Category: నో.వా.చే.రా

మామిడిముక్క, మిరపమొక్క, ఆవగింజ, పప్పునూనె, ఉప్పురాయి కాదేదీ కవితకనర్హం😋😋😋


వోట్ల తాంబూలం ఇచ్చేశాం, ఇంకో ఐదేళ్ళ పాటు పార్టీలు, ప్రభుత్వాలూ తన్నుకు చావడానికి.

ఆ అధ్యాయం మే 23 నుంచీ మొదలయ్యేలోపు మనం ఎంజాయ్ చెయ్యాల్సిన వాటిలో మొదటిది ఆవకాయ సీజను. ఉగాది తరవాత వచ్చే పండగ వినాయక చవితి అనుకుంటాం కానీ మధ్యలో వచ్చే ఆవకాయ సీజన్ కి పండగ అనేంత ఇంపార్టెన్స్ వున్నా ఎందుకో ఆ స్టేటస్ ఇవ్వలేదు ఈ దేశం. తరతరాలుగా ఆంధ్రజాతికి జరిగిన అవమానాల్లో ఇదొకటి. మొదటి అవమానం విశ్వామిత్రుడు తన కొడుకుల్లో కొందరిని మీరు ఆంధ్రభృత్యులై పోతారు పొండి అని శపించడం. (మహాభారతంలో చదివా, మనకి స్పెషల్ స్టేటస్ రాపోడానికి, విశ్వామిత్రశాపానికీ ఏమన్నా లింకుందేమో?). ఇంత జరిగినా మన తెలుగువాళ్ళని తెలుగుతేజాలు అని ఈ రోజు అనగలుగుతున్నామంటే ఆ క్రెడిట్ చాలా మటుకు ఆవకాయకే వెళ్తుంది. ఆంధ్రులకి ఆవేశం వుందనే సంగతి ఏడాది పొడుగునా గుర్తు చేసేందుకు ఆవకాయ తప్ప ఇంకెవరూ కనిపించట్లేదు మరి. అందుకే ఆవకాయకి ఈ పోస్ట్ అంకితం.

ఉగాది రాగానే కోయిల కూతతో మనకి వసంతం వచ్చిన సంగతి తెలుస్తుంది కానీ ఆవకాయ సీజన్ని ఆహ్వానించే పక్షి కూత ఏదీ ప్రత్యేకంగా వున్నట్టు లేదు. కానీ, ప్రకృతి మాత్రం కూతలకి బదులు కవితలు అల్లుతుంది, నిశ్శబ్దంగా. అలాంటి కవితలు –

చెవులుండే మనసుకి వినిపించవు.

ౘవులుండే నాలుకకే వినిపిస్తాయి.

అలాంటి కవిత నిన్న నా నాలుకకి “వినబడింది”. అలా👇.

ఎక్కడో విన్నట్టుందే అని కిందామీదా పడక్కర్లేదని వేరే చెప్పట్లేదు. ఎందుకంటే, శ్రీశ్రీగారి విప్లవం ఎంత ఎర్రగా వుంటుందో ఆవకాయ విప్లవం అంత ఎర్రగా, కొంచెం ఎక్కువ ఘాటుగా వుంటుంది కదా? అందుకు!

మనం సామాజిక విప్లవాలు మర్చిపోయి దశాబ్దాలు అవుతున్నట్టు వుంది. ప్రస్తుతానికి ఆవుపాలు, బిప్లబ్ దేబ్ లు, ‘అంబా🐄….’నీలు …. ఇవే మనకి విప్లవాలు. వాటిలోలేని ఫైరూ, పవరూ ఆవకాయలోనే చూసుకోవాలింక. చూసుకోండి, ప్రకృతి తనలోని ఒకో భాగంతో ఒకో విధంగా ఆవకాయ సీజన్ని ఎలా ఆహ్వానిస్తోందో –

మామిడిముక్క, మిరపమొక్క, ఆవగింజ, పప్పునూనె, ఉప్పురాయి కాదేదీ కవితకనర్హం అనేది పాతపాట. నిజానికి అవన్నీ దేనికదే ఒకో కవిత. ఆ కవితలన్నీ కలిసిన ఖండకావ్యం ఆవకాయ. ఆనెస్ట్లీ, ఖండకావ్యాలు అనే కావ్యాలుంటాయని తెలుసు, కానీ అవేంటో మనకి తెలీదు. నాకున్న మిడిమిడి జ్ఞానానికి అందినంత మటుకు ఆవకాయకి ఖండకావ్యం అనేపేరు సరిగ్గా సరిపోతుంది. మావిడికాయల ఖండాలు  (=ఆవకాయబద్దలు😋) నిండి, శ్రీశ్రీ కవితల్లో వుండే ఫ్లో కి ఇంచుమించు సరిసాటి ఐన ఊట ప్రవహించే కావ్యంలాంటి ఆవకాయని ఖండకావ్యం అంటే తప్పేవుంది? ఏంలేదు.

ఇవాళ్టికి ఇంతే🙂సంగతులు.

బై4నౌ 🤗

పిట్ట🐥రెట్టాలజీ ప్రిడిక్షన్స్ ఫర్ సెంటర్-స్టేట్ రిలేషన్స్ & ఇండో-పాక్ రిలేషన్స్ ఆఫ్టర్ 23 మే 2019


ఈ పోస్ట్ పబ్లిషయ్యే టైముకి ఆంధ్రాలో ఎలక్షన్ హడావిడి – సారీ, వోటింగ్ హడావిడి పూర్తై పోవచ్చు. టపా పూర్తి చెయ్యగలనో లేదోననే భయం లేకుండా మహిమగల ఎన్నికల కమిషన్ వారు తమకంటే మహిమగల EVM లు

Ennoచోట్ల

Voటు యంత్రాల

Moరాయింపులు – ఏర్పాటు చేసి, ఇంకోరోజు కూడా వోటింగ్ జరిగే అవకాశం కల్పించారు. {పిట్టరెట్టాలజీ గురించి ఏమైనా మిస్సైనట్టు అనిపిస్తే ఇదిగో ఇది చదవండి ద సైన్స్ ఆఫ్ పిట్టరెట్ట జోస్యం & ద ఇంపాక్ట్ ఆఫ్ ఎ పొలిటికల్ పిట్టరెట్ట.} సరే!ఎన్నికల(ల) ఫలితాలు బైటికొచ్చేలోపు –

పార్టీల ప్రగల్భాలు, పరస్పర నిందారోపణలతో

ఎగ్జిట్ పోల్స్ తో

ఎగ్జిట్ పోల్స్ మీద ‘ఛా’నెళ్ళ డిబేట్లు, మేధావుల ఎనాలిసిస్సులతో

పైవాటన్నిటిని కలిపి ఎనలైజ్ చెయ్యగా అనిపించిన దాన్ని తమ తమ ప్రియతమ పార్టీల విజయాల్ని సూచించేలా మలిచి అందుకు  తగ్గట్టు గవ్వలనీ, గువ్వలనీ, గ్రహాల్నీ కిట్టించి మొత్తమ్మీద దేశ+రాష్ట్ర భవిష్యత్తుల్ని తేల్చి పారేసే future – gazerల భవిష్యవాణులతో మనకి మంచి కాలక్షేపం.

ఈ 2019 ఎన్నికల స్పెషాలిటీ ఏంటంటే పైన చెప్పిన ఫ్యూచర్ ప్రిడిక్షన్ టెక్నాలజీలన్నిటికంటే ఎక్యురేట్-గా ప్రజా తలరాతలని చదవగల పిట్టరెట్ట శాస్త్రం మనకి అందుబాటులోకి వచ్చింది. ఈ శాస్త్రం ప్రకారం వచ్చే ఐదేళ్ళలో ఏ పార్టీ / ఏ స్టేటు / ఏ దేశం / etc etc etc నెత్తిన పిట్టరెట్ట పడనుందో పరిశీలించడమే ఈ టపా యొక్క లక్ష్యం.
ముందుగా మనం మూడు సినేరియోలు పరిశీలించాలి.

