వీళ్ళందరికీ ఏమనిపిస్తుంది? ఏదో ఒకటనిపిస్తుంది. అలా అని వీళ్ళంతా ఉద్యమాలూ గట్రా చెయ్యరు. చూసీ చూడనట్టు వదిలేస్తారు. పట్టించుకునే తీరిక, తాహతూ ఉండాలిగా. అవున్నవాళ్ళు పేపర్లలో, ఇంటర్నెట్ ఫోరాల్లో రాసుకుంటారు. అంతే. ఆ రాతలేవీ బాలెట్ బాక్సుల్ని గల్లంతు చేసే పరిస్థితి ఇప్పటికైతేలేదు. అదే ఒబామా పొజిషన్లో ఉన్నవాడికి పబ్లిగ్గా అనాల్సిన నైతిక, రాజకీయ, సాంఘిక, మౌలిక అవసరాలన్నీ కనిపిస్తాయి. (కనపడకపోయినా థింక్ టాంకులు అంజనం వేసి చూపిస్తాయి.) చురకలేసినా యూ.ఎస్. మీద ఈగకూడా వాలదన్న క్లారిటీ ఉంది. ఇండియాలో ఇన్వెస్ట్-మెంట్లకి, యూ. ఎస్. టూ ఇండియా ఎ(ది)గుమతులు, టెక్నాలజీ ట్రాన్స్ఫర్లకి ఢోకా లేకుండా నేషనల్ ప్రేయర్ బ్రేక్-ఫాస్ట్ వంటి వేదికలపై ఇతర మతాలపైనా కామెంట్స్ చేసి మాకందరూ సమానమే అని ఇండియా కళ్ళు తుడిచే నేర్పూ ఉంటుంది. సో, ఆయన అనాలని ప్లాన్ చేసుకునే ఉంటాడు. దానికి సంబంధించిన యాక్షన్ – రియాక్షన్లు డిప్లొమాటిక్ ఛానెల్స్ లో జరిగిపోతాయి. ఆ విషయం అందరూ మర్చిపోవడం కూడా జరిగిపోతుంది. ఎన్ని చూసాం? రాష్ట్రపతులు, మంత్రుల స్థాయి నుంచీ సెలబ్రిటీల వరకూ ఎంతమందిని యూ.ఎస్. ఎయిర్-పోర్టుల్లో సెక్యూరిటీ చెక్స్ పేరుతో అవమానించలేదు? ఏం చేసాం? So,అధ్యక్ష హోదాలోనే అన్నాడు కనక దాన్నీ స్ట్రాటజిక్ కళ్ళద్దాల… సారీ, హెడ్ ఫోన్స్ తోనే వినాలి.
ఆ “విన్న”దానికి దిల్లీ ఫలితాలు జోడిస్తే తక్షణ కర్తవ్యం బోధ పడుతుంది.
ఈ మధ్య దిల్లీలొ జరిగిన ఒక క్రైస్తవ సభకి మోడీ హాజరయ్యి మతసహనానికి సంబంధించి తన ప్రభుత్వపు విధానాన్ని వివరించడంలో భాజపా ఒబామా కామెంట్స్ + దిల్లీ రిజల్ట్స్ ని ఎలా విశ్లేషించుకుందనే దానిపై క్లూస్ ఉన్నాయి. మోడీ వివరణ రాబోయే నాలుగేళ్లలో భాజపా & సంఘ్ పరివార్లు ఎలా ప్రవర్తించాలనే దానికి రోడ్-మాప్ లాగా ఉంది. 

“My government will ensure that there is complete freedom of faith and that everyone has the undeniable right to retain or adopt the religion of his or her choice without coercion or undue influence. My government will not allow any religious group, belonging to the majority or the minority, to incite hatred against others, overtly or covertly. Mine will be a government that gives equal respect to all religions. India is the land of Buddha and Gandhi. Equal respect for all religions must be in the DNA of every Indian. We cannot accept violence against any religion on any pretext and I strongly condemn such violence. My government will act strongly in this regard” అని క్లియర్-కట్ స్టేట్మెంట్ ఇవ్వడం వెనక గత నెల రోజుల్లో జరిగిన రెండు పరిణామాలు – ఇండియాలో మతసహనంపై ఒబామా రిమార్కులు, డిల్లీ ఎలక్షన్స్ ఫలితాలు – కారణం అనుకోవచ్చా? కోవచ్చు, కోకపోవచ్చు.

