వ🌳న 🍂వి👣హా🍃రం🌴- వనదేవతల వార్నింగ్ సిగ్నల్సేమో అవి🤔?


ఇవాళ బుకిట్-టిమా హిల్ ఎక్కాను వనవిహారానికి. 1.63 sq.kmల అతి తక్కువ విస్తీర్ణంలో వున్న నేచర్-పార్క్ – అదీ వరల్డ్ హెరిటేజ్ సైట్ – ఇదేనేమో. అంత చిన్నదైనా పిట్ట కొంచెం కూత ఘనంలా ఈ పార్కులో 840 వృక్ష జాతులు, 500 జాతుల జంతుజాలం (పక్షులు, కీటకాలతో కలిపి) వున్నాయి(ట), (ట) ఎందుకంటే ఇక్కడా అక్కడా చదివిన సమాచారమే కానీ కంటితో చూస్తేకదా !! ఇక్కడున్న అరుదైన జీవుల్లో Straw-headed bulbul ఒక్కటే ఇవాళ కనిపించింది. అదీ ఒక్క క్షణంపాటు. కెమెరా ఫోకస్ అయ్యేలోగా మాయమైంది. అదృష్టం కొద్దీ ఒక్క ఫోటో వచ్చింది. ఇదుగో –

ఆ బుల్-బుల్ కనుమరుగైన కాస్సేపటికి ఏదో పిట్ట ఘనంగా కూయడం మొదలుపెట్టింది. దర్జీపిట్టలా వుంది. 10 సెంటీమీటర్లు మించని ఈ పిట్ట కూత 100 మీటర్లు దాటి వినిపిస్తుంది. ప్రస్తుతం కూస్తున్న పిట్ట కనిపించలేదు కానీ దాని కూతకి (బహుశా) కారణం మాత్రం కనిపించింది. అదుగో అదే –

ఇదే Monitor lizard. ఉడుము. పక్షిగూళ్ళ మీద రెయిడ్ కి వెళ్లినట్టుంది. గుడ్లు, పిల్లలని గుటుక్కుమనిపించడానికి. దీన్ని చూసే ఆ దర్జీపిట్ట తక్కిన పక్షులకి వార్నింగ్ మెసేజిలు ఇస్తోంది. దీని దొంగకోళ్ల మొహం చూస్తే డౌటుగానే వుంది. ఫోటో తీసి, ఇటూ అటూ మొక్కల పొదల వైపు పరికించి మళ్ళీ ఇటు తిరిగేప్పటికి మాయమైంది. కచ్చితంగా ఏదో కుంభకోణం చేసిన బాపతే ఇది.

ఇందాకా దర్జీపిట్ట వార్నింగ్ సిగ్నల్స్ ఇస్తోంది అన్నప్పుడు ఈ కొండ దారిలో కంటబడిన కొన్ని వార్నింగ్ సిగ్నల్స్ గుర్తొచ్చాయి.

మొదటిది. బుకిట్ -టిమా హిల్ కి వెళ్లే దార్లో మెక్-డొనాల్డ్స్ ఫుడ్ తింటున్న ఆ కోతి, నా కెమెరాకి పట్టుబడింది.

Would we have evolved into Homo sapiens, if our ancestor-apes had this food 😂?

జంక్-ఫుడ్ ఆత్రంగా తింటున్న ఆ పిచ్చిమొహాన్ని చూడగానే ఒక వింత ఊహ కలిగింది. –

ఈ జంక్-ఫుడ్స్ అనేవి కోతి నుంచి మానవుడు పుట్టకముందునించీ కనక ఉండుంటే, మానవజాతికి ప్ర.ప్ర………ప్రపితామహులైన వానరాలు ఆ జంక్-ఫుడ్డుకి అలవాటు పడిపోయుంటే మనం homo-sapiensగా ఇవాల్వ్ అయ్యేవాళ్లమేనా అసలు? ఓ మై గాడ్!! మన లక్కు నిజంగా. లేకపోతే ఏ Mc Monkeyలుగానో ఇవాల్వ్ అయ్యేవాళ్ళమేమో!?!? ఓ పది పదిహేను జనరేషన్స్ తరవాత homo-sapiens ఎలా ఉండచ్చనే దాని మీద ఒక వార్నింగ్ సిగ్నల్లా అనిపించింది ఈ Mc Monkey.

ఇంక రెండో సిగ్నల్. అదుగో ఆ Emerald Dove. స్వేచ్ఛగా తిరుగుతున్న ఈ రకం గువ్వని చూడడం ఇదే మొదటిసారి. ఐదారడుగుల దూరంలో నిలబడి ఫోటోలు తీస్తున్నా బెదరిపోకుండా అక్కడే తిరుగుతోంది. అడవిచెట్ల కొమ్మల్లోంచి జాలువారిన కిరణాల్లో మెరుస్తున్న దాని ఆకుపచ్చని రెక్కలు చెప్తున్నాయి ఎమరాల్డ్ డవ్ అనే పేరు ఎలా వచ్చిందో. కానీ మరకత కపోతం ముక్కుతో పట్టుకున్నదేంటోగానీ శాంతికపోతాలు పట్టుకోవాల్సిన ఆలివ్ కొమ్మలా మాత్రం లేదు, ఆలివ్-కొమ్మకి టోటల్ ఆపోజిట్ మీనింగ్ కనిపిస్తోంది. ఈ ప్రపంచంలో అసహనం ఎక్కువైపోతోందని ప్రకృతిమాత చెప్తోందా అని నా మనసుకనిపించింది. ఏం చేస్తాం, నేరం మనసుది కాదు, చదువుతున్న, వింటున్నన్యూసుది.

Saw the symbol of peace with a “bomb” in its bill, not with an olive branch.

163 మీటర్ల ఎత్తున కాస్త పచ్చిగాలి పీల్చుకుని తిరిగి కిందకి నడుస్తుంటే కంటి కొలకులోంచి బాట పక్కనే కనపడిన ఒక ఆకారం గుండె ఝల్లుమనిపించింది. చేతిలోని కెమెరా ఫోటో తీసి కానీ అడుగు ముందుకెయ్యడానికి వీల్లేదంది. పడగ విప్పి నిలబడిన త్రాచులా వున్నది త్రాచు కాదని తెలిసి ఎక్సయిట్-మెంట్ తగ్గిపోయింది. అదొక ఎండుటాకని గ్రహించాక అదొక వనదేవతల ఇచ్చిన సందేశంలా కనిపించింది.

This dead leaf stopped me in my tracks. It seemed to say, “Pollute the Environment, and it will bite you back!!!” 😱

“పర్యావరణాన్ని కాలుష్యంతో నింపితే అది పడగ విప్పి కాటేస్తుంద,”ని ప్రకృతి సంకేతాలిస్తే తప్ప తెలియని అమాయక శిశువేం కాదు మానవజాతి. సిగరెట్ కాల్చడం ప్రాణాలు తీస్తుందని పెట్టె మీద రాసి మరీ అమ్మే అతితెలివి, అత్యాశ సొంతం చేసుకున్న నాగరిక జాతి. ఆ విషయం తెలుసో తెలీదో కానీ ఒక తల్లిగా మంచి చెప్పడం ప్రకృతిమాత సహజ లక్షణం, అందుకే చూసి పట్టించుకునేవాళ్ళకోసం ఆ ఆకుని ఒక నోటిస్ బోర్డులా అక్కడ ఉంచినట్టుంది.

.🌴🌳వృక్షో రక్షతి  రక్షితః  🌾🌲.

స్వఛ్-భారత్ సక్సెస్ – డీమానిటైజేషన్ డిజాస్టర్ – GST =గబ్బర్ సింగ్ టాక్స్


స్వఛ్-భారత్ సక్సెస్ అవ్వలెదనీ
డీమానిటైజేషన్ పేద్ధ డిజాస్టరనీ
జీఎస్టీ అంటే గబ్బర్ సింగ్ టాక్స్ అనీ
రాఫెల్ జెట్ల కొను ‘గోల’ అంబానీల లీల అని
.
.
ఇంకా చాలా చాలా అనీ ఎంతెంత (దుష్-)ప్రాపగాండా చేసినా వోటర్లంతా కలిసి మోదీ మేష్టారికి మళ్ళీ కిరీటం పెట్టేశారు. ప్రతిపక్షనేతల్లా మొహాలు వేళ్ళాడేసుకుని ప్రజాతీర్పుని స్వాగతిస్తున్నాం, శిరసావహిస్తున్నాం అనడం తప్ప ఇంకేమన్నా చెయ్యగలమా?
ఎందుకు చెయ్యలేం? చేస్తాం.
మోడీవేవ్, మోడీవేవ్ అని మనం తెగ సెలబ్రేట్ చేసేసుకుంటున్న వేవ్‌ని అర్ధం చేసుకోడం ఎలా అని ఆలోచిస్తాం.

అది ఆలోచించే లోపు రాష్ట్రంలో అసెంబ్లీ & పార్లమెంట్ ఎన్నికల రిజల్ట్స్ ని విశ్లేషించేందుకు చిన్న బ్రేక్ తీసుకుందాం.

ఈ విశ్లేషణని ట్రెడిషనల్ గా, ప్రొఫెషనల్ గా చేస్తే మనకీ , మేధావులకీ తేడా ఏవుంటుందీ? అందుకని అప్పటికప్పుడు గుర్తొచ్చిన సినిమాపాటల ఆధారంగా చేశా, సరదాగా .

మేధావులూ, ఎనలిస్టులూ ఎలాగూ వోటర్ల తెలివితేటల గురించీ, ప్రతిపక్షాల అనైక్యత గురించీ, సరైన ఆల్టర్నేటివ్ ప్రైమ్మినిస్టర్ కాండిడేట్ లేకపోవడం గురించీ, బీజేపీ వ్యూహాలు + వాళ్ళ కోడ్ ఉల్లంఘనల గురించీ, …. ఇలా బీజేపీ విజయానికి చాలా కారణాలు చెప్పచ్చు. ఒక నట్‌షెల్‌లో ఇలా అనేస్తారు –

  • Lack of opposition unity
  • Lack of an alternative PM personality
  • “Modi-is-personally-clean” image
  • “Hinduism-is-in-danger” propaganda
  • Tough & determined leader image
  • “No-scams-during-last 5 years” image (నీరవ్ మోడీ, లలిత్ మోడీ, విజయ్ మాల్యాలని యూపీఏ ఎకౌంట్లో వేసేసినట్టున్నారు జనం)
  • Lack of a viable program on opposition side.
  • Hindi belt’s love for BJP’s Hindutva agenda
  • Stupidity of oppn. (Bashing Modi without showing alternative)

అవన్నీ కరెక్టైనా కాకపోయినా 2014లో కూడా వున్న ఫాక్టర్సే. మరి ఈసారి 21 సీట్లు ఎగస్ట్రా రావడానికి కొత్తగా ఏం ఫాక్టర్స్ కలిసొచ్చాయీ అని ఆలోచిస్తే ఒక మూడు పాయింట్లు కనిపిస్తున్నాయి. మరీ 21 సీట్లకీ కాకపోయినా అందులో కొన్నిటికైనా – ఎగస్ట్రా సీట్లు కాకపోయినా ఎగస్ట్రా వోట్లయినా సంపాదించడంలో – ఈ మూడు పాయింట్లూ దోహదం చేసుంటాయనిపిస్తోంది. ఒప్పుకోడం/కోకపోవడం మీ ఇష్టం. ఆ మూడు పాయింట్లూ – – –

పాయింట్ 1: ఫైటర్ జెట్లు రాడార్‌కి దొరక్కుండా బాలాకోట్ దాడి చెయ్యడంలో మబ్బుల్ని వాడుకోవడం అనే మోడీ-బ్రాండ్ టెక్నాలజీ ఇండియన్స్‌లో చాలామందికి నచ్చినట్టుంది.

పాయింట్ 2 : 1988లోనే డిజిటల్ కెమెరాలూ, ఈ-మెయిల్ ఫెసిలిటీ ఇండియాకి వచ్చేశాయని కూడా పైవర్గం ఒప్పుకుందని అనుకోవాలి.

పాయింట్ 3 : ఎలక్షన్లకి ఒక నెల ముందు వాట్సప్‌లో ఒక మెసేజ్ చాలామందిని నవ్వించింది. అది ఇదీ – Dear voters, we have two alternatives before us to choose from . One who thinks we are all stupids and the one we all think is a stupid. ఇది చూసి నవ్వుకున్నవాళ్ళున్నారు, ఆ రెండోవాడికి కాస్త బెనిఫిట్-ఆఫ్ -డౌట్ ఇచ్చి అందరం అనుకున్నట్టు కాక కాస్త తెలివిగా ఉంటాడేమో అనే ఆశాభావం వున్నవాళ్లూ వున్నారు. దీన్నిబట్టీ –
మన దృష్టిలో తెలివితక్కువగా కనిపించే వాడికంటే మనని వాజమ్మలూ, దద్దమ్మలుగా చూసేవాడినే నాయకుడిగా యాక్సెప్ట్ చేస్తామని అర్ధమౌతోంది. దీన్నే కొంచెం పాజిటివ్ గా మన నాయకుడు మనకంటే తెలివైనవాడై వుండాలని మనం కోరుకుంటాం అని చెప్పుకోవచ్చు. అందులో తప్పేం లేదు కదా. ఆ ప్రకారమే నాయకుణ్ణి ఎన్నేసుకున్నాం కూడా. మన తెలివితేటలు- కలెక్టివ్ విజ్-డమ్ అందాం – ఏ పాటివో వచ్చే ఐదేళ్లూ తేల్చి చెప్పేస్తాయి. మొత్తమ్మీద 2019 మోడీ వేవ్ లో ఒకటి కాదు రెండు వేవ్స్ ఉన్నాయని అనుకుంటే మంచిదేమో. ఒకటి మోడీ కోసం, మోడీ వైపు ప్రవహించిన వోట్ల కెరటం. ఇంకోటి ప్రతిపక్షాలకి దూరంగా పారిపోయిన వోటర్ల అల.

ఏదేమైనా ఈరోజు ప్రమాణ స్వీకారాలు చేస్తున్న పాత పీఎంగారికి, కొత్త సీఎంగారికీ శుభాకాంక్షలు మరియు వోటర్ మారాజులకు ఆల్ ది బెస్ట్ ఫర్ నెక్స్ట్ 5 ఇయర్స్. బై4నౌ.

ఫీల్ గుడ్🎞సైన్మ మహర్షి + కొన్ని ఫన్నీ😜హైలైట్స్


నిన్న** మహర్షి సైన్మ చూశాం (గదేదో సైన్మలో కోట శ్రీనివాసరావు సినిమాని సైన్మా అంటడు). సైన్మ బావుంది. బావుంది అంటే యాజ్ ఎ ఫీల్-గుడ్ మూవీ బావుందని.  (** ఆ నిన్న అయిపోయి రేపటికి వారం) 

ఫీల్-గుడ్ మూవీ అనుకోకుండా చూస్తే చివరి అరగంటా బావుంది. ముందు రెండు గంటల సంగతేంటి మేష్టారూ అనడక్కండి. హీరోని ఎస్టాబ్లిష్ చెయ్యడానికి – అతని IQ లెవెల్స్, కండబలం, తనంత IQ లేని హీరోయిన్ని పడేసే (అదే లవ్వులో) విధానం, etc etcలకి – ఆ మాత్రం టైమ్ కావాల్లెండి. ఇది కాక మొదటి రెండు గంటల గురించి పెద్దగా హైలైట్ చెయ్యకపోడానికి వేరే రీజన్ కూడా వుంది.  

అదేంటో చెప్పుకునేముందు ఈ సైన్మలో కొన్ని ఫన్నీ హైలైట్స్ చెప్పాలి –

ఫన్నీ హైలైట్ 1

ఒక ఇంటర్నేషనల్ బాంక్ డైరెక్టర్ ఇచ్చిన రిపోర్ట్ అందీ, అందక ముందే, పొలిటికల్-బాసులు ఆదేశాలు ఇవ్వకముందే ED ఆఫీసర్లు ఒక కార్పోరేట్ దిగ్గజం మీద రెయిడ్ చేసెయ్యడం ఈ సైన్మలో హైలైట్ చేసి తీరాల్సిన అంశం. ED, CBl, IT … లాంటి సంస్థలు ఇలా పనిచేస్తాయని డైరెక్టర్ మనకి చెప్పదల్చుకున్నాడా లేపోతే సంస్థలు ఇలా పనిచేస్తే బాగుండని కలగంటున్నాడా అనే దాంట్లో మాత్రం క్లారిటీ లేదు. తరవాత సైన్మలో ECని కూడా ఇంక్లూడ్ చేస్తారేమో చూడాలి.

ఫన్నీ హైలైట్ 2

ఒక వర్ల్డ్-క్లాస్ కంపెనీ సీఈఓ తను లీవ్ పెడుతున్నట్టు అనౌన్స్ చెయ్యగానే తక్కిన ఎక్జిక్యూటివ్స్ or  బోర్డ్ ఆఫ్ డైరెక్టర్స్ రియాక్టైన విధం, ఆ రియాక్షన్‌కి సీఈఓ రియాక్షన్ – బేసికల్లీ ఒకళ్ళ మీదొకళ్లు అరుచుకోడం – మహా ఆర్టిఫిషియల్‌గా, లౌడ్‌గా అనిపిస్తుంది.

ఫన్నీ హైలైట్ 3 

ప్రపంచంలోనే టాప్-రాంక్‌లో వున్న కంపెనీల అధిపతులు రోడ్ల మీద ఎలా ప్రయాణిస్తారో ఎప్పుడూ చూసిన పాపాన కానీ పుణ్యాన కానీ పోలేదు. ఈ సైన్మాలో మాత్రం సీఈఓ కారూ, దాని వెనక పది కార్లూ తిరగడం చూస్తే ఎన్నారై సీఈఓలూ ఫాక్షన్ సైన్మల్లో విలన్లు తిరిగినట్టే తిరుగుతారనుకోవాలి. ఒకటే తేడా, ఫాక్షనిస్టులు సుమోలు వాడితే సీఈఓలు కాడిలాక్ కార్లు వాడతారు.   

Now, లెట్ మీ టాక్ అబౌట్ ది ఫస్ట్ టూ అవర్స్ ఆఫ్ ద మూవీ,

ఇవాళ్టి కమర్షియలైజ్డ్-సామాజిక స్పృహని హైలైట్ చేసే తెలుగు సైన్మలల్లో – e.g. శ్రీమంతుడు, భరత్తనే నేను, జనతా గారేజ్, … …. … అన్ని పేర్లూ గుర్తు రావట్లేదు – రెండు రకాల హీరోలే కనిపిస్తారు. 

Either

ఎ మల్టీ బిలియనీర్ విత్ హైయ్యెస్ట్ IQ లెవెల్స్ ప్లస్ బాహుబలి అంత బలం 

or

ఎ మల్టీ బిలియనీర్ ఎన్నారై విత్ హైయ్యెస్ట్ IQ లెవెల్స్ ప్లస్ బాహుబలి అంత బలం 

ప్రతి సైన్మాలో ఇలాంటి హీరోలనే చూడ్డం చూసే మనకి, తీసే నిర్మాత/దర్శక/రచయితలకీ ఎందుకు బోరుకొట్టదో కానీ నాకు మహాబోరు అనిపిస్తోంది.  

మామూలు మనుషుల్లో, సాదాసీదా దారిన పోయే దానయ్యల్లో హీరోలుండరని మన నమ్మకంవల్లో,

దర్శక/రచయితల్లో క్రియేటివిటీ & కాన్ఫిడెన్స్ లేకో,

సైన్మ-మేకర్ల బాక్సాఫీస్ ఇన్సెక్యూరిటీకి నిదర్శనంగానో,

ఆ క్వాలిటీస్ అన్నీ ఉంటే తప్ప సొసైటీని బావు చేసుకోవాలనిపించదనే అభిప్రాయం వల్లో,

కృతయుగం నుంచీ ఇప్పటివరకూ ప్రజల్ని అవతారపురుషులు తప్ప  ఇంకెవరూ రక్షించలేరనే భావన స్థిరపడిపోయో,

వందో, రెండొందలో పోసి టికెట్ కొనుక్కుని సైన్మకి పోతే అక్కడ కూడా రోజూ చూసే రియాలిటీనే చూయిస్తే జనం తట్టుకోలేరనే సైన్మ-మేకర్ల జాలి వల్లో – 

(ఏ రాయైతేనేం పళ్లూడగొట్టుకోడానికీ, ఏ సుత్తయితేనేం కాసులు కురిపిస్తుంటే)

మొత్తమ్మీద తెలుగుసైన్మలు ఇలాంటి హీరోల కబంధ హస్తాలనించి బయటపడలేక పోతున్నాయి.

అందుకే సైన్మలో మొదటి రెండుగంటలూ సృజనాత్మక బోర్-డమ్ అనిపిస్తే మన తప్పులేదు.

లాస్ట్ హాఫెనవర్లో మాత్రం మల్టిప్లెక్స్ ప్రేక్షకుడి నుంచీ “C”సెంటర్ వీక్షకుడి వరకూ అందరికీ టచ్ అయ్యేలా రైతు బాధలని, వాటికి సొల్యూషన్నీ చూపించారు. ఆ సొల్యూషన్ ప్రాక్టికలా కాదా అనేది కాసేపు పక్కన పెడదాం. బట్, దాన్ని ప్రాక్టికల్ గా మార్చి రైతుని ఆదుకోవచ్చేమో అనే ఆలోచన, ఆశ, ఇప్పటికిప్పుడు పల్లెటూర్లో స్థిరపడి ఏదో..ఓ..ఓ… చేసెయ్యాలనే ఆవేశం కలక్క మానదు.

కలిగింది, కలిగి ఈ టపా రాసేవరకూ మిగిలింది;

సినిమాలో విలన్‌లాంటి  విలన్ లు నిజజీవితంలో వుండరనీ, రైతుల పాలిటి అసలు విలన్లని (ఎవరో అందరికీ తెల్సుగా) కంట్రోల్ చేసే శక్తీ, యుక్తీ, ఆసక్తీ ఎవరికీ లేవనీ గుర్తొచ్చేవరకూ రగిలింది.

తరవాత ఈ టపా  మిగిలింది.

కూడా అరగంట కోసం 51 డాలర్లు ఖర్చు పెట్టామనే తృప్తీ మిగిలింది.

ఇంతేసంగతులు. బై4నౌ.

 

RawWijdom: నల్లని మబ్బులు🌧🌧గుంపులు గుంపులు మిరేజ్✈జెట్టులు బారులు బారులు అవిగో.. అవిగో..


నేను చెప్పబోయేది – అంటే నా raw wijdom – అర్ధం కావాలంటే ఇవాళ పొద్దున్నే నాకైన చిన్న ఎక్స్పీరియెన్స్ ఒకటి చెప్పాలి –

పొద్దున్న నిద్ర లేవగానే బెడ్రూమ్ విండోలోంచి దట్టంగా పట్టిన వాన మబ్బులు కనిపిస్తే ఆ ఆనందమే వేరు.

నల్లని మబ్బులు గుంపులు గుంపులు

తెల్లని కొంగలు బారులు బారులు

అవిగో అవిగో …

అని మల్లీశ్వరి పాట…

అది కాకపోతే..

మబ్బులో ఏముంది…నా మనసులో ఏముంది.. నా మనసులో ఏముంది?

అని లక్షాధికారిలో పాట

గుర్తొస్తాయి. పొరపాట్న గుర్తు రాకపోయినా మూడ్ హాయిగా అయిపోయి కప్పు కాఫీ కోసం రెడీ అయిపోతుంది.

కదా !!!!!!

.

.

.

.

కాదు.

ఐ మీన్, ఇవాళ్టి నుంచీ కాదు. ఎందుకంటే ఇవాళ పొద్దున్న ఆ👇 మబ్బుల్ని –

చూడగానే మదిలో ఆ పాటలూ, కాఫీకప్పులూ కాదు, రాడార్లకి దొరక్కుండా దూసుకొస్తున్న శత్రుదేశాల ఫైటర్ జెట్ల హోరు వినబడింది. ఏంటా అని కళ్ళు తెరిచి చూస్తే ఎదురుగా నల్లటి మబ్బులు గుంపులు గుంపులు. మళ్ళీ కళ్ళు మూసుకున్నా. తిరిగి యుద్ధవిమానాలు బారులు బారులు హోరులు హోరులు. సమ్ థింగ్ రాంగ్ సమ్ వేర్. అదేంటో కొన్ని క్షణాల్లో అర్ధమైంది, ఇది News Nationకి మోడీగారిచ్చిన ఇంటర్వ్యూ ఎఫెక్ట్ అని.

మోడీసారుగారి Raw Wisdom (ఆయన మాటల్లోనే) గురించి గిట్టనివాళ్ళూ, ముఖ్యంగా కుహనా మేధావులు తెగ జోకులేసేస్తున్నారు. కానీ నా ఉద్దేశం వాళ్ళకి మోడీ మీదున్న అసూయని ఈ రకంగా బైట పెట్టుకుంటున్నారని. అసలాలోచించండి. సామాన్యుడినైన నాకే మబ్బులు చూసి ఇంత భయం పుడుతుంటే ఇమ్రాన్ ఖానూ, పాక్ ఆర్మీ చీఫ్ కమర్ జావేద్ బాజ్వా, వీళ్ళకి తోడుగా ఉగ్రవాద నాయకులు ఎంతగా బెంబేలెత్తి పోవాలీ?

నా మటుకు నాకు వాళ్ళ పరిస్థితి కళ్ళక్కడుతోంది ఇలా –

మోడీ మేష్టారు తన Raw Wisdom (తెలుగు పేపర్లు అజ్ఞానం కొద్దీ మిడిమిడి జ్ఞానం అని తర్జుమా చేశాయనుకోండీ!! వాట్నీ, ఈ దేశాన్నీ మీరూ, నేనూ బాగుచెయ్యలేం కదా!!) వాడి పాకిస్తాన్ని ఎలా హడలగొట్టి పారేశారో కుహనాలకి ఇప్పటికైనా అర్ధవైందో, లేదో! ఇదే అర్థం అవ్వకపోతే, News Nation ఇంట్రవ్యూలోనే మేష్టారు బకెట్ల కొద్దీ తోడి పోసిన raw wisdom ఎలా అర్థం అవుతుంది నా మొహం?

1988లో డిజిటల్ ఫోటో తీసి అద్వానీగారికి e-mail చేశానని చెప్పారా. అది పట్టుకుని నెటిజన్లు, సోషల్ మీడియా ఒకటే రాద్ధాంతం. ఎందుకో అర్ధం కాదు. 5000యేళ్ళ క్రితం టెస్ట్-ట్యూబ్ బేబీల్ని సృష్టించినవాళ్ళకి e-mail, digital camera ఒక లెక్కలోకి రావని ఎప్పటికర్థం చేసుకుంటారో నె(నే)టిజనులు. మనకర్థంకానివన్నీ అబద్ధాలు అనుకునే జనం ఎక్కువైపోయారు. If there is a will, there is a way అన్నారు పెద్దలు. మనసు పెట్టి ఆలోచిస్తే raw wisdom అనేటటువంటిది అర్ధం కానంత కాంప్లికేటెడ్ మేటరేం కాదు, మనం కూడా rawగా ఆలోచిస్తే…

ఉదాహరణకి ఇలా👇 అర్ధం చేసుకోవచ్చు —

అదీ this week-end’s dose of raw wijdom. Bye4Now 🖐🤓

Without Her, fatHER (=man) is just fat


ఇవాళ మదర్స్ డే కి స్నేహితులం పంచుకున్న మెసేజెస్‌లో ఒక జోక్ మెరిసింది. అది ఇలా సాగింది –
Today is mothers day and rest of the days in the year are father’s days
దీనికి వచ్చిన సరదా రెస్పాన్స్ –
Without her, father is just fat 😆
కరెక్టే కదా, FATHERలో Her వుంది. MOTHERలోనూ Her యే వుంది.
ఆమె లేకుండా (ఆమెని తల్లిగా గౌరవించని అని చదువుకోండి, ప్లీజ్ 🙂 ) ఫాదర్లో ఫాట్ కాక ఇంకేమున్నట్టు?

And, now, on a more serious note —

ఓ “మహాప్రస్థానం” రాసే క్రమంలో ఒక కవీ,
తన భావానికి కాన్వాస్‌పై రూపమిస్తూ ఆర్టిస్టు
ఒక మహాసౌందర్యాన్ని రాతిబండ నుంచి వెలికి తీస్తున్న స్కల్ప్టరూ
ఓ సృష్టిరహస్యాన్ని ఆవిష్కరించబోతున్న సైంటిస్టు
సంఘంలో మంచి మార్పుకోసం ప్రయాస పడుతున్న మానవతావాది
వెండితెర దృశ్యాల్ని కావ్యంగా మలిచే పనిలో ఒక దర్శకుడూ
ప్రపంచానికి సత్యదర్శనం చేయించే బృహత్కార్యంలో తత్వవేత్తా
భవిష్యత్తుకి పునాదులు వేసుకునే దీక్షలో స్టూడెంటూ
తమ ప్రేమకి అమ్మానాన్నల ఆమోదముద్రకై ఆశపడే యువజంటా
చెమటోడ్చే బ్రతుకు నిలుపుకోవాలనే దీక్షలో ఉన్న శ్రామికజీవి
అజ్ఞానపు చీకట్లు తొలగించడమే ధ్యేయమైన టీచరూ
మూఢత్వాన్ని రూపుమాపే యజ్ఞంలో హేతువాదీ

వీళ్ళందరికీ కామన్‌గా వున్న గుణం ఏదీ?
తల్లిదనం.

కాదా?

వాళ్ళందరూ తామనుకున్నది ఆవిష్కరించడంలో, సాధించడంలో పడిన శ్రమకి ఔన్నత్యం కల్పించేందుకు వాడుకునే ఉపమానాల్లో ప్రసవవేదన కంటే గొప్పదైన పదం వుందా?
తెలిసికానీ, తెలీక కానీ ప్రతి వ్యక్తీ తన లక్ష్య సాధనలో తనకి జన్మనిచ్చిన తల్లి పొందిన ప్రసవవేదన పడుతూనే వుంటుంది / వుంటాడు కదా !!
అలాంటప్పుడు అమ్మని గుర్తు చేసుకోవడానికి ఒక డే ఎందుకు?
లక్ష్యం గుర్తున్న ప్రతి మనిషికీ అమ్మ గుర్తుండాలి. అమ్మని ప్రేమించే ప్రతి వ్యక్తికీ మంచి లక్ష్యం వుండాలి.
రెండిట్లో ఏ ఒక్కటి మర్చిపోయినా ఆ మనిషి ఉండీ లేనట్టే.
దేవుడే లేడనే మనిషున్నాడూ, అమ్మే లేదనువాడూ అసలే లేడూ అన్నారు కాదా ఒక కవి.
అసలే లేడూ అనే పరిస్థితి రాకుండా వుంచేందుకే మదర్స్ డే అనేది వుండాలి. ప్రతి కృషిలోనూ, దీక్షలోనూ, సాధనలోనూ, శ్రమలోనూ, పీల్చే ప్రతి శ్వాసలోనూ, వేసే ప్రతి అడుగులోనూ మాతృత్వ భావన, అమ్మ ప్రసవవేదన మరో రూపంలో నిండిపోయి వుందనే భావన కలిగించే విద్యావ్యవస్థ రావాలి.
గుడి కట్టి రామరాజ్యం తీసుకు రావడం కాదు, ముందు రాముళ్ళనీ, సీతమ్మలనీ తీసుకొస్తే రామాలయాలూ, రామరాజ్యాలూ అవే వస్తాయి. రావంటారా?

ఈ మాటలు, పెద్దలెందరో ఇంతకు ముందు ఎన్నో సార్లు, ఎన్నో చోట్ల చెప్పినవే అయినా ఈ రోజు ఎందుకో అసంకల్పితంగా నా మదిలో మెదిలాయి. ఎవరైనా చెప్పినప్పుడు వచ్చే ఫీల్ ఒక రకం, ఎవరంతట వాళ్ళు ఫీలైనప్పుడు వచ్చే ఫీల్ ఇంకో రకం. అందుకే పంచుకోవాలనిపించింది.

సృష్టి మొదలైనప్పటి నుంచీ ఈ రోజు దాక, ఈ క్షణంలో నేల మీద కళ్ళు తెరిచిన పసిబిడ్డ నుంచీ ఏ మహామేధస్సులోనో రూపుదిద్దుకున్న కొత్త ఆవిష్కారం దాకా – మూలం, ఆధారం తల్లి లేదా తల్లి ప్రేమ లేదా తల్లి తనలోని ప్రేమనీ, త్యాగాన్నీ ప్రపంచానికి నిరూపించి చూపించే ప్రసవ వేదన.

ఆమె సంకల్పం లేక లేదు ఏ జీవికి జన్మ
ఆమె స్ఫూర్తి నిలపడమే ఇలలో సత్కర్మ
ఆమె చేయిపట్టి దిద్దిస్తే వ్రాస్తాడా బ్రహ్మ
సృష్టిని నడిపించే మహాశక్తి అమ్మ

🌹🌹🌹🌹🌹

🌿వన🌳🌱విహారం🌊 – సుంగైబులో అడవిలో “అలోలములాలోచనలేవేవో నాలోపల ప్రాలేయచ్ఛాయల వలె తారాడగ, కోరాడగ…”


మొన్నా మధ్య సుంగైబులో మడఅడవిలో కనిపించిందీ దృశ్యం.

సముద్రంలో పోటు వచ్చినప్పుడు నీళ్ళు అడవిలోకి ప్రవహించి పల్లపు ప్రదేశం అంతా నిండిపోతుంది. పోటు తగ్గగానే నీరంతా సముద్రంలోకి జారిపోతుంది. పోటులో అడవిలోకి కొట్టుకొచ్చి, పాటుతో పాటుగా తిరిగి కడలికి చేరలేక బురదనేలపై చిక్కుకుపోయిన జలజీవాల మీద ఆధారపడి వలస నీటిపక్షులు, మొసళ్ళు, ఆటర్స్, … జీవనయానం సాగిస్తుంటాయి.

జలప్రవాహపు ప్రకంపనలే ఇరుసుగా తిరిగే జీవనచక్రం ఈ మడ అడవి.

ఒక ఉదయం పోటు వచ్చిన సమయంలో వనదేవతల సాంగత్యం కోరి సుళ్ళు తిరుగుతూ వస్తున్న సాగరుడు

నా కళ్ళను ఆకర్షించాడు,

కాళ్ళను నిలువరించాడు.

ఆ సుడులలో తన ప్రతిబింబాన్ని చూసుకుంటూ దినకరుడేమనుకుంటున్నాడోననే స్ఫురణ నా మానస సరోవరంలో అలలు రేపగా —

అలోలములాలోచనలేవేవో నా లోపల ప్రాలేయచ్ఛాయల వలె తారాడి, కోరాడసాగాయి.

కాలప్రవాహంలో అలలా తేలివచ్చే ప్రతి ఉదయం,

సాయం‘కాలగర్భం’లో కలిసిపోయే ఒక కల అనుకుంటున్నాడా ప్రభాతభానుడు?

కావచ్చు.

ఆయన మనసులో ఏమున్నా, నేల మీద, కాలప్రవాహపు ప్రకంపనలే ఇరుసుగా తిరిగే జీవనచక్రం నాకు చెబుతున్నది ఆ సత్యాన్నే. అంతరంగ తరంగాల్లో ప్రతిఫలిస్తున్న ఏ అంతఃస్సూర్యుడో లోపలి చీకట్లని ఛేదించి చూపిస్తున్నది ఆ అనాది జీవనవేదాన్నే 👇

లోకాస్సమస్తాస్సుఖినోభవంతు.

గుంటురుకారం దంచే రోకలి ఆవురావురనిపించే ఆకలి కావాలోయ్ నవావకాయకి(మొన్నటి పోస్టుకి సీక్వెల్, వెల్లుల్లి లేకుండా ☝🏽..)


మామిడిముక్క, మిరపమొక్క, ఆవగింజ, పప్పునూనె, ఉప్పురాయి కాదేదీ కవితకనర్హం

పాతబడిన ఆవకాయ అస్సలు బావుండదు, చల్లారిన ఆవేశం ఎందుకూ పనికిరాదు.
అందుకే మొన్నటి ఆవకాయ పోస్టు రగిలించిన ఆవేశాలు చల్లారిపోకుండా దానికి సీక్వెల్ ఇప్పుడే పెట్టేస్తున్నా. ఎందుకోగానీ ఈ యేడు ఆవకాయావేశానికి శ్రీశ్రీ భావావేశం తోడయ్యింది. మనకి ఆవకాయ ఎంతిష్టమైతే మాత్రం? ప్రపంచం బాధని తన బాధ చేసుకున్న మహాకవి భావాలకి కనీసం లిప్-సర్వీస్ చెయ్యకుండా ఆయన కవితలకి పేరడీలు రాయడం ఏఁవన్నా బావుంటుందా? చాలా బాగోదు. అందుకే చల్లారిపోయిన మనిషి ఆవేశాలపై కాస్త ఆక్రోశం, మధ్య మధ్య ఆవకాయ నంజుకుంటూ –

మనం, ఇండియన్లం – అందులోనూ ఆంధ్రేండియన్లం – ఆవకాయని తీసుకున్నంత సీరియస్‌గా కొన్ని ఆవేశాల్ని తీసుకోం.
ఆవకాయని ఉంచుకున్నంత ఫ్రెష్‌గా అవసరమైన ఆవేశాల్ని వుంచుకోం.
👇నంజుకోడానికి నవావకాయ👇

కాయని ముక్కలు చేసే కత్తీ
ఆరారగ గ్లాసెడు కాఫీ
మధ్యమధ్య మరదళ్ళతొ సరసం**
కావాలోయ్ నవావకాయకి

** శ్రీశ్రీగారిది భావావేశం, కొత్తల్లుళ్ళది బావావేశం

రైట్స్ కోసం మాట్లాడతాం,
రెస్పాన్సిబిలిటీస్ గురించి పోట్లాడలేం.
ఏదో ఒక పార్టీ వెనకో, లీడర్ పక్కనో కళ్ళు మూసుకుని పోలరైజ్ అవుతాం,
పార్టీల్తో పని లేకుండా సమస్యలపై యునైట్ అవడంలో నిద్రపోతాం.
వెధవ వెస్టర్న్ కల్చరని అరుస్తాం,
దానికి సందిచ్చిన సోషల్ లూప్‌హోల్స్ మనలో ఏఁవున్నాయని సిన్సియర్ డిబేట్ పెట్టం.
👇నాలుక మీదకి నవావకాయ👇

జీడిరసం తుడిచేందుకు బట్టా
గుంటురుకారం దంచే రోకలి
ఆవురావురనిపించే ఆకలి
కావాలోయ్ నవావకాయకి

రాజకీయాలు తగలడిపోయాయని తల్లడిల్లిపోతాం,
అవెందుకిలా తగలడ్డాయో చెప్పి, బాగుచేస్తానన్నవాడికి ఛస్తే వోట్లెయ్యం.
ఇంకాపైగా, కొందరు వోట్లకి డబ్బులిస్తే తీసుకుంటాం, ఛా, పొమ్మనం.
విభజించి పాలిస్తున్నారని ఓవరాక్షన్ చేస్తాం,
లైట్లార్పి, తలుపులేసి విభజిస్తుంటే ఏ యాక్షన్ తీసుకోం.
టీవీలూ, సినిమాలూ చెత్త చూపిస్తున్నాయని వాపోతాం,
చెత్త టీవీల్ని, సినిమాల్ని ఒక్కరోజైనా బాయ్-కాట్ చేసి ఆపెయ్యం. 👇కొసరుగ కాస్త కొత్తావకాయ👇

పిండి కలిపే పేద్ద బేసిను
కలగలిపే గాజుల చేతులు
ఊరెయ్యగ పింగాణీ జాడీ
కావాలోయ్ నవావకాయకి

ఇదండీ ఈనాటి* ఆవకాయావేశం. నవావకాయకి ఇన్స్పిరేషన్ ఇచ్చిన శ్రీశ్రీ నవకవితని కూడా పోస్ట్ చెయ్యాలనిపించి దాన్నొకసారి మళ్ళీ చదువుకున్నా. చదువుతుంటే ఎప్పుడో ఏళ్ళ కిందట విన్న ఘంటసాల నోట పలికిన దాశరధి పాట గుర్తొచ్చింది. ఆ పాత ఆవేశాలు** (= పాట రూపంలో వున్న ఆవకాయలు) రెండూ ఇక్కడ వుంచుతున్నా ఆవకాయ తిన్నప్పుడల్లా గుర్తు రావాలని. ఘంటసాల “ఆవేశం రావాలీ..” అనేప్పుడు ని ఒకరకంగా నొక్కి పలుకుతారు. ఆ నొక్కు నాకు చాలా ఇష్టం.
(*ఈనాడు మాట చూసి ప్రియా పచ్చళ్ళు గుర్తొస్తే అందుకు నా పూచీ ఏంలేదు, సరేనా? ** పాత ఆవేశం అంటుంటే ఇక్కడ “ఆవకాయలో వెల్లుల్లి” అనే బ్లాగ్లోకంలో వైరల్ అవుతున్న సబ్జెక్టు కొంచెం డిస్కస్ చెయ్యాలనిపించింది. వీఎన్నార్ సర్ గోంగూర మీద టపా రాయమన్నారు. ఆ టపాలో డిస్కస్ చేస్తా. )

ఝంఝానిల **

బై ద వే, కొత్తల్లుళ్ళు ముక్కలు కొడుతుంటే , అమ్మమ్మలు ఆవకాయ పిండి కలుపుతుంటే చూసిన దృశ్యకావ్యాలు మనసులో ఉండిపోయి ఈ “ఖండకావ్యం” తయారైంది, అంతేకాని ఒక్కసారైనా ఆవకాయ పెట్టిన పాపాన పోయికాదు. అంచేత టెక్నాలజీలో పొరపాట్లుంటే ఆవకాయలో కరగకుండా ఉండిపోయిన ఉప్పురాళ్ళనుకుని ఆస్వాదించెయ్యండి. బై4నౌ ✋🏼🤓.
వీఎన్నార్ సార్ వ్యాఖ్యతో (నవావకాయకి inputs ఆయన ఇచ్చినవే) వచ్చిన ఐడియాలోంచి పుట్టిన ఈ ఆవకాయ సీక్వెల్ కబుర్లు ఈసారికి సమాప్తం. ThankYou, VNR Sir _/\_ , మీ కోరిక మీద వెల్లుల్లి తగలకుండా చేసిన ఈవకాయ మీకు నచ్చుతుందని ఆశిస్తున్నా.

మామిడిముక్క, మిరపమొక్క, ఆవగింజ, పప్పునూనె, ఉప్పురాయి కాదేదీ కవితకనర్హం😋😋😋


వోట్ల తాంబూలం ఇచ్చేశాం, ఇంకో ఐదేళ్ళ పాటు పార్టీలు, ప్రభుత్వాలూ తన్నుకు చావడానికి.

ఆ అధ్యాయం మే 23 నుంచీ మొదలయ్యేలోపు మనం ఎంజాయ్ చెయ్యాల్సిన వాటిలో మొదటిది ఆవకాయ సీజను. ఉగాది తరవాత వచ్చే పండగ వినాయక చవితి అనుకుంటాం కానీ మధ్యలో వచ్చే ఆవకాయ సీజన్ కి పండగ అనేంత ఇంపార్టెన్స్ వున్నా ఎందుకో ఆ స్టేటస్ ఇవ్వలేదు ఈ దేశం. తరతరాలుగా ఆంధ్రజాతికి జరిగిన అవమానాల్లో ఇదొకటి. మొదటి అవమానం విశ్వామిత్రుడు తన కొడుకుల్లో కొందరిని మీరు ఆంధ్రభృత్యులై పోతారు పొండి అని శపించడం. (మహాభారతంలో చదివా, మనకి స్పెషల్ స్టేటస్ రాపోడానికి, విశ్వామిత్రశాపానికీ ఏమన్నా లింకుందేమో?). ఇంత జరిగినా మన తెలుగువాళ్ళని తెలుగుతేజాలు అని ఈ రోజు అనగలుగుతున్నామంటే ఆ క్రెడిట్ చాలా మటుకు ఆవకాయకే వెళ్తుంది. ఆంధ్రులకి ఆవేశం వుందనే సంగతి ఏడాది పొడుగునా గుర్తు చేసేందుకు ఆవకాయ తప్ప ఇంకెవరూ కనిపించట్లేదు మరి. అందుకే ఆవకాయకి ఈ పోస్ట్ అంకితం.

ఉగాది రాగానే కోయిల కూతతో మనకి వసంతం వచ్చిన సంగతి తెలుస్తుంది కానీ ఆవకాయ సీజన్ని ఆహ్వానించే పక్షి కూత ఏదీ ప్రత్యేకంగా వున్నట్టు లేదు. కానీ, ప్రకృతి మాత్రం కూతలకి బదులు కవితలు అల్లుతుంది, నిశ్శబ్దంగా. అలాంటి కవితలు –

చెవులుండే మనసుకి వినిపించవు.

ౘవులుండే నాలుకకే వినిపిస్తాయి.

అలాంటి కవిత నిన్న నా నాలుకకి “వినబడింది”. అలా👇.

ఎక్కడో విన్నట్టుందే అని కిందామీదా పడక్కర్లేదని వేరే చెప్పట్లేదు. ఎందుకంటే, శ్రీశ్రీగారి విప్లవం ఎంత ఎర్రగా వుంటుందో ఆవకాయ విప్లవం అంత ఎర్రగా, కొంచెం ఎక్కువ ఘాటుగా వుంటుంది కదా? అందుకు!

మనం సామాజిక విప్లవాలు మర్చిపోయి దశాబ్దాలు అవుతున్నట్టు వుంది. ప్రస్తుతానికి ఆవుపాలు, బిప్లబ్ దేబ్ లు, ‘అంబా🐄….’నీలు …. ఇవే మనకి విప్లవాలు. వాటిలోలేని ఫైరూ, పవరూ ఆవకాయలోనే చూసుకోవాలింక. చూసుకోండి, ప్రకృతి తనలోని ఒకో భాగంతో ఒకో విధంగా ఆవకాయ సీజన్ని ఎలా ఆహ్వానిస్తోందో –

మామిడిముక్క, మిరపమొక్క, ఆవగింజ, పప్పునూనె, ఉప్పురాయి కాదేదీ కవితకనర్హం అనేది పాతపాట. నిజానికి అవన్నీ దేనికదే ఒకో కవిత. ఆ కవితలన్నీ కలిసిన ఖండకావ్యం ఆవకాయ. ఆనెస్ట్లీ, ఖండకావ్యాలు అనే కావ్యాలుంటాయని తెలుసు, కానీ అవేంటో మనకి తెలీదు. నాకున్న మిడిమిడి జ్ఞానానికి అందినంత మటుకు ఆవకాయకి ఖండకావ్యం అనేపేరు సరిగ్గా సరిపోతుంది. మావిడికాయల ఖండాలు  (=ఆవకాయబద్దలు😋) నిండి, శ్రీశ్రీ కవితల్లో వుండే ఫ్లో కి ఇంచుమించు సరిసాటి ఐన ఊట ప్రవహించే కావ్యంలాంటి ఆవకాయని ఖండకావ్యం అంటే తప్పేవుంది? ఏంలేదు.

ఇవాళ్టికి ఇంతే🙂సంగతులు.

బై4నౌ 🤗

పిట్ట🐥రెట్టాలజీ ప్రిడిక్షన్స్ ఫర్ సెంటర్-స్టేట్ రిలేషన్స్ & ఇండో-పాక్ రిలేషన్స్ ఆఫ్టర్ 23 మే 2019


ఈ పోస్ట్ పబ్లిషయ్యే టైముకి ఆంధ్రాలో ఎలక్షన్ హడావిడి – సారీ, వోటింగ్ హడావిడి పూర్తై పోవచ్చు. టపా పూర్తి చెయ్యగలనో లేదోననే భయం లేకుండా మహిమగల ఎన్నికల కమిషన్ వారు తమకంటే మహిమగల EVM లు

Ennoచోట్ల

Voటు యంత్రాల

Moరాయింపులు – ఏర్పాటు చేసి, ఇంకోరోజు కూడా వోటింగ్ జరిగే అవకాశం కల్పించారు. {పిట్టరెట్టాలజీ గురించి ఏమైనా మిస్సైనట్టు అనిపిస్తే ఇదిగో ఇది చదవండి ద సైన్స్ ఆఫ్ పిట్టరెట్ట జోస్యం & ద ఇంపాక్ట్ ఆఫ్ ఎ పొలిటికల్ పిట్టరెట్ట.} సరే!ఎన్నికల(ల) ఫలితాలు బైటికొచ్చేలోపు –

పార్టీల ప్రగల్భాలు, పరస్పర నిందారోపణలతో

ఎగ్జిట్ పోల్స్ తో

ఎగ్జిట్ పోల్స్ మీద ‘ఛా’నెళ్ళ డిబేట్లు, మేధావుల ఎనాలిసిస్సులతో

పైవాటన్నిటిని కలిపి ఎనలైజ్ చెయ్యగా అనిపించిన దాన్ని తమ తమ ప్రియతమ పార్టీల విజయాల్ని సూచించేలా మలిచి అందుకు  తగ్గట్టు గవ్వలనీ, గువ్వలనీ, గ్రహాల్నీ కిట్టించి మొత్తమ్మీద దేశ+రాష్ట్ర భవిష్యత్తుల్ని తేల్చి పారేసే future – gazerల భవిష్యవాణులతో మనకి మంచి కాలక్షేపం.

ఈ 2019 ఎన్నికల స్పెషాలిటీ ఏంటంటే పైన చెప్పిన ఫ్యూచర్ ప్రిడిక్షన్ టెక్నాలజీలన్నిటికంటే ఎక్యురేట్-గా ప్రజా తలరాతలని చదవగల పిట్టరెట్ట శాస్త్రం మనకి అందుబాటులోకి వచ్చింది. ఈ శాస్త్రం ప్రకారం వచ్చే ఐదేళ్ళలో ఏ పార్టీ / ఏ స్టేటు / ఏ దేశం / etc etc etc నెత్తిన పిట్టరెట్ట పడనుందో పరిశీలించడమే ఈ టపా యొక్క లక్ష్యం.
ముందుగా మనం మూడు సినేరియోలు పరిశీలించాలి.

ఒకటి – సెంటర్లో BJP, ఏపీలో రూలింగ్ TDP అప్పోజిషన్ YCP & జనసేన .
రెండు – సెంటర్లో BJP, స్టేట్లో రూలింగ్ YCP, అప్పోజిషన్ TDP & జనసేన
మూడు – సెంటర్లో BJP, స్టేట్లో రూలింగ్ జనసేన, అప్పోజిషన్ TDP &  YCP

(ప్లీజ్ నోట్, BJP అంటున్నాం, NDA కాదు. సపోజ్, ఫర్ సపోజ్, BJPకి 2014లోలాగా ఫుల్-మెజారిటీ వచ్చేసి మళ్ళీ 56 అంగుళాల ఛాతీ విరుచుకుంటూ ప్రభుత్వం ఏర్పాటు చేస్తుందనే నేపధ్యంలో ఆనమాట.)
ఒకటో సినేరియో ఏంటంటే మళ్ళీ చెంబుడు నీళ్ళు, గుప్పెడు మట్టే. పవర్లో వున్న TDP నెత్తిన, దేర్ ఫోర్, ఏపీ నెత్తిన పిట్టరెట్ట తప్పదు. ఆస్థాన జోతిష్కులు ఏం చెప్పినా గ్రహాలన్నీ పడనున్న పిట్టరెట్టకి తగ్గట్టు తమ తమ స్థానాలని జాతకచక్రంలో ఎడ్జస్ట్ చేసుకోవాల్సిందే. తప్పదు ☝️ .
ఈసారి YCP వారు అసెంబ్లీ ఎగ్గొట్టి పాదయాత్రలు చేసుకోడం ఆపేసి TDP ప్రభుత్వాన్ని పడగొట్టే ప్రయత్నాలు షురూ చేస్తే కేంద్రలోవున్న BJPట్ట సరైన టైములో సరైన _ట్ట వేసి సహకరించే అవకాశాలు బాగా వున్నాయి. అంతేకాక, ఇప్పటికే ఐదేళ్ళనుంచీ BJPట్టరెట్టల్లో ఉక్కిరిబిక్కిరౌతున్న TDPట్టలు కొన్నైనా ఇటుపక్కకి వాలచ్చు. గ్రహాలని ఆ ప్రకారం ఎడ్జస్ట్ చేసే వ్యవహారం కేంద్రానికి, కేసీఆర్-గారికీ అప్పచెప్పవచ్చు. ఇవన్నీ కుదరవు అనుకుంటే అసెంబ్లీ బాయ్-కాట్ చేసి పాదయాత్రలు చేసుకునే ఆప్షన్ ఉండనే వుంది.
YCP వారు TDP ప్రభుత్వాన్ని పడగొడతామంటే మరి జనసేనాని చూస్తూ వూరుకుంటారా? అంటే ఆయనది ఒరిజినల్లీ పంచవింశతి వర్ష ప్రణాళిక (అంటే పంచ-పంచవర్ష ప్రణాళికకి 5×5, నెహ్రూగారిని మించిపోయారు కదా PKగారు.) కాబట్టి బ్రేక్ తీసుకుని సినిమాలు చేస్తారా? ఇంకేమన్నా చేస్తారా? అనేదానిపై పిట్టరెట్ట శాస్త్రానికి ఇంకా అంచనా రాలేదు.

Let us now look at సినేరియో రెండు. స్టేట్‌లో YCP రూలింగ్ . అప్పోజిషన్ TDP & జనసేన. ఇన్నాళ్లూ వైసీపీకి వోటేస్తే బీజేపీకి, టీఆరెస్సుకీ వోటేసినట్టే అని జరుగుతున్న ప్రచారం నిజమో కాదో తేల్చేసే సినేరియో ఇది. ప్రచారం నిజమైతే (నిజమైతేనే సుమీ!!) మళ్ళీ ఏపీ నెత్తిన ఒకటి కాదు రెండుపిట్టలు – BJPట్ట & TRSPట్ట – వేస్తాయి రె _ లు. ఆ రె _లు ఏ రూపంలో పడతాయంటే –

యూట్యూబులో, వాట్సప్పులో, బ్లాగుల్లో, గూగుల్లో ఎందెందు వెతికి చూచిన అందందే గలదిన్ఫర్మేషను వినే/చూచేవారుంటే.

🤣

ప్రచారం నిజం కాకపోతే? మూడు విధాలుగా ఏపీ మీద రె _ లు పడచ్చు. సెంటర్ పిట్ట, పొరుగురాష్ట్రపు పిట్ట ఎవరి ఎజెండా వాళ్ళు కంటిన్యూ చేసి యధాశక్తి ఏపీ ప్రజల నెత్తిన పి.రె.లు కురిపించే అవకాశాలు మస్తు. ఇంకోపక్క, BJPట్ట, YSRCPట్టని మింగేసి (అంటే విలీనం చేసేసుకుని) ఏపీ మీద ఇన్-డైరెక్టుగా రెట్టలేసే ప్లానులో కూడా ఉన్నట్టు పిట్టరెట్టలజీ అనుమానిస్తోంది. ఇలాంటి రకరకాల పి.రె.లన్నిట్నీ వుడ్-బి సి.ఎం. తట్టుకుంటాడో, తిప్పికొడతాడో వెండితెరపై చూడాల్సిందే. కానీ వుడ్-బి సి.ఎం. కి వున్న క్వాలిఫికేషన్ and/or అమ్యునిషన్ ఏంటంటే మడమ తిప్పని మొండితనం. మొండివాడు రాజుకంటే బలవంతుడు. మొండివాడే రాజైతే? ఇంకా ఊహించద్దు. ఇప్పుడే ఊహించేస్తే వచ్ఛే ఐదేళ్లూ సస్పెన్స్ ఉండద్దూ?

నెక్స్ట్,,,, సినేరియో మూడు. ప్రస్తుతానికి ఈ సినేరియోని అలా వదిలెయ్యండని గవ్వలూ, గ్రహాలూ, అంకెలూ, … కాళ్లావేళ్లాపడి – “మీరు ప్రిడిక్షన్ ఇచ్చేశాక పడబోయే పి.రె.లకి తగ్గట్టు అంత ఫాస్టుగా, అన్నిసార్లు మా పొజిషన్లు మార్చుకోలేం, ఈసారికి మమ్మల్ని వదిలెయ్యండి. అనుకున్న పాతికేళ్లలో ఇంకా ఇరవై మిగిలేవున్నాయి కదా,”అంటూ వేడుకుంటున్నాయి. “సరే! ఇప్పుడైనా అర్థమైందా పి.రె.శాస్త్రం పవరేంటో? ఇంత వేడుకుంటున్నారు కాబట్టి గ్లాసుకి పవరొచ్చే వరకూ ప్రిడిక్షన్స్ హోల్డ్ లో వుంచుతాను. వచ్చాక మాత్రం ఒక్క క్షణం కూడా ఆగ,”నని గ్రహాలకి మాటిచ్చేశా. ఐనా ఆ మాట కొంచెం తప్పి కింగ్-మేకర్ కానీ వోట్-చీల్చర్ కానీ అవుతాడనుకుంటున్న PKగారు అనుకోకుండా ఎవరి సపోర్టు అవసరంలేకుండానే సి.ఎం. ఐపోతే ఏ.పి. మీద చాలా పి.రె.లు పడతాయని అనుకోడానికి పెద్దగా గ్రహాలూ/శాస్త్రాలతో కుస్తీ పట్టక్కర్లేదు. రాజకీయాల్లో కానీ, ఎడ్మినిస్ట్రేషన్ లో కానీ అస్సలు ఎక్స్పీరియెన్స్ లేదు కనక, ఆయన తన చుట్టూ JD, JP,లాంటి వారిని పెట్టుకుని, వాళ్ళని హర్ట్ చెయ్యకుండా మనం ఎక్స్పెక్ట్ చేసినట్టు పాలిస్తే BJPట్ట, TDPట్ట, YSRCPట్ట, TRSPట్ట, అభయ✋ హస్తం పిట్టలు ఎన్ని రెట్టలేసినా PKని ఏం పీకలేవని పెద్ద ఎన్ఠీఆర్ ఎదుర్కున్న ఆగస్ట్’84 వెన్నుపోటు ఎపిసోడ్ ని బట్టీ అర్ధం చేసుకోవచ్చు.

ఇప్పుడో చిన్న ట్విస్టు. సపోజ్, ఫర్ సపోజ్, బీజేపీకి ఫుల్ మెజారిటీ రాక, మోడీగారు నిన్నో మొన్నో అన్నట్టు ఒక్క ఎంపీ వున్న పార్టీతోనైనా పవరుకోసం చేతులు కలుపుతాం అన్న మాటకి తధాస్తు దేవతలు తధాస్తు అనేశారనుకోండి. అప్పుడు ఎన్.డి.య్యే. సంకీర్ణ ప్రభుత్వమే వచ్చిందనుకోండి. లేదా గడ్కరీ పీ.ఎమ్. అయ్యారనుకోండి. అప్పుడు పి.రె. ప్రిడిక్షన్స్ లో డ్రాస్టిక్ ఎడ్జస్టుమెంట్లు చేయాల్సి వస్తుంది. చేద్దాం. మోస్ట్ ప్రోబబ్లీ, ఆ సిట్యుయేషన్ రాదు.

పైవన్నీ కాక కేంద్రంలో యూ.పీ.యే. వచ్చేసి – కాంగ్రెస్ సొంతంగా వస్తుందేమో అనే మాట తలచుకుంటేనే పిట్టలకి constipation వచ్చేసి శాస్త్రం ఈ.వీ.ఎం.లా మొరాయిస్తోంది, సో, యూ.పీ.ఏనే పవర్లోకి వస్తే అన్న సినేరియోనే కన్సిడర్ చేస్తున్నాం. అప్పుడు కూడా ఎడ్జస్టుమెంట్లు చెయ్యాలి. అప్పుడు ఏ.పీ. ప్రజల మీద కాకుండా టీడీపీ మీదే పడేలా అభయ✋ హస్తం పి.రె.లని టీడీపీ వైపు తోస్తూ ఉంటుంది. అంతకంటే ఏమైనా ఘనకార్యం చేస్తుందనుకుంటే పప్పులో, కాదు నిప్పులో, కాదు కాదు కాదు పి.రె.లో కాలేసినట్టే. స్టేట్లో ఒక్క సీటైనా లేకుండా, బాబు కొన్ని సీట్లైనా ఇస్తారనే నమ్మకం లేకుండా కాంగ్రెస్ టీడీపీకి క్రెడిట్ రానిస్తుందా? నివ్వదుగాక నివ్వదు.

ఇహపోతే, సెంటర్లో యూపీయే/కాంగ్రెస్, స్టేట్లో వైసీపీ వస్తే? TDPట్ట, చేతి✋వాటంపిట్ట కలిసి YCPట్ట మీద పడాల్సిన పి.రె.లని మేనేజ్ చేస్తాయి. అంటే బీజేపీ హయాంలో స్టేటు మీద ఏవైతే పి.రె.లు పడ్డాయో ఇంచుమించుగా అవే పడే అవకాశాలు మస్తు. కొసరుగా పొరుగు తెలుగు రాష్ట్రానికీ ఇవే “బెనిఫిట్స్” అందేలా చూడడం TDPట్ట, చేతి✋వాటంపిట్టల ప్రయారిటీ అవుతుంది. లాజికల్ గా లేదూ?
ఇవండీ పిట్ట 🐥 రెట్టాలజీ ప్రిడిక్షన్స్ ఫర్ సెంటర్-స్టేట్ రిలేషన్స్ ఆఫ్టర్ 23 మే 2019.

ఇప్పుడు స్పెషల్ గా చెప్పాల్సిన ప్రిడిక్షన్స్ కొన్ని వున్నాయి. మొదటగా ప్రజాశాంతి గురించి. వీరికి ఏ పిట్టరెట్టల భయమూ లేదు. ఎప్పటికీ. అందుకేగా ఏ పిట్టకీ దొరక్కుండా వాటికి పైన హెలికాప్టర్లో విహరిస్తూ వుంటారు. నిజానికి స్టేటు మీద కానీ, స్టేట్-రూలర్స్ మీదకానీ ఏ రెట్టలూ పడకుండా నిరంతరం ట్రంప్ తో, ఆ ప్రభువుతో చర్చలు జరుపుతూ స్టేటునీ, కంట్రీని కూడా నిరంతరం రక్షిస్తూ వుంటారు. పిట్టరెట్టాలజీకి అందనంత మహిమ కలవారు. వారికి భవిష్యత్తు చెప్పే సాహసం ఈ శాస్త్రం చెయ్యదు.

Next, ఇప్పుడు విదేశాలపై పిట్టరెట్టల ప్రభావం ఎలా ఉండబోతోందో చూద్దాం. ఇప్పుడు విదేశాల అధ్యక్షులందరూ మళ్ళీ ఇంకో ఐదేళ్లపాటు భారత ప్రధాని కౌగిలింతలు భరించడం లేదా తప్పించుకోడం ఎలాగా అని హడిలి ఛస్తున్నారనీ, ఎమర్జెన్సీ మీటింగ్స్ పెట్టి చర్చించుకోవడం మొదలుపెట్టారని, మే 23 లోపు ఏదో ఒక నిర్ణయం తీసుకు తీరుతారని శాస్త్రం సూచిస్తోంది. ఈ చర్చల్లో భాగంగా గడ్కరీ పీ.ఎమ్. అయితే ఆయన గ్రీటింగ్ మెథడ్స్ ఎలా వుంటాయనే దానిమీద కూడా దేశాధినేతలంతా సమాచారం సేకరిస్తున్నారట. నిజానికి వాళ్లకి ఇంకో కన్సర్న్ కూడా ఉందిట, రాహుల్ మహాశయుడు ప్రధాని అయిపోతే (కొంపదీసి) ఆయన విదేశీ నేతలకి కన్ను😉కొట్టి, ముద్దులు 😚 పెట్టే ఉద్దేశాలేమైనా ఉన్నాయా అని కూడా ఆరా తీస్తున్నారని కూడా శాస్త్రం పసిగట్టింది. ఒక్క పాక్- ప్రధాని మాత్రం ఈ విదేశీనేతలతో ఏకీభవించట్లేదు.

Lastly, నిజానికి ఇమ్రాన్-ఖాన్ మన పీ.ఎమ్.ని ఘాఠ్ఠిగా కౌగిలించేసుకోవాలని డిసైడ్ అయ్యారనీ, లేకపోతే ఇండియా పంపే మిసైల్ పిట్టల రెట్టలు తట్టుకోడం తనవల్ల కాదనీ పాక్ మిలట్రీకి తేల్చి చెప్పేశారని కూడా శాస్త్రం కుండబద్దలు కొట్టింది. అసలు నిన్న మోడీ వస్తేనే ఇండియా-పాక్ శాంతి చర్చలకి మంచి అవకాశం ఉంటుందని ఇమ్రాన్-ఖానులవారు సెలవిచ్చిన కారణం కూడా మిసైల్ పిట్టరెట్టలకి ఝడుసుకునే అని పిట్టరెట్టాలజీ చెబుతోంది. ఇప్పటివరకూ టెర్రరిస్ట్ ఎటాక్స్ జరిగినప్పుడే సర్జికల్ స్ట్రైక్స్ చేస్తూ వచ్చిన పొరుగు ప్రభుత్వం ఇంకొంచెం రాటుదేలి తమకి దేశంలో అప్రూవల్ రేటింగ్స్ తగ్గినప్పుడూ, అలాగే రఫాలే విమానాలు దేశంలో దిగాక వాటి గొప్పతనాన్నీ, ఆ విమానాల రిపేర్లకీ, మెయింటెనెన్స్ కీ కాంట్రాక్టు తీసుకున్న అ.అం.గారి పనితనాన్నీ నిరూపించడానికి సర్జికల్ రెట్టలు వేసే అవకాశం పుష్కలంగా ఉందనీ, పాక్ గూఢచారి వర్గాలు బేజారెత్తిస్తున్నాయని, హడలగొడుతున్నాయనీ పిట్టలు ఘోషిస్తున్నాయి.

అవీ బ్లాగ్-వీక్షకులారా 2019 ఎన్నికల ఫలితాలు. ఏ.పీలో ఎన్నికలు అయిపోయాయి కాబట్టీ, ఏ.పీ. కన్న ఎన్ని కలలు నిజమౌతాయో ఇప్పటికీ క్లారిటీ లేదు కాబట్టీ పై ప్రిడిక్షన్స్ చూసి ఝడుసుకున్నా, భోరుమన్నా, తిట్టుకున్నా ఇంకో ఐదేళ్ల వరకూ ఏం లాభం లేదు. సో, ప్రస్తుతానికి జరిగినవాటికీ, మే 23లోపు జరగబోయేవాటికీ నవ్వుకుందాం. మళ్ళీ 2024లో తడాఖా💪🏻 చూపిద్దాం.

పిట్టరెట్టాలజీ గురించి ఏమైనా మిస్సైనట్టు అనిపిస్తే ద సైన్స్ ఆఫ్ పిట్టరెట్ట జోస్యం & ద ఇంపాక్ట్ ఆఫ్ ఎ పొలిటికల్ పిట్టరెట్ట

ఇంతే🤗సంగతులు✍🏽. బై4నౌ✋🏻😎.

సైకిలేసుకుని🚲 చాయ్ కొట్టుకెళ్ళి గాజుగ్లాసు🥛లో లోటస్🌸 బ్రాండ్ చాయ్ పోసుకుని ఫాన్🔆 కింద కూచుని టీ తాగాలని ….


సైకిలేసుకుని🚲 చాయ్ కొట్టుకెళ్ళి గాజుగ్లాసు🥛లో లోటస్🌸 బ్రాండ్ చాయ్ పోసుకుని ఫాన్🔆 కింద కూచుని టీ తాగాలని సామాన్యుడి కల.

మూడువారాల క్రితం, పొద్దున్నే ఆఫీసుకి పోతుంటే అనుకోకుండా ఆ 👆 లైను మనసులో అవతరించింది. తెల్లార్లూ వింటున్న పొలిటికల్ డిబేట్ల, మేధావుల విశ్లేషణల ఎఫెక్ట్ అయ్యుంటుంది. చదవడానికి బానేవుంది కదా అనిపించి –

“ఎవరైనా ఈ పొలిటికల్ పొడుపు కధని విప్పండర్రా,” అంటూ మా వాట్సప్ గ్రూపులో పెట్టా. ఆఫీసులో, సీట్లో హాయిగా కూచుని కాఫీ☕️ సిప్ చేస్తూనే పెట్టినా, అక్కడ బొమ్మలేసి మరీ పోస్టు చేసేంత తీరికా, ధెైర్యం, ప్రైవసీ వుండవు కదా! అందుకే ఆ👇 కాసిని లైన్లతో సరిపెట్టా. (బొమ్మలు ఇప్పుడే నా Note8 సాయంతో బరికా.)

అందరూ పెద్దపెద్ద ఉద్యోగాల్లో వున్నా, నా గ్రూపు ఫ్రెండ్సంతా సామాన్యుడిని ప్రేమించేవాళ్ళూ, వాడి సాదాసీదా లైఫ్-స్టైలుని మించిన లైఫ్-స్టైలు లేదనుకునే వాళ్ళూ, వీలైనప్పుడల్లా రోడ్డు పక్క బడ్డీలో మిర్చిబజ్జీనో, ఓ గ్లాసు చెరుకు రసమో, కప్పు ఇరానీ చాయినో ఓ పట్టు పట్టాలనుకునే వాళ్ళు. బిర్యానీలు, బీర్లు, బర్గర్లు, ఫైవ్ స్టార్ కంఫర్ట్లు ఎంత చేరువలో వున్నా ఆవకాయ-పెరుగన్నం చూస్తే – కాదు – గుర్తొస్తే చాలు లొట్టలేసి, చాప మీద చెయ్యే తలగడ చేసుకుని మధ్యాన్నం చిన్న కునుకు తియ్యడాన్ని మిస్సవుతున్నవాళ్ళూను. అంచేత నేను పెట్టిన పొడుపు కథ చూడగానే వెంఠనే రియాక్టయారు. అమెరికానించీ, ఇండియానించీ!

‘S ‘ అన్నాడు, “Helicopter missing?,” అని.

దానికి నేను, “సామాన్యుడు కదా, cannot afford flying in KA పాల్’స్ helicopter 🚁s & KCR’s Cars🚗 🤗,” అన్నా.

అటు పక్కనుంచి ఆనందభాష్పాలు, ఇలా 👉 😂

ఈసారి US నుంచి, “M.D” అంటూ NR ట్వీటాడు.

“You must solve the riddle fully, NR!😀,” అన్నాను.

“😀🤪M.D is the answer for everything. He has been friendly with all 4 political parties of AP/TS,” అని NR రెస్పాన్సు.

గ్రూపులో నవ్వులు

😀😀😀😀

నర్మగర్భపు నవ్వులు

😊😊😊😊

కళ్ళలో నీళ్ళొచ్చేలా పకపక నవ్వులు

😂😂😂😂

[ ఇక్కడ కాస్త పిడకల వేట అవసరం –>

M.D. మేస్టారి మీద నాకు చాలా నమ్మకం. ఎంత నమ్మకవంటే రాముడికి హనుమంతుడి మీదున్న నమ్మకానికి ఈజీగా హండ్రెడ్ టైమ్స్ ఎక్కువుంటుంది.

“జస్ట్, చూసిరా, హనుమా!,” అని రాముడంటే కాల్చి వచ్చే రకం హనుమ. చూడకుండానే కాల్చేసే రకం M.D.గారు. ఉ.పటేలూ, ర.రా.రాజనూ, పాకిస్తానూ, ఇమ్రాన్-ఖానూ సాక్ష్యం ఇస్తారు కావాలంటే. అందుకే నాకు సార్ అంటే అంత నమ్మకం.

ఈ నమ్మకమే M.D.మేస్టార్ని పి.ఎమ్.ని చేస్తుందని, అప్పుడింక మేష్టారు ప్రధాని పదవితో ప్రయోగాలు ఆపి ప్రజలకి ప్రయోజనం వున్న పనులు కూడా చేస్తారని నా ఉద్దేశం. అంటే ము_ _ _నీ, అ _ _ _నీల పనులే కాకుండా సామాన్య ప్రజలకి పనికొచ్చే పనులు కూడా అని. Of course, ము_ _ _నీ, అ _ _ _నీలు కూడా పాపం ప్రజలే అనుకోండి😉.

“ఏం? ఇప్పుడాయన సామాన్యుల కోసం ఏం చెయ్యట్లేదా?,” అనడక్కండి. చేస్తున్నారో, లేదో సామాన్యుణ్ణి నాకేం తెలుస్తుంది? ఆల్ సెడ్ అండ్ డన్, నా కోరిక మాత్రం ఆయన స్లైట్ మెజారిటీతో గెలిచి, నాలుగైదు పార్టీల Coalition governmentకి లీడర్ అవ్వాలని. డెమోక్రసీలో అబ్సొల్యూట్ మెజారిటీ అస్సలు మంచిది కాదని సోషల్ & పొలిటికల్ సైంటిస్టుల అభిప్రాయం. ఎమర్జెన్సీలకీ, డిక్టేటర్-షిప్పులకీ బీజం అబ్సొల్యూట్ మెజారిటీలోనే ఉంటుందంట. పిడకలవేట సమాప్తం.]

ఇంతలో ‘R’ పంచ్👊 విసిరాడు, “సామాన్యుడు ఉన్నాడక్కడ, M.D .పేరు చెబితే చీపురు పడతాడు,” అని. ఆబ్వియస్లీ,’R’ చెబుతున్నది హిందీలో ఆమ్-ఆద్మీ అని మనం పిల్చుకునే సామాన్యుడి చీపురు గురించే. (స్వచ్ఛ భారత్ పుట్టకముందే చీపురు పట్టిన ఆమ్-ఆద్మీకి కుదరట్లేదు కానీ తన చీపురుని ఎప్పుడెప్పుడు ఎవరి వీపు మీద తిరగేద్దామా అని తహతహలాడుతున్నాడయ్యే)

“పంచ్ అదిరిందన్నా,” అన్నా, ఇలా 😄 పగలబడి నవ్వుతూ.

Scholary humourకి కేరాఫ్ అడ్రస్ మా R. 😀😀

ఇంతలో మా ‘P’కి ఏమైందో తెలీదు, “నవ్వు నాలుగు విధాల రైటు,” అనే, జంధ్యాలగారిదనుకుంటా,ఆ కోట్ ని పెదాల మీద రాసుకుని, అందుకు తగ్గట్టు హంగామా చేసేవాడు కాస్తా ఆత్రేయ మాస్టార్లా, “కొన్ని కలల్లోనే బాగుంటాయి. ఏది ఏమైనా చివరికి మిగిలేది సామాన్య ప్రజల వ్యధలు మాత్రమే,” అంటూ కబ్జా చేసిన లారీడు తడి ఇసుకంత బరువైన డైలాగు వదిలాడు.

సడన్లీ గ్రూపు సైలెంటై పోయింది. సామాన్యుడి రియాలిటీ ఒక్కసారిగా అందర్నీ ఆవరించింది.

పైన బొమ్మలో పగటికలలు కంటున్న సామాన్యుడు, “కలలే మనకు మిగిలిపోవు కలిమి చివరకూ…. ఆ కలిమి కూడ దోచుకునే దొరలు ఎందుకూ…??,” అంటూ మన “సు”కవి పాటని భారమైన ధరహాసంతో హమ్ చేస్తూ మనోనేత్రంలో మెదిలాడు. “పిండేశావయ్యా,’P’!! 🤣 అంటూ ఆనందభాష్పాల ఎమోజీతో పాట కోట్ చేసి వాతావరణాన్ని తేలిక చేద్దామని ప్రయత్నించా.

ఉహూ!! నో రెస్పాన్స్! అందరూ పనుల్లో బిజీ ఐపోయారు.

సామాన్యుడి కలకి నా భాష్యం నేనే చెప్పుకున్నా, ఇలా –

“నా పేరు చెప్పుకుని పవరు కోసం, పదవుల కోసం పందెంకోళ్ళల్లా కొట్టుకు చావకుండా ప్రజాతీర్పులో ఎవరికి ఏ స్థానం దక్కితే ఆ స్థానంలో మీరు చెయ్యాల్సిన పని తిన్నగా చెయ్యండ్రా నాయనా! స్వతంత్రం వచ్చి డెబ్భైయ్యేళ్ళెైపోయిందప్పుడే. రూలింగ్ పార్టీ, అప్పోజిషన్ – ఈ రెండూ ప్రజాప్రభుత్వం అనే ఒకే నాణేనికి రెండు పక్కలు అనేది మీరు అర్ధం చేసుకుంటే మీరు తన్నుకు చచ్చి, నన్ను చంపరు.” అనుకుంటున్నాడు, సామాన్యుడు. సైకిలు మీద టీకొట్టుకెళ్లి గాజు గ్లాసులో టీ పోయించుకుని ఫాను కింద కూచుని టీ తాగడం అంటే కేంద్రప్రభుత్వం – రాష్ట్రప్రభుత్వం – ప్రతిపక్షం ఒకరిమీదొకళ్ళు దుమ్మెత్తి పోసుకునే బదులు ప్రజల కోసం విలువలు పాటిస్తే ఎంత బాగుండు …. అని వాడి కలకి అంతరార్ధం.

Note: సైకిలుకి అధికారం, గ్లాసు, ఫేన్లకి ప్రతిపక్షం అని కాదులెండి. సందర్భానికి / ఆ వస్తువుకి తగ్గట్టు కల్పించానంతే.

(ధర్మవరపు సుబ్రమణ్యం స్టైల్లో,👉 లిటరల్‌ మీనింగులొద్దు బాబూ😎!! ok?)

dharmavarapu

Photo courtesy : Google

బై ద వే, కాకతాళీయమో, కోయిన్సిడెంటలో కానీ ఈ టపా రాసీ రాయగానే యూట్యూబ్ లో ఈ 👇 వీడియో చూడ్డం జరిగింది. సామాన్యుడు తన భావాల్ని స్పష్టంగా చెప్పగలిగితే ఇలాగే ఉంటుందనిపించింది.

ఇంతే🤗సంగతులు. బై4నౌ🙏😁 –