ఒక దున్న🐃, ఒక సింహం🦁, ఒక👩‍🚀👩‍🚒 అతివ🤱👰


బ్లాగ్-లోక గురుబంధుమిత్రులందరికీ 🪔🌻⚡విజయదశమి శుభాకాంక్షలు🪔🌻⚡.

అణువు నుంచీ ఆకాశం వరకూ …..

అంతరంగం నుంచీ అంతరిక్షం వరకూ …..

అంతటా వ్యాపించిన ప్రకృతి (నామ,రూప, పదార్థాల సమాహారం) పురుషులు (జాగృతి = చైతన్యం = జ్ఞానం = ఆత్మ) ఒకరినొకరు గుర్తించి, ఒకరు లేకుండా మరొకరి అస్థిత్వానికి ఆధారం, అర్ధం లేవని తెలుసుకున్న రోజు విజయదశమి అని …

ఈ తెలుసుకునే ప్రాసెస్ లో ప్రకృతి -పురుషులు పడిన స్ట్రగులే తొమ్మిది రోజుల యుద్ధం అని …

తమోగుణాన్ని రజోగుణం, రజోగుణాన్ని సత్వగుణం డామినేట్ చెయ్యాల్సిన అవసరాన్ని, ఎత్తి చూపడమే దున్నపోతుని చెండాడుతున్న సింహం, ఆ సింహాన్ని అధిరోహించి అదుపులో వుంచిన దుర్గాదేవిల వెనకవున్న సింబాలిజం, అంతరార్ధం అని …

… అంటున్నాయి ఇవాళ అంతరంగ “తరంగాలు”.

సమస్తదేవతాశక్తుల సమన్వయ రూపమైన దుర్గ స్త్రీ రూపంలో ఎందుకుందని అడుగుతున్న ఆలోచనా’తరంగాల’కి ….

సమాజం కానీ, సంస్కృతి కానీ, ప్రభుత్వం కానీ ఇవన్నీ జీవ చైతన్యానికి, మానవ బుద్ధి వికాసానికి ప్రతీకలు అనుకుంటే వీటన్నిటిలో పురుష సహజమైన ధృఢత్వం, గాంభీర్యాలకంటే స్త్రీ సహజమైన లాలిత్యం, ప్రేమ, మమకారాలు ఒక్క పిసరు ఎక్కువ మోతాదులో వుండాలని సూచించడమే దుర్గారూపాన్ని దర్శించిన ద్రష్టల ఆంతర్యం అయ్యంటుందని అంతఃపరావర్తన (Internal Reflection) పొందిన అం”తరంగాలు” సమాధానం చెప్తున్నాయి.

పురుషాధిక్య సమాజంలో స్త్రీకి ఇవ్వాల్సిన గౌరవాదరాలు ఏమిటో భవిష్యత్తు (అంటే, ఈనాటి గర్ల్ ఛైల్డ్ పరిస్థితి) చూసిన ఋషులు ఈ విధంగా చెప్పారేమో!?! అనుకుంటున్నాయి హృదయాం”తరంగాలు”.

ఇలాంటి ఆలోచనలు వదిలేసి మహిషాసుర మర్దనలో కుల స్పర్ధలని, మనిషి అభ్యుదయానికి పనికిరాని రాజకీయాలని వెతుక్కోవడం జగన్మాతకి నచ్చదేమోనని ముక్తాయిస్తున్నాయి విచక్షణాం”తరంగాలు”.

మరోసారి విజయదశమి శుభాకాంక్షలతో …

బై4నౌ🙏😊

2021 ఈజ్ రియల్లీ ఎ న్యూ ఇయర్!!


ఇంగ్లిష్ న్యూ ఇయర్ డే కి ప్రపంచం ఎంత హడావిడి, హంగామా చేస్తున్నా నాకు మాత్రం మహాపేలవంగా, అసహజంగా అనిపిస్తుంది. I may be wrong but that’s how it feels. ఉగాదికి అలా వుండదు. ఉగాది పచ్చడిని దాని అంతరార్ధంతో సహా ఆస్వాదిస్తుంటే ప్రకృతికూడా వసంతాగమనంతో కోయిలస్వరంతో అదే అర్ధాన్ని ప్రతిధ్వనిస్తుంది. మనిషి ఒక్కడే కాక చరాచరాలన్నీ కొత్త సంవత్సరంలోకి అడుగుపెడుతున్న భావన కలుగుతుంది. జనవరి ఫస్టు 365 రోజులు పూర్తయినందుకు టపాకాయలు పేల్చినట్టుంటుంది. So what? అనిపించేలా వుంటుంది. జనవరి 1, 2021 మాత్రం ఉగాదికి సరితూగే అర్ధంతో వచ్చింది. ఆ అర్ధాన్ని మానవులంతా బట్టీ పట్టి, యుగాలపాటు మర్చిపోకుండా వుండాలనేంత పట్టుదలతో వచ్చింది. అందుకేనేమో ఈ రోజు వచ్చిన థాట్స్ ఇలా వున్నాయి 👇 –

అందరికీ కొత్త సంవత్సర శుభాకాంక్షలతో

🌹🙏🌹

అక్టోబర్ 2 అనే తారీఖుకి జాతకం మారి, దశ తిరిగి 150 ఏళ్ళు …..


అక్టోబర్ 2 ప్రాముఖ్యత, ఆ ప్రాముఖ్యతతెచ్చిన వ్యక్తిపై వైముఖ్యత, ఆయన ఫిలాసఫీ మీద నిరాసక్తత, ఆ ఫిలాసఫీ అర్ధంకాని, పాటించలేని అశక్తత అన్నీ దేశంలో సమానస్థాయిలో పెరుగుతున్న ఈ రోజు,

అక్టోబర్ 2 అనే తారీఖుకి జాతకం మారి, దశ తిరిగి 150 ఏళ్ళు నిండిన ఈ రోజు గాంధీతాత తలంపుకి రాగానే ముందుగా మా ఇంట్లో పూసిన గులాబీ దగ్గర ఇలా చిన్న రెండుజడల పిల్లని చెయ్యి పట్టుకు నడిపిస్తూ కనిపించారు. హథ్రాస్ ఘటన గుర్తొచ్చింది. బొమ్మ పైన ఆ కాప్షన్👇 పెట్టేదాకా మనసొప్పలేదు.

సాయంత్రం మళ్ళీ మా ఇంట్లోనే ఆ👇 వీణానాదంలో బాపూజీ అడుగుల సవ్వడి వినబడే వరకూ మనసు బాధగా మూలుగుతూనే వుంది. ఏమని? గాంధీతత్వాన్ని అందిపుచ్చుకునే అర్హత మనకింకా రాలేదేంటని.

ఆ తత్వం ఆత్మ స్వాతంత్ర్య తత్వం అని అర్ధమైనప్పుడు కదా అర్హత వచ్చేది.

🌹🙏🌹

అయోధ్యరామా అగణిత గుణధామాఅగస్టైదు నీ Coronationఅదిరిపడుతు మరోవైపు Corona తో Nation


అయోధ్యరామా
అగణిత గుణధామా
అగస్టైదు నీ కరోనేషన్ (Coronation)
అదిరిపడుతు మరోవైపు కరోనాతో నేషన్

అద్వానీ రాకుండా
అవనిపూజ జరిగింది,
అఖాడాల అలుపెరగని పోరాటం
అగారమై వెలయనుంది

అవతార పురుషుడా!!
అఫీషియల్లీ నువ్విప్పుడు
అయోధ్యాపురవాసివి,
అధికారపుపగ్గాలను అందించే సారధివి
అమాయకభక్తికి, వోట్లకి మధ్య వారధివి

అబలలకీ,
అనాధాశ్రమాలకీ,
అహల్యోద్ధారకా నేటినుండి నీవే దిక్కువి

అవనిజాపతీ!!
అడవుల ఆచ్ఛాదన తొలగిన
అవని కోరుతోంది శరణాగతి.

అష్టకష్టాల బడుగులనీ,
అప్పులపాలైన రైతులనీ
అమరావతి అందని ఆంధ్రులనీ
అయోధ్యరాజా ఆదుకోవాలిక నువ్వే.

అవినీతిని,
అక్రమాల్ని,
అత్యాచారాల్ని,
అరాచకాల్నీ
అరికట్టే బాధ్యత ఇకపై నీదే.

అదేం పాపం!! అంటావా?

అధికారంలో వున్నా,
అప్పోజిషన్లో కూచున్నా,
అసెంబ్లీలొ, పార్లమెంట్లొ
అధిష్ఠానాల కనుసన్నలు దాటి,
అధికారలాలస మించి,
అజెండాలు లేవు మా ప్రతినిధులకి.

అభివృద్ధి ముసుగులో పెరుగుతున్న
అసమతౌల్యం,
అరాచకపు ముద్రవేసి సాగించే
అణచివేత, ఏవీ పట్టవు వారికి.

అబ్దుల్ కలాం కలలు,
అంగారక గ్రహయాత్రలు,
అమెరికాతో దోస్తులు,
అంబానీల ఆస్తులు,
అణుశక్తితొ ఆటలు
అన్నిట్లో ముందున్నా,
అలో లక్ష్మణా!!
అన్నమో రామచంద్రా!!అంటూ
అర్రులు చాచే ఆర్తులకీ కొదవలేదు
అరమర చేయకు, స్వామీ
అర్జెంటుగ ఆదుకొనుమీ

అయోధ్యరామా
అగణిత గుణధామా
అగస్టైదు నీ కరోనేషన్ (Coronation)
అదిరిపడుతు మరోవైపు కరోనాతో నేషన్ *****************************

ఇంతే సంగతులు 🙏🙂

ఎ forఎన్విరాన్మెంట్; ఏfor ఏకదంతం


Ganesha is LordSiva’s spiritual & environmental msg to world. ElephantEcology&its corridors are important for Him. శివుడు వినాయకుడికి అమర్చిన ఏనుగు తలలో ఆధ్యాత్మిక రహస్యం, పర్యావరణ ప్రవచనం – రెండూ చొప్పించాడు. ఆధ్యాత్మికత వున్న చోట పర్యావరణం బావుంటుంది. మంచి, పరిశుభ్రమైన ప్రశాంతమైన వాతావరణంలో ఆధ్యాత్మికత పెరుగుతుంది.

ఆధ్యాత్మిక పర్యావరణం కావాలంటే పర్యావరణఆధ్యాత్మికత పెరగాలి.

ఏనుగుని, దానికి అవసరమైనంత అడవిని సంరక్షించి పెంచితే మంచిదని మనుషులు గ్రహించాల్సిన రోజు వస్తుందని శివుడికి తెలుసని తెలుస్తోంది, గ్రహించి పరిస్థితిని మార్చేరోజు ఎప్పుడొస్తుందో చెప్పాడా మరి?? భక్తులు, ప్రవచనకర్తలు, పీఠాధిపతులకి చెప్పేవుంటాడు. వాళ్ళు మరి రియల్ ఎస్టేట్ వాళ్ళకి, యురేనియం అధారిటీకి, మైనింగ్ మాఫియాకి, ఇసుక హిరణ్యాక్షులకి, మినిస్ట్రీ ఆఫ్ ఎన్విరాన్మెంటుకీ ఎప్పుడు చెప్తారో !!!అసలు చెప్తారో చెప్పరో, చెప్పే ధైర్యం వుందో లేదో!! హేఁవిఁటో!!

న్యూస్@కుజ 🟤📺 టీవీ


ఇది 👇 చదవండి : https://www.google.com/amp/s/amp.dw.com/en/coronavirus-vaccine-where-profit-and-public-health-collide/a-53301729

ఇది 👇 కూడా: https://www.bbc.co.uk/news/amp/uk-53433824?__twitter_impression=true

ఆంటోనీ ఫౌచీ అంతటివాడు అలా 👇అంటే డౌట్లు రాకుండా వుంటాయా 🤔😇 : https://m.eenadu.net/nationalinternational/latestnews/Anthony-Fauci–Says-It-Is-Unlikely-To-Use-China-Russia-covid-Vaccines/0700/120091229

న్యూస్@కుజ🟤📺టీవీ


ఇది 👇 చదవండి : https://www.google.com/amp/s/amp.dw.com/en/coronavirus-vaccine-where-profit-and-public-health-collide/a-53301729

ఇది 👇 కూడా: https://www.bbc.co.uk/news/amp/uk-53433824?__twitter_impression=true

ఆంటోనీ ఫౌచీ అంతటివాడు అలా 👇అంటే డౌట్లు రాకుండా వుంటాయా 🤔😇 : https://m.eenadu.net/nationalinternational/latestnews/Anthony-Fauci–Says-It-Is-Unlikely-To-Use-China-Russia-covid-Vaccines/0700/120091229