కోకపోవచ్చు అనుకుని ఫర్దర్ రిస్క్ తీసుకునే కన్నా కోవచ్చు అనుకుని జాగ్రత్తపడడం మంచిది అని తెరవెనక జరిగిన జ్ఞానసాక్షాత్కారం అనిపించేట్లా ఆ పరిణామాలు జరిగాకే పై స్టేట్-మెంట్ వచ్చింది. లేకపోతే ముందే వచ్చేదేమో? ఏదో ఒకటి అసలు వచ్చింది కదా? ఆ రావడానికి ఇంటర్నల్ గా ఎంత కష్టపడాల్సోచ్చిందో. ఎన్ని పెద్దనోళ్ళకి తాళాలు వెయ్యాల్సోచ్చిందో, ఎన్ని పెద్ద తలకాయలకి డిప్లొమాటిక్ మొట్టికాయలు వెయ్యాల్సోచ్చిందో.
ఒబామా రిమార్కులే తీసుకుంటే ఆయన చురకలు వేశాడా, వేస్తే ఎవరికీ వేసాడు అన్నది మొదటి సమస్య. వేసాడు, అదీ భాజపా + సంఘ్ పరివారానికి అని కనక అర్ధం చేసుకుంటే లేదా బయటి ప్రపంచం i.e. ప్రజలు అలాగే అర్ధం చేసుకుంటారనిపించి ఉంటే దానికి ఎలా రియాక్ట్ అవ్వాలనేది రెండో సమస్య.
మనం ఎలా అర్ధం చేసుకున్నా సో-కాల్డ్ సెక్యులరిస్టులు ఎడ్వాంటేజ్ తీసుకోకుండా చూడాల్సిన అవసరం ఒకటుంది.
అంతేకాదు, రోజు రోజుకీ పార్టీ పేరున చెలరేగుతున్న తలతిక్క స్లోగన్లు, వాదనలు ఎలాంటి సమస్యలు సృష్టించకుండా చూడాలి. ఎందుకంటే అవి హిందూ వోట్లని ఆకర్షించకపోగా దళిత, మైనారిటీ వోట్లని వికర్షించే ప్రమాదం ఎక్కువ.
ఈ లాస్ట్ పాయింట్ కి సంబంధించినంత వరకూ ఒబామా రిమార్కులు వోట్ స్వింగులు సృష్టించే ప్రమాదం ఉంది. డిల్లీ ఎలక్షన్ల మటుకు అవి అంతగా పని చేసి ఉండకపోవచ్చు కానీ ముందు ముందు పెద్ద రాష్ట్రాల్లో ఎన్నికలు జరిగినప్పుడు ఇలాంటి స్టేట్మెంట్స్ డామేజ్ చేసే ప్రమాదం ఉంటుంది. మోడీవేవ్ కి, సెక్యులర్ ఎజెండాకి మధ్య అన్-డిసైడెడ్ గా ఊగిసలాడే సెక్యులర్, దళిత, మైనారిటీ వోట్లని ఇలాంటి స్టేట్మెంట్స్ ప్రభావితం చెయ్యొచ్చు. ఇవన్నీ దృష్టిలో పెట్టుకునే మోడీ స్టేట్-మెంట్ లొ బుద్ధుడూ, గాంధీలకి ప్రాధాన్యత ఇవ్వడం జరిగిందేమో.
ఒబామా స్టేట్-మెంట్ పడేసింది దిల్లీ ఎలక్షన్లకి పది రోజుల ముందు. కాంగ్రెస్ ని వదిలి బీజేపీకి వోటేద్దామా అని ఊగిసలాడుతున్న వాళ్లైన ఈ స్టేట్-మెంట్ కి ప్రభావితులయ్యె చాన్సుంది. అలా వోట్ స్వింగ్ తెప్పించాలన్న ఐడియా ఒబామాకి ఇచ్చే ఇంటరెస్టెడ్ పార్టీలు కూడా ఉన్నాయని అనుమానం. ఎందుకంటే, ఒబామా బీజేపీనే అన్నాడని కాంగ్రెస్సూ, అనలేదని బీజేపీ కిందామీదా పడుతుంటే ఒబామా యూఎస్సెళ్ళిపోయి అక్కడ నేషనల్ ప్రేయర్ బ్రేక్-ఫాస్ట్ మీటింగ్ లో మళ్ళీ ఆ టాపిక్ లేవనెత్తాడు. స్వహస్తాలతో టీ కలిపిచ్చానన్న కృతజ్ఞత కూడా లేకుండా ఇలా డామేజింగ్ స్టేట్-మెంట్స్ ఇస్తావా అని మోడీ అడక్కుండా డామేజ్ కంట్రోల్ చేస్తున్నట్టు పరమత అసహనం అనేది క్రిస్టియానిటీలోనూ, ఇతర మతాల్లో కూడాను ఉందని వ్రాక్కుచ్చి బాలెన్స్ చేసేశాడు. అంతవరకూ బానేవుంది. బాలన్సింగ్ స్టేట్మెంట్ ఇచ్చిన వేదికే కొంచెం అనుమానాస్పదం. ఆ వేదిక పేరు The Fellowship. జాతీయ ప్రార్ధనా ఫలహారం, ఐ మీన్, నేషనల్ ప్రేయర్ బ్రేక్-ఫాస్ట్ – horrible translation, right?– దాన్ని స్పాన్సర్ చేసే ఒక క్రిస్టియన్ సంస్థ. One of the most politically well-connected ministries in the United States అనిపించుకున్న సంస్థ. దాని కార్యకలాపాలు మోస్ట్లీ లో-ప్రొఫైల్ గా జరుగుతాయి ఒక్క నేషనల్ ప్రేయర్ బ్రేక్-ఫాస్ట్ తప్ప. ఈ ఈవెంట్ మాత్రం యూ ఎస్ ప్రెసిడెంటు, అమెరికన్ కాంగ్రెస్ మెంబర్స్, విదేశీ ప్రభుత్వాధినేతలు, డిప్లొమాట్స్ – వీళ్ళందరూ హాజరయ్యే సంవత్సరీకం(ఆన్యువల్ ఈవెంట్ అని కవి హృదయం). అందులో ఫెలోషిప్ వారి పాత్ర మాత్రం పైకి కనిపించదట. ఇప్పటికీ చాలా మంది ఈ ప్రార్ధన ఫలహార సమావేశం ప్రెసిడెంట్ మరియు కాంగ్రెస్ సభ్యులు నిర్వహించే కార్యక్రమం అనుకుంటార్ట. ఐతే ఫెలోషిప్ వారికి ప్రపంచంలో జరిగే విదేశీ వ్యవహారాల్లో ఏదో జోక్యం ఉందని, యూ ఎస్ గవర్నమెంటునీ, పొలిటీషియన్సునీ ఇన్ఫ్లుయెన్స్ చేస్తారనీ అంటారు. లాస్ ఏంజెల్స్ టైమ్స్ వాళ్ళు ఫెలోషిప్ కార్యకలాపాలపై చేసిన రీసెర్చిలో the organization has had extraordinary access and significant influence on foreign affairs for the last 50 years అని తేలిందిట. ఈ గ్రూప్ కి లీడర్ అయిన డేవిడ్ కొ ప్రకారం, ఈ గ్రూపు ధ్యేయం ఏంటంటే క్రీస్తు ‘సువార్త’ని ప్రచారం చేయడం ద్వారా ప్రపంచ వ్యాప్తంగా ఒక family of friendsని తయారు చెయ్యడంట. జీసస్ బోధలకి అన్ని మతాల వాళ్ళూ ఆకర్షితులౌతారని వాళ్ళ నమ్మకంట. దేశాధినేతల హృదయాల్లో మార్పు తెస్తే అట్టడుగు వర్గాలు, అణగారిన వర్గాలకి ఊరట కలుగుతుందిట. ఇంకా నెట్లో చాలా డిటైల్స్ ఉన్నాయి. నోట్ చెయ్యాల్సిన విషయం ఇదీ- కొందరు ఈ ఆర్గనైజేషన్ కేవలం జీసస్ పై ప్రపంచంలో అందరికీ ఉన్నప్రేమ ఆధారంగా పనిచేస్తుందని నమ్మితే, మరికొందరు ఈ ఫెలోషిప్ Secret fundamentalism at the heart of American Power అనుకుంటారు. మరొక విషయం ఏంటంటే ఒబామా మాటల వెనక ఈ సంస్థ ప్రోత్సాహం ఉందా అనేది. ఇండియాలో హిందూ అభిమానం కలిగిన పార్టీ అధికారంలో ఉంది కనక ఒబామా స్థాయి వ్యక్తి అక్కడి మైనారిటీల తరఫున మాట్లాడ్డం మంచిదని వీళ్ళు సలహా ఇచ్చి ఉండొచ్చు కదా? ఒబామాకీ ఇది బానే ఉందనిపించి ఉంటుంది కదా? ఎంతైనా అమెరికన్ వీసా నిరాకరించబడిన వ్యక్తి దేశప్రధాని అవ్వడం, అతనితో కల్సి పనిచేయ్యాల్సి రావడం, అది కొందరికి కంటగింపుగా ఉండటం, ఎట్సెట్రా ఎట్సెట్రాలన్నీ కలిపి చూస్తే ఓ మాటనేసి మోడీకి ఓ చిన్న ఝలక్ అయినా ఇవ్వచ్చులే అనిపించి ఉంటుంది. ఫ్యూచర్లొ నడపవలసిన రాజకీయాలకి ఏదో ఒక దశలో ఇదొక అస్త్రంగా వాడుకోవచ్చనీ అనిపించుంటుంది. ఒక వేళ కాంగ్రెస్ మళ్ళీ అధికారంలోకొస్తే వాళ్ళని అమెరికా విషయంలో మంచి మూడ్ లొ ఉంచడానికీ ఇది పనికి రావచ్చు. ఇలా రకరకాల అలోచించి ఓ ముక్క వదిలి చక్కా వెళ్ళిపోయాడు ఒబామా. మోడీ రెస్పాన్స్ కూడా బానే ఉంది, దానికై ఎంచుకున్న వేదికా యాప్ట్ గానే ఉంది. కానీ అదేదో ముందే – చర్చిల మీద ఎటాక్స్ జరిగినప్పుడే, గాడ్సేకి గుళ్ళు కట్టె ప్రపోజల్స్ వచ్చినప్పుడే – ఇచ్చేస్తే బావుండేదేమో. ఎట్ లీస్ట్, కాంగ్రెస్ పార్టీ రెచ్చిపోయి తనేదో మహాత్మురాలన్నట్టు లెక్చర్లివ్వకుండా ఉండేది. Probably they waited to test the waters first before deciding to put the religious card on the back burner. 

మొత్తమ్మీద ఈ పరిణామాలు ఒక విధంగా బీజేపీకి హిందుత్వ కార్డు ఎప్పుడు ఎలా ఉపయోగించాలన్న విషయంలో ఒక దిశా నిర్దేశం ఇచ్చాయనుకోవచ్చు.
ఒబామా డైలాగ్స్ వల్ల వోట్ స్వింగ్ జరిగిందని ఎవరూ అనట్లేదు కానీ వచ్చే నాలుగేళ్లలో రాబోయే ఎన్నికల్లో ఎంతో కొంత ఎఫెక్ట్ చూపించొచ్చు. అమెరికానుంచి మళ్ళీ మళ్ళీ ఈ టైపు స్టేట్మెంట్స్ రానూ వచ్చు, పెద్ద డామెజే జరగచ్చు అనిపించుంటుంది.
2014 లోక్-సభ ఎన్నికల్లో బీజేపీకి వచ్చిన మెజారిటీ మోడీ వేవ్ వలనా, కాంగ్రెస్ వ్యతిరేక పవనాల వలనా, ప్రజల్లో హిందూత్వపై అర్జెంట్ గా పుట్టిన ప్రేమ వలనా అనేది కూడా క్లియర్ ఐడియా వచ్చుంటుంది.
పూర్వం కాంగ్రెస్ కి పడిన వోట్లు, కిరణ్ బేడీ వ్యతిరేక వోట్లు కలిసి ఆప్ గెలిచిందని విశ్లేషించుకున్నా ఆప్ కి పడిన పాజిటివ్ వోట్ ఇది అని మొత్తమ్మీద తేలింది. ఎనిమిది నెలల పాలన తర్వాత మోడీ వేవ్ కానీ, హిందూత్వ కార్డు కానీ వోటర్లని ప్రభావితం చెయ్యలేదని, పనిచేస్తుందని నమ్మిన పార్టీని మతాలకి, వేవ్-లకీ అతీతంగా ప్రజలు గెలిపిస్తారని క్లారిటీ వచ్చుంటుంది.
సౌతిండియాలో ప్రాంతీయ పార్టీలకి ఎసరుపెట్టి బలపడడానికి బీజేపీ సాహసాలు చెయ్యకుండా ఆపచ్చు.
టీఆరెస్, టీడీపీలకి ఆప్ రూపంలో కొత్త మిత్రపక్షం దొరికితే ఇక బీజేపీ నాటకాలాడకుండా కొత్త రాష్ట్రాలకి చెయ్యవలసిన సాయం చెయ్యాలన్న”సద్బుద్ధి” కలిగించొచ్చు.
మోడీకి కూడా పార్టీకి ప్రభుత్వానికీ మధ్య ఎంత డిస్టెన్స్ ఏ విధంగా మెయింటైన్ చెయ్యాలనే ఐడియా వచ్చుంటుంది.
ఓ రకంగా మోడీకి హిందుత్వ ఎజెండాని కొద్దిగానైనా పక్కకి పెట్టి అభివృద్ధి ఎజెండాని ఇంకా ముందుకి తెచ్చే, పార్టీపై పట్టు మరింత బిగించే మంచి అవకాశం వచ్చింది. హోప్-ఫుల్లీ హి విల్ యూజ్ ఇట్ టూ కంట్రీ’స్ ఎడ్వాంటేజ్. ఇప్పుడు 14.2% ఉన్న ఒక మతపు జనాభా 2101 కి 17% ఔతుందని సచార్ కమిటీ అంచనా. అంటే ఇప్పుడు పదహారు కోట్లున్న వాళ్ళు ఇంకో ఎనభైఆరేళ్ళకి ముప్ఫై రెండు కోట్లు ఉంటారు. షుమారు ఏడాదికి ఇరవైలక్షలు పెరుగుతారు. దీన్నిబట్టి చూస్తే జనాభా దృష్ట్యా ఇప్పట్లో హిందువులకొచ్చే నష్టమేమీలేదు. అందువల్ల మోడీ హిందూత్వ వాదాన్ని బాక్ బర్నర్ పై పెట్టడంపై పరివారం బాధపడాల్సిన అర్జెంట్ అవసరంలేదు, ప్రొవైడెడ్ దే అండర్స్టాండ్ ఇట్ ఫ్రం ద రైట్ పెర్స్పెక్టివ్.

(ఇప్పుడే అందిన వార్త, ఒబామా రిమార్కుల వెనక 1984లో సిఖ్ఖులపై జరిగిన ఎట్రాసిటీస్ పాత్ర కూడా ఉందిట. మోడీ స్టేట్మెంట్ కి వైట్ హౌస్ ప్రతిస్పందనలో ఈ విషయం మెన్షన్ చేసారు. సో, కాంగ్రెస్ వాళ్లకి తమ మతసహనంపై చంకలు గుద్దుకునే చాన్స్ ఎగిరిపోయినట్టే)

“”””””””””””””””””””””””””””””””””””””””””””””””””””””””””””””””””””””””””””””””””””

మనిషి సాగరాకాశాల మధ్య నిలబడి వాటి సంవాదాన్ని మళ్ళీ మళ్ళీ వినాలి (అం’తరంగా’ల్లో విశ్వకవి భావాలు-3)


YVR's అం'తరంగం'

అన్ని ప్రశ్నలకీ అర్ధం తెలిసి జీవన పయనం మొదలుపెట్టినవాడే చెక్కుచెదరకుండా గమ్యం చేరతాడు. వాడే వెనకొచ్చే వారికి మార్గ సూచికలు ఏర్పాటు చేస్తాడు.

ADHAATHO

రామస్యాక్లిష్ట కర్మణః అని రాముడికి పేరు కలగడానికి తానెవరో తెలుసుకోవాలనే జిజ్ఞాసే కారణం .
అన్నీతెలుసుకునే పుట్టిన కృష్ణుడు ధర్మజ, అర్జునులకి అత్యంత క్లిష్ట సమయాల్లో మార్గ నిర్దేశం చెయ్యగలిగాడు.

అలెగ్జాండర్ దిమ్మదిరిగే సమాధానాలిచ్చిన దండికి ఆ ఆత్మవిశ్వాసం “ఏకం సత్ విప్రాః బహుదా వదంతి” అన్న జ్ఞానంతో తాదాత్మ్యం చెందడం వల్లే కలిగింది.

అన్నీ వదులుకునైనా సత్యం తెలుసుకున్నాడు బుద్ధుడు.

తొణుకూ బెణుకూ లేకుండా సోక్రటీజ్ విషం త్రాగింది సత్యం విషయంలో రాజీ పడలేకే.
సత్యం అర్ధం చేసుకుని హృదయపూర్వకంగా నమ్మబట్టే గాంధీ నిర్భయంగా పరాయిపాలనని, పరాయి దేశంలోనూ ఎదిరించగలిగాడు.
రామకృష్ణ పరమహంస, రమణ మహర్షులు సత్యాన్ని శోదించి సాధించిన తీరే వారి అద్వైతనిష్ఠకి అద్భుతత్వాన్ని ఆపాదించింది.
స్వామి వివేకానంద అఖండ ఖ్యాతికి, దేశానికి ముద్దుబిడ్డ అవ్వడానికీ అతను పరమహంస శిష్యుడవటం కాదు ప్రధమ కారణం, అతనిలోని
తీవ్ర జిజ్ఞాస, తేలికగా సమాధానపడని తత్వాలకి పరమహంస తృప్తిపడటం.
లోకానికి దారిచూపించిన వారందరికీ ఆ స్థాయి కలగడానికి కారణం ప్రశ్నించే గుణం. యూనివర్సల్ యాక్సెప్టబిలిటీవున్న జవాబులు దొరికేవరకూ రాజీపడని తత్త్వం.
మరి ఇప్పటివరకూ తన ఉనికిని, వ్యక్తిత్వాన్ని, విలక్షణత్వాన్ని ప్రశ్నించుకొని, పరిపక్వం చేసుకుంటూ వస్తున్న మానవ జాతికి ఇప్పుడేమయింది? ప్రశ్నించే శక్తి, ఆసక్తి తగ్గాయా?
కళల్లో, శాస్త్రజ్ఞానంలో ఆరితేరి అమరత్వాన్ని…

View original post 136 more words

మనిషి సాగరాకాశాల మధ్య నిలబడి వాటి సంవాదాన్ని మళ్ళీ మళ్ళీ వినాలి (అం’తరంగా’ల్లో విశ్వకవి భావాలు-3)


అన్ని ప్రశ్నలకీ అర్ధం తెలిసి జీవన పయనం మొదలుపెట్టినవాడే చెక్కుచెదరకుండా గమ్యం చేరతాడు. వాడే వెనకొచ్చే వారికి మార్గ సూచికలు ఏర్పాటు చేస్తాడు.

ADHAATHO

రామస్యాక్లిష్ట కర్మణః అని రాముడికి పేరు కలగడానికి తానెవరో తెలుసుకోవాలనే జిజ్ఞాసే కారణం .
అన్నీతెలుసుకునే పుట్టిన కృష్ణుడు ధర్మజ, అర్జునులకి అత్యంత క్లిష్ట సమయాల్లో మార్గ నిర్దేశం చెయ్యగలిగాడు.

అలెగ్జాండర్ దిమ్మదిరిగే సమాధానాలిచ్చిన దండికి ఆ ఆత్మవిశ్వాసం “ఏకం సత్ విప్రాః బహుదా వదంతి” అన్న జ్ఞానంతో తాదాత్మ్యం చెందడం వల్లే కలిగింది.

అన్నీ వదులుకునైనా సత్యం తెలుసుకున్నాడు బుద్ధుడు.

తొణుకూ బెణుకూ లేకుండా సోక్రటీజ్ విషం త్రాగింది సత్యం విషయంలో రాజీ పడలేకే.
సత్యం అర్ధం చేసుకుని హృదయపూర్వకంగా నమ్మబట్టే గాంధీ నిర్భయంగా పరాయిపాలనని, పరాయి దేశంలోనూ ఎదిరించగలిగాడు.
రామకృష్ణ పరమహంస, రమణ మహర్షులు సత్యాన్ని శోదించి సాధించిన తీరే వారి అద్వైతనిష్ఠకి అద్భుతత్వాన్ని ఆపాదించింది.
స్వామి వివేకానంద అఖండ ఖ్యాతికి, దేశానికి ముద్దుబిడ్డ అవ్వడానికీ అతను పరమహంస శిష్యుడవటం కాదు ప్రధమ కారణం, అతనిలోని
తీవ్ర జిజ్ఞాస, తేలికగా సమాధానపడని తత్వాలకి పరమహంస తృప్తిపడటం.
లోకానికి దారిచూపించిన వారందరికీ ఆ స్థాయి కలగడానికి కారణం ప్రశ్నించే గుణం. యూనివర్సల్ యాక్సెప్టబిలిటీవున్న జవాబులు దొరికేవరకూ రాజీపడని తత్త్వం.
మరి ఇప్పటివరకూ తన ఉనికిని, వ్యక్తిత్వాన్ని, విలక్షణత్వాన్ని ప్రశ్నించుకొని, పరిపక్వం చేసుకుంటూ వస్తున్న మానవ జాతికి ఇప్పుడేమయింది? ప్రశ్నించే శక్తి, ఆసక్తి తగ్గాయా?
కళల్లో, శాస్త్రజ్ఞానంలో ఆరితేరి అమరత్వాన్ని అందుకోగలనన్న ఆత్మవిశ్వాసానికి చేరువలో ఉన్న మనిషి ఎందుకిప్పుడు తనలో పెచ్చరిల్లుతున్నస్వార్ధాన్ని, మతమౌఢ్యాన్ని, పదార్ధవాదాన్ని, యుద్దాన్ని, మానసిక రుగ్మతలనీ, విపరీతత్వాన్ని ఆపుకోలేకపోతోంది?
ఎందుకు తనని తాను నిలదీసుకోలేకపోతోంది? ఎందుకలా నిస్సహాయంగా పలాయనవాదాన్ని ఆశ్రయిస్తోంది? తనని నీడని చూసి భయపడుతూ, నీడతోనే యుద్ధాలు చేస్తూ నేను గెలిచాను, నీడే ఓడటంలేదంటూ ఎందుకు ఆత్మవంచన చేసుకుంటోంది?

కోహం? ముక్తిః కఠమ్? కేన సంసార ప్రతిపన్నవాన్? అని తనని తాను నిలదీసుకోవడం మర్చిపోయిందా?
(లేక)
“అఖిల శాస్త్ర పురాణ తత్త్వాబ్ధు లీఁది
పరమ విజ్ఞానదీపమౌ పండితుండు
కాళరాత్రిని మార్గంబు గానలేక
యల్ల మామూలుకథఁ జెప్పి యంతరించు” ట వల్లనా?
(లేక)
“జీవితంబెల్ల బ హుశాస్త్ర సేవలందుఁ
గడపితి, రహస్యములు చాల గ్రాహ్యమయ్యె;
నిప్పుడు వివేకనేత్రంబు విప్పిచూడఁ
దెలిసికొంటి నాకేమియుఁ తెలియదంచు” అనగల వినయాన్ని కోల్పోవటం వల్లనా?

మనిషి సాగరాకాశాల మధ్య నిలబడి వాటి సంవాదాన్ని మళ్ళీ మళ్ళీ వినాలి. పూర్వం వేదకాలంలో విన్న పాఠాలు మరుపుకొచ్చాయి. మళ్ళీ వినాలి. ఇక్కడే అనిపిస్తుంది మనిషి జీవితం, ఆ మాటకొస్తే ఏ జీవిదైనా సరే, నిరంతరం సాగే క్షీరసాగర మధనం అని. తనలో తాను, బాహ్య ప్రపంచంతోనూ జరిపే నిత్య సంభాషణం, పరస్పర ప్రతిస్పందనం ఎన్ని తరాలు మారినా జరుగుతూనే ఉంటాయి. ఈ ఇంటరాక్షన్స్ మధ్య ఇంటర్వెల్స్ వచ్చినప్పుడు సంఘ జీవనం, సంస్కృతి, మొదలైనవి ఏర్పడతాయి.

(స’శేషం’)

ఉల్లిపాయల ధరలు, రైతుల ఆత్మ హత్యలు, నేరాలుఘోరాలు, కుంభ కోణాలు అన్నీ వాస్తు సరిగా లేకేనా ???


***

YVR's అం'తరంగం'

sasesham

“ప్రజలకి కలిగే అసౌకర్యాలకి, పడే బాధలకీ ప్రభుత్వాల, నాయకుల అసమర్ధత కారణం కాదు. పాలసీ, ప్లానింగ్ సరిగా లేకపోవటం కాదు. అంతటికీ మూలం వాస్తు,” అని నేతలు చెప్పే రోజులు దగ్గర్లోనే ఉన్నాయ్. “మేం చేసేదంతా చేసేస్తున్నాం కానీ రాష్ట్ర వాస్తు బావుండక ప్రజలు కష్టాలు పడుతున్నారు. పెట్రోలు, ఉల్లిపాయల ధరలు; రైతుల ఆత్మ హత్యలు, అత్యాచారాలు; నేరాలు ఘోరాలు, కుంభ కోణాలు అన్నీ వాస్తు సరిగా లేకే,” అని ఎవరో ఒక మంత్రి వర్యుడు త్వరలో అనకపోడు. “కేంద్రంనుంచి ప్రత్యేక పాకేజీలు రాకపోవడానికి వాస్తు దోషాలే కారణం,” అని కూడా తేల్చేయవచ్చు. జస్ట్ ఏ మాటర్ ఆఫ్ టైమ్. అసలు ప్రాబ్లెం రాష్ట్ర విభజన ముహూర్తంలో ఉందని కూడా అనుమానం. గులాం నబీ అజాద్ గారు ప్రత్యేక రాష్ట నిర్ణయానికి ఉగాది నుంచీ పోలాల అమావాస్య, అట్లతద్ది వరకూ రకరకాల ముహూర్తాలు కన్సిడర్ చెయ్యడం గుర్తుందా?

చీటికీ మాటికీ, అయినదానికీ, కానిదానికీ పిల్స్ వేసేవాళ్ళు ఇలాంటి అనవసరపు వ్యక్తిగత నమ్మకాల ఆధారంగా జరిగే వృధాఖర్చుల్ని ఆపమని ఓ పిల్ వేయ్యోచ్చుగా. వెయ్యరు. మూఢ నమ్మకాలు పెరిగిపోయాయని గోల చేసే మీడియా వాళ్ళేమో వాస్తులు, feng shui, వారఫలాలు అంటూ ప్రత్యేక పేజీలు పెడతారు. (ముందు మీడియా వాళ్ళందరి వాస్తులూ సరిగ్గా ఉన్నాయో లేదో చూసుకోవాల్సిన పరిస్థితులు కూడా ఉన్నాయని అభిజ్ఞవర్గాల ఉవాచ)

నేతలు చేసే పనులూ, కుహనా పండితులు చెప్పే శాస్త్రాలూ…

View original post 1,003 more words

భూమ్మీద మొదటి జీవి పుట్టినప్పుడు తను బ్రతకాలంటే పరిసరాలనుంచి ఏదో ఒకటి సంగ్రహించాలన్న విషయం ఎలా తెలుసుకుంది? – {అం’తరంగా’ల్లో విశ్వకవి భావాలు-2}


YVR's అం'తరంగం'

రవీంద్రుడి దృష్టిలో “స్కాండినేవియన్ దేశాల ప్రజలకి సంబంధించినంత వరకు సముద్రం వారి జీవన విలువలని ప్రతిబింబిస్తుంది. ఉత్తుంగ తరంగాలతో నేలతో, ఆ నేలతల్లి బిడ్డలతో ఎడతెగని యుద్ధం చేస్తూ కడలి వారికి నిరంతరం పొంచి ఉండే ప్రమాదంగా, అధిగమించవలసిన అడ్డంకిగా కనబడుతుంది. అజేయమైన మానవుడి ఆత్మస్థైర్యానికి విలయ ప్రకృతి విసిరే సవాలు సముద్రం. ఈ పోరాటంలో మనిషే గెలిచాడు, అది అతనిలో పోరాట స్ఫూర్తి నింపి ఇప్పటికీ అతనిచేత దారిద్ర్యం, నియంతృత్వం, అనారోగ్యాలపై యుద్ధం చేయిస్తోంది. నౌకాయానం నేర్చి మహాసముద్రాలు దాటి భూమిని చుట్టి వ్యతిరిక్త పరిస్థితులని అనుకూలంగా మార్చుకోవడం నేర్చుకున్నాడు.”

INNER WAVE

ప్రకృతిలో పుట్టిన మనిషి దాని తత్వాన్ని, చేష్టలనీ గమనించి, ప్రశ్నించి, పరిశోధించి దానికి అతీతుడయ్యే ప్రయత్నం చేస్తాడు. చాలాసార్లు కృతకృత్యుడౌతాడు. కానప్పుడు ఇలా ఎందుకు జరిగిందనే ప్రశ్నతో, విశ్లేషణతో మళ్ళీ మళ్ళీ ప్రయత్నిస్తాడు.

మనిషి అలుపెరగని ప్రయత్నం అలలతో తీరాన్ని కుదిపి కుదిపి ప్రశ్నించే సాగరాన్ని తలపిస్తే; తన చేష్టల్లోనే తన రహస్యాల్ని ఛేదించే సూచనలు దాచివుంచి ఏమీ ఎరగనట్టు ప్రవర్తించే ప్రకృతి ఆకాశానికి ప్రతీక.

ఏ సమస్యకైనా పరిష్కారమార్గం ప్రశ్నలతో ప్రారంభం అవుతుంది.
క్వెస్ట్, అన్వేషణ, శోధన, తత్త్వ చింతన … ప్రశ్నకి పర్యాయపదాలు. ప్రస్తుతంలో మిగిలిఉన్న చిక్కుముళ్ళకి సంకేతాలు.
భూమ్మీద మొట్టమొదటి జీవి ఆవిర్భవించినప్పుడు దానికి చుట్టూ ఉన్న ప్రపంచం అస్సలేం తెలీదు కదా. తను బ్రతకాలంటే తన పరిసరాలనుంచి ఏదో ఒకటి సంగ్రహించాలన్న విషయం దానికి ఎలా…

View original post 480 more words

vedika

your forum for critical and constructive writings

నా కుటీరం

సమాజం, సాహిత్యం, సౌందర్యం

Kadhana Kuthuhalam

మరపురాని కథలను మళ్ళీ చదువుదాం.!

🌿🐢YVR's 👣Walks🐾With🌾Nature🐌🍄

🌻Look deep into nature, and then you will understand everything better 🌹 👨‍🔬Albert Einstein👨‍🏫

ఉహల ఊసులు

కవిత్వం, వంటా - వార్పు, మనసులో మాటలు, అక్కడ - ఇక్కడ

Prasad Oruganti

“I've learned that people will forget what you said, people will forget what you did, but people will never forget how you made them feel”— Maya Angelou

A Birder's Notebook

"Learning to bird is like getting a lifetime ticket to the theater of nature".

SEEN ALONG THE TRAIL

"I am at home among trees." ~ J.R.R. Tolkien

BUDGET BIRDERS

birding the world on a budget

Mike Powell

My journey through photography

Birder's Journey

"You must have birds in your heart before you can find them in the bushes." -- John Burroughs (Journal of the Outdoor Life, v20, 1923, p. 137)

Singapore Bird Group

The blog of the NSS Singapore Bird Group

MORGAN AWYONG

little truths . little deaths

Animals in South-East Asia

By Andrew Rhee (http://blog.daum.net/fantasticanimals)

Singapore Birds Project

Singapore birds information for birders by birders

Life is a poetry

Life is a beautiful journey. Live, discover, feel and fall in love with it

vedika

your forum for critical and constructive writings

నా కుటీరం

సమాజం, సాహిత్యం, సౌందర్యం

Kadhana Kuthuhalam

మరపురాని కథలను మళ్ళీ చదువుదాం.!

🌿🐢YVR's 👣Walks🐾With🌾Nature🐌🍄

🌻Look deep into nature, and then you will understand everything better 🌹 👨‍🔬Albert Einstein👨‍🏫

ఉహల ఊసులు

కవిత్వం, వంటా - వార్పు, మనసులో మాటలు, అక్కడ - ఇక్కడ

Prasad Oruganti

“I've learned that people will forget what you said, people will forget what you did, but people will never forget how you made them feel”— Maya Angelou

A Birder's Notebook

"Learning to bird is like getting a lifetime ticket to the theater of nature".

SEEN ALONG THE TRAIL

"I am at home among trees." ~ J.R.R. Tolkien

BUDGET BIRDERS

birding the world on a budget

Mike Powell

My journey through photography

Birder's Journey

"You must have birds in your heart before you can find them in the bushes." -- John Burroughs (Journal of the Outdoor Life, v20, 1923, p. 137)

Singapore Bird Group

The blog of the NSS Singapore Bird Group

MORGAN AWYONG

little truths . little deaths

Animals in South-East Asia

By Andrew Rhee (http://blog.daum.net/fantasticanimals)

Singapore Birds Project

Singapore birds information for birders by birders

Life is a poetry

Life is a beautiful journey. Live, discover, feel and fall in love with it

Why watch wildlife?

A site dedicated to watching wildlife

Discover

A daily selection of the best content published on WordPress, collected for you by humans who love to read.

Gangaraju Gunnam

What I love, and mostly, what I hate

చిత్రకవితా ప్రపంచం

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

సాహితీ నందనం

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

బోల్డన్ని కబుర్లు...

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

భండారు శ్రీనివాస రావు – వార్తా వ్యాఖ్య

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

SAAHITYA ABHIMAANI

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

లోలకం

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

కష్టేఫలి

సర్వేజనాః సుఖినోభవంతు

zilebi

Just another WordPress.com site

కష్టేఫలే

సర్వేజనాః సుఖినోభవంతు

అంతర్యామి - అంతయును నీవే

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

ఎందరో మహానుభావులు

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

వరూధిని

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

హరి కాలం

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

The Whispering

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

Satish Chandar

Editor. Poet. Writer

పిపీలికం

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

పని లేక..

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

గురవాయణం

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

పక్షులు

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

ఆలోచనలు...

అభిమానంతో మీ ప్రవీణ.....

Vu3ktb's Blog

Just another WordPress.com weblog

ఆలోచనాస్త్రాలు

............... ప్రపంచంపై సంధిస్తా - బోనగిరి

abhiram

album contains photos of my thoughts & feelings

<span>%d</span> bloggers like this: