Category: హృదయాం’తరంగం’

డౌట్లడిగే చికెన్-మాట్లాడే మటన్ (3) – To know even one life has breathed easier……..


చాలా ఏళ్ళ క్రితం, వైజాగ్, నరసింహనగర్ లో ఉన్నప్పుడు –
మేమున్న అపార్ట్-మెంట్ బ్లాక్ పక్కన పెద్ద ఖాళీ స్థలం వుండేది. మనం మామూలుగా పిచ్చి మొక్కలు, తుప్పలు అనుకునే రకరకాల మొక్కలు ఆ స్థలమంతా పెరిగాయి. (“What is a weed? A plant whose virtues have never been discovered” అన్న ఎమర్సన్ మాటలు గుర్తొస్తే పిచ్చిమొక్కలు,తుప్పలు లాంటి పదాలు వాడాలనిపించదు) ఒకరోజు, కొద్దిగా ముసురు పట్టిన సాయంత్రం వేళ, ఒక జంతువు ఆ స్థలంలోకి వేరే ఏవో మొక్కల కొమ్మలు వేరే చోటు నుంచి తీసుకొస్తూ అనేక రౌండ్లు కొట్టడం నేను, నా బెటర్-హాఫూగమనించాం. చీకటి పడే వరకూ అదే పనిలోవుంది. యానిమల్ బిహేవియర్ కి సంబంధించి మనకి తెలీనిదేదో జరుగుతోందని తెలిసి క్యూరియాసిటీ పెరిగింది కానీ అదేమిటో తెల్సుకునే అవకాశం …. అది డౌటే, ఎందుకంటే అదో అందమైన పక్షి కానీ, ముద్దొచ్చే కుందేలో, తువ్వాయోకానీ కాదు. కనీసం దగ్గరకెళ్దామంటే మేకలాంటి అప్రోచబుల్ క్రియేచర్ కూడా కాదు. చాలా ఇతర జంతువుల కన్నా ఎక్కువే తెలివితేటలూ, విచక్షణా వున్న జంతువని తెలిసినా దగ్గరకెళ్ళే ధైర్యసాహసాలు చేయనివ్వని ఒక మామూలు పంది. మనుషులు తనకి మరీ దగ్గరవ్వడం ఇష్టంలేక అది ‘పంది’లా బిహేవ్ చేస్తుందేమో అనిపిస్తుంది ఒకోసారి, ఎస్పెషల్లీ, కలుపు మొక్కల గురించి ఎమర్సన్ అన్నది విన్నాక. ఎనీవేస్, ఆ వరాహం ప్రవర్తన సస్పెన్స్ గానే వుండిపోయింది, మర్నాడు ఉదయం వరకూ. తెల్లవారుతూనే సస్పెన్స్ విడిపోయింది, వరాహకిశోరాల ఘుర్ఘురారవాలతో. పొదల లోపల, తల్లి పాల కోసం పోటీలుపడుతూ, వెచ్చదనం కోసం ఒకదానిమీదోకటిగా గుంపుగూడుతూ, కిందామీదా పడుతూ, పరుగులు పెడుతూ ఆ పిల్లలూ, తల్లిదనాన్ని అనుభవిస్తూ, ఓరకంట ప్రతి పిల్లని తన కంటిచూపు మేర దాటనివ్వకుండా గమనిస్తూ పడుకుని ఆ తల్లీ – ఇదీ ఆ శబ్దాలని బట్టీ మదిలో మెదిలిన దృశ్యం. ముందురోజు సాయంత్రం ఆ వారాహి చేసినదంతా తన ప్రసూతి కోసం, పుట్టబోయే పిల్లలకి వెచ్చదనం కోసం ఏర్పాటు చేసుకున్న మెత్తటి పక్క అన్నమాట. పంది అని ఛీత్కరించుకున్నా , తిరస్కారభావం చూపించినా ఆ పందిలో ఉన్న తల్లిని గుర్తించకుండా వుండగలమా? ఆ తల్లి ప్రపంచంలో ఉన్న ఏ ఇతర తల్లి కన్నా తక్కువ కాదు అనుకోకుండా వుండగలమా?
కానీ పందిని, ఐతే అసహ్యానికి, లేకపోతె ఆహారానికి ప్రతీకగా మార్చిన మానవజాతి దాని సహజధర్మాలనీ, మనిషితో సహా అన్ని ఇతర జీవాలతో సమానంగా అది పంచుకునే మాతృత్వ భావాలనీ ఎలా కించపరుస్తోందంటే, ఇలా –

Below Photos & Text courtesy>  http://www.all-creatures.org/

pig-gest-01

This factory farming operation utilizes partially open gestation “stalls” in which the pigs are secured by their heads and necks so that they cannot even turn around. All they can do is stand up and lie down with their legs under them. The slotted floor allows urine and feces to be forced down to the sub-floor below. The fumes and odors are atrocious. To understand how these pigs feel, one has to imagine one’s self living in these conditions.

pig-gest-10

In this factory farming operation, the pregnant pigs are totally enclosed in these extremely cramped crates. Any human woman who has been pregnant knows how uncomfortable pregnancy can be, and how torturous it would be to be unable to change her position, forced to suffer day in and day out all her life, as these pigs are. To treat any living being this way is evil.

Photos & Text courtesy>  http://www.all-creatures.org/

“To know even one life has breathed easier because you have lived. This is to have succeeded.” – Ralph Waldo Emerson,American philosopher, poet, essayist(1803-1883)

http://wp.me/p2uFNm-j2 (డౌట్లడిగే చికెన్-మాట్లాడే మటన్ – 01)

http://wp.me/p2uFNm-jq (డౌట్లడిగే చికెన్-మాట్లాడే మటన్ – 02)

kodi meka 06

kodi meka 07

 

స’శేషం’

ప్రత్యూషకి ప్రధమ ప్రత్యూషం


మానవుణ్ణి భయపెట్టే మరో స్కాము వ్యాపం
మానవత్వాన్నే మట్టుపెట్టేలా ప్రత్యూషకి విధి ఇచ్చిన శాపం.
కన్నబిడ్డని బానిస చేసిన క్షుద్రత్వం, తండ్రి అనే పదానికంటిన పాపం,
గొరిల్లాలు, తోడేళ్ళల్లో తప్పని ఆల్ఫా ఫిమేల్స్ కి సవతి తల్లి ప్రతిరూపం

మానవత్వం నేర్పని మతాలూ, సంస్కారం ఇవ్వని బతుకుతెరువు చదువులు
మనుషుల్ని మార్కెట్ ఫాక్టర్ చేసే గ్లోబల్ ఎకానమీలు, నరుల్ని వానరులుగ మార్చే రాజకీయ వ్యవస్థలు
పసిపిల్లలకిస్తాయా భవిష్యాన శుభం? మానవత మరుగయ్యాక చట్టాలెన్నుంటే ఏం లాభం?

ఏదెలావున్నా …

పంతొమ్మిదేళ్ళ ఒక హృదయంలో ఆశ అనే భావన మొదటిసారి కలిగింది
చీకటి సొరంగానికొక చివర, అక్కడ ఓ వెలుగు రేఖ వుండొచ్చని తెలిసింది
చిరునవ్వు నవ్వచ్చనే చిన్న ధైర్యం ఇపుడిపుడే కలుగుతోంది.
లోకం వదిలిన తన తల్లిని సమాజాన చూస్తోంది
ఆ అవకాశం కలిగించి, ప్రత్యూషకి ప్రధమ ప్రత్యూషాన్నిచ్చిన మనీషికి, బాలల హక్కుల పరిరక్షణ సమితికి హృదయాం’తరంగా’ల పాదాభిషేకం

4ksy

డౌట్లడిగే చికెన్-మాట్లాడే మటన్ (2)


డౌట్లడిగే చికెన్-మాట్లాడే మటన్ (1) ఇక్కడ –> http://wp.me/p2uFNm-j2

అరవింద్ అడిగ రాసిన ద వైట్ టైగర్ నవల అది ప్రింటయిన ఆరేళ్ళ వరకు నా చేత చదవబడలేక పోయింది. సముద్రతీరంలో నుంచుని అందులో వుండే సొరచేపలని, సునామీలని, అగ్నిపర్వతాల్ని, అంధకారపు అగాధాలని మర్చిపోయి  నీలి కెరటాల సోయగాల్ని చూస్తూ వుండిపోయిన వాడికి సడెన్ గా అవన్నీ గుర్తొస్తే ఎలా వుంటుంది? అలా అనిపించింది. కొన్నిచోట్ల అరవింద్ మీద వొళ్ళు మండిపోతుంది. ఇండియాని మరీ దారుణంగా చిత్రిస్తున్నాడా అని అనిపిస్తుంది. కానీ కాస్సేపే. అంతలోనే దేశం మొత్తమ్మీద అక్కడ కొంత, ఇక్కడ కొంత .. అలా అనేక చోట్ల జరుగుతున్న పరపీడన పరాయణత్వాన్ని, అన్ని చోట్లా చాప కింద నీరులా అమలౌతున్న ఆటవికన్యాయాన్ని ఒకే మనిషి కధలో కూరేసి, కొన్ని పేజీల్లో కుదించి రాసేసాడా అనిపిస్తుంది.

మాన్-బుకర్ ప్రైజ్ వచ్చింది కదాని చదవక్కర్లేదు. రియాలిటీకి దూరంగా ఊహాలోకంలో “మాయమైపోతున్నాడమ్మా మనిషన్నవాడు..” అంటూ –

ఫోటోజెనిగ్గా కాకుండా నిజంగా ఫీలయి పాడుకోవాలనిపిస్తే..పతితుల, భ్రష్టుల, బాధాసర్పదష్టుల జీవితాల్ని  విహంగ వీక్షణం చెయ్యాలనిపిస్తే..ఒకసారి చదవచ్చు.

రెండోసారి కష్టం. మరీ ఇంత రియాలిటీని సగటు భారతీయులు తట్టుకోలేరు. అందులోనూ తెలుగుతేజాలు అస్సలు తట్టుకోలేవు. సగటు, దట్స్ రైట్, ఖచ్చితంగా సగటు టాలీవుడ్ సినిమా కంటే సీరియస్ సబ్జెక్ట్ ని అంతే సగటు తెలుగు హృదయం తట్టుకోలేదు.

పుస్తకాలు కొనుక్కుని మరీ చదివేవాళ్ళు వుంటారనే నిజాన్ని జీర్ణించుకోలేని తెలుగు వీరులు కొందరుంటారు. వాళ్లయితే ఇలాంటి పుస్తకాలు కొని, ఆపైన రెండోసారి కూడా చదివినవాళ్ళున్నారంటే ఆ కల్చర్ షాక్ అస్సలు భరించలేరు. వాళ్ళ కోసమైనా ఈ పుస్తకం రెండోసారి చదవకూడదు.

మూడోసారి చదవగలిగితే మనం గొప్పవాళ్ళం ఐపోయే అవకాశాలున్నట్టు. లోకానికి గొప్పవాళ్ళకన్నా వాళ్ళని తిన్నగా ఫాలో అయ్యేవాళ్ళ అవసరం ఎక్కువ. So, read just once.

ఈ నవల్లో చికెన్-మటన్ సంవాదానికి రిలవెంట్ గా ఉన్న ఓ పేరా వుంది, ఇదీ  –

“Go to Old Delhi,and look at the way they keep chickens there in the market. Hundred of pale hens and brightly colored roosters, stuffed tightly into wire-mesh cages. They see the organs of their brothers lying around them.They know they are next, yet they cannot rebel. They do not try to get out of the coop. The very same thing is done with humans in this country.” ― from Aravind Adiga‘s The White Tiger

అరవింద్ మెయిన్ ఫోకస్ మనుషుల దుస్థితి మీదే అయినా మూగజీవాల మనఃస్థితిని కళ్ళకి కట్టాడు. కదా?

పైన కొట్టిన సుత్తంతా ఎలా తయారయిందో సమజైందిగదా!

kodi meka 04

kodi meka 05

స’శేషం’

డౌట్లడిగే చికెన్ – మాట్లాడే మటన్ (1)


ఈ టపాకి టైటిల్ అలా పెట్టిన కారణం పోస్టు చివర్లో వుంది. పోస్ట్ మొత్తం చూడకుండా అది చదివేస్తే ఈ టపాకి హీరోలైన కోడి మేక బాధ పడతాయి. వాటి మనోభావాలు కూడా కాస్త అర్ధం చేసుకోవాలిగా మరి!
kodi meka 01

kodi meka 02

kodi meka 03

సింగపూర్ చిన్నదేశం, సహజ వనరులు ఏవీ లేని దేశం కదా. ఎటు చూసినా బిల్డింగ్సే. చెట్లూ చేమలూ కనిపించినా అవన్నీ పార్కులూ, గార్డెన్లూ లేదా లాండ్ స్కేపింగ్ లో భాగంగా వుండేవే తప్ప సహజంగా, అడవి మాదిరిగా పెరిగినవి వుండవు. జంతువులూ, పక్షులూ విషయానికొస్తే మాత్రం చాలా నయం. పూర్తిగా మానవ నిర్మితమైన నగరంలో ఉండగలిగిన పక్షి,జంతుజాతుల కన్నా ఎక్కువే వున్నాయి. వికిపీడియాలో Flora and Fauna of Singapore అని సెర్చ్ చేస్తే పెద్ద లిస్టే వుంది మరి.  ఐతే అక్కడివాళ్ళు పాడిపంట అనే పదాలకిఓ- అర్ధాలు అనుభవపూర్వకంగా తెల్సుకోవాలంటే మలేషియాకో, థాయ్-లాండ్ కో వెళ్లి చూడాల్సిందే. ఇంక చుట్టుపక్కల కోళ్ళు, మేకలు, ఆవులు లాంటి జీవులు దుర్భిణీ వేసి చూసినా, మైక్రోస్కోపుతో వెతికినా ఎక్కడా కనిపించవు. ఐ మీన్, స్వేచ్ఛగా, సజీవంగా తిరుగుతూ కనిపించే ప్రశ్నేలేదు. అందుకే సింగపూరియన్స్ జోక్ చేస్తారు,”మాకు తెలిసి  కోడిని కానీ, మేకని కానీ మేం దాన్ని మొదట చూసింది అది డైనింగ్ టేబుల్ మీదకి చేరిన రూపంలోనే అంటే చికెన్, మటన్ రూపాల్లోనే,” అని. సరే, అంత చిన్నదేశంలో ఆ పరిస్థితి తప్పదు. ఇప్పుడిప్పుడే కాకపోయినా ఒకట్రెండు దశాబ్దాలలోనైనా మనదేశంలో కూడా ఈ పరిస్థితి రావచ్చు. ఇప్పటికే అవి స్వేచ్ఛ అంటే ఏంటో మర్చిపోయాయి. వాటి జీవితాలకి డిగ్నిటీ కూడా లేకుండా చేసేస్తున్నాం. ఇరుకు పంజరాల్లో కుక్కేసి, సైకిళ్ళకి తలకిందులుగా వేలాడగట్టీ, హింసాత్మక పద్ధతుల్లో చంపీ ఇలా …

భవిష్యత్తులో వాటి అస్తిత్వం కోడిగా, మేకగా కాక చికెన్, మటన్ రూపాల్లోనే మిగులుతుందేమోననే చింతతో డౌట్లడిగే చికెన్ – మాట్లాడే మటన్ అని టపాకి పేరు పెట్టాను.

స’శేషం’

“కుక్కని చంపావా?”అంటే “ఒక్కసారి, దుప్పటి కప్పి ఊపిరాడకుండా చేసి…,” అన్నాడు


చైనా, గుయాంగ్షీ ప్రావిన్స్ లో ఉన్న యులిన్ సిటీలో డాగ్ మీట్ ఫెస్టివల్ జరుగుతోందిట. ప్రపంచ వ్యాప్తంగా మనోభావాలు దెబ్బ తిన్నాయ్. లోకల్ చైనీస్ లో కూడా ఈ డాగ్ మీట్ వ్యతిరేకులు ఉన్నారుట. ఇది నేను నమ్ముతాను ఎందుకంటే – చాలాకాలం క్రితం ఒక చైనీస్ కొలీగ్ తో మాటల సందర్భంలో ఇండియన్స్ చాలామంది ఎందుకు వెజిటేరియనిజం పాటిస్తారనే ప్రశ్న వచ్చింది. నేను వెజిటేరియన్ కనక నా యాంగిల్లో నాకు తోచిన ఎక్స్ప్లనేషన్ ఇచ్చాను. అహింస, సాత్వికాహారం, హ్యూమన్ డైజెస్టివ్ సిస్టం  శాకాహారానికే అనువుగా ఉండడంలాంటి plausible but not 100% convincing explanations ఇచ్చినా వాడు కన్విన్స్ అవ్వలేదు. అహింస అంటే మొక్కలకి ప్రాణం లేదా అని, సాత్వికాహారం అంటే అన్ని జాతుల్లోనూ సాత్వికులున్నారు కదా అని, శాకాహార జీవుల డైజెస్టివ్ సిస్టం గురించి మాట్లాడితే బబూన్స్, చింపాంజీలు ఎందుకు మాంసం తింటాయనీ (నిజమే, అవి జింక పిల్లల్ని, ఇతర కోతుల్ని తింటాయి) కౌంటర్లిచ్చి తిప్పలు పెట్టాడు. మా దేవుడు వెజిటేరియన్ ఫుడ్డే ప్రిఫర్ చేస్తాడని చెప్దామంటే చైనావాడు దేవుణ్ణి నమ్మడయ్యే! వీణ్ణెలా కన్విన్స్ చెయ్యాల్రా భగవంతుడా అని ఆలోచిస్తుంటే చిన్నప్పుడు కళ్ళనీళ్ళు పెట్టించిన అనుభవం ఒకటి గుర్తుకొచ్చింది. పక్కింటివాళ్ళు ఏదో పార్టీ కోసం ఇంటి వెనకే కోళ్ళకి స్వర్గారోహణ కార్యక్రమం ఏర్పాటు చేసారు. ఆ పని చేసేవాడు తన సామాజికవర్గ సాంప్రదాయం ప్రకారం సశాస్త్రీయంగా సగం కట్ చేసి వదిలిపెడతాడు. ఈజీగా, హ్యూమరస్ గా  రాయడానికి ట్రై చేశాను కానీ…….. ఉఫ్!

ఆ సీన్ గుర్తొచ్చినా అతనికి చెప్పకుండా,” మీరు డాగ్ మీట్ తింటారు కదా, ఎప్పుడైనా కుక్కని చంపావా?,” అని అడిగాను. “ఒక్కసారి, దుప్పటి కప్పి ఊపిరాడకుండా చేసి…,” అన్నాడు. (అదో పధ్ధతిట) అది చెప్తూ అనీజీగా ఫీలవడం గమనించి వెంటనే అడిగాను, “ఇప్పుడు ఆ పని చెయ్యగలవా?,” అని, “ఓహ్! నా వల్ల కాదు, తింటాను కానీ, నా చేతులతో చంపలేను,” అనేసాడు. కాదేదీ తినడానికనర్హం, సూర్యకిరణాలు ఏ జీవి మీద పడితే ఆ జీవిని తినేస్తామని చెప్పుకునే చైనీస్ ఇలా అన్నాడంటే అది మనిషికి స్వతాహా వుండే సెన్సిటివిటీ వల్లే కదా. ఆ సెన్సిటివిటీ పెరిగిన కొద్దీ డైరెక్ట్ యానిమల్ స్లాటర్ ని దూరం పెడతాం. వృత్తి ఉద్యోగ అవసరాల దృష్ట్యానో, ఆల్టర్నేటివ్ లేకనో, శాకాహారానికి అలవాటు పడలేకనో మాంసాహారం తినాల్సివస్తుంది, అవసరాన్ని బట్టీ తినాలి కూడా. కానీ మనిషిలో నాగరికతతో పాటు పెరిగిన సెన్సిటివిటీ కబేళాలని ఊరవతల ఉంచుతుంది; P.E.T.A, S.P.C.A వంటి ఆర్గనైజేషన్స్ పెడుతుంది, యానిమల్ రైట్స్ కోసం పోరాడుతుంది. ఇంకొంచెం పై స్థాయిలో అది వృక్షజాతినీ ఆదరిస్తుంది. రాలిన ఆకులు, రాలిన పళ్ళు మాత్రం తినే జీవించిన ఋషుల ప్రస్తావన రామాయణభారతాల్లో వుంది. చైనీస్ వెజిటేరియన్స్ సోయాతో  నాన్-వెజ్ లా కనపడేలా, ఇంచు మించు సరిసాటిలా రకరకాల వంటలు చేస్తారు. (ఆ సెన్సిటివిటీ తారాస్థాయికి చేరినప్పుడు గాలి పీల్చడం, నడవడం కూడా చెయ్యనంత వరకూ మనుషులు వెళ్ళగలరు. బట్, తీవ్రవాదంలో అదో ఎక్స్ట్రీమ్. మరో ఎక్స్ట్రీమ్ మనుషుల పీకలు కత్తిరిస్తూ వీడియోలు తీస్తుంది. ప్చ్!)

Anyways, మానవసహజమైన సున్నితత్వమే యులిన్ పౌరుల్ని, ప్రపంచపౌరుల్ని డాగ్ మీట్ ఫెస్టివల్ కి వ్యతిరేకంగా ఆందోళనలు చేసేలా పురికొల్పింది.

Yulin Summer Solstice Dog Meat Festival గురించి వికీపీడియాలో ఇలావుంది –

//The city is also home to the highly-criticized Yulin Summer Solstice Dog Meat Festival where in 2013 over 10,000 dogs were consumed. Many of the dogs are electrocuted, burned and skinned while alive and conscious.

According to legend, eating dog meat dispels ghosts and disease and has been used to treat impotence. Local activists against the festival decided to petition the White House after local efforts proved fruitless to stop the festival.//

వైట్-హౌస్ కి పిటిషన్ పెట్టడం వెనక రాజకీయాలేమైనా వున్నాయేమో తెలీదు కానీ, Man’s best friend కి ఏదో రకంగా రిలీఫ్ దొరికితే అంతే చాలు.

 

Here is my lip service to the cause of Animal rights & Wildlife protection

పార్ట్ 1 > “రిచర్డ్ గెరె, హాలీవుడ్ల హీరో యేషాలేసేటోడు, ఇట్లన్నడు….”  >> http://wp.me/p2uFNm-fd

పార్ట్ 2 > “మోడీ సారు, అమితాబ్బచ్చన్ వెజ్జు ఫుడ్డే తింటరంట; సెహ్వాగ్, పవన్ కళ్యాణులు గుడ వెజిటేరియన్సని …..”  >> http://wp.me/p2uFNm-fm

పార్ట్ 3 > ఈ పొద్దు, పవన్ కళ్యాణ్ యాదికి రాలే, రాల్ఫ్ వాల్డో ఎమర్సన్ అనేటి ….. http://wp.me/p2uFNm-fR

సితార సినిమాలో, భానుప్రియలా అస్తమించే సూర్యుడివైపు వెళ్తూ… http://wp.me/p2uFNm-eH

బాలి ఐలాండ్, మౌంట్ అగుంగ్ అగ్నిపర్వతం దగ్గరకి వెళ్ళే దారిలో ….http://wp.me/p2uFNm-bw

 

 4ksy

దేవుడికి ఈ థాట్ వస్తే? అస్తిత్వపు డౌటొస్తే???


దేవుడు చేసిన మనుషులా? మనుషులు చేసిన దేవుడా? మనుషులు ఈ ప్రశ్నలు వెయ్యటం ఆగిపోయింది. ప్రస్తుతం దేవుడే ఆ ప్రశ్నలు వేసుకోవాల్సిన పరిస్థితి మొదలైంది.

దేవుడే మనుషుల్ని చేసాడని చెప్పేది మనిషే

ఆ దేవుడు ఎలా వుంటాడో, ఎలా వుండాలో చెప్పేదీ మనిషే

దేవుడు ఏం చెప్పాడో, ఎవరికి చెప్పాడో చెప్పేది, అదీ ఓ మనిషే

దేవుడు నాకు తప్ప ఇంకెవరికీ కనబడడు, వినబడడు

అంచేత అందరూ నేఁచెప్పిన దేవుణ్ణే నమ్మాలంటాడో మనిషి

“ఇందుగలడందులేడను సందేహము వలద,”ను దేవుడే తనవాడని తెలిసీ

చెట్టుపుట్టారాయీరప్పల్లో ఆయన్ని కట్టేసేవాడూ మనిషే

తోటి మనిషికి దేవుణ్ణి చూసే హక్కు లేదనేవాడు మనిషి, అలా అంటే నమ్మేవాడూ మనిషే

ఒకడు తన దేవుణ్ణి భూమ్మీదకి రానివ్వడు,

వచ్చిన దేవుణ్ణి శిలువెక్కిస్తాడింకొకడు

దేవుణ్ణి చూడ్డానికి టికెట్లు కొనలేనివాణ్ని ‘నీ ఖర్మం’టాడు మరియొకడు

చేతల్లో దైవత్వం చూపలేడు, మాటల్తో దేవుడి కారెక్టర్ డిసైడ్ చేసేస్తాడు.

తను స్నానం చెయ్యడు కానీ పక్కవాడి ‘కంపు’ వదిలిస్తానంటాడు.

గబ్బిలాల కొంపకి కస్తూరీనిలయం పేరెడతాడు

మీ మొహాల్తగలెయ్యా! మీ హృదయాల్లోనే వున్నా!

నన్ను బయటికొదిలితే మీకు –

పాపాలు, క్షమాపణల పనులుండవురా!

అర్టిపళ్ళు, అగరొత్తులు అక్కర్లేదురా!

మూర్ఖత్వం, అతివాదం అవసరమే లేదురా!

అని ఎలుగెత్తే దేవుడికి అహంకారపు ఇటుకలూ, మమకారపు సిమెంటుతో అందమైన సమాధి ప్రతివాడూ కట్టేస్తుంటే  –

“నేను మనిషిని చేశానా? మనిషే నన్ను చేసేస్తున్నాడా?” అని దేవుడికొచ్చిందో థాటు, ఆయనలో మొదలైందొక అస్తిత్వపు డౌటు.

(అలా దేవుడికి అస్తిత్వపు ప్రశ్నలు కల్పిద్దామని చూసిన హిరణ్యకశిపుడికి అలా ఇలా కాకుండా ‘అద్భుతం’గా విష్ణు’దర్శనం’ జరిగింది మరి!)

ఈ పొద్దు, పవన్ కళ్యాణ్ యాదికి రాలే, రాల్ఫ్ వాల్డో ఎమర్సన్ అనేటి …..


————————————————————————————————————————————

చూసినవా? చికెన్ బ్రెయిన్ పనిజేసుడు షురూ అయిపాయె. ఇంగ నేను జెప్పెడిది ఎట్ల సమజయితదిరా భయ్ నీకు? నీలెక్క సోంచాయించబట్టి ఇప్పుడు మనుషులందర్ దేవుని పేరు మీదిడిపోయి సంపుడో! సచ్చుడో ! అనే లెక్క కొట్టుకుంటుండ్రు. ఆళ్ళల్ల నువ్వొక్కనివి తక్కువైనవ్. కోడిదేవుణ్ణి బెట్టుకుని కోడి మతం తయారు జేసేటోడివే.

————————————————————————————————————————————

ఈపోస్టులను సహనంతోని చదివేటోళ్ళందర్కి మొదల్లనే కృతజ్ఞతల్ జెప్పాల్నని డిసైడ్ జేసుకున్న, గిప్పుడు జెప్తున్న. థాంక్స్ జెప్పుడెందుకంటె మేడమూ / సారూ! వేరే ప్రాంతాలోళ్ళకు ఈ యాసర్ధం జేస్కొని సదువుడు కష్టమైతదిగద! ఐనగూడ ఎట్లనోగట్ల సదువుతున్నరని థాంక్సు జెప్తున్న. ఏమో, నేను రాసెడి తీరు ఎట్లున్నదో ఏందో నాకైతే తెల్వదుగద. నోటికొచ్చింది వాగుడు, చేతికొచ్చింది రాసుడు. ఈ పొద్దు నాకు మైండుల, రాల్ఫ్ వాల్డో ఎమర్సన్ అనేటి అమెరిక పెద్దమనిషి కనపడతుండు. కొద్దిగ ఆయన మాటలు జెప్పుకునేడిదుంది. ముందుగాల నాకైన ఓ ఎక్స్పీరియన్సు ఒకటి షేర్ జెయ్యాలె.

మూడు నాలుగు సమత్సరాల కిందటి మాట. ఒకనాటి రాత్రి పన్నెండుగంటలైతుండగ ఫోను మోగింది.  విజయవాడల నాతోని ఇంజనీరింగు జదివిన దోస్తొకడు మాట్లాడుతుండు అమెరికలుంటడు. మామూలిషయాలు మాట్లాడినంక, “భయ్! నీతొని ఒకిషయం జెప్పాలెనన్నడు.” “చెప్పుర భయ్!,” అని నేనుగుడ అనేసిన. “నీ పేరు జెప్పి ఒక పామును అడవిల ఇడిచిపెట్టొచ్చిన,” అన్నడు. నాకైతె ఏమర్దంగాలె. పామేంది, దాన్ని జూసి నా పేరు గుర్తొచ్చుడేంది అనుకున్న, గదే మాట వానినే అడిగిన. “భయ్! దిమాగ్ సరిగ పనిజేస్తలేదు. కొద్దిగ నువ్వెజెప్పరాదు? పామును జూసి నా పేరు జెప్పుడేంది,” అని అడిగిన. అప్పుడు నాకు యాద్ జేయించిండు. కాలేజి హాస్టల్లవుండెతప్పుడు ఆడ మాతో పాములు గూడ ఉండేటివి. రాతిరి టైముల వాకింగ్ జేస్తుంటే కప్పలను మింగనీకి దిరిగె పాములు కూడ మాతో వాకింగ్ జేస్తుండె. కాలేజి, హాస్టలు అన్నీ పొలాల మధ్యనుండె. ఒకనాడు వాకింగు టైముల బాట పక్కన కప్పను మింగుతున్న జెర్రి గొడ్డును జూస్తావుండగ నైటు వాచ్-మన్నొచ్చి కర్రతో ఫట్ట ఫట్ట గొట్టి పామును జంపిండు. కప్ప రక్తాలు కారుకుంట బత్కిపొయ్యింది. పాము కప్పను దిన్నట్టాయనా, ఎవర్నేంజేయ్యకుండ పోయేటిది. నా కంటబడనుగదా సారూ! దానికి సచ్చె సావొచ్చింది? నాకు మాత్రం బలే బాద. అప్పుడప్పుడే అడవులన్న, జంతువులన్న, పర్యావరనమన్న నాకు ఇంటరెస్టు ఎక్కువైతుండె. అప్పటి సంది ఎవడైన పాముల జంపనీకి పోతుండగ జూస్తే సాలు, కొంచెం లొల్లి జేసెటోన్ని. శబ్దమిన్న పాము ఆగుతాది? బర్ర బర్ర పాక్కొని పారిపోయి బతికేటివి. నా దోస్తులకు నా బిహేవియరు అస్సలు అర్ధం కాకుంకుంటుండె.  అప్పుడు నేను పర్యవరన, ప్రకృతి .. ఇట్లాంటిష్యాలపై క్లాసు పీకెటోన్ని. కొంతకాలానికి అర్ధమైందో ఏందో తెలవదు. ఇన్నేళ్ళయినంక ఈ రోజు ఫోన్ జేసి, “నువ్వప్పుడు జంతువులను రక్షించమనేటోడివి, ఈ రోజు మాఇంట్లకు పామొస్తే, నీ మాటలు యాదికొచ్చి దాన్ని చంపబుద్దెయ్యలే, కర్రతోని తోసుకుంటా మా శీనుగాని పేరుజెప్పి నిన్నొదిలి పెడతన్నా అని ఇంటి బయట అడవిలెక్కున్న చెట్లల్ల వదిలేసిన,” అన్నడు. సారూ/మేడమూ ! ఆ రోజు నాకెంత సంతోషమయిందంటే … ఈ వాక్యం పూర్తి జెయ్యనీకి రావటంలే.. అంత సంతోషమన్నట్టు. గిదంత ఎందుకు చెప్పిన్నంటే, ఇందనక మెన్షన్ జేసిన గద, రాల్ఫ్ వాల్డో ఎమర్సన్, ఆయనేమన్నడంటే –  “To know even one life has breathed easier because you have lived. This is to have succeeded,”   అన్నడు. నా దోస్తుజేసిన పనికి అసుంటి సక్సెస్ ల చిన్న నలకంత భాగం నాగ్గూడ దక్కిందిగద? ఈ ఎమర్సన్ సారు 1845లనే భగవద్గీత చదివిండంట. ఈయన రాసిన రాతలు సదివెటోళ్లకు ఆయన అద్వైతసిద్దాంతం నమ్ముతడా అన్నట్టుండెనంట. ఈ కిందున్నది ఎమర్సన్ సారు కొటేషనే! సూడున్రి –

We live in succession, in division, in parts, in particles. Meantime within man is the soul of the whole; the wise silence; the universal beauty, to which every part and particle is equally related, the eternal ONE. And this deep power in which we exist and whose beatitude is all accessible to us, is not only self-sufficing and perfect in every hour, but the act of seeing and the thing seen, the seer and the spectacle, the subject and the object, are one. We see the world piece by piece, as the sun, the moon, the animal, the tree; but the whole, of which these are shining parts, is the soul. 

అమెరికన్ల జీవనిదానంల భారతీయ విలువలుగాని కనపడినయంటే (నిజంగనే వున్నయంట), అది ఎమర్సన్ సారు సలవేనంట. మాజీ డీజీపి అరవిందరావు సారు చెప్తుంటిన్న. ఇది కొంచెం రాయనీకే కష్టమైంది ఇంక ఆపుత! ఇగ, కోడి మేక సంవాదంల మూడో బాగం సూడున్రి – kodi meka 03

పార్ట్ 2 > “మోడీ సారు, అమితాబ్బచ్చన్ వెజ్జు ఫుడ్డే తింటరంట; సెహ్వాగ్, పవన్ కళ్యాణులు గుడ వెజిటేరియన్సని …..” ఈడున్నది >> http://wp.me/p2uFNm-fm

పార్ట్ 1 > “రిచర్డ్ గెరె, హాలీవుడ్ల హీరో యేషాలేసేటోడు, ఇట్లన్నడు….” ఈడున్నది >> http://wp.me/p2uFNm-fd

స’శేషం’

మోడీ సారు, అమితాబ్బచ్చన్ వెజ్జు ఫుడ్డే తింటరంట; సెహ్వాగ్, పవన్ కళ్యాణులు గుడ వెజిటేరియన్సని ఇన్న,


———————————————————————————————————————————-

 “గుడికాడ పంతులుగారు కత జెప్తుండె, అప్పుడిన్నా!పెపంచమంత కలిపి బ్రమ్మాండం అంటరంట, అండమంటే గుడ్డేగదన్న?

 అవ్ రా భయ్! నేను గూడ ఆణ్ణే ఇన్న!

 కోడిగుడ్డుకెల్లొచ్చే పిల్లల్ను కోళ్ళు దినవ్, మేక పిల్లల్ను మేకల్ దినవ్. మరి మనందరం బ్రమ్మగుడ్డుకెల్లొచ్చే పిల్లలమైతే కొన్ని పిల్లలు వేరే పిల్లల్ను ఎందుకుదింటున్నయో?”

 ———————————————————————————————————————————-

మోడీ సారు, అమితాబ్బచ్చన్ వెజ్జు ఫుడ్డే తింటరంట; సెహ్వాగ్, పవన్ కళ్యాణులు గుడ వెజిటేరియన్సని ఇన్న, కరీన కపూరు, షహీద్ కపూరు, జాన్ అబ్రహం,… శాకాహారమే ప్రిఫర్ జేస్తరంట. కుస్తీలుబట్టే సుశీల్ కుమారు గుడా కూరగాయలే దింటడంట. ఎవురూగుడ మొదట్నుండే వెజ్జోళ్ళు కాదు. ఐనగాని వెజ్ లోనికి మారిపోయిన్రు. అందరొకే లెక్క జంతువుల కొరకే వెజిటేరియన్సయిపోయిన్రని అననుగాని కావాల్నంటే నాన్-వెజ్ మానడం వీజినే, వారానికొక్కసారైన పర్లే,

మనిషులల్ల కొందరు జిందగికి ఏదోక మీనింగుండాలె, దాని ప్రకారమే బతకాలె అనుకుంటుంటరు. గదేమంత చెప్పినంత వీజికాదుగానీ గట్ల బతకనీకి ట్రై జేసుడుల ఏదో మజా ఉంటదనుకుంట. గందుకే కద పెద్దపెద్ద లీడర్లందరు ఏదోకటి స్పెషల్ పని జేస్తుంటరు! గాంధిగానీండ్రి, నెహ్రుగానీండ్రి, లింకన్, మండేలసుంటోళ్ళు గానీండ్రి ఆళ్ళు జెప్పేటి మాటలల్ల ఏదో గమ్మత్తైన పాయింటుంటది. గమ్మత్తని ఎందుకన్ననో సమజయ్యిందా? ఆళ్ళీడ లేకున్న గూడ పెపంచమంత ఇప్పటిగ్గూడ ఆళ్ళను తలుస్తుంటది. గది తిట్టనీకి గావచ్చు, మెచ్చుకోనీగ్గూడ గావచ్చు. మాటల్ల గమ్మత్తుంటెనే మనుషుల్ ఎక్కువ దినాలు యాదికుంటరు. లేకుంటె ఒక్క రోజుల మరుపుకొస్తరు. ఇప్పుడు జూడరాదు, జనాల యాదిల వుండేదానికి సినిమలోళ్ళు, లీడర్లు, మతాలోళ్ళు .. ఇష్టమొచ్చిన తీరుగ పిచ్చి స్టేట్మెంట్లిస్తుంటరుగద, గట్లన్నట్టు.

పార్ట్ 1 > “రిచర్డ్ గెరె, హాలీవుడ్ల హీరో యేషాలేసేటోడు, ఇట్లన్నడు …” ఈడున్నది – (http://wp.me/p2uFNm-fd

థామస్ అల్వ ఎడిసన్ ఎరికనే గద? ఆయన్నే, లైటుబల్బు తయారుజేసిన పెద్దమనిషి, గాయనేమన్నడు?  “Non-violence leads to the highest ethics, which is the goal of all evolution. Until we stop harming ALL other living beings, we are still savages,” అంట. గిట్లెందుకన్నడాని తెగ సొంచాయించిన. హింస మొత్తం మానేయాల్నంటడు. అదెట్లన్నదే నాకెరికవ్వలే. ఎందుకంటే కూరగాయలను, గింజలను, దుంపలను తినుడు మాత్రం హింస కాదానండి? మొక్కలకు ప్రానమున్నాదని యేనాడో తేలిపాయె గద. గసుంటప్పుడు వెజ్ ఫుడ్డు దినేటోళ్ళు గూడ హింస జేస్తున్నట్టుగాదు? గా హింస మానేదెట్లననే నా డౌటు. ఏం దినకుంటే అందరొకేసారి సస్తరుగదండి! ఐతే, ఒక పెద్ద పంతులుగారిట్ల జెప్పిండు – “బతకాల్నంటే ఏదోకటి దినక తప్పదురా బిడ్డ! మామూలు మనుషులకు సరైన తిండిదినక తప్పదు. అడవుల్ల తపస్సు జేసేటోళ్ళు పండిన ఆకులు, రాలిన పండ్లు తిని గడిపేటోళ్ళు గానీ తెల్లారి లేచినకాణ్ణుండి కష్టంజెయ్యాల్సినోళ్లకు బలానికి తినాలె. తినకుంటే నీలోని జీవుని హింసించినట్టుగాదుర? ఒక్క పాయింటు యాదుంచుకో మళ్ళ. ఏందిన్న సరే నీకు ఆకలి తీరంగనే తినుడు ఆపెయ్యాల. అవసరంలేకున్నగూడ తిన్నవంటే, రుచి కొరకు దిన్నవంటే అది మన్నైన సరే వయొలెన్సు కిందనే లెక్కయితది.” ఇల్ల పాయింటు కనబడతనేవుండె. నువ్వు కూరగాయలు దిన్నవా? మాంసం దిన్నవా అన్నదిగాదు ఇంపార్టెంటు. ఎంత దిన్నవ్? ఎన్నిసార్లు దిన్నవ్? ఎందుకొరకు దిన్నవ్? అదీ పాయింటు. మాంసం దినటం తప్పు అనేటోళ్ళున్నరు. ఐతే ఎడారుల్ల, మంచుదేశాలల్ల వుండేటోళ్లకు కూరగాయలేడ దొర్కుతయ్? సైన్యంల పనిజేసే సైనికులు పప్పన్నందిని యుద్ధాల్ జేయగల్తరా? ఆళ్ళందరుగూడ మాంసం దినాలె. ఈడ లాజిక్కేందంటే సైన్యంనుండి బైటకొచ్చినంక మాంసం మానేయాలె. లేదా తక్కువదినాలె. గట్లనే ఆఫీసులల్ల పనిజేసేటోళ్లకు రోజు మాంసందినాల్సిన పనేముంది? ఆ ఇదంగ బాలెన్సు జేసుకోవాలె. టేస్టు కొరకు గాకుండ అవసరం కొరకు ఫుడ్డుదినాలె. అందుకెగద పూర్వం పండుగలప్పుడే పిండివంటలు జేసుకునేది. ఇప్పుడైతే రోజూ పిండివంటలు, బిర్యానీలేనాయె!ఇట్ల జూస్తె ఎడిసన్ సారు జెప్పింది అరవై, డెబ్భై శాతం వరకు చెయగల్తమని నమ్ముతున్న. ఎడిసన్ జెప్పినట్టు ఎందుకు చెయ్యాలె?  అనిగాని అడిగితిరా ఒకటే జవాబు.  బూమ్మీదున్న అన్ని జీవులుగూడా దేవుని దృష్టిల సమానమే, ఆ లెక్కన జీవులన్నీగూడ అన్నదమ్ముల్లెక్క. అంతలెక్క అర్ధమయ్యేవరకి మనుషుల ఇవల్యూషన్ అవ్వనీకి ఆస్కారమున్నదని ఎడిసన్ సారు అంటున్నట్టు. ఈ రోజుకీడతో ఆపుత సారు / మేడం , ఉండున్రుండున్రి, ముందు మేడం, తర్వాతనే సారు! గిప్పుడు మన కోడి, మేక డిస్కషనినండి –

kodi meka 02

 

స’శేషం’

రిచర్డ్ గెరె, హాలీవుడ్ల హీరో యేషాలేసేటోడు, ఇట్లన్నడు – “As custodians of the planet………”


ఈ పోస్టు రాయల్నా వద్దాని చానా దినాల సంది సొంచాయిస్తుంటి. కారనాలు చెప్పాల్నంటే  – ఇది మతాలకి సంబందించిన ఇష్యమని మతాలోళ్ళు, నాన్-వెజ్ తినేటోళ్ళను ఇమర్సించుడని నాన్-వెజ్జోళ్ళు మనోబావాల్ దెబ్బతిని బాదపడి నన్నుగూడ బాదపెడతరో ఏందోననే గీ సొంచాయించుడంత. గానీ మహాబారతంల జదివిన – మనిషి ఐదురకాల యజ్ఞాల్ జేయాల్నంట – బ్రహ్మ, దేవ, పితృ, మనుష్య, భూత యజ్ఞాలంట. భూతమంటే దెయ్యాలు, భూతాలుగాదు పక్షులు, జంతువులన్నట్టు. తతిమ్మ యజ్ఞాల సంగతేమోగానీ చివరిది, గదే భూతయజ్ఞమంటే సచ్చెటంతిష్టం నాకు. ఇట్ల బ్లాగులల్ల జంతువుల, పక్షుల సంగతులు రాసుడు గూడ భూతయజ్ఞం లెక్కనే అని ఎవుడో జెప్తుంటిన్న! తెలంగాణయాసలెందుకుర ఈ రాసుడంటరా? నాలుగు నుండి పది వరకి నల్లగొండ డిస్టిక్కుల సదివిన. తెలంగాణ యాసన్న, జొన్నరొట్టెలన్న, పొన్నగంటి కూరన్నఇప్పటిగ్గూడ తెగిష్టం. అయన్నీ మిస్సయితున్న. అందుకె మూడు సరదాలు ఒక్కటేసారి ఈ తీరుగ తీర్చుకోవాల్ననుకున్న. గిప్పుడు సదివేటోళ్లకు నేఁజెప్పెడిది – మీ నమ్మకాల్ను, మీరుదినే ఫుడ్డును కించపర్చనీకిగాని, మార్చనీకిగానీ గిది రాయట్లే. సదువుతాబోతె గదే సంజైతది. జంతువులన్నిటిగ్గూడ – అడవుల్లుండేటివి, ఆహారమిచ్చేటివి, ఆహారమయ్యేటివి, మనం పెంచుకునేటివి – అన్నింటిగ్గూడ మనం డిగ్నిటీ ఇవ్వాలె. యానిమల్సుకు గిప్పుడది దొరుకుతలేదు. రిచర్డ్ గెరె అని హాలీవుడ్ల హీరో యేషాలేసేటోడు ఇట్లంటుండు – “As custodians of the planet it is our responsibility to deal with all species with kindness, love, and compassion. That these animals suffer through human cruelty is beyond understanding. Please help to stop this madness.” ఫాక్టు జెప్పాల్నంటే మనదేశంల కన్న మాంసం ఎక్కువ దినే ఇతర దేశాలల్ల జంతువులకు, పక్షులకు కొంచెం మంచిగనే ట్రీట్ జేస్తున్రు. థాయిలాండ్ ల, మలేషియాల జూసిన! కోళ్ళను, బాతులను, పందులను ట్రాన్సుపోర్టు జేసేదానికి వాడే ట్రక్కులల్ల వానికి మంచిగుండేలాగ ఎరెంజిమెంట్లు బాగనేజేస్తున్రు. ఇంక అగ్రదేశాలిష్యం చెప్పెడిదేముంది? ఆడుండే రిచర్డు గెరెనే ఇట్ల మాట్లాడుతుండంటే మనదగ్గర సంగతి ఎట్లుండొచ్చు సారు? చిన్నప్పుడు సూసేటోన్ని, బండి లాగే ఎద్దులకు మెడ మీద కాడి బెడతరు గద! ఆడ పుండయితది. దానికి మందెయ్యరు, మాకెయ్యరు. ఎద్దు పుండు కాకికి ముద్దని మనకు సామెతగూడున్నది గద. చూడను మనకు బాదయితదిగాని బండోళ్లకు మాత్రం యే ఫీలింగుండదు. కర్రపెట్టి ఫట్టఫట కొడుతుంటరు.  మొదటిసారి ముంబై, గప్పుడు బొంబై, పొయినపుడు ఒకనాడు రాత్రిపూట బాల్కనీలనుండి సూస్తావుంటె ఒక లారీల బక్కచిక్కిన ఎద్దులను తీసుకుపోతుండ్రు. ఆయన్నీ కబేళకు పోతున్నయని మా కజిన్ చెప్పిండు. ఎంత బాదయ్యెనంటే ఈ రోజుగ్గూడ గామూగజీవాల ముకాల్లొనున్న దైన్యం గదేతీరుగ కన్పడతది మనసుల. మహారాష్ట్రోళ్ళు బీఫ్ బాన్ జేసిన్రు గద, గా బాన్ సరింగ పంజెయ్యాల్నని అందరుగుడ కోరుకోవాలె. ఎందుకనంటరా? లిక్కర్ బాన్ జూసినంగద, గది బాన్ జేయగనే స్మగ్లింగ్ ఎక్కువైతది, దొంగసార బట్టీలు ఎక్కువైతయ్, జనాలు స్టేటు దాటుకొనిబోయి తాగోచ్చేటోళ్ళు. గదే సీను గిప్పుడు గుడ రిపీటవ్వదని గ్యారెంటేంలేదుగద! గవర్మెంట్లు గా దిక్కునుండి గూడ జూసి పకడ్బందిగ అమల్జెయ్యాలె.

సింహాలకు, పులులకు గూడ సర్కసులల్ల, మొబైల్ జూలల్ల మెడ తిప్పనీకిరాని బోనులల్ల పెట్టేటోళ్ళు. మేనక గాంధొచ్చినంక సర్కసులు, మొబైల్ జూలు బాన్ జేసింది. నిజాన్కి సారూ, మనదేశంల జీవాలకిచ్చినిలువ ఇంకేడ ఇవ్వకుంటుండెనంట. రామాయణంల, మహాబారతంల అందికి ఆధారాలు గూడున్నయ్. తర్వాతెప్పుడైన చెప్త. ఇయన్నీ మాకు చెప్తుండేంది మేమేమన్న సంపుతన్నమా, బోన్లల్ల బెడుతన్నమా అనుకుంటున్రా సారూ, మీరు గాపన్లుజెయ్యకున్నా చేసేటోల్లను మీరు సంజాయించగల్తరు. మీరు చికెనో, మటనో కొననీకి బోయినపుడు ఆడ కండిషన్లు ఎట్లున్నయో జర జూడున్రి. సరింగ లేనక్కడ కొనకుండ్రి. గది సాలు.  నా సంగతి సర్లెండిగాని మొన్నొక కోడి , మేక ఆళ్ళ మనోబావాలు చెప్పుకుంటుండగ రికార్డు జేసిన, కొంచెం కొంచెం నా సోదితో గలిపి ఈడనే ఇనిపిస్త, ఇనుండ్రి –

kodi meka 01

స’శేషం’

పవన్-కళ్యాణ్ కీ,సింహానికీ గడ్డం గీసుకోడంకంటే ఎక్కువ తేడాలున్నాయనీ….A sequel


పవన్ పేరు, సింహం పేరూ వాడుకుని పోస్టు మొదలుపెట్టి వాళ్ళ గురించి అస్సలు రాయకపోతే ఎలా? ఇవాళ వాళ్ళ గురించే రాద్దామని మొదలుపెట్టాను. ఏం రాస్తానో ఎంతవరకూ రాస్తానో ఇప్పుడే మొదటిలైన్లోనే పిక్చర్ రాదు. “మా”ర్క్ -ట్వైన్ గురువుగారు చెప్పినట్టు మొత్తం రాసే దాకా నువ్వేంరాయాలనుకున్నావో నీకే తెలియదు. పూర్తయ్యాక కానీ రాయటం మొదలవదు. అందువల్ల పెద్ద పెద్ద ప్లాట్లు వెయ్యకుండా మామూలుగా రాసుకుపోతా.

పవన్ ? (or) సింహం? ఎవరితో మొదలుపెడదాం? నాకు పవన్ కంటే సింహం గురించే కాస్త ఎక్కువ తెల్సు. దాని తోటే ముందు మొదలెడతా. ఈ సింహం ఉంది చూసారూ? ఒక్క గడ్డం విషయంలో తప్ప పవన్ కళ్యాణ్ తో ఏ విధమైన పోలికా లేదు. సినిమా కాబట్టి , సింహానికి ఉన్న ఇమేజిని బట్టి ఆ డైలాగ్- గడ్డం గీసుకోవడంలో తప్ప మిగిల్నవన్నీ సేమ్ టు సేమ్- వేసేశాడుగానీ పీకే కి సింహం విషయం తెలీకకాదనుకుంటా. పవన్ తనని తను సింహంతో కంపేర్ చేసుకున్నాడూ అంటే ఆ సింహం చేసుకున్న పుణ్యమేంటో, అదెంత గొప్పదై ఉంటుందో అనుకునేవాళ్ళు త్రిలింగదేశంలో చాలామందే ఉంటారు. త్రిలింగదేశం అంటే అన్-డివైడెడ్ ఆంధ్రప్రదేశ్ అనే- అని మాత్రమే- కవి హృదయం. త్రిలింగ అన్న పదం తెలంగాణాని మాత్రమే సూచిస్తుందని, తెలుగువాళ్ళున్న ఏరియా అంతటినీ అని, ఒక సామాజికవర్గం నివసించిన ప్రాంతం కనక ఆ పేరొచ్చిందని (తెలుగు అనే పదంకి దగ్గరగా ఉంటుందా సామాజిక వర్గం పేరు) రకరకాల థియరీలున్నాయ్ కానీ ఆర్యన్ ఇన్వేజన్ థియరీ వెర్సస్ ఆల్టర్నేటివ్ థియరీస్ లాగా ఇవి కూడా ఎప్పటికీ తెగేవికావు. తెగితే రాజకీయాలు ఆ మేరకి తగ్గి పోతాయి. సో, మనిషి మైండ్ లో రాజకీయ పురుగు బతికున్నన్నాళ్ళూ ఈ థియరీలు రాజ్యం చేస్తూనే ఉంటాయ్. సరైన పురుగుల మందు వాడితే తప్ప థియరీల ఆధారంగా రాజకీయాలు, వాటికి సంబంధించిన సకల దుష్పరిణామాలు తప్పవు. పురుగుల తీవ్రతని బట్టీ కొందరికి మందు నెత్తిన జల్లితే చాలు.
కొందరికి మాత్రం, అనకూడదు గానీ ,తాగించడమే దారి.
Let me return to the main topic, i.e. సింహం now. పవన్ ఎండార్స్-మెంట్ వల్ల గడ్డం గీసుకున్న సింహం టీ-షర్ట్స్ ఎవన్నా త్రిలింగ దేశంలో ఫాషన్ అయ్యాయేమో తెలీదు, తెలుగువాళ్ళు మరీ తమిళతంబిల్లా ఉండర్లెండి. ఇదే డైలాగ్ రజనీకాంత్ వేసుంటే టీ-షర్ట్స్, లుంగీలు + గడ్డం గీసేసిన సింహానికి ఓ గుడి రెడీ. మనకి, అంటే ఆర్డినరీ ఇండియన్ కి తెలిసిన సింహం కవిత్వాల్లో, రచనల్లో, సినిమా డైలాగుల్లో ప్రొజెక్ట్ అయిన, ఐమీన్ వర్ణించబడిన సింహం మాత్రమే. దాని వ్యక్తిగత జీవితం ఎవరికీ నాట్ జియో పాపులరయేదాకా తెలీదు. స్టింగ్ ఆపరేషన్స్ లో బయటపడ్డ ప్రముఖుల నిర్వాకాల్లా జుగుప్సాపూరితంగా ఉంటుంది.
> నంబర్ వన్ మేల్ షావినిస్ట్ & ఎక్స్టార్షనిస్ట్ ఇది. మేల్ షావినిస్ట్ పిగ్ అంటారుగానీ పిగ్ తీసేసి లయన్ అనడం న్యాయం. జీవితాంతం పెళ్ళాలతో పని చేయించడం, పిల్లల్ని కనడం, నిద్రపోవడం అంతే.
> ఫామిలీలో ఎదిగిన మగపిల్లల్ని తన్ని తగిలెయ్యడం, లేకపోతే చంపెయ్యడం
> వేరే మగ సింహాలతో సంపుడో-సావుడో బేసిస్ మీద పోట్లాడి, గెలిస్తే దాని ఫామిలీని సొంతం చేసేసుకోవడం. ఆపైన కొత్త ఫామిలీ లో అప్పటికే ఉన్న అడ, మగ పిల్లలన్నిట్నీ మర్డర్ చేసెయ్యడం.
ఇదీ మృగరాజు అసలు పర్సనాలిటీ. దీనిక్కారణాలు డిటైల్డ్ గా కావాలంటే నాట్ జియో వీడియోలు చూడాల్సిందే. ఆ కారణాలన్నిటికీ మూలం మాత్రం స్వార్ధం, కరుడుకట్టిన స్వార్ధం. తన జీన్స్ తప్ప లోకంలో ఇంకే సింహపు జీన్సూ , తన కొడుకులవైనా సరే, బతికిబట్టకట్టకూడదు. ఈ ఒక్క కారణం దాన్నో మేల్ షావినిస్ట్ పిగ్ గా బిహేవ్ చేయిస్తుంది. ఆడవి అష్టకష్టాలు పడి వేటాడిన జంతువుని సగం దాకా లాగించిగానీ వాటిని తిననివ్వదు. వేరే ప్రైడ్ ని టేక్-ఓవర్ చేసినప్పుడు అందులోని ఆడవి పిల్లలుంటే తనతో జతకట్టవనీ, ఫ్యూచర్లో తనకి పోటీ వచ్చే శత్రుసింహపు పిల్లలనీ వాటిని చంపేస్తుంది. బేసిగ్గా తను తప్ప ఇంకెవరూ కనిపించనివ్వని మాత్సర్యం . ఇంతటి సున్నితమనస్కమైన జంతువుతో పవన్, పోనీ అత్తారింటికి దారేదిలో హీరో-గౌతమ్ నందా, తనని పోల్చు కుంటే నాకు నచ్చలేదు. నేను పవన్ కళ్యాణ్ లాంటోణ్ణి, నేను డాన్సులు, ఫైట్లు చేస్తాను, అతను చెయ్యడు. మిగిలినవన్నీ సేమ్ టు సేమ్ అనేస్తే చాలు. సింహాన్ని ఎలివేట్ చెయ్యడం అనవసరం. అదో పవర్ఫుల్ యానిమల్. అంతేకాని ఉత్తమ గుణాలకి ప్రతీక కాదు.
నౌ, ద టైమ్ హాజ్ కమ్ టు ఎక్స్ప్లెయిన్ వాట్ ఐ యామ్ డ్రైవింగ్ ఎట్. వెయిట్ ఫర్ ద నెక్స్ట్ పోస్ట్. బై4నౌ 🙂

****

ఆ మెన్‌, ఆమెన్‌ చెరపట్టన్‌, మ్రోగెన్‌ నీ గన్‌, నా పెన్‌ ఆపెన్‌

నువ్వు రాయాలనుకున్నదేదో పూర్తిగా రాసాకగానీ నువ్వేం రాయాలనుకున్నావో క్లారిటీ రాదు, నిజానికి రాయటం అప్పుడు మొదలౌతుంది అని మార్క్ ట్వైన్ ఉవాచ. ఇదేదో ఆరుద్ర గారి ఫిలసాఫికల్ ఉవాచ – నేనెక్కాల్సిన రైలు ఒక జీవితకాలం లేటు – కి లిటరరీ ఈక్వలెంటులా ఉందే అనిపిస్తోందా? యూ ఆర్ రైట్. ఈ ఆర్టికిల్ ఇంతకుముందు పోస్ట్ చేసినప్పుడు ఆరుద్ర గారి పద్యం ఆధారంగా మృగాళ్ళని తిట్టడం నా ఉద్దేశం. రెండ్రోజులాగి రీ-బ్లాగ్ చెయ్యబోతూ ఎడిట్ చెయ్యడంలో రూపు మొత్తం మారిపోయింది.This is a ‘great’ writing experience for my smaaaaall self. ఎంతచెట్టుకి మొక్కకి అంత ‘గాలి’ మరి.

ఆరుద్ర పద్యం ఇదీ –

మెన్‌
ఆమెన్‌
చెరపట్టన్‌
మ్రోగెన్‌
నీగన్‌
నా
పెన్‌
ఆపెన్‌ (త్వమేవాహం పుట 36-37)
Your gun shoots and my pen stops the molesters that are after the helpless woman -ఇదీ మీనింగ్ . నాకున్న భాషా పరిమితుల్తో ఇంతకంటే బాగా రాయటం కుదరదు మరి.
ఆరుద్రగారి త్వమేవాహంలోదిట ఈ పద్యం. ఇవాళ విశాలాంధ్రలో చదివాను. ( ఇక్కడ కొంచెం పిడకల వేట – “ట” అన్న ఒక్క అక్షరం ఎంతగొప్పదో ఇప్పుడర్ధం అవుతోంది. పెద్ద పెద్ద వాక్యాలతో ఎక్స్ప్లనేషన్లూ, డిస్క్లైమర్స్ రాయవసరంలేకుండా జస్ట్ ఒక్క “ట” యాడ్ చేస్తే చాలు. విషయం మన సొంతం కాదని, ఆ పరిజ్ఞానం అంతకంటే లేదనీ చదివేవాళ్లకి తెల్సిపోతుంది. తిట్లు, విమర్శలు, వ్యాఖ్యలు వగైరాలతో శ్రమ పడకుండా మన్ని పెట్టకుండా లైట్ దీస్కుంటారు. తెలుగుభాషలోని సౌలభ్యాల్లో ఇది ఒకటి. ఇతర సౌలభ్యాలేమిటో నాకు తెలిసాక రాస్తాను. అప్పటివరకూ గరికపాటివారి ఉపన్యాసాలు వింటూ తెలుగు నిజంగా నేర్చుకుంటా. చిరంజీవి ఒకసారి , “ఈ సారి పార్లమెంటు సభలకొచ్చినపుడు హిందీ మే హీ బాత్ కరూంగా,” అన్నాడే అలా అన్నమాట.)
1949లో నిజాం/రజాకార్లకి వ్యతిరేకంగా జరిగిన తెలంగాణా సాయుధపోరాటం బాక్-గ్రౌండ్ తో త్వమేవాహం రాశారు. అని తెలుగు వికీపీడియాలో చదివి తెలుసుకున్నాను. ఈ డిస్క్లైమర్ ఎందుకంటే ఎవరైనా ఆరుద్ర గారిపై వ్యాఖ్యలు, చర్చలు మొదలుపెడితే ఇంక నా పని అంతే, అందుకే ఈ ముందు జాగర్త.
మరెందుకు ఈ రాయాలన్న దురద అంటే – ఇన్ ఫాక్ట్ నాకే అనిపిస్తుంది – writer’s itch అని ఒకటుంటుందిగా
When once the itch of literature comes over a man, nothing can cure it but the scratching of a pen. But if you have not a pen, I suppose you must scratch any way you can అని ~Samuel Lover, అన్న పెద్దమనిషి 1842లో అన్నాట్ట. పెన్ను కాకపోతే ఏదో ఒకదాంతో రాయమన్నాడుగా రాసేందుకు కీబోర్డు, రాయించుకునేందుకు బ్లాగు ఉన్నాయి కనక రాయడం అనిన్నీ,
An incurable itch for scribbling takes possession of many, and grows inveterate in their insane chests అని ఆంగ్లంలో జువెనాల్ అనీ, రోమన్ భాషలో డెసిమస్ లునియస్ లువెనాలి (Decimus Iunius Iuvenalis) అని పిలవబడ్డ రోమన్ కవి తన 2nd century AD బెస్ట్ సెల్లర్ the Satires లో అనటం వల్లనూ ఈ బ్లాగ్రచనా ప్రయత్నమను సాహసమునకు ఒడిగట్టితిని.

ఆరుద్ర గారి గురించే సరిగ్గా తెలియదు కానీ కొత్తగా శామ్యూల్ లవర్ & జువెనాల్ అంటూ పాత రచయితల్ని కోట్ చెయ్యడమేమిట్రా నీ మొహం తగలెయ్యా అంటే ఐ కాన్ట్ హెల్పిట్, రైటర్’స్ ఇచ్ ఇంత భయంకరమని నాకూ ఇప్పుడే తెల్సింది. అందుకే ఆల్ టైమ్ బెస్ట్ రైటర్ మార్క్ ట్వైన్ రచనాకండూతి గురించి ఏమన్నాడా అని గూగిలింపనంత ఈ క్రింది వాక్యముగానంబడియె –

The time to begin writing an article is when you have finished it to your satisfaction. By that time you begin to clearly and logically perceive what it is you really want to say అన్నాడు మార్క్ ట్వైన్.

ఆర్టికల్ మొత్తం చదివాక ఎక్జాక్ట్లీ గా (ఎందుకోగానీ కొందరలా అంటారు)అదే జరిగిందని పాఠకులు గ్రహింపగలరు. ఈ పోస్టు యొక్క మాతృక – ఇదీ ఆరుద్ర గారి పద్యానికి అర్ధం – చూడగలరు.

Now, ఎక్కువ టైము వేస్టవ్వకుండా డైరెక్టుగా పాయింటుకి వచ్చేస్తా –

పద్యం ప్రతిపదార్ధం కూడా కావాలా? ఐతే ఇదిగో :
= ఆ
మెన్ = మగవాళ్ళు (మృగాళ్లు అని చదువుకొన వలెను)
ఆమెన్ = చర్చిలో చెప్పే ఆమెన్ కాదండోయ్, ఆమెను అనగా ఆ స్త్రీని
చెరపట్టన్ = ప్రతీ సినిమాలోనూ దీనికి మీనింగు దొరుకును కావున ఇచట వ్రాయనవసరము లేదు.
నీ గన్ = ‘తుప్పా’ కి చేపట్టిన పోలీసులు (ఇప్పటి పరిస్థితుల దృష్ట్యా)
నా పెన్ = పత్రికలూ, రచయితలూ, కవులు, నటీనటులు ,ఎట్సెట్రా సామాజిక బాధ్యతగల వ్యక్తులు
ఆపెన్ = ఆపెదరు
ఆ మగవాళ్ళు (మృగాళ్లు అని చదువుకొన వలెను) ఆమెన్ (చర్చిలో చెప్పే ఆమెన్ కాదండోయ్) ఆమెను అనగా ఆ స్త్రీని చెరపట్టగా ‘తుప్పా’ కి చేపట్టిన పోలీసులు (ఇప్పటి పరిస్థితుల దృష్ట్యా), చట్టాలు చేసే నాయకులు పత్రికలూ, రచయితలూ, కవులు, నటీనటులు ,ఎట్సెట్రా సామాజిక బాధ్యతగల వ్యక్తులు (ఎంతమందికుందో డౌటు)ఆపెదరు (వీళ్ళందరూ పెన్ వాడతారు కదా)
ఇదీ తాత్పర్యం.

పద్యాలపై నా పరిజ్ఞానం సున్నాయే. అయినా పద్యంలోని విషయం మాత్రం మరిచిపోలేనిది. అలా మర్చిపోకుండా మనదేశపు పురుషాహంకారవరాహాలు (మేల్ షావినిస్ట్ పిగ్స్) రాత్రింబవళ్ళు శ్రమిస్తున్నాయి కదా మరి. ప్రస్తుతబాధేంటంటే ఆరుద్ర గారు కీచకులపై గన్ మోగుతుందని, పెన్ దురంతాల్ని అపుతుందని రాసారు కదా. ఏ గన్నూ మోగట్లెదు, ఏ పెన్నూ సరిగా రాయట్లేదు. రాజకీయ తుప్పు పట్టి, లీగల్ టాంగిల్స్ లొ చిక్కుకుని వంగిపోయిన గన్ను సరే మోగదు. రాయాల్సిన పెన్నుకీ బద్ధకం పట్టుకుంది. సెన్సేషన్స్, గాసిప్స్ , పాలిటిక్స్ లొ మసాలా మరిగి, రాయాల్సినవి, జాతికి కావాల్సినవి రాయడం మానేసింది. ఇంకోటి, మంచిని చదివి దానిని వంటబట్టించుకోవల్సిన జనానికీ మసాలాలు అలవాటు చేసింది.

మంచిని చెప్పాల్సినవాళ్ళు, మంచిని రక్షించాల్సినవాళ్ళు, మంచిని పెంచాల్సిన వాళ్ళు – పెన్నూ, గన్నూ, మెన్నూ – ఎవరూ కవి వాక్యాన్ని నిలబెట్టరా?

{నిన్నటి న్యూస్, కలకత్తాలో కొందరు దరిద్రులు ఓ డెబ్భై రెండేళ్ళ వృద్ధురాలిపై ప్రతాపం చూపించారు. ఈ ఆర్టికల్ మీకు నచ్చితే, మానవత్వం మర్చిపోయిన ఆ రాక్షసులు-సారీ రాక్షసులకి మానవత్వం ఎందుకుంటుంది? – ఆ filthy beasts త్వరలో పెన్ & గన్ చేపట్టిన అసలైన మెన్ చేతుల్లో నశించాలని కోరుకోండి.ఇక్కడ చెప్పిన డెబ్భైరెండేళ్ళ నన్ పై జరిగిన దారుణం రాజకీయ రంగు వేసుకుంటోంది, మరో పక్క పేపర్లలో అత్యాచారాల న్యూస్ సీరియల్ లా ప్రతిరోజూ వస్తూనే ఉంది. ప్చ్!}

_/\_Hi! Than-Q 4 UR patience 🙂 UR  feedback helps me write better _/\_