ఒకటి – సెంటర్లో BJP, ఏపీలో రూలింగ్ TDP అప్పోజిషన్ YCP & జనసేన .
రెండు – సెంటర్లో BJP, స్టేట్లో రూలింగ్ YCP, అప్పోజిషన్ TDP & జనసేన
మూడు – సెంటర్లో BJP, స్టేట్లో రూలింగ్ జనసేన, అప్పోజిషన్ TDP &  YCP

(ప్లీజ్ నోట్, BJP అంటున్నాం, NDA కాదు. సపోజ్, ఫర్ సపోజ్, BJPకి 2014లోలాగా ఫుల్-మెజారిటీ వచ్చేసి మళ్ళీ 56 అంగుళాల ఛాతీ విరుచుకుంటూ ప్రభుత్వం ఏర్పాటు చేస్తుందనే నేపధ్యంలో ఆనమాట.)
ఒకటో సినేరియో ఏంటంటే మళ్ళీ చెంబుడు నీళ్ళు, గుప్పెడు మట్టే. పవర్లో వున్న TDP నెత్తిన, దేర్ ఫోర్, ఏపీ నెత్తిన పిట్టరెట్ట తప్పదు. ఆస్థాన జోతిష్కులు ఏం చెప్పినా గ్రహాలన్నీ పడనున్న పిట్టరెట్టకి తగ్గట్టు తమ తమ స్థానాలని జాతకచక్రంలో ఎడ్జస్ట్ చేసుకోవాల్సిందే. తప్పదు ☝️ .
ఈసారి YCP వారు అసెంబ్లీ ఎగ్గొట్టి పాదయాత్రలు చేసుకోడం ఆపేసి TDP ప్రభుత్వాన్ని పడగొట్టే ప్రయత్నాలు షురూ చేస్తే కేంద్రలోవున్న BJPట్ట సరైన టైములో సరైన _ట్ట వేసి సహకరించే అవకాశాలు బాగా వున్నాయి. అంతేకాక, ఇప్పటికే ఐదేళ్ళనుంచీ BJPట్టరెట్టల్లో ఉక్కిరిబిక్కిరౌతున్న TDPట్టలు కొన్నైనా ఇటుపక్కకి వాలచ్చు. గ్రహాలని ఆ ప్రకారం ఎడ్జస్ట్ చేసే వ్యవహారం కేంద్రానికి, కేసీఆర్-గారికీ అప్పచెప్పవచ్చు. ఇవన్నీ కుదరవు అనుకుంటే అసెంబ్లీ బాయ్-కాట్ చేసి పాదయాత్రలు చేసుకునే ఆప్షన్ ఉండనే వుంది.
YCP వారు TDP ప్రభుత్వాన్ని పడగొడతామంటే మరి జనసేనాని చూస్తూ వూరుకుంటారా? అంటే ఆయనది ఒరిజినల్లీ పంచవింశతి వర్ష ప్రణాళిక (అంటే పంచ-పంచవర్ష ప్రణాళికకి 5×5, నెహ్రూగారిని మించిపోయారు కదా PKగారు.) కాబట్టి బ్రేక్ తీసుకుని సినిమాలు చేస్తారా? ఇంకేమన్నా చేస్తారా? అనేదానిపై పిట్టరెట్ట శాస్త్రానికి ఇంకా అంచనా రాలేదు.

Let us now look at సినేరియో రెండు. స్టేట్‌లో YCP రూలింగ్ . అప్పోజిషన్ TDP & జనసేన. ఇన్నాళ్లూ వైసీపీకి వోటేస్తే బీజేపీకి, టీఆరెస్సుకీ వోటేసినట్టే అని జరుగుతున్న ప్రచారం నిజమో కాదో తేల్చేసే సినేరియో ఇది. ప్రచారం నిజమైతే (నిజమైతేనే సుమీ!!) మళ్ళీ ఏపీ నెత్తిన ఒకటి కాదు రెండుపిట్టలు – BJPట్ట & TRSPట్ట – వేస్తాయి రె _ లు. ఆ రె _లు ఏ రూపంలో పడతాయంటే –

యూట్యూబులో, వాట్సప్పులో, బ్లాగుల్లో, గూగుల్లో ఎందెందు వెతికి చూచిన అందందే గలదిన్ఫర్మేషను వినే/చూచేవారుంటే.

🤣

ప్రచారం నిజం కాకపోతే? మూడు విధాలుగా ఏపీ మీద రె _ లు పడచ్చు. సెంటర్ పిట్ట, పొరుగురాష్ట్రపు పిట్ట ఎవరి ఎజెండా వాళ్ళు కంటిన్యూ చేసి యధాశక్తి ఏపీ ప్రజల నెత్తిన పి.రె.లు కురిపించే అవకాశాలు మస్తు. ఇంకోపక్క, BJPట్ట, YSRCPట్టని మింగేసి (అంటే విలీనం చేసేసుకుని) ఏపీ మీద ఇన్-డైరెక్టుగా రెట్టలేసే ప్లానులో కూడా ఉన్నట్టు పిట్టరెట్టలజీ అనుమానిస్తోంది. ఇలాంటి రకరకాల పి.రె.లన్నిట్నీ వుడ్-బి సి.ఎం. తట్టుకుంటాడో, తిప్పికొడతాడో వెండితెరపై చూడాల్సిందే. కానీ వుడ్-బి సి.ఎం. కి వున్న క్వాలిఫికేషన్ and/or అమ్యునిషన్ ఏంటంటే మడమ తిప్పని మొండితనం. మొండివాడు రాజుకంటే బలవంతుడు. మొండివాడే రాజైతే? ఇంకా ఊహించద్దు. ఇప్పుడే ఊహించేస్తే వచ్ఛే ఐదేళ్లూ సస్పెన్స్ ఉండద్దూ?

నెక్స్ట్,,,, సినేరియో మూడు. ప్రస్తుతానికి ఈ సినేరియోని అలా వదిలెయ్యండని గవ్వలూ, గ్రహాలూ, అంకెలూ, … కాళ్లావేళ్లాపడి – “మీరు ప్రిడిక్షన్ ఇచ్చేశాక పడబోయే పి.రె.లకి తగ్గట్టు అంత ఫాస్టుగా, అన్నిసార్లు మా పొజిషన్లు మార్చుకోలేం, ఈసారికి మమ్మల్ని వదిలెయ్యండి. అనుకున్న పాతికేళ్లలో ఇంకా ఇరవై మిగిలేవున్నాయి కదా,”అంటూ వేడుకుంటున్నాయి. “సరే! ఇప్పుడైనా అర్థమైందా పి.రె.శాస్త్రం పవరేంటో? ఇంత వేడుకుంటున్నారు కాబట్టి గ్లాసుకి పవరొచ్చే వరకూ ప్రిడిక్షన్స్ హోల్డ్ లో వుంచుతాను. వచ్చాక మాత్రం ఒక్క క్షణం కూడా ఆగ,”నని గ్రహాలకి మాటిచ్చేశా. ఐనా ఆ మాట కొంచెం తప్పి కింగ్-మేకర్ కానీ వోట్-చీల్చర్ కానీ అవుతాడనుకుంటున్న PKగారు అనుకోకుండా ఎవరి సపోర్టు అవసరంలేకుండానే సి.ఎం. ఐపోతే ఏ.పి. మీద చాలా పి.రె.లు పడతాయని అనుకోడానికి పెద్దగా గ్రహాలూ/శాస్త్రాలతో కుస్తీ పట్టక్కర్లేదు. రాజకీయాల్లో కానీ, ఎడ్మినిస్ట్రేషన్ లో కానీ అస్సలు ఎక్స్పీరియెన్స్ లేదు కనక, ఆయన తన చుట్టూ JD, JP,లాంటి వారిని పెట్టుకుని, వాళ్ళని హర్ట్ చెయ్యకుండా మనం ఎక్స్పెక్ట్ చేసినట్టు పాలిస్తే BJPట్ట, TDPట్ట, YSRCPట్ట, TRSPట్ట, అభయ✋ హస్తం పిట్టలు ఎన్ని రెట్టలేసినా PKని ఏం పీకలేవని పెద్ద ఎన్ఠీఆర్ ఎదుర్కున్న ఆగస్ట్’84 వెన్నుపోటు ఎపిసోడ్ ని బట్టీ అర్ధం చేసుకోవచ్చు.

ఇప్పుడో చిన్న ట్విస్టు. సపోజ్, ఫర్ సపోజ్, బీజేపీకి ఫుల్ మెజారిటీ రాక, మోడీగారు నిన్నో మొన్నో అన్నట్టు ఒక్క ఎంపీ వున్న పార్టీతోనైనా పవరుకోసం చేతులు కలుపుతాం అన్న మాటకి తధాస్తు దేవతలు తధాస్తు అనేశారనుకోండి. అప్పుడు ఎన్.డి.య్యే. సంకీర్ణ ప్రభుత్వమే వచ్చిందనుకోండి. లేదా గడ్కరీ పీ.ఎమ్. అయ్యారనుకోండి. అప్పుడు పి.రె. ప్రిడిక్షన్స్ లో డ్రాస్టిక్ ఎడ్జస్టుమెంట్లు చేయాల్సి వస్తుంది. చేద్దాం. మోస్ట్ ప్రోబబ్లీ, ఆ సిట్యుయేషన్ రాదు.

పైవన్నీ కాక కేంద్రంలో యూ.పీ.యే. వచ్చేసి – కాంగ్రెస్ సొంతంగా వస్తుందేమో అనే మాట తలచుకుంటేనే పిట్టలకి constipation వచ్చేసి శాస్త్రం ఈ.వీ.ఎం.లా మొరాయిస్తోంది, సో, యూ.పీ.ఏనే పవర్లోకి వస్తే అన్న సినేరియోనే కన్సిడర్ చేస్తున్నాం. అప్పుడు కూడా ఎడ్జస్టుమెంట్లు చెయ్యాలి. అప్పుడు ఏ.పీ. ప్రజల మీద కాకుండా టీడీపీ మీదే పడేలా అభయ✋ హస్తం పి.రె.లని టీడీపీ వైపు తోస్తూ ఉంటుంది. అంతకంటే ఏమైనా ఘనకార్యం చేస్తుందనుకుంటే పప్పులో, కాదు నిప్పులో, కాదు కాదు కాదు పి.రె.లో కాలేసినట్టే. స్టేట్లో ఒక్క సీటైనా లేకుండా, బాబు కొన్ని సీట్లైనా ఇస్తారనే నమ్మకం లేకుండా కాంగ్రెస్ టీడీపీకి క్రెడిట్ రానిస్తుందా? నివ్వదుగాక నివ్వదు.

ఇహపోతే, సెంటర్లో యూపీయే/కాంగ్రెస్, స్టేట్లో వైసీపీ వస్తే? TDPట్ట, చేతి✋వాటంపిట్ట కలిసి YCPట్ట మీద పడాల్సిన పి.రె.లని మేనేజ్ చేస్తాయి. అంటే బీజేపీ హయాంలో స్టేటు మీద ఏవైతే పి.రె.లు పడ్డాయో ఇంచుమించుగా అవే పడే అవకాశాలు మస్తు. కొసరుగా పొరుగు తెలుగు రాష్ట్రానికీ ఇవే “బెనిఫిట్స్” అందేలా చూడడం TDPట్ట, చేతి✋వాటంపిట్టల ప్రయారిటీ అవుతుంది. లాజికల్ గా లేదూ?
ఇవండీ పిట్ట 🐥 రెట్టాలజీ ప్రిడిక్షన్స్ ఫర్ సెంటర్-స్టేట్ రిలేషన్స్ ఆఫ్టర్ 23 మే 2019.

ఇప్పుడు స్పెషల్ గా చెప్పాల్సిన ప్రిడిక్షన్స్ కొన్ని వున్నాయి. మొదటగా ప్రజాశాంతి గురించి. వీరికి ఏ పిట్టరెట్టల భయమూ లేదు. ఎప్పటికీ. అందుకేగా ఏ పిట్టకీ దొరక్కుండా వాటికి పైన హెలికాప్టర్లో విహరిస్తూ వుంటారు. నిజానికి స్టేటు మీద కానీ, స్టేట్-రూలర్స్ మీదకానీ ఏ రెట్టలూ పడకుండా నిరంతరం ట్రంప్ తో, ఆ ప్రభువుతో చర్చలు జరుపుతూ స్టేటునీ, కంట్రీని కూడా నిరంతరం రక్షిస్తూ వుంటారు. పిట్టరెట్టాలజీకి అందనంత మహిమ కలవారు. వారికి భవిష్యత్తు చెప్పే సాహసం ఈ శాస్త్రం చెయ్యదు.

Next, ఇప్పుడు విదేశాలపై పిట్టరెట్టల ప్రభావం ఎలా ఉండబోతోందో చూద్దాం. ఇప్పుడు విదేశాల అధ్యక్షులందరూ మళ్ళీ ఇంకో ఐదేళ్లపాటు భారత ప్రధాని కౌగిలింతలు భరించడం లేదా తప్పించుకోడం ఎలాగా అని హడిలి ఛస్తున్నారనీ, ఎమర్జెన్సీ మీటింగ్స్ పెట్టి చర్చించుకోవడం మొదలుపెట్టారని, మే 23 లోపు ఏదో ఒక నిర్ణయం తీసుకు తీరుతారని శాస్త్రం సూచిస్తోంది. ఈ చర్చల్లో భాగంగా గడ్కరీ పీ.ఎమ్. అయితే ఆయన గ్రీటింగ్ మెథడ్స్ ఎలా వుంటాయనే దానిమీద కూడా దేశాధినేతలంతా సమాచారం సేకరిస్తున్నారట. నిజానికి వాళ్లకి ఇంకో కన్సర్న్ కూడా ఉందిట, రాహుల్ మహాశయుడు ప్రధాని అయిపోతే (కొంపదీసి) ఆయన విదేశీ నేతలకి కన్ను😉కొట్టి, ముద్దులు 😚 పెట్టే ఉద్దేశాలేమైనా ఉన్నాయా అని కూడా ఆరా తీస్తున్నారని కూడా శాస్త్రం పసిగట్టింది. ఒక్క పాక్- ప్రధాని మాత్రం ఈ విదేశీనేతలతో ఏకీభవించట్లేదు.

Lastly, నిజానికి ఇమ్రాన్-ఖాన్ మన పీ.ఎమ్.ని ఘాఠ్ఠిగా కౌగిలించేసుకోవాలని డిసైడ్ అయ్యారనీ, లేకపోతే ఇండియా పంపే మిసైల్ పిట్టల రెట్టలు తట్టుకోడం తనవల్ల కాదనీ పాక్ మిలట్రీకి తేల్చి చెప్పేశారని కూడా శాస్త్రం కుండబద్దలు కొట్టింది. అసలు నిన్న మోడీ వస్తేనే ఇండియా-పాక్ శాంతి చర్చలకి మంచి అవకాశం ఉంటుందని ఇమ్రాన్-ఖానులవారు సెలవిచ్చిన కారణం కూడా మిసైల్ పిట్టరెట్టలకి ఝడుసుకునే అని పిట్టరెట్టాలజీ చెబుతోంది. ఇప్పటివరకూ టెర్రరిస్ట్ ఎటాక్స్ జరిగినప్పుడే సర్జికల్ స్ట్రైక్స్ చేస్తూ వచ్చిన పొరుగు ప్రభుత్వం ఇంకొంచెం రాటుదేలి తమకి దేశంలో అప్రూవల్ రేటింగ్స్ తగ్గినప్పుడూ, అలాగే రఫాలే విమానాలు దేశంలో దిగాక వాటి గొప్పతనాన్నీ, ఆ విమానాల రిపేర్లకీ, మెయింటెనెన్స్ కీ కాంట్రాక్టు తీసుకున్న అ.అం.గారి పనితనాన్నీ నిరూపించడానికి సర్జికల్ రెట్టలు వేసే అవకాశం పుష్కలంగా ఉందనీ, పాక్ గూఢచారి వర్గాలు బేజారెత్తిస్తున్నాయని, హడలగొడుతున్నాయనీ పిట్టలు ఘోషిస్తున్నాయి.

అవీ బ్లాగ్-వీక్షకులారా 2019 ఎన్నికల ఫలితాలు. ఏ.పీలో ఎన్నికలు అయిపోయాయి కాబట్టీ, ఏ.పీ. కన్న ఎన్ని కలలు నిజమౌతాయో ఇప్పటికీ క్లారిటీ లేదు కాబట్టీ పై ప్రిడిక్షన్స్ చూసి ఝడుసుకున్నా, భోరుమన్నా, తిట్టుకున్నా ఇంకో ఐదేళ్ల వరకూ ఏం లాభం లేదు. సో, ప్రస్తుతానికి జరిగినవాటికీ, మే 23లోపు జరగబోయేవాటికీ నవ్వుకుందాం. మళ్ళీ 2024లో తడాఖా💪🏻 చూపిద్దాం.

పిట్టరెట్టాలజీ గురించి ఏమైనా మిస్సైనట్టు అనిపిస్తే ద సైన్స్ ఆఫ్ పిట్టరెట్ట జోస్యం & ద ఇంపాక్ట్ ఆఫ్ ఎ పొలిటికల్ పిట్టరెట్ట

ఇంతే🤗సంగతులు✍🏽. బై4నౌ✋🏻😎.

పొలిటి “కలర్స్” ఆఫ్ హోలీ 2019


హోలీ పండగ ఇవాళ ఒక్క రోజే. రాజకీయ రంగుల పండగ ప్రతి రోజూ. దాంతోపాటే రాజకీయ రంగులరాట్నం కూడా.

హోలీ రంగులు రోజంతా చిమ్ముకున్నా చివరికి అన్నీ కడిగేసుకుంటారు. పొలిటి “కలర్స్” పోవాలంటే మాత్రం ఫిరాయింపు “స్నానం” చేస్తేనే కానీ కుదరదు. పొలిటీషియన్లకి తప్పదేమో కానీ, పవరొచ్చాక ప్రజలని పాత రాజకీయ రంగులంటించి చూడకుండా వుంటే …..

వాళ్ళలా వుంటారా, వుండరా అనేది, “రంగుల “సినిమా”లు చూపించడం ఆపి పని చెయ్యండ్రా,” అంటూ జనం హుంకరిస్తే కానీ తేలదు.

ఇంతే సంగతులు.

హాపీ హోలీ 🌈

xxx కాండోమ్స్‌కి మాన్యుఫాక్చరింగ్ డిఫెక్ట్ వల్ల …..


ఒక స్వతంత్ర దేశంలో –

దేశ సరిహద్దుల అవతలున్న శత్రువులకి సరిహద్దుల ఇవతలున్నవాళ్ళు ఏదో ఒకరకంగా సాయం చేస్తే దేశద్రోహం

బయట్నించి ఎటాక్ చేసే శత్రువుతో యుద్ధాలు చేసి శత్రుసైనికుల్ని చంపడమో చావడమో చేస్తే దేశభక్తి.

పుట్టుటయు నిజము, పోవుటయు నిజము నట్ట నడిమీ పని నాటకమూ అన్నట్టు పై రెండు డెఫినిషన్లూ కాక దేశంలో జరిగే ఇతర వ్యవహారాలేవీ దేశభక్తి/ద్రోహం పరిధిలోకి రావనుకుంటే ఈ ఇరవైయ్యొకటో శతాబ్దంలో సరిపోతుందా?

ఇప్పుడీ అసందర్భ ప్రసంగం ఏంటీ అనిపిస్తోందా? అసందర్భం కాదండోయ్!! ఎందుకంటే —

ఎవరు దేశభక్తులు? ఎవరు దేశద్రోహులు? ఈ డిబేట్ దేశంలో బాగా ఎక్కువైపోయినట్టుంది ఈ మధ్య.

ఈ మధ్య అంటే మరీ అంత ఈ మధ్యేం కాదు ..

2014 -15 మధ్య కాలం నుంచీ …

ఎంత ఎక్కువైందంటే నాలాంటి సామాన్యులక్కూడా భక్తులకీ, ద్రోహులకీ మధ్య డిఫరెన్స్ ఏంటా అని డౌట్లొస్తున్నాయ్. మేధోమధనాలు చెయ్యాల్సి వస్తోంది.

ఐతే, కొన్ని రకాల మనుషుల్ని ఎలా క్లాసిఫై చెయ్యాల్నో తెలవడం లేదు.

ఫరెగ్జాంపుల్,

వోట్లకోసం జనాల్ని రకరకాలుగా చీల్చేసి – దీన్ని మోడర్న్ భాషలో సోషల్ ఇంజినీరింగ్ అనాలి(ట) – ఆ దారిలో పవర్ సంపాదించి అప్పుడు జెండావందనాలు చెయ్యడం

డబ్బుల్తో వోట్లు కొని, గెల్చి, ఆపైన రాజ్యాంగం సాక్షిగా ప్రమాణ స్వీకారాలు చెయ్యడం

డబ్బులు, తాయిలాలకి వోట్లమ్ముకోడం 

సినిమాహాల్లో జనగణమన వచ్చినప్పుడు ‘దేశభక్తి’తో లేచి నుంచుని, తెల్లారితే ఆఫీసుల్లో లంచాల పంపిణీలో పాలుపంచుకోడం 

రాజకీయ అవసరాల్ని బట్టీ దర్యాప్తుల్నీ, దర్యాప్తు సంస్థల్నీ , కోర్టుల్నీ పక్కదారి పట్టించడం

తమ పార్టీకి వోట్లేసేవాళ్ళకే ప్రభుత్వ తాయిలాలు అందేలా మేనేజ్ చెయ్యడం

ఏ వరాల కోసమో తీర్పుల్లో మార్పులు చెయ్యడం; తీర్పులో మార్పుని బట్టీ కోరుకున్న వరాలివ్వడం (ఆహాహా!! అలా చేస్తున్నారని కాదు, ఒకవేళ ఎవరైనా అలాంటి పని చేస్తే ఎలాగా అని మన ప్రశ్న !!) 

ఎవరు ఎవరికి వోట్లెయ్యబోతున్నారో ముందే తెల్సేసుకుని వోటర్స్ లిస్టులోంచి వాళ్ళ పేర్లు తీయించెయ్యడం

ఆడపిల్లల్ని పుట్టకముందే చంపేసి ఒక జాతి మనుగడకి అత్యవసరమైన ఆడ, మగ సెక్స్ రేషియోని పాడుచేసెయ్యడం (ఇవాళ ఇంటర్ నేషనల్ విమెన్స్ డే నాడు ఈ పాయింట్ తప్పక గుర్తు చేసుకోవాల్సినది)

చట్టసభల్లో అనవసర రాద్ధాంతాలతో చర్చలకి అడ్డుకట్ట వెయ్యడం

…….. ……. ……. మొత్తం లిస్టంతా నేనొక్కణ్ణే ఎక్కడ రాస్తాను ?? అందరికీ అవకాశం ఇస్తా … 

చాలా యేళ్ళ క్రితం ఏదో నవలలో (పేరు గుర్తు రావట్లా) చదివినట్టు గుర్తు, ఒక కారెక్టర్, “xxx కంపెనీలో తయారయ్యే కాండోమ్స్‌కి మాన్యుఫాక్చరింగ్ డిఫెక్ట్ వల్ల చిన్న రంధ్రం పడుతుంటే, అది తెలిసికూడా రెక్టిఫై చెయ్యకపోవడం అంత నేరం, దేశద్రోహం ఇంకోటి వుండదు,” అంటుంది. జనాభా ముప్ఫై కోట్లున్నప్పుడు మన దేశమంత పెద్ద దేశంలో అదో నేరం కాకపోవచ్చు.  కానీ జనాభా నూటాముప్ఫై కోట్లయ్యాకా?

ఆలోచించాల్సిన విషయమేగా!?!?

ఇలాంటివే ఆలోచించి ఐడెంటిఫై చెయ్యాల్సిన 21st సెంచరీకి సూటయ్యే దేశభక్తి / దేశద్రోహం డెఫినిషన్స్ ఇంకా  చాలా వుండొచ్చు…
కొత్త కొత్త రకాల దేశభక్తులేంటో గుర్తించడం ఆలీసం ఐనా పర్లేదు కానీ లేటెస్టు దేశద్రోహ పద్ధతులేంటో గుర్తించడం తక్షణకర్తవ్యం.

తక్షణకర్తవ్యం!!! ఎవరికి?

దేశభక్తులకి + మేం (మేమే) దేశభక్తులం అనుకునేవాళ్ళకి + దేశద్రోహులంకాము అనుకునేవాళ్ళకి….

… అని నేననుకుంటున్నా.

రాజకీయం అన్నాక అడ్డదార్లు తొక్కడం, తిమ్మిని బమ్మి చెయ్యడంలాంటివి తప్పవు అవన్నీ దేశద్రోహం అంటే ఎలా? అని అనిపించచ్చు. ఇన్‌ఫాక్ట్, రాస్తుంటే నాకూ అనిపించింది.
అడ్డదార్లు తొక్కడం; తిమ్మిని బమ్మి చెయ్యడం; నందిని పందిగా, పందిని నందిగా చూపించడం, … ఇవన్నీ రాజకీయాలకే పరిమితం ఐతే ఓకే అవ్వచ్చేమో కానీ ఇదంతా ప్రజలక్కూడా అవినీతిని అలవాటు చేస్తుంటే???
అసలే దేశమంటే మట్టి కాదోయ్, దేశమంటే మనుషులోయ్ అని తెగ పాడేసుకునే వాళ్ళం ఆ మనుషుల క్వాలిటీయే మారిపోతుంటే ఆ మాత్రం  అనుకుకోకుండా ఉండగలమా??

ఇంతేసంగతులు.

బై 4నౌ.

ఇండో-పాక్ వార్ వస్తుందా? రెండు దేశాలూ ఆటం బాంబులు విసురుకుని…!?!? వామ్మో!నిద్ర పట్టట్లేదు😴😴😴


ఫిబ్రవరి 14 నుంచీ ఈ రోజు సాయంత్రం వరకు కంటి మీద కునుకు లేదు.

ఎక్కడ మన వాళ్లు పాక్ మీద సర్జికల్ స్ట్రైకులు చేసేస్తారో…

ఎక్కడ ఇండో-పాక్ వార్ వచ్చి పడుతుందో….

ఎక్కడ రెండుదేశాలూ ఆటంబాంబులు విసురుకుని సర్వనాశనం చేసేసుకుంటాయో….

ఒక్కో జెట్టూ 576 కోట్లు లెక్కన వేలకోట్ల ఫైనాన్షియల్‌ రిస్కూ, మరోపక్క అదో కుంభకోణం అని జనం అనుకుంటే ఎదురయ్యే పొలిటికల్ రిస్కూ వున్నా గుండెల్ని 56 అంగుళాల రాళ్ళు చేసుకుని కొన్న రఫాలే ఫైటర్ జెట్లు వాయుసేనలో చేరకుండానే ఎక్కడ యుద్ధం వచ్చి పడిపోతుందో ….

ఎక్కడ ఇమ్రాన్ ఖాన్ రాంగోపాల వర్మ ట్వీట్లు – – –

varma1

– – – తట్టుకోలేక ఆయన బుర్ర మీద తన క్రికెట్ బాల్ తో దీటుగా స్పందించేస్తాడో …

ఇలాంటి టెన్షన్లు వణికిస్తుంటే నిద్రెలా పడుతుంది నాలాంటి సామాన్యుడికి?

కానీ ఇవాళ నిద్ర వచ్చేస్తోంది, యుద్ధప్రాతిపదికన. నిజం! వార్ ఫియర్స్ గాలికెగిరిపోయాయ్!! జస్ట్ రెండు యూట్యూబ్ వీడియోలు చూడగానే ….

అవి ఇవీ 👇😇

మొదటిది, “మోడీ! పాకిస్తాన్-తో యుద్ధం వద్దు. నేను మాట్లాడతా వాళ్ళతో,” అంటున్న K.A.పాల్‌ గారి అభయహస్తం.

రెండోది, “యుద్ధం ఆపటానికి పాకిస్తాన్ వెళ్తున్నా,” అంటున్న శాంతిదూత ఆశ్వాసన.

ఇంకేం భయం లేదు. ట్రంపుతో సహా ప్రపంచం అంతా – including me – హాయిగా ఫానేసుకుని, దుప్పటి కప్పుకుని నిద్దరోవచ్చు. మీరూ నిద్దరోండి. Good night 🖐😊

😴😴😴😴😴😴😴😴😴😴

హ్యాపీకార్తీకఏకాదశి+ఇందిరాగాంధీ  బర్త్ డే+ఇంటర్నేషనల్  మెన్స్ డే + ఇంటర్నేషనల్ టాయిలెట్ డే >>> అన్నీ ఇవాళే(ట)


ఇవాళ ఇంటర్నేషనల్ మెన్స్ డే అని వ్వాట్సప్ లో మెసేజులు స్వైరవిహారం చేస్తుంటే ఇదేంటా అని వికీపీడియా చూశా. నిజమే 1991 నుంచీ జరుపు తున్నారు(ట). ఎందుకో తెలుసుకునే ఆసక్తీ, అవసరం రెండూ లేవు. సో, తెలుసుకోలేదు. కానీ దాని పక్కనే ఇవాళే ఇంటర్నేషనల్ టాయిలెట్ డే అని కూడా ఉండడంతో అదేంటా అని చూశా. అది మన స్వచ్ఛ భారత్ ప్రాజెక్టుకి ఇంచుమించు సరిసాటి(ట) ఇంటర్నేషనల్ లెవెల్లో. ఓహో! అలాగా అనుకుంటుండగా గుర్తొచ్చింది, ఇవాళ ఇందిరాగాంధీ పుట్టినరోజు కూడానని. ఇంట్రెస్టింగ్ !! అనుకున్నా. అనుకున్నవన్నీ వాట్సాప్ లోకి ఎక్కించేశా . ఇంతలో వ్వాట్సాప్ లోనే ఓ మహాత్ముడు పెట్టిన పవిత్ర పుణ్య సందేశం – హ్యాపీ కార్తీక ఏకాదశి అని. ఇంకా హ్యాపీ శని త్రయోదశి , హ్యాపీ పోలాల అమావాస్య, హ్యాపీ మహాలయ పక్షమ్స్ , మెనీ హ్యాపీ రిటర్న్స్ అఫ్ తద్దినం …. వగైరా కూడా వస్తాయేమో అనుకోబోతూ లటుక్కున ఆ ఆలోచన ఆపేశాను, ఎందుకొచ్చిన గొడవ అని.
కానీ మంకీ మైండ్ ఊరికే ఉండదు కదా!! తెలుసుకున్న విషయాలన్నీ కలిపి చూడ్డం మొదలెట్టింది.
ఇంటర్నేషనల్ మెన్స్ డేని ప్రారంభించిన పెద్దమనిషి, జెరోమ్ తీలక్సింగ్**, అన్నాయన ఈ రోజు ప్రాముఖ్యతని ఇలా చెప్పాడు (ట ) – “the day ‘s activitees strive for gender equality and patiently attempt to remove the negative images and the stigma associated with men in our society.”

ఆయన మేల్-షావినిజానికి వ్యతిరేకి అనిపించేలా వున్నాయి కదూ ఆ మాటలు!?!

(** పేరు స్పెల్లింగుని బట్టీ ఈయనెవరో ఇండియన్ ఆరిజిన్ పెద్ద మనిషిలా వున్నాడు)

నేను తృప్తి దేశాయ్ సపోర్టర్ని కాదంటే కాదు. కానీ మనదేశంలో జెండర్ ఈక్వాలిటీ ఉందంటే మాత్రం నమ్మలేను. కాబట్టి ఈ డేని బాగా జరుపుకోవడం అవసరం అనిపించింది.

నెక్స్ట్, ఇందిరాగాంధీ బర్త్ డే. ఒకప్పుడు ఒకాయనెవరో – వాజ్-పాయా🤔? ఏమో గుర్తులేదు – “కాంగ్రెస్ పార్టీలో ఉన్న ఒకే ఒక్క మగాడు , ఇందిరాగాంధీ,” అన్నాట్ట. అందులో పెద్ద సందేహం లేదని చాలామంది నిస్సందేహంగా చెప్పడం విన్నాను. అంచేత ఇంటర్నేషనల్ మెన్స్ డే రోజు భారతీయ మగమహారాజులు ఇందిరాగాంధీ నుంచి నేర్చుకోవాల్సింది చాలా ఉందని నొక్కి చెప్తోంది ఈ నవంబర్ 19 అనిపించింది. అసలు జయలలిత కూడా ఈ రోజునే పుట్టి ఉంటే ఇంకా బావుండేదని మరీ మరీ అనుకున్నా. అనుకోకుండా ఎలా వుంటాం? మగ అరవ పొలిటీషియన్లు అరవడం మర్చిపోయి ఆవిడకి పొర్లుదండాలు పెట్టే సీన్లు చూశాక?

నెక్స్ట్ –

ఇంటర్నేషనల్ టాయిలెట్ డే. స్వచ్ఛ్ భారత్ కి ఇంటర్నేషనల్ వెర్షన్ అన్నాను కదా! మోడీ మేష్టారి కలలకి ప్రతీక అయినటువంటి ప్రాజెక్టుకి ఇంచుమించు సరిసాటి. కనక ఇదీ ముఖ్యమైన రోజే. జెండర్ ఈక్వాలిటీ మీద మోడీ మేష్టారి అభిప్రాయం ఏంటో బేటీ బచావో! బేటీ పడావో!! అనే ఒక్క స్లోగన్ తో చెప్పేహారు కదా! ఇప్పుడింక స్విస్ బ్యాంకుల్నించి ఒక్కొక్కళ్ళ అకౌంట్లో 15 లక్షలు పడగానే ఇంక దేశంలో బేటీలందర్నీ బచాయించడం, పడాయించడం షురూ అయిపోతుంది. ఏం భయం లేదు!!

ఇప్పుడింక (హ్యాపీ) కార్తీక ఏకాదశి గురించి. శివుడిని మించి జెండర్ ఈక్వాలిటీ పాటించేవాళ్ళు దేవుళ్ళల్లోనూ లేరు. అంచేత నవంబరు 19న వచ్చిన ఈ కార్తీక ఏకాదశి అర్ధనారీశ్వరుడికి అత్యంత ప్రీతిపాత్రమైనదని దేశంలో తెలిసికానీ, తెలీకుండా కానీ పురుషాహంకారం ప్రదర్శించే వాళ్లంతా గ్రహించవలసిన పుణ్యదినం. మళ్ళీ ఎన్నో ఏళ్ళక్కానీ రాదు.
కనుక-
డియర్ ఇండియన్ మెన్!!
ఈ రోజు శివపార్వతుల్ని పూజించి ఉపవాసం చేసి ఇందిరాగాంధీ అపరదుర్గ అయిన విధాన్ని తెలుసుకొని ఆపైన మీ గృహమున గల టాయిలెట్లను సవినయముగా, అహంకార రహితులై శుభ్రపరచుడు. అంతట తరతరాలుగా మీలో పేరుకుపోయిన పురుషాహంకారము నశించి, జన ధన్లు, స్లోగన్లు లేకపోయినా బేటీ బచావో, బేటీ పడావో సాకారమగును.

అన్నట్టు మరిచిపోయాను, ఈ సూచనలు తెలిసికానీ, తెలీకుండా కానీ పురుషాహంకారం వదిలేసిన వాళ్ళకి నాట్ అప్లికబుల్!!

అరే! ఇంకో ఇంపార్టెంట్ క్లూ ఇవ్వడం మర్చిపోయా! మనలో పురుషాహంకారం వుందో లేదో తెలిసేదెలా? తెలుసుకోడం చాలా ఈజీ!

ఈ టపా చదువుతుంటే నవ్వొస్తే పురుషాహంకారం లేనట్టు,

ఒళ్ళు మండిపోయి, జంధ్యాల సినిమాలో సుత్తి వీరభద్రరావుల్లా ఫీలైతే……

ఫిల్ ఇన్ ది బ్లాంక్ 😉😁

ఓకే! బై4నౌ🖐😎

************************

నిన్న X.B.I, నేడుY.B.I, రేపుZ.B.I, ఎకార్డింగ్ టు🔍మరమరాలజీ🔎 ….


మొన్న డి.బి.ఐ.లో లుకలుకలు

నిన్న టి.బి.ఐ.లో గడబిడలు

రేపు ఇంకేదో …

ఎక్స్.బి.ఐ.

వై.బి.ఐ.

జడ్.బి.ఐ.

ఎట్సెట్రా, ఎట్సెట్రాల్లో

ఏవో డబడబలు

రూలింగ్ పార్టీ, గవర్న్‌మెంటునీ, సంస్థలని, దేశాన్నీ నాశనం చేసేస్తోందంటాయి ఎగస్పార్టీలు,

కరెక్టేనేమో అనిపిస్తుంది.

ఎగస్పార్టీలకేం తెలుసు, మేం చేసే ఘనకార్యాలు చూసి ఏడవడం తప్ప అంటుంది రూలింగ్ పార్టీ.

అదీ నిజమే కదా! అనిపిస్తుంది మనకి.

కానీ ఇద్దర్లో ఎవరు రైటు? ఎవరు తప్పు? అది తెలిస్తే మనం సామాన్యులం ఎందుకౌతాం? అవ్వం. పోనీ అందర్లోనూ తప్పొప్పులు రెండూ వుంటాయి అనుకున్నా ఎవరిలో ఏది ఎంత శాతం వుందో కూడా ఎస్టిమేట్ చెయ్యలేనంత సామాన్యులం మనం.

అందువల్ల ఎవరు ఎక్కువ రైటో తెలుసుకుందామని

పేపరు ఓపెన్ చేస్తే –

టీవీ డిబేట్ పెడితే –

యూ ట్యూబ్ ఉపన్యాసాలు వింటే –

ఏమౌతుందంటే, మా గురూజీ, మార్క్ ట్వైన్ పేర చెలామణీలో వున్న ఒక కోట్ –

If you don’t read news paper you are uninformed, if you do read news paper you are misinformed

– అన్నది గుర్తు రాక మానదు. న్యూస్ పేపరు బదులు టీవీ డిబేట్, యూ ట్యూబ్ అని మాటలు మార్చేసినా అర్ధం మారిపోకుండా అన్ని జాగ్రత్తలూ తీసుకుంటోంది ఫోర్త్ ఎస్టేట్. (మార్క్ ట్వైన్ ఆ మాటొక వందేళ్ళ క్రితం చెప్పి వుంటాడు. ఒక శతాబ్దంపాటు అంత ”గొప్ప విలువలు” పాటించిన మీడియాని చూస్తే ఎంత ముచ్చటగా వుంటుందో అసలు.)

పోనీ నిఖార్సైన మేధావుల అభిప్రాయాలు విందామంటే వాళ్ళంతా విదేశీశక్తులకి అమ్ముడుపోయా(ర్ట!). నిజంగా అమ్ముడు పోయారో లేదో తెలుసుకుందామంటే ఆ దర్యాప్తుకి దశాబ్దాలే పడుతుందో, శతాబ్దాలే పడుతుందో ఈ లోపులో దర్యాప్తు సంస్థలకి ఎంతమంది డైరెక్టర్లు మారతారో, ఏంటో తెలీట్లేదు.

అంచేత, ఈజీయెస్ట్ అండ్ మోస్ట్ రిలయబుల్ వే ఏంటంటే ఆస్ట్రాలజిస్టులనో, న్యూమరాలజిస్టులనో, మరమరాలజిస్టు**లనో సంప్రదించడం. (**ఫ్యూచర్ ప్రొఫెషన్!! మరమరాల ద్వారా ఫ్యూచర్ తెలుసుకోవడం)

ఫరెగ్జాంపుల్ మరమరాలజిస్టుని అడిగామనుకోండి – ఫర్ సపోజ్ అనుకోండి – ఆయన ఇట్టే విషయం కనిపెట్టేస్తాడు. కనిపెట్టేసి – “ఎక్స్.బి.ఐ., వై.బి.ఐ., జడ్.బి.ఐ….. ఈ సంస్థలన్నిటి పేర్లలోనూ బి & ఐ అనే అక్షరాలు కామన్ గా వున్నాయీ, అదీ కాక B ఫర్ భారత్, I ఫర్ ఇండియా;

ఇంగ్లీషులో B రెండోది, I తొమ్మిదోది. 9 + 2 = 11, 1+1=2. అంటే మళ్ళీ రెండో అక్షరం B అంటే B ఫర్ భారత్ నే సూచిస్తోంది. అందువల్ల ఈ సంస్థల్లో ఏం జరిగినా, అసలేం జరక్కపోయినా దేశం మీద గో..ప్…ప్ఫ ప్రభావం వుంటుందీ, అంచేత ఆ రెండక్షరాలైనా మార్చెయ్యాలి లేదా ఆ సంస్థల్నెైనా పీకి పందిరేసెయ్యాలి. B ఫర్ భారత్, I ఫర్ ఇండియా కాబట్టి అక్షరాలు మార్చే కంటే ఆ సంస్థల్ని పీకి పాకం పట్టడమే మంచి శుభఫలితాల్నిస్తుంద”,ని తేల్చేస్తాడు. మనకీ ఏ విదేశీ హస్తాలూ, స్వ-విదేశీ హస్తాలూ, విదేశీ పెట్టుబడిదారుల భయం కానీ, సాయం కానీ అవసరం లేకుండా – ముఖ్యంగా సొంత బుర్ర వాడాల్సిన అవసరం, అవకాశం రాకుండా – నిజం చవగ్గా తెలిసిపోవడంతో మనసు తేలికపడి హాయిగా వుంటుంది.

ఇంతే సంగతులు 😍🙏

…and…

అందరికీ దీపావళి శుభాకాంక్షలు, ఈ సాయంత్రం ఆఫీస్ నుంచి బయటకి రాగానే తమో-మేఘాలు చీల్చుకు వెలువడిన జ్ఞానదీపంలా కనబడిన పశ్చిమాదిత్యుడి దృశ్యంతో🙏-

🔆🔆🔆🔆🔆🔆🔆🔆🔆🔆

దేవలోకంలో వైరల్‌ న్యూస్ : వినాయకుడు, వెంకటేశ్వరుడు చేతుల మీద గిల్లుకుని, ఇది నిజమే అని ….


దేవుడనేవాడు లేడంటే లేడు, వుంటే చూపించండి??

దేవుడేంటండీ, దేవుడు?? అదంతా నాన్సెన్సండీ!!

నాటి హిరణ్యకశిపుడి**తో మొదలెట్టి నేటి హేతువాదుల వరకూ ఇదే కదా యవ్వారం!! (** ఈయన మొదట విష్ణువుకి ఎసరు పెట్టడంతోనే హేతువాదం మొదలైయ్యుంటుందని ఒక అనుమానం!)

ఇప్పుడింక ఇలా స్టేట్మెంట్స్ ఇచ్చేవాళ్ళకి రిటైర్మెంటే!!

దేవుడున్నాడని

బల్లగుద్ది,

కుండబద్దలు కొట్టి,

ఇంకా ఏవైనా సామాన్లుంటే వాటిని

విరక్కొట్టి,

పగలకొట్టి,

చితక్కొట్టి,

కాల్చేసి,

పేల్చేసి,

మరీ చెప్పడానికి తిరుగులేని ఆధారం దొరికేసింది.

దేవుడి ఉనికిని నిరూపించేస్తున్నామంటూ టీవీ చర్చల్లో డిజైనర్ కళ్ళజోళ్ళు పెట్టుకుని, లాప్-టాప్ ఒకటి పెట్టుకొని పాతసోదినే ఇంగ్లీష్ లాంటి తెలుగులో చెప్పేవాళ్ళకి,

వేదాల్లో వున్న సైన్సుని వెలికితీసే పని జర్మనీవాళ్ళకి ఔట్ – సోర్స్ చేహేసి, ఇక్కడ టీవీల్లో, “అన్నీ వేదాల్లో వున్నాయి ………………….

…………………………………

………………………………..

………………………………..ష,” అంటూ గొంతు చింపుకునే వాళ్ళకి

పరిశుథ్దాత్మని సో-కాల్డ్ paganistలు చెప్పిన వేదాల్లోంచి

బైటికి లాక్కొస్తున్న దార్శనికులకి

ఇలాంటి వాళ్ళు చేసే అర్థం, పర్ధం లేని చర్చల మీద డబ్బులు చేసుకుంటున్న ‘ఛా”null’s కి పని లేకుండా చేసేసే బ్రహ్మాండమైన సాక్ష్యం బయట పడిపోయింది.

నిజానికి దేవుడిక్కూడా తన ఉనికి మీద ఎప్పుడైనా డౌట్ , ఫర్ సపోజ్, వచ్చినా దాన్ని పటాపంచలు చేసెయ్యగల తిరుగులేని రిఫరెన్సు ఆయనకీ అందుబాటులోకి వచ్చేహింది.

లోకకళ్యాణం కోసమని ఆ యొక్క ఆధారాన్ని , ఆ మధ్య “ఈనాడు” పేపర్లో దొరికితే కట్ చేసి ఇక్కడ పెడుతున్నా.

ఇంక ప్రజలు ఆయుత యాగాలూ, తమ్మిలేరు, బుడమేరు, పాలేరు, సీలేరు ప్లస్ మూసీనది….. అన్నిటికీ మహాపుష్కరాలు, వగైరాలు కాన్ఫిడెంట్ గా చేసేసుకోవచ్చు.

అదుగో 👇 ఆధారం

(News & Photo courtsey: Eenadu)

ఆయనని చూసి వినాయకుడు, వెంకటేశ్వరుడు ఎవరికీ కనిపించకుండా చేతుల మీద గిల్లుకుని మరీ ఇది నిజం అని నిర్ధారణ చేసుకున్నారని దేవలోకంలో నారదులవారూ, గూగుల్ కలిసి మరీ న్యూస్ వైరల్‌ చేస్తున్నారట. (వివరాలకి త్రిపుర సీఎంని సంప్రదించగలరు.)

సూచన:

హేతువాదులకి దిమ్మ దిరిగే సమాధానం ఎలా చెప్పాలా అని బుర్ర బద్దలు కొట్టుకుంటున్నారా? ఆయనని మీ బదులు చర్చకి పంపండి, చాలు.

హేతువాదుల చేత రామ

సేతువు మీద శ్రీరామకోటి

క్రతువు చేయించకపోతే చూడండి.

సమస్త నాస్తికాఃస్సుఖినో భవంతు

ఇంతేసంగతులు. బై4నౌ😎

ఒక దున్నపోతు🐃, ఒక సింహం🦁, ఒక👩‍🚀👩‍🚒 అతివ🤱👰


అం’తరంగా’లు చూస్తున్న చదువుతున్న బ్లాగ్ బంధుమిత్రులందరికీ విజయదశమి శుభాకాంక్షలతో –

అణువు నుంచీ ఆకాశం వరకూ

అంతరంగం నుంచీ అంతరిక్షం వరకూ

అంతటా వ్యాపించిన ప్రకృతి (నామ,రూప, పదార్థాల సమాహారం) పురుషులు (జాగృతి = చైతన్యం = జ్ఞానం = ఆత్మ) ఒకరినొకరు గుర్తించి, ఒకరు లేకుండా మరొకరి అస్థిత్వానికి ఆధారం, అర్ధం లేవని తెలుసుకున్న రోజు విజయదశమి,

ఈ తెలుసుకునే ప్రాసెస్ లో ప్రకృతి -పురుషులు పడిన స్ట్రగులే తొమ్మిది రోజుల యుద్ధం.

తమోగుణాన్ని రజోగుణం, రజోగుణాన్ని సత్వగుణం డామినేట్ చెయ్యాల్సిన అవసరాన్ని ఎత్తి చూపడమే దున్నపోతుని చెండాడుతున్న సింహం, ఆ సింహాన్ని అధిరోహించి అదుపులో వుంచిన దుర్గాదేవిల వెనకవున్న సింబాలిజం, అంతరార్ధం.

ఇలా అంటున్నాయి ఇవాళ అంతరంగ తరంగాలు.

సమస్తదేవతాశక్తుల సమన్వయ రూపమైన దుర్గ స్త్రీ రూపంలో ఎందుకుందని అడుగుతున్నాయి ఆలోచనాతరంగాలు.

సమాజం కానీ, సంస్కృతి కానీ, ప్రభుత్వం కానీ ఇవన్నీ జీవ చైతన్యానికి, మానవ బుద్ధి వికాసానికి ప్రతీకలు అనుకుంటే వీటన్నిటిలో పురుష సహజమైన ధృఢత్వం, గాంభీర్యాలకంటే స్త్రీ సహజమైన లాలిత్యం, ప్రేమ, మమకారాలు ఒక్క పిసరు ఎక్కువ మోతాదులో వుండాలని సూచించడమే దుర్గారూపాన్ని దర్శించిన ద్రష్టల ఆంతర్యం అయ్యంటుందని అవి భావిస్తున్నాయి.

ఆ రకంగా పురుషాధిక్య సమాజంలో స్త్రీకి ఇవ్వాల్సిన గౌరవాదరాలు ఏమిటో భవిష్యత్తు (అంటే, ఈనాటి గర్ల్ ఛైల్డ్ పరిస్థితి) చూసిన ఋషులు ఈ విధంగా చెప్పారేమో!?! అనుకుంటున్నాయి హృదయాంతరంగాలు.

ఇలాంటి ఆలోచనలు వదిలేసి మహిషాసుర మర్దనలో కుల రాజకీయాలని చూడ్డం వల్ల, దేవీ పూజలో తాంత్రిక వ్యవహారాలకి పెద్దపీట వెయ్యడం వల్ల జగన్మాతకి మన మీద సదభిప్రాయం కలుగుతుందా? ఏమో? ద్రష్టలైన ఋషులని అడగాల్సిందే అని ముక్తాయిస్తున్నాయి కరుణాంతరంగాలు.

ఇంతే సంగతులు.

బై4నౌ🙏😊

సైకిలు🚴‍♀️, ఫానూ🌀, కారూ🚗, ఒక తామర పువ్వు🏵.


అనగనగా ఒక తామరపువ్వు. అదిగో అదే👇

ఒకసారి దానికి దేశం అంతా తిరగాలనిపించింది. అదెలా సాధ్యం అవుతుందా అని ఆలోచిస్తూ వుండగా దానికో పసుపురంగు సైకిల్‌ కనిపించింది. సైకిల్ ని సలహా అడిగింది తామరపువ్వు. అప్పటికి చక్రాలు సరిగ్గా తిరగక స్లోగా వెళ్తున్న సైకిలుకి బ్రహ్మాండమైన ఐడియా తట్టింది. నా ముందు చక్రం సరిగ్గా తిరగట్లేదు, నువ్వు చక్రంగా వుంటావా? నువ్వూ నేనూ కలిసి దేశం అంతా తిరగొచ్చు అంది. ఇదేదో బానే వుందనుకుని తామర పువ్వు సైకిలుకి ముందుచక్రంగా అమరిపోయింది. “ఆడుతు పాడుతు పంజేస్తుంటే అలుపూ సొలుపే మున్నదీ, ఇద్దరమొకటై చేయి కలిపితే ఎదురేమున్నది, మనకూ కొదవేమున్నదీ…. ” అని యుగళగీతాలు పాడుతూ రెండూ కలిసి దేశం చుట్టేస్తున్నాయి.

కొన్నాళ్ళు అలా హనీమూన్ తిరిగాక తామరపువ్వుకి వెనకచక్రం లేకుండా ముందుచక్రం అంగుళం కూడా కదలదని అర్థం అయ్యింది. అయినప్పటినుంచీ, “నేను వెనకచక్రాన్నవుతా,”నని సణుగుడు మొదలుపెట్టింది. సైకిలుకి ఎడం కన్నదిరింది “”👁””. ఒకసారి వెనకకి మారగానే పెడల్ అవుతానంటుంది. ఆపైన సీటెక్కి కూర్చుంటానంటుంది. ఆ తర్వాత అంతే సంగతులు అని గ్రహించేసి, “అమ్మ! తామరపువ్వా!!,” అనుకుంది. అయినా ఓర్పుగా నేర్పుగా చెప్పింది, “సైకిళ్ళకి రెండు చక్రాలూ ఇంపార్టెంటే, ముందుచక్రం ఏ డైరక్షన్ చూయిస్తే వెనకచక్రం అటువైపు తోస్తుంది, అంచేత క్రెడిట్‌ అంతా నీకే దక్కుతుంది,” అంది. “ఠాట్! కుదరదం”ది తామరపువ్వు. “అలా అయితే నీ దారిన నువ్వు పో! అరిగిపోయినా, తిరక్కపోయినా నా పాత ముందుచక్రాన్నే పెట్టుకుని ఆ విధంగా ముందుకు పోవాల్నని డిసైడ్ అయినా, నువ్వు సైడ్ అయి