కైలాసంలో🌄😷 కొరోనా మాస్క్


కాశీ ఆలయం పూజారిగారి సామాజిక చైతన్యం నాకు నచ్చింది. https://www.ndtv.com/india-news/priest-at-varanasi-temple-puts-face-masks-on-idols-amid-coronavirus-scare-2192545

ఢిల్లీలో “రామాంజనేయ”🏹🙏🐵 యుద్ధం; గెలిచిన”హనుమంతుడు”✌🏽


ఈ పాలిటిక్స్ వున్నాయి చూశారూ, టీకాలులేని virusలాంటివి. ఒకసారి పట్టుకుంటే వదిలే ప్రశ్నే లేదు. లేకపోతే ఏంటి, ఒకపక్క కరోనా వైరస్ గడగడలాడిస్తున్నా ఢిల్లీ ఎలక్షన్స్ రిజల్ట్స్ కోసం ఆత్రం తగ్గడంలేదు. మా వూళ్ళో నలభైఐదో కరోనా కేసు కన్ఫర్మ్ అయిపోయింది. నిన్న రాత్రి. ఐనా నిండా మునిగాక చలేంటి? నోరు, ముక్కు (మాస్కులతో) మూసుకుని మరీ పేపర్లు తిరగెయ్యడం తప్ప చెయ్యగలిగిందేం కనపడ్డం లేదు. చచ్చినట్టు అదే పని చేస్తున్నాం. ఢిల్లీలో ముగియబోతున్న “రామాంజనేయయుద్ధం” కాస్సేపు కరోనా మీంచి దృష్టి మళ్లించి రిలీఫ్ కలిగిస్తోంది అనుకున్నా. మళ్ళీ “రామాంజనేయయుద్ధం” మొదలైందా అనికూడా అనుకున్నా. అది త్రేతాయుగంలోనే అయిపోయింది కదా, మళ్ళీ ఇప్పుడేంటని ఎవరైనా అడిగితే వాళ్ళనెవరూ బావు చెయ్యలేరు. త్రేతాయుగంలో యయాతి మహారాజు మొదటి రామాంజనేయయుద్ధానికి కారకుడైనట్టు ఇప్పుడు కేజ్రీవాల్ రెండో రామాంజనేయయుద్ధానికి దారి తీసాడు, హనుమాన్ చాలీసా చదివి. ఆఫ్ కోర్స్, ఈసారి రాములవారూ, హనుమంతులవారి మధ్య డైరెక్ట్ గా కాకుండా రామభక్తులు, హనుమంతుడి “శరణు” కోరిన కేజ్రీవాల్ proxy war నడిపారు. Proxy war కదా ఫన్ చూద్దాం అనుకున్నారో, ఏంటో మొదటియుద్ధాన్ని ఆపినట్టు బ్రహ్మో, శివుడో వచ్చి రెండోయుద్ధాన్ని ఆపలేదు. చివరికి రాముడి కంటే రామభక్తుడే బలవంతుడనిపించేలా కేజ్రీకి 61 సీట్లు, భక్తులకి 7 సీట్లు వచ్చాయి. (ఇది రాస్తున్న టైముకి). పొద్దున్న ఆమాద్మీ లీడింగ్ లో ఉందని చూడగానే “Is Lord Hanuman so pleased with Kejri’s Chalisa that he changed party?” అనుకున్నా. కానీ మొదటియుద్ధంలో రాములవారికి ఎదురుతిరిగి నానా క్షోభా పడిన హనుమంతుడు ఈసారి మళ్ళీ అలాంటి రిస్కు ఎందుకు చేస్తాడనిపించింది కాసేపు. కమలంగుర్తుకీ, అరవింద్ కేజ్రీ వాల్ లో వున్న అరవిందానికీ మధ్య కన్ఫ్యూజ్ అయ్యాడా అని అనుమానం వచ్చింది. అనకూడదు కానీ హనుమంతులవారి నిజాయితీ మీద కూడా డౌట్ వచ్చి, ఈయనకీ బంధుప్రీతీ, biased-opinions ఉంటాయా అనిపించింది. ఎందుకంటే కేజ్రీవాల్ అనగానే తండ్రి కేసరి(కేజ్రీ), తన జాతీ (వాల్ = వాలము) గుర్తుకొచ్చి పక్షపాతం, nepotism కనబరిచాడా అనిపించి, అంతలోనే రామ, రామ అనుకుని చెంపలు గట్టిగా వేసేసుకున్నా. ఐనా ప్రియభక్తుడు దారి తప్పుతుంటే రాములవారు చూస్తూ వూరుకుంటారా? ఊరుకోరు. నారదుణ్ణో, లక్ష్మణుణ్ణో రాయబారం పంపి పొత్తు కుదుర్చుకోవడమో, సీట్ల సర్దుబాటు చేసుకోవడమో చేసేవారు కదా. అలా చెయ్యలేదు. అంటే రాములవారు చూసీ చూడనట్టు వదిలేశారా? ప్రోబబ్లీ, కమలనాధుల కామెంట్లు, ఎన్నికల స్టంట్లూ ఇంకొంచెం polishedగా, ఇంకొంచెం refinedగా వుండాలనిపించిందేమో. రావణుడికి నేడు పోయి, రేపు రమ్మని చెప్పిన మర్యాదస్తుడికి ఆ మాత్రం ఎక్స్పెక్టేషనుండదూ భక్తుల మీదా?? సో, అవన్నీ సరిదిద్దుకుంటే, ఆ దిద్దుబాట్లు తనకి నచ్చితే నెక్స్ట్ ఎలక్షన్స్ లో గెలిపిస్తానని సూచిస్తూ ఏడో, ఎనిమిదో సీట్లు గెలిపించాడేమో. కిందటిసారి మరీ సున్నాలొచ్చాయి కదా!! దాంతో పోలిస్తే ఈసారి చాలా ఇంప్రూవ్-మెంటుంది కదా!! లేకపోతే కాంగ్రెస్ పార్టీలా consistentగా మళ్ళీ సున్నా వచ్చేదిగా !! ఐనా ఈ ఢిల్లీ జనానికి మాత్రం కాస్త ఇంగితం ఉండద్దూ?? పార్లమెంటుకి కమలాన్నీ, అసెంబ్లీకి చీపురుకట్టనీ కోరుకుంటే పాపం పార్టీలు కన్ఫ్యూజ్ అవ్వవూ? అర్ధం చేసుకోరూ!!!

ఇంతేసంగతులు, బై4నౌ 🙏🐵

“దిశ”నిర్దేశం : అవతారాలు దిగొచ్చే వరకూ “మృగాళ్ళ”ని భరించే సహనం, స్వార్ధం, పిరికితనం & necessary quid-pro-quo with god, power, caste, religion, gender & money మనలో మస్తుగా వున్నాయి.



మెన్‌
ఆమెన్‌
చెరపట్టన్‌
మ్రోగెన్‌
నీగన్‌
నా
పెన్‌
ఆపెన్‌ 

అని కవి ఆరుద్ర ఉవాచ. కవివాక్యం అంతా నిజమవలేదు. “దిశ” ఉదంతంలో జరిగిన ఎన్-కౌంటర్ తో ఆరుద్రగారు చెప్పిన గన్ మోగింది, నాలుగు సార్లు. పెన్ (=Social debate & reforms) మాత్రం ఆగిపోయేలావుంది. కవివాక్యం సగం నిజమై రెండో సగం మరో దురంతం జరిగేవరకూ ముసుగేసుకు పడుకునేలావుంది.

నలుగురు కీచకులు ఎన్-కౌంటర్ అయిపోయారు. ఎన్-కౌంటర్ కాదు, ఎక్స్ఛేంజ్ ఆఫ్ ఫైర్ అన్నారు. ఏదైతేనేం రాక్షసుల విషయంలో Poetic justice జరిగిందనుకున్న జనం – అంటే లీడర్లూ, సెలబ్రిటీలు, స్టార్లు, మినిస్టర్లూ, …. అందరూ – నరకాసురుడు చావగానే జనం దీపావళి జరుపుకున్నంత ఇదిగా మాటల టపాకాయలు పేల్చుతున్నారు. సత్వరన్యాయం జరిగిపోయిందని సంబరాలు చేస్తున్నారు.

నిజమే, “దిశ”కి నరకం చూపించిన నరకాసురులని నరకానికి పంపించడం అనేది అందరూ కోరుకున్న న్యాయమే.

ఈ ఎన్-కౌంటర్ -సారీ- ఎక్స్ఛేంజ్ ఆఫ్ ఫైర్ వల్ల కీచకులతోపాటు దేశం నలుమూలలా జరగాల్సిన చర్చ కూడా ఎన్-కౌంటరైపోయింది.

మనకి కావలసినది “దిశ”కి జరిగిన అన్యాయానికి ప్రతీకారమా?

లేక

ఇలాంటి దురంతాలు మళ్ళీ జరగకుండా ఆపే సాంఘిక సంస్కరణమా?

ప్రతీకారం తీరింది, నలుగురు కీచకులూ పోలీసుల్నీ, శిక్షనీ తప్పించుకునే ప్రయత్నంలోనే (అనే కదా అంటున్నారు!!) అయినా ప్రజల మనసుల్లో రగులుతున్న ప్రతీకారేచ్ఛ చల్లారింది. అదే సమయంలో సంస్కరణ అంశాన్ని రగిలించే ఆవేశం కూడా చల్లారిపోతుంది(పోయింది).

అయితే …

చాలామంది ”కీచకవధ”ని ఒకపక్క సమర్థిస్తూనే అది జరిగిన తీరుని ప్రశ్నించి, విశ్లేషించిన విధం చూస్తే కొంచెం ఆశ పుడుతోంది,

కానీ ….

జనంలో – at least జనంలో కొన్ని వర్గాల్లో – కొన్ని భ్రమలున్నాయి. ఆ భ్రమలు కొందరిలో genuine అమాయకత్వం అయితే కొందరు ఆ భ్రమలనే మనం కోరుకున్న, ఎదురు చూస్తున్న వాస్తవంగా చిత్రీకరిస్తారు(స్తున్నారు). ఈ రెండురకాల మెంటాలిటీల వల్ల సమాజంలోనూ, చట్టసభల్లోనూ జరగాల్సిన చర్చ చచ్చుబడిపోతుంది / చచ్చుబడింది. ఇంకొక దుర్ఘటన జరిగే వరకూ అందరూ నిద్రపోతారు.

మన జీన్స్ లో ఎక్కడో అవతారం దిగివచ్చే వరకూ రాక్షసబాధ భరించే గుణం తిష్టవేసుక్కూర్చుంది. దేవతలు విష్ణువు దగ్గరికెళ్ళి మొరపెట్టుకోవాలి, ఆయన యోగనిద్రలోంచి మేలుకుని తన అవతారానికి script, screen – play, casting, settings,… వగైరా సెట్ చేసుకోవాలి. అందుకు టైమ్ పడుతుందని మన DNAలో programming బాగా జరిగింది., ఒకవేళ అది malfunction ఐతే reprogram చేసే “Software programmers”కి కొదవేలేదు. అంచేత అవతారం వచ్చే వరకూ భరించే సహనం, దానికి supporting softwareగా స్వార్ధం, పిరికితనం & necessary quid-pro-quo arrangements with god, power, caste, religion, gender & money మనలో మస్తుగా వుండడంతో పై ప్రాసెస్ అంతా జరిగేవరకూ సోషల్ ప్రాసెస్ దుప్పటి కప్పుకుని పడుకుంటుంది.

మనం నిజంగా భ్రమరావతిలో వున్నాం, ఎలాగంటే –

సమస్యకి “మృగాళ్ళు” మాత్రమే కారణం, వాళ్ళని ఎలిమినేట్ చేసేస్తే జనారణ్యంలో దాక్కున్న ఇతర మృగాళ్ళు భయపడి, బయట పడకుండా వుంటారనుకోడం పెద్ద భ్రమ.

నలుగురు చదువూ, సంస్కారం, (ముఖ్యంగా) డబ్బూ, పలుకుబడీలేని మృగాళ్ళని చంపితే అవన్నీ పుష్కలంగా వున్న మృగాళ్ళు భయపడతారనుకోడం ఇంకా పెద్ద భ్రమ.

డబ్బూ, పలుకుబడీ, అధికారం వున్న మృగాలకి తూటాన్యాయం జరుగుతుందని అనుకుంటే అంతకంటే పెద్దభ్రమ లేదు.

‘సింగం’లాంటి ఆఫీసర్లుంటే చాలు, ఇంకెవడూ ఇలాంటి పనికి dare చెయ్యడు అనుకుంటే మనం కృతయుగంలో వున్నామనే భ్రమలోంచి బయటపడాలి ముందు. (కలియుగంలో కావాల్సింది హీరోలూ, అవతారపురుషులూ కాదు. వోటర్ల safety & securityలకి guarantee ఇవ్వగల సేవకులు.)

As a minimum, ఆ భ్రమలలోంచి బయటపడి, “మృగాళ్ళు”కానీ, వాళ్ళకి బలైనవాళ్ళు కానీ వాళ్ళ సోషల్ స్టేటస్ తో పనిలేకుండా అందరికీ ఒకటే న్యాయం జరిగేలా సిస్టం మారనంత వరకూ స్వీట్లు పంచుకున్నా, బ్యాండ్-బాజాలతో సంబరాలు చేసుకున్నా అది కళ్ళు మూసుకుని పాలు తాగే పిల్లి పొందే ఆనందంలాంటిదే.

కానీ జరుగుతున్న డిబేట్ అంతా brokenగా, facturedగా partial facts & half-truths ఆధారంగా జరుగుతోంది.

ఒకరు బాధితురాలి డ్రెస్సింగ్ వల్లే ఇంత జరిగిందంటారు. అమ్మాయిలు స్మార్ట్ గా వ్యవహరించొద్దా అని పాయింట్ తీస్తారు.

ఇంకొకరు బెల్ట్ షాపులవల్లే నేరాలు పెరుగుతున్నాయంటారు.

మరొకరు పోలీస్ సరిగ్గా స్పందిస్తే ఘోరం జరిగేదికాదంటారు.

ఫలానాపార్టీ పవర్లో వుంటే ఇలాగే వుంటుందంటారు. (మా పార్టీకి పవరిస్తే ఇవన్నీ ఆగిపోతాయని మాత్రం ఛస్తే అనరు)

Lawలో వున్న loop-holes వల్లే మృగాళ్ళు నిర్భయంగా వుంటున్నారంటారు.

సమాజంలో విలువలు పడిపోవడమే అసలు కారణం అని కొందరూ, కాలం చెల్లిన విలువల్లోనే అన్ని పాపాలకీ, పాపాత్ములకీ రూట్-కాజ్ వుందని కొందరూ అంటారు.

అన్నిట్లోనూ ఎంతోకొంత నిజం వుంది. అన్నిట్లోనూ మనకి నచ్చని / తోచని చేదు నిజాలని dilute / hide చేసే ప్రయత్నం వుంది.

But ….

అన్ని రకాల అభిప్రాయాలనీ, ఆలోచనలనీ సమన్వయం చేసి, తీసుకోవాల్సిన యాక్షన్స్ ఏంటో, ఎన్ని యాక్షన్స్ తీసుకున్నాం? ఇంకా ఏమేం పెండింగ్ లో వున్నాయి? తీసుకున్నవాటి effectiveness ఎలావుంది? అనే రివ్యూ చేసే ప్రయత్నం మాత్రం లేదు.

ఆ పని ఎవరు చేస్తున్నారు? ఎవరు చెయ్యాలి? ఇప్పుడు గుండెలు చరుచుకుంటున్న ప్రజాప్రతినిధులు ఆ అవసరాన్ని గుర్తించారా? గుర్తించేవరకు ఒత్తిడి తేవాల్సిన బాధ్యతని ప్రజలు, ప్రజాసంఘాలు నెత్తిన పెట్టుకున్నాయా?

పైదంతా సొసైటీని తిట్టిపొయ్యడం కాదు, మన collective way of thinkingలో మిస్సవుతున్నదేంటో ఏకరువుపెట్టే యత్నం. ఇందాకా దేవతలు విష్ణువు దగ్గరికెళ్ళి మొరపెట్టుకోవాలి, ఆయన యోగనిద్రలోంచి మేలుకుని తన అవతరణకి planning & preparation చేసుకోవాలి … అంటూ జోకినది నిజానికి జోక్కాదు. ఆ దేవతలు, ఆ విష్ణువు, ఆ మొరలు, అవతరణలు అన్నీ మన అంతరంగంలో నిరంతరం జరిగే దేవాసుర సంగ్రామం అనేది మనం మర్చిపోతున్నామనే బాధ. అమృతం కోసం నిజాయితీగా యుద్ధం చేసిన రాక్షసుల కంటే మారువేషాల్లో దేవతల్లా కనిపిస్తూ అమృతం తాగేసిన రాహుకేతువులతోనే ఎక్కువ డేంజర్. వాళ్ళిద్దరూ ఆకాశంలో జ్యోతిష్కుల గ్రహచక్రాల్లో లేరు. మనలోనే కామ-క్రోధ-లోభ-మద-మాత్సర్యాల రూపంలో వున్నారు. వెర్రితలలు వేసిన వ్యాపార మనస్తత్వాల్లో వున్నారు. ప్రజాసేవ తప్ప ఇంక దేనికైనా రెడీగా వుండే డర్టీపాలిటిక్సులో వున్నారు. మనని మనం రకరకాలుగా విడగొట్టుకుని, మన వోట్లకి అసలైన ప్రతిఫలం పొందలేని మన మూఢత్వం, స్వార్ధం, బలహీనతల్లో వున్నారు.

నిన్నో, మొన్నో ఒక lady MP ఉన్నావ్ జిల్లాలో జరిగిన మరో హత్యాచారంపై మాట్లాడుతూ, “ఒకవైపు రామాలయం కడుతుంటే మరో వైపు సీతకి నిప్పు పెడుతున్నారు,” అన్నారు. ఆవిడ ఆక్రోశం కరెక్టే.

కానీ, రామాలయం కట్టగానే రాముడు విల్లమ్ములు పట్టుకుని అక్కడ వెలుస్తాడని మనకి నమ్మకం వుందా?

లేక

ఈ దేశాన్నీ, ఈ ప్రజల మంచి గుణాలనీ, ఔన్నత్యాన్నీ మెచ్చి రాముడు దిగివస్తే అప్పుడు ఆయనకి గుడి కడదామా?

ఏది కరెక్టు? దేవుడికి నచ్చేది ఏది?

(దయచేసి ఇది రాముణ్ణి రాజకీయంగా వాడుకునే ప్రయత్నంగా చూడకండి. రాముడు, గుడితోపాటు జీసస్ & చర్చ్; అల్లా & మాస్క్ లకి కూడా ఈ ప్రశ్నలు వర్తిస్తాయని, అందరికీ ఒకటే అయిన దేవుడికి ఈ విషయంలో ఏ అభ్యంతరం వుండదనీ నా total confidence.)

So, అన్ని ప్రశ్నలూ లేవనెత్తాలి –

టీవీకెమెరాల ముందు కాదు,

ఎవరి మనసుల్లో వాళ్ళు.

ఎవరి నియోజకవర్గంలో వాళ్ళు.

ఎవరి పార్టీలో వాళ్ళు.

ఎవరింట్లో వాళ్ళు, ఎవరి ఆఫీసులో వాళ్ళు.

ఎవరి కులసంఘంలో వాళ్ళు, ఎవరి మతానికి సంబంధించి వాళ్ళు.

ఎవరు కూర్చున్న చట్టసభలో వాళ్ళు.

ప్రశ్నించాలి. సమాధానాలు దొరికే దాకా, ఈ “మృగాళ్ళ” సమస్య సమసే దాకా మన మీద, మన వ్యవస్థల మీద, మన అవస్థల మీద మన ప్రతినిధుల మీదా ప్రశ్నల ప్రెషర్ పెంచాలి.

నేను సిన్సియర్-గా నమ్మేది ఏంటంటే – జరిగిన / జరుగుతున్న / జరగనున్న దారుణాలకి ప్రతి మనిషి ఫీలయ్యే pain ఒకటే. వాళ్ళ ప్రతిస్పందనలు మాత్రం తమ కుల/మత/వర్గ/జ్ఞాన/వయో/రాజకీయ బేధాలని బట్టీ వేరువేరుగా వుంటాయి. అందరికీ కామన్ గా వున్న బాధ / సానుభూతి ఈ రెండే సమస్యకి పరిష్కారం చూపిస్తాయి. మరేవీ కాదు.

ముగించే ముందు నిన్న చూసిన ఒక ట్విటర్ పోస్టు ఇది – https://twitter.com/arunbothra/status/1203268979956969473?s=12 ఆ సీనియర్ పోలీసాఫీసర్ కుండబద్దలు కొట్టిన నిజాలని మనం ఫేస్ చెయ్యాలి. చెయ్యగలమా? చెయ్యాలంటే ముందు –

Until humans do not defeat their internal enemies (కామ,క్రోధ,లోభ,మోహ,మద,మాత్సర్య) they’ll have to continue fighting (or falling victim to) them in their forms of social evils.

Many times it’s the individual that suffers for the mistake of being part of an imperfect society made up of mostly imperfect individuals.

Microcosm Vs. Macrocosm

అని గ్రహించాలి.

🌹లోకాస్సమస్తాస్సుఖినోభవంతు🌹

ఇన్సెన్సిటివ్ సొసైటీ+నాన్సెన్సిటివ్ పాలిటిక్స్+ఒక మృగం


రెండురోజుల గాప్‌లో ఇద్దరు ఆడపిల్లలు దారుణంగా ఒక మృగానికి (అవును ఒకే మృగానికి) బలయ్యారు.
దాడి చేసిన మృగం ఒకటే. దాన్ని పెంచి, పోషిస్తున్నది మాత్రం ఒక వ్యవస్థ, ఒక సమాజం. వాటిల్లో పేరుకుపోయిన సిగ్గులేనితనం.

యధావిధిగా –

టీవీ స్క్రోలింగులూ, సెన్సేషనల్ హెడింగులతో న్యూస్ ఐటమ్సూ
ప్రభుత్వానిదే బాధ్యత అంటూ ప్రతిపక్షాలూ
నేరస్తుల్ని పట్టుకు తీరతాం అంటూ ప్రభుత్వాలూ, పోలీసులూ
ఎప్పుడూ జరిగే తంతే అని తలపట్టుకునే ప్రజలూ
సెన్సేషన్‌కి కాలం తీరాక బాధితుల్నీ, నేరస్తుల్నీ పూర్తిగా మర్చిపోయే – పత్రికలూ, ప్రతిపక్షాలూ, ప్రభుత్వాలూ, ప్రజలూ.
అన్నీ మామూలే. రెండుమూడ్రోజుల్లో అన్నీ పబ్లిక్ మెమరీలోంచి డిలీట్ ఐపోయేవే.

నిర్భయ కేసు తర్వాత అలాంటి కేసులు ఎన్ని వెలుగు చూశాయి? అందులో ఎన్నిటి మీద చట్టసభల్లో చర్చ జరిగింది?
ఎన్ని ఘోరాలు జరిగితే పోలీసులుకానీ, ప్రభుత్వాలుకానీ ఇవి చెదురు మదురు నేరాలు కావు, ట్రెండుగా మారుతున్న సామాజిక ఘోరాలు అని భావిస్తారు?

క్రిమినాలజీ చదవని వాళ్ళకైనా ఈజీగా అర్ధమయ్యే పాయింట్ ఒకటుంది. అది నేరపరిశోధనలో రెండు పార్శ్వాలుంటాయనేది.
నేరం జరిగిపోయాక అదెలా జరిగిందో, నేరస్తులెవరో కనిపెట్టి వాళ్లకి సరైన శిక్ష పడేలా చూడడం ఒక పార్శ్వం.
ఇదేలాంటి నేరం మాళ్ళీ జరగకుండా తగిన చర్యలు తీసుకోవడం రెండోదీ, మొదటిదాని కంటే ముఖ్యమైనదీ అయిన పార్శ్వం.

ఈ రెండో పార్శ్వాన్ని ప్రభుత్వాలూ, ప్రతిపక్షాలూ, మరీ ముఖ్యంగా ప్రజలూ అస్సలు పట్టించుకోట్లేదు.
పోలీస్ వ్యవస్థని అనాల్సిన పన్లేదు. వాళ్ళని ఎంపవర్ చెయ్యాల్సింది ప్రభుత్వాలూ, ప్రతిపక్షాలూ, ప్రజలే. కానీ చెయ్యరు.

ఎందుకంటే ఈ మూడు వర్గాలూ –

వాళ్ళ వాళ్ళ చిన్ని చిన్ని బొజ్జలకి శ్రీరామరక్షలు చుట్టుకుంటూ,
సొసైటీలో జరిగిన ప్రతిదాన్నీ పొలిటికల్ కేపిటల్‌గా వాడుకుంటూ,
ప్రవచనాలు వింటూ, ప్రదక్షిణాలు చేస్తూ
సినిమాలని జీవితంగా చూస్తూ, జీవితాన్ని సినిమాలా గడిపేస్తూ
టైము రాగానే ఛస్తూ గడిపేస్తున్నారు.

ఛీ!! ఇంత ఇన్సెన్సిటివ్ సొసైటీనీ – ఈ నాన్సెన్సిటివ్ పాలిటిక్సునీ చూసి చూసి చిరాకు పుడుతోంది.

ఆవు మీద ఈగ వాలనివ్వని దేశంలో ఆడపిల్లలపై హత్యాచారం చెయ్యడానికి వెనకాడని దరిద్రుల జనాభా ఎందుకు, ఎలా పెరుగుతోంది?

ఘోరాలు చేయించే పెర్వర్షన్, నేరాలు చేసే తెగింపూ, సాక్ష్యాధారాల్ని నాశనం చేసే చావు తెలివితేటలూ – జనంలో ఇవన్నీ నిస్సందేహంగా పెరుగుతున్నాయి. అందులో ఆశ్చర్యం లేదు. ఆశ్చర్యం ఏంటంటే వాటిని ఆపడానికి –

అవసరమైన సామాజిక చైతన్యం తక్కువవడం
తగినంత సోషల్ డిబేట్ అనేది కొరవడడం
ఉండాల్సినంత పోలీస్ డిటరెన్స్ లేకపోవడం
ముఖ్యంగా ఇండియన్లకి సిగ్గులేకపోవడం.

మనిషిలో దాక్కుని దాడి చేసే పెర్వర్షన్ అనే మృగానికీ –
స్వార్ధం, నిర్లక్ష్యం, నిర్లిప్తత అనే మేత వేసి ఆ మృగాన్ని పెంచుతున్న సమాజానికీ –
అశ్రద్ధ, అధికారదాహం, ఆలోచనారాహిత్యంతో మృగాన్ని చూసీచూడనట్టు వదిలేస్తున్న పాలనావ్యవస్థకీ –
బలైపోయిన ఇద్దరు అమ్మాయిలకి అశ్రుతప్త హృదయంతో
సంఘం తరఫున క్షమాపణలు చెప్పుకుంటూ … 🙏😔🙏

 

నేడే చదవండి B.Com(Chemistry) + కృష్ణ vs. కాళియ🐍


https://www.asianage.com/india/all-india/051119/cows-navel-produces-gold-with-sunshine-that-is-why-milk-is-yellow-wb-bjp-chief.html ఆ లింకులో వున్న న్యూస్ చదివే వుంటారు. పాతబడిన వార్తే కానీ ఎప్పుడెైనా enjoy చెయ్యచ్చు. B. Com (Physics) అనే టాపిక్ ఎంత ఫ్రెష్షుగా వుంటుందో అంత బావుంటుంది.

ఇంతకీ వార్తలో విషయం నిజమే ఐతే దేశంలో జూవెలరీ షాపులన్నీ మూసేసే రోజు దగ్గర్లోనే ఉన్నట్టు. ఇంట్లో ఒక ఆవుని పెట్టుకుంటే చాలు. మనకి రోజూ పాలు, పేడ(fuel)తో పాటు ప్రతీ యేడూ అక్షయ తృతీయకీ, పిల్లల పెళ్ళిళ్ళకీ, లాకర్లలో మూలగడానికీ – కేజీల కొద్దీ బంగారం మన పెరట్లో నాలుగుకాళ్లు, రెండు కొమ్ములు, ఒక తోకతో నడుస్తున్నట్టు. ఘోష్ గారు చెప్పినట్టు పాలు పసుపు రంగులోకి మారేంత బంగారం ఆవు ఒంట్లో వుంటే బీఫ్ తినేవాళ్ళందరూ ఆ పని మానేసి గోవు మాలక్ష్మికీ కోటి దండాలూ అంటూ పాలు పితికి బంగారం సంపాయించి, దాన్నమ్మిన డబ్బుతో ఫారిన్ కంట్రీలకి బిజినెస్ క్లాసులో వెళ్ళి ఫారిన్ బీఫ్ తినడం మొదలెడతారేమో! విదేశీ ఆవులకి డివైన్ స్టేటస్ లేదుట (ఆయనే చెప్పారా సంగతి) ఒకవేళ అవి డివైన్ స్టేటస్ క్లెయిమ్ చేసినా అది ఇవ్వబడదు. మొత్తమ్మీద బీఫ్ పాలిటిక్సూ, రిలేటెడ్ గందరగోళాలూ ఆగిపోయే టైమొచ్చేసినట్టుంది. ఇంక ఏ మనోభావాలూ దెబ్బతినవు కూడా. ఒకటే సమస్య. టెక్నికల్ ప్రాబ్లం. పాలలోంచి బంగారం extract చెయ్యడానికి గ్రాముకి ఎంత ఖర్చు అవుతుందనేదే ఆ ప్రాబ్లం. ఘోష్ గారే ఆ ప్రాబ్లం కూడా సాల్వ్ చేసేస్తారు,😇 B.Com (Chemistry) చదివి.

ఆ ఫొటో News18.com వారి courtsey. అందులో పాలకడలి ఒడ్డు, పాత సినిమాల్లో నారదుడి పాటలకి వేసే మబ్బు తరగల సెట్టూ కనిపిస్తే అది మన పొరపాటేం కాదు. నిజానికి అక్కడున్న ఆ భక్తులకి అలాగే కనిపిస్తూ వుండి వుంటుంది – ఢిల్లీలో, పొల్యూషన్ వల్ల వెన్నెల కురవని, పొన్నలు అసలే విరియని యమునా తటిలో, కాళిందీ కుంజ్ అనే ఆ ఘాట్.

https://www.google.com/amp/s/www.news18.com/amp/photogallery/india/devotees-perform-chhath-puja-amid-toxic-foams-on-yamuna-river-2372639.html

ఆ సీన్ చూసి వేసిందే ఈ బొమ్మ –

😇😇😇😇😇😇😇😇😇😇😇

ఇది మరీ పాతబడిపోయిన న్యూసు. అందుకే ఈ న్యూసులో సెంట్రల్ కారెక్టర్లని వదిలేసి ఎవరూ ప్రాధాన్యత ఇవ్వని ఒక పాయింట్ పట్టుకున్నా. ప్రాధాన్యత వుందో లేదో పంచదశలోకవాసులే తేల్చుకోవాలి.

ఏపీ సీఎస్‌ని ప్రాధాన్యం లేని హెచ్.ఆర్.డీ.కి డైరెక్టర్ జనరల్‌గా పంపించేశార్ట. పంపించేశారంటే పంపించేస్తారు. అది ప్రభుత్వం, వాళ్ళ ఇష్టం, వాళ్ళ అధికారం, వాళ్ళ ప్రివిలేజి. మన ప్రాబ్లెమ్ కాదు. మన ప్రాబ్లెమ్ అంతా “ప్రాధాన్యత లేని” అనే ఫ్రేజ్ గురించే. “ప్రాధాన్యత లేని” డిపార్ట్మెంట్లు పెట్టడం ఎందుకో? వాటికి బడ్జెట్లు ఎందుకో? ప్రాధాన్యత ఇవ్వబడని / లేని / కోల్పోయిన అధికార్లని కూచోపెట్టడానికా?

అసలు “ప్రాధాన్యత” “లేకపోవడం” అంటే ఏంటో?

ఆ డిపార్టుమెంట్లు ప్రాధాన్యత లేని పనులు చేస్తాయనా?

లేక

ప్రభుత్వానికి ఆ ప్రాధాన్యతలతో పని లేదనా?

😇😇😇😇😇😇😇😇😇😇😇

Bye4Now🙋‍♂️

చెట్లు పెంచండి టపాకాయలు పేల్చ(కం) ండి.


దీపాలు ✅✅✅

బాంబులు ❎❎❎

చెట్లు, పూలు ✅✅✅

అందరికీ దీపావళి శుభాకాంక్షలు.

మహాస్వీపరాత్ముడి 150వ బర్త్ డేని జనం “ఆనందోత్సాహాల”తో జరుపుకునేలా అన్ని జాగ్రత్తలూ….


అవును ఆయన స్వీపరే.

ఈ దేశం ప్రపంచానికిచ్చిన మహాస్వీపరు.

ఈ దేశపు మెమరీలో ఆయనొక స్వీపరు మహాత్ముడుగా మిగిలిపోతాడేమోనని అపుడపుడు అనిపిస్తుంటుంది. ఎందుకయ్యుంటుందబ్బా!?! పేపర్ న్యూసు, లీడర్ల వ్యూసూ చూస్తుంటేనేమో. మధ్యలో ఈ ట్రంపు మహాశయుడొకడు.

కానీ, ఆయన పట్టిన చీపురు మామూలు, అల్లాటప్పా చీపురుకట్ట కాదని, మనసుల్నీ, హృదయాల్నీ, ఆత్మలనీ శుభ్రంచేసే మహాత్మ్యంగల “చీపురుకట్ట”ని ప్రపంచం ఇంకా మర్చిపోలేదనీ గుర్తొచ్చి ధైర్యం వస్తుంటుంది.

ఎప్పుడో ఒకప్పుడు – దేశం సంగతెలా వున్నా – ప్రపంచమైనా, ప్రపంచంలో ఎవరో కొందరైనా ఆయన బ్రాండ్ “చీపురు”ని, అదే –

సత్యం

అహింస

అపరిగ్రహం

అస్తేయం

బ్రహ్మచర్యం

అనే పుల్లలతో కట్టిన చీపుర్ని పట్టకపోరు. పట్టి మనసులలో, మస్తిష్కాలలో చేరిన దుమ్ము దులపకపోరు.

ఇక్కడో రెండు 150th birthday Special breaking newsలు చెప్పుకోవాలి.

ఈలోపు జాతిపిత పదవి మోడీకిచ్చి ట్రంపుగారు గాంధీజీకి 150వ పుట్టిన్రోజు సన్మానం చేసేశారు. “పాపం, ముసలాయన ఆ భారం ఎన్నాళ్ళు మోస్తాడు?,” అనుకున్నాడో ఏమో మోడీసారు కూడా ఆనందంగానే ఆ బరువూ బాధ్యతా స్వీకరించేసినట్టున్నారు (subject to correction, of course).

రాష్ట్ర ప్రభుత్వం కూడా అక్టోబరు ఒకటినే ప్ర.సా.దు.లని స్టేటంతటా తెరిచి మహాస్వీపరాత్ముడి 150 వ బర్త్ డేని జనం “ఆనందోత్సాహాల”తో జరుపుకునేలా అన్ని జాగ్రత్తలూ తీసుకుంది(ట)

ఇంతే సంగతులు.బై4నౌ🙏😊

ప్రజల కోరిక మీద ఇందిరాగాంధీ Silent Valley projectని ఆపేసింది(ట). మోడీగారు యురేనియం ప్రాజెక్ట్ ఆపుతారా?


Central Catchment Reserve అనే పార్క్ లో ఇక్కడ, తన వనసీమని పరికిస్తున్న ఈ

గొల్లభామని చూస్తూ వుండగా మా ఫ్రెండు పంపిన Save Nallamala Campaign మెసేజ్ వచ్చింది.

వెంటనే సైన్ చేసి అడవి దారి (అలా అనుకోడం ఓ తృప్తి😆) వెంట నడుస్తూ దారి పొడుగునా వున్న ఈ

ఆక్సిజన్ ఫాక్టరీలని తనివితీరా చూస్తూ వెళ్తూ –

5-star general ఛాతీ మీద మెరిసే Starsలాగా ఎన్నెన్నో తుఫాన్లు చేసిన గాయాలు నిండిన ఒంటితో నిటారుగా,

ఈ భూమ్మీద జీవులకి ఎన్నో యేళ్ళుగా ఆక్సిజన్ అందించానన్న నిజం తెలిసినప్పటి తృప్తితో కాస్త గర్వంగా,

ధర్మం, నీతి, నిజాయితీలే ప్రాణంగా బతికి, ఎలాంటి యుద్ధానికైనా వెరవని భీష్మాచార్యుడిలా ధృఢంగా

నిలిచిన ఈ ప్రకృతి మాతకి ప్రతిరూపంలా వున్న ఈ

మహావృక్షం దగ్గర ఆగా, “నీ నల్లమలని నువ్వే రక్షించుకో తల్లీ,” అంటూ మనసు మౌనంగా ప్రకృతి మాతని ప్రార్థిస్తుండగా.

కొన్ని క్షణాలు ఆగి ముందుకు వెళుతుంటే కనిపించిందీ దృశ్యం.

అక్కడే కొన్ని నిముషాలు నిలబడి అలా చూస్తూ నిలబడిపోయా, ఆ దృశ్యం ప్రకృతిమాత సందేశం ఏదో చెబుతోందనిపించి. అదేంటో అర్ధం అయ్యాక ముందుకు కదిలా. ఏవర్ధం అయిందో తెలుసుకునే లోపు మీరూ ఇక్కడ
http://chng.it/Vr4VpLKK నల్లమల రక్షణకి మీ చేయూత ఇవ్వండి. Please🙂🙏!!

ఇందిరాగాంధీ Silent Valley projectని ఆపేయగల్చినప్పుడు మోడీగారు యురేనియం ప్రాజెక్ట్ ఆపేయలేరా? తప్పకుండా ఆపేస్తారు. మొన్నీమధ్యే కదా Bear Gryllsతో Corbett National Parkలో తిరిగి ప్రకృతిని అంతగా ఆస్వాదించారు. తప్పకుండా యురేనియం ప్రాజెక్ట్ ఆపుతారు.

sign చేసేశారా? అదుగో ఆ క్రింద చూడండి నాకు అందిన ప్రకృతిమాత సందేశం

🌵🐿🐇🦔🐾🦘🐼🦡⚘🌴🌿🦠🌸🦝🐠🐋🐳🦈🐝🦋🐛🌻🌼🌾🍃🦜🦚🦢🦆🦉🌱🌲🌳🌴🌵🌾🌿☘🍀🍁🍂🍃🌵🐿🐇🦔🐾🦘🐼🦡⚘🌴🌿🦠🌸🦝🐠🐋🐳🦈🐝🦋🐛🌻🌼🌾🍃🦜🦚🦢🦆🦉🌱🌲🌳🌴🌵🌾🌿☘🍀🍁🍂🍃

🌵🐿🐇🦔🐾🦘🐼🦡⚘🌴🌿🦠🌸🦝🐠🐋🐳🦈🐝🦋🐛🌻🌼🌾🍃🦜🦚🦢🦆🦉🌱🌲🌳🌴🌵🌾🌿☘🍀🍁🍂🍃🌵🐿🐇🦔🐾🦘🐼🦡⚘🌴🌿🦠🌸🦝🐠🐋🐳🦈🐝🦋🐛🌻🌼🌾🍃🦜🦚🦢🦆🦉🌱🌲🌳🌴🌵🌾🌿☘🍀🍁🍂🍃

🌵🐿🐇🦔🐾🦘🐼🦡⚘🌴🌿🦠🌸🦝🐠🐋🐳🦈🐝🦋🐛🌻🌼🌾🍃🦜🦚🦢🦆🦉🌱🌲🌳🌴🌵🌾🌿☘🍀🍁🍂🍃🌵🐿🐇🦔🐾🦘🐼🦡⚘🌴🌿🦠🌸🦝🐠🐋🐳🦈🐝🦋🐛🌻🌼🌾🍃🦜🦚🦢🦆🦉🌱🌲🌳🌴🌵🌾🌿☘🍀🍁🍂🍃

🌵🐿🐇🦔🐾🦘🐼🦡⚘🌴🌿🦠🌸🦝🐠🐋🐳🦈🐝🦋🐛🌻🌼🌾🍃🦜🦚🦢🦆🦉🌱🌲🌳🌴🌵🌾🌿☘🍀🍁🍂🍃🌵🐿🐇🦔🐾🦘🐼🦡⚘🌴🌿🦠🌸🦝🐠🐋🐳🦈🐝🦋🐛🌻🌼🌾🍃🦜🦚🦢🦆🦉🌱🌲🌳🌴🌵🌾🌿☘🍀🍁🍂🍃

🌵🐿🐇🦔🐾🦘🐼🦡⚘🌴🌿🦠🌸🦝🐠🐋🐳🦈🐝🦋🐛🌻🌼🌾🍃🦜🦚🦢🦆🦉🌱🌲🌳🌴🌵🌾🌿☘🍀🍁🍂🍃🌵🐿🐇🦔🐾🦘🐼🦡⚘🌴🌿🦠🌸🦝🐠🐋🐳🦈🐝🦋🐛🌻🌼🌾🍃🦜🦚🦢🦆🦉🌱🌲🌳🌴🌵🌾🌿☘🍀🍁🍂🍃

🌵🐿🐇🦔🐾🦘🐼🦡⚘🌴🌿🦠🌸🦝🐠🐋🐳🦈🐝🦋🐛🌻🌼🌾🍃🦜🦚🦢🦆🦉🌱🌲🌳🌴🌵🌾🌿☘🍀🍁🍂🍃🌵🐿🐇🦔🐾🦘🐼🦡⚘🌴🌿🦠🌸🦝🐠🐋🐳🦈🐝🦋🐛🌻🌼🌾🍃🦜🦚🦢🦆🦉🌱🌲🌳🌴🌵🌾🌿☘🍀🍁🍂🍃

🌵🐿🐇🦔🐾🦘🐼🦡⚘🌴🌿🦠🌸🦝🐠🐋🐳🦈🐝🦋🐛🌻🌼🌾🍃🦜🦚🦢🦆🦉🌱🌲🌳🌴🌵🌾🌿☘🍀🍁🍂🍃🌵🐿🐇🦔🐾🦘🐼🦡⚘🌴🌿🦠🌸🦝🐠🐋🐳🦈🐝🦋🐛🌻🌼🌾🍃🦜🦚🦢🦆🦉🌱🌲🌳🌴🌵🌾🌿☘🍀🍁🍂🍃

🌵🐿🐇🦔🐾🦘🐼🦡⚘🌴🌿🦠🌸🦝🐠🐋🐳🦈🐝🦋🐛🌻🌼🌾🍃🦜🦚🦢🦆🦉🌱🌲🌳🌴🌵🌾🌿☘🍀🍁🍂🍃🌵🐿🐇🦔🐾🦘🐼🦡⚘🌴🌿🦠🌸🦝🐠🐋🐳🦈🐝🦋🐛🌻🌼🌾🍃🦜🦚🦢🦆🦉🌱🌲🌳🌴🌵🌾🌿☘🍀🍁🍂🍃

🌵🐿🐇🦔🐾🦘🐼🦡⚘🌴🌿🦠🌸🦝🐠🐋🐳🦈🐝🦋🐛🌻🌼🌾🍃🦜🦚🦢🦆🦉🌱🌲🌳🌴🌵🌾🌿☘🍀🍁🍂🍃🌵🐿🐇🦔🐾🦘🐼🦡⚘🌴🌿🦠🌸🦝🐠🐋🐳🦈🐝🦋🐛🌻🌼🌾🍃🦜🦚🦢🦆🦉🌱🌲🌳🌴🌵🌾🌿☘🍀🍁🍂🍃

🌵🐿🐇🦔🐾🦘🐼🦡⚘🌴🌿🦠🌸🦝🐠🐋🐳🦈🐝🦋🐛🌻🌼🌾🍃🦜🦚🦢🦆🦉🌱🌲🌳🌴🌵🌾🌿☘🍀🍁🍂🍃🌵🐿🐇🦔🐾🦘🐼🦡⚘🌴🌿🦠🌸🦝🐠🐋🐳🦈🐝🦋🐛🌻🌼🌾🍃🦜🦚🦢🦆🦉🌱🌲🌳🌴🌵🌾🌿☘🍀🍁🍂🍃

ప్రకృతిమాత పుత్రుడు-పార్వతీ తనయుడు, వక్రతుండంతో, ఏకదంతంతో కనిపించాడు. నల్లమలకి అభయం ఇస్తున్నట్టు అనిపించింది.

ఇది చదివాక మీకు Save Nallamalaకి sign చెయ్యాలనిపించి, ఆ పని చేసి వుంటే ఓ కామెంట్ రూపంలో తెలియజేస్తారా? జస్ట్ ఫర్ ద శాటిస్-ఫాక్షన్ ఇట్ గివ్స్ మి 🙏😊

హుమ్..మ్..మ్..వెతికితే చిక్కడు-దొరకడు, దొరికితే కదలడు-వదలడు 😍


ఓ రెండు మూడు వారాల క్రితం లంచ్ బ్రేకులో మా ఆఫీసు చుట్టుపక్కల వున్న చెట్లు, పుట్టలు, పిట్టలు (రెక్కలు, ముక్కులు, ఈకలు వుండి గాల్లో ఎగిరేవేలెండి😉) చూసుకుంటూ తచ్చాడుతుంటే అదిగో ఆ అద్భుత జీవి కనబడింది. పేరు Cantao Ocellatus[Mallotus Shield Bug] (ట).

ఎక్కువగా బొద్దిచెట్ల (Macaranga peltata) ఆకుల వెనకవైపు గుడ్లు పెట్టి, వాటిలోంచి పిల్లబ్యూటీలు బైటికొచ్చే వరకూ అక్కణ్ణుంచి కదలవుట. చుట్టుపక్కల ఎంత గందరగోళంగా వున్నా సరే కదలవుట. సరిగ్గా ఆ దశలో వున్నప్పుడే, కార్లూ అవీ బాగా తిరిగే రోడ్డుకి పక్కనే, చెయ్యి చాస్తే అందే కొమ్మ మీద, నా కంటబడింది.

పురుగు అని మనం తీసి పారేసే జాతిలో పుట్టిన ఈ ప్రాణి ఓ మంచి తల్లి అని తెలిసి ఆర్ద్రత అనే భావన అనుభవంలోకి వచ్చింది.

తనలోని మరో రహస్యాన్ని నాతో పంచుకోవాలని పుడమితల్లికి సడెన్-గా ఎందుకనిపించిందో!!

నా ఒక్కడితోనే కాదు, కనీసం ఓ వందమంది తెలుగువారితో పంచుకోవాలని ప్రకృతిమాత సంకల్పం అని ఇది వ్రాస్తుంటే అర్థమైంది.

మొత్తానికి “భలే భలే అందాలు సృష్టించావు, ఇలా మురిపించావు ….” అనిపించాడు విశ్వనేత. విశ్వాన్ని నేసిన ఆ నేతన్న ఎవరోగానీ ఫస్టు నేతన్నల కళాదృష్టి /సృష్టి మనసులో మెదిలాయి. ఆ రంగులు, డిజైన్లూ చూస్తుంటే అవేవో రకరకాల చేనేత చీరలు గుర్తు రావట్లా?

మెడ భాగానికి కింద చూడండి, ఇద్దరు మనుషులు నిలబడి మాట్లాడుకుంటున్న బొమ్మలా వుంది.

ఇంకా పైగా ఈ కీటకం వీపు మీది డిజైనులో పూరీ జగన్నాధుడి మూర్తి, అన్నవరం దేవుడి మీసాలు కూడా కనిపించాయి.

హుమ్..మ్…మ్… వెతికితే చిక్కడు-దొరకడు, దొరికితే కదలడు-వదలడు.

ప్రకృతిమాత తన fabric design skill అంతా ఈ బుల్లిజీవి వీపు మీద ప్రదర్శించడం వెనక కారణం ఏమై వుంటుంది? చాలా పెద్ద కారణం వుంది. చెప్పడం కుదరదు. ఎవరికి వాళ్ళు తెలుసుకోవాలని నేలతల్లి కోరిక.

ఇంతే సంగతులు. బై4నౌ🙏😊

శాస్త్రిగారి సుబ్బయ్య


పుట్టి జన్మెత్తిన ఇన్నాళ్ళకి రావిశాస్త్రిగారి కధ మొదటిసారి చదివా. ఆఫీసులో ఏలాల్సిన బాసులూ, తోలాల్సిన ఈగలూ లేకపోవడంతో నిన్నా మొన్నా ఆఫీసులో కూచునే చదివేసా గబా గబా. అది రెండొందల యాభై పేజీల అల్పజీవి నవల. చదివాక తెలిసింది అది రావిశాస్త్రిగారి మొదటి ప్రచురిత నవల అని.

నవలకి ఆయన వ్రాసిన ఉపోద్ఘాతం కానీ, చివరిమాట కానీ చదవకుండా డైరెక్టుగా నవలే చదివేసా.

ఇదో సైకలాజికల్ పోర్ట్రైట్లా వుందే అనుకుంటూనే చదివేశా.

ఒక అసమర్ధుడి జీవయాత్రలా కాకుండా కొన్ని సంఘటనల వల్ల తనని తాను అసమర్ధుడిగా ఊహించుకుని అదే ఊహలో లైఫంతా గడిపేసేందుకు సిద్ధమైపోయి (లోపల్లోపల ఆ ఊహతో కాంప్రమైజయ్యేందుకు తెగ ఘర్షణ పడుతూ) కాలం గడిపేస్తున్న ఒక ఆలోచనా సముద్రుడి కధలా అనిపించి ఆత్రంగా చదివేసా.

కధ చివరికి రచయిత సుబ్బయ్యని , అదే, కధలో హీరో పాత్రని భరించిన జీరోని, అంతులేని ఆలోచన్లని కడలి అలలతో పోల్చడంతో ముగుస్తుంది.

ప్రతి మనిషిలోనూ ఒక ఎన్టీయారూ, ఒక ఏఎన్నారూ, ఒక గుమ్మడి, ఓ రావు గోపాలరావు, ఒక గిరిబాబు, ఓ కమలహాసనూ, చార్లీ చాప్లినూ, ఒక మిస్టర్ బీన్ – ఒక్కో సందర్భంలో ఒక్కోరు, ఐ మీన్, వాళ్ళు ధరించిన పాత్రలు – మానిఫెస్ట్ అవుతూ వుంటారని నాక్కొంత అనుమానం. దాని పక్కనే కాస్త అభిప్రాయం కూడా. మరీ పురుష పక్షపాతం ఎక్కువైంది కదా ? పై లిస్టుకి – ఒక సావిత్రీ, ఒక షావుకారు జానకి, ఇంకో విజయశాంతీ, శ్రీదేవీ, జీ.వరలక్ష్మి, …. (ఎగైన్ ఐ మీన్ వాళ్ళు ధరించిన పాత్రలు)లని కూడా యాడ్ చేద్దాం. నిజానికి ఒక గుడిపాటి వెంకటాచలం, ఒక ఆర్జీవీ, ఒక మోడీ, ఒక మన్మోహన్, ఒక రాహుల్, … ఈ పెర్సనాలిటీలని కూడా సామాన్యమానవుడు అని తీసి పారేసే పెర్సనాలిటీల్లో అరుదుగానో, అప్పుడప్పుడో ప్రత్యక్షమయ్యే అవతారాల్లో లెక్కేసుకోవచ్చు. ఇప్పుడీ లిస్టులో సుబ్బయ్యని కూడా చేర్చా. ఈ సుబ్బయ్య రావిశాస్త్రిగారి యుగంలో పుట్టి అందులోనే అంతరించిన ప్రాణి అనిపించట్లేదు. ఆ యుగానికి ఎంతో ముందూ, ఆ తర్వాత వచ్చిన ఈ స్మార్ట్-ఫోన్ యుగంలోనూ కొనసాగుతున్న ఒక రకం ప్రాణులకి ప్రతినిధిలా అనిపించాడు. ప్రస్తుతకాలంలో ఈ “సుబ్బయ్య”(or ఈ “సుబ్బయ్య”ల్లాంటి వాళ్ళు)ల్లో కొందరైనా యాసిడ్ ఎటాకర్స్, పై ఆఫీసర్లని షూట్ చేసే వాళ్ళు, కాంపస్ షూటర్స్, తాగి కార్లు నడిపి యాక్సిడెంట్లు చేసే మైనర్లూ, కార్పోరేట్ కాలేజీల్లో సూసైడ్స్ చేసుకునేవాళ్ళు….etcగా మారతారనిపించింది.

ఈ నవలని శాస్త్రిగారు నడిపించిన విధం – భాషకానీ, శైలికానీ, వ్యక్తిత్వాల స్టడీలో నైపుణ్యం కానీ – భలే వున్నాయి. ఇంతకన్నా కామెంట్ చేసే సాహసం నాలాంటి కాజువల్ రీడర్స్ చెయ్యకూడదు. ఐతే, “సుబ్బయ్య”ని కరెక్టుగానే అర్ధం చేసుకున్నానని శాస్త్రిగారి ముందుమాట, చివరిమాట చదివాక తెలిసి వీపు తట్టుకున్నా.

ఇక్కడో విషయం చెప్పాలి. కధ మధ్యలో ఉండగా శాస్త్రిగారు జులైలో పుట్టివుంటారనిపించింది. ముందు ముందుకి వెళ్తుంటే ఇంకా స్ట్రాంగా అనిపించడం మొదలైంది. ఇంక ఉండబట్టలేక చెక్ చేశా. శాస్త్రిగారు పుట్టింది జులై ముప్ఫైన. ఎలా గెస్ చేశానబ్బా?!?!

vedika

your forum for critical and constructive writings

మీ వెంకట్

నాలోని భావాలు, భావోద్వేగాలు

నా కుటీరం

సమాజం, సాహిత్యం, సౌందర్యం

Kadhana Kuthuhalam

మరపురాని కథలను మళ్ళీ చదువుదాం.!

🌿🐢YVR's 👣Walks🐾With🌾Nature🐌🍄

🌻Look deep into nature, and then you will understand everything better 🌹 👨‍🔬Albert Einstein👨‍🏫

ఉహల ఊసులు

కవిత్వం, వంటా - వార్పు, మనసులో మాటలు, అక్కడ - ఇక్కడ

Prasad Oruganti

“I've learned that people will forget what you said, people will forget what you did, but people will never forget how you made them feel”— Maya Angelou

A Birder's Notebook

"Learning to bird is like getting a lifetime ticket to the theater of nature".

SEEN ALONG THE TRAIL

"I am at home among trees." -J.R.R. Tolkien

BUDGET BIRDERS

birding the world on a budget

Mike Powell

My journey through photography

Birder's Journey

"If you want to see birds, you must have birds in your heart." -- John Burroughs

Singapore Bird Group

The blog of the NSS Singapore Bird Group

MORGAN AWYONG

little truths . little deaths

Animals in South-East Asia

By Andrew Rhee (http://blog.daum.net/fantasticanimals)

Singapore Birds Project

Singapore birds information for birders by birders

Life is a poetry

Life is a beautiful journey. Live, discover, feel and fall in love with it

vedika

your forum for critical and constructive writings

మీ వెంకట్

నాలోని భావాలు, భావోద్వేగాలు

నా కుటీరం

సమాజం, సాహిత్యం, సౌందర్యం

Kadhana Kuthuhalam

మరపురాని కథలను మళ్ళీ చదువుదాం.!

🌿🐢YVR's 👣Walks🐾With🌾Nature🐌🍄

🌻Look deep into nature, and then you will understand everything better 🌹 👨‍🔬Albert Einstein👨‍🏫

ఉహల ఊసులు

కవిత్వం, వంటా - వార్పు, మనసులో మాటలు, అక్కడ - ఇక్కడ

Prasad Oruganti

“I've learned that people will forget what you said, people will forget what you did, but people will never forget how you made them feel”— Maya Angelou

A Birder's Notebook

"Learning to bird is like getting a lifetime ticket to the theater of nature".

SEEN ALONG THE TRAIL

"I am at home among trees." -J.R.R. Tolkien

BUDGET BIRDERS

birding the world on a budget

Mike Powell

My journey through photography

Birder's Journey

"If you want to see birds, you must have birds in your heart." -- John Burroughs

Singapore Bird Group

The blog of the NSS Singapore Bird Group

MORGAN AWYONG

little truths . little deaths

Animals in South-East Asia

By Andrew Rhee (http://blog.daum.net/fantasticanimals)

Singapore Birds Project

Singapore birds information for birders by birders

Life is a poetry

Life is a beautiful journey. Live, discover, feel and fall in love with it

Why watch wildlife?

A site dedicated to watching wildlife

Discover

A daily selection of the best content published on WordPress, collected for you by humans who love to read.

Gangaraju Gunnam

What I love, and mostly, what I hate

చిత్రకవితా ప్రపంచం

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

సాహితీ నందనం

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

బోల్డన్ని కబుర్లు...

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

భండారు శ్రీనివాస రావు – వార్తా వ్యాఖ్య

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

SAAHITYA ABHIMAANI

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

లోలకం

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

కష్టేఫలి

సర్వేజనాః సుఖినోభవంతు

zilebi

Just another WordPress.com site

కష్టేఫలే

సర్వేజనాః సుఖినోభవంతు

అంతర్యామి - అంతయును నీవే

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

ఎందరో మహానుభావులు

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

వరూధిని

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

హరి కాలం

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

The Whispering

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

Satish Chandar

Editor. Poet. Writer

పిపీలికం

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

పని లేక..

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

గురవాయణం

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

పక్షులు

🌊అలోలములాలోచనలేవేవో నా లోపల ప్రాలేయచ్ఛాయల వలె తారాడగ కోరాడగ 🌊

ఆలోచనలు...

అభిమానంతో మీ ప్రవీణ.....

Vu3ktb's Blog

Just another WordPress.com weblog

ఆలోచనాస్త్రాలు

............... ప్రపంచంపై సంధిస్తా - బోనగిరి

abhiram

album contains photos of my thoughts & feelings

%d bloggers like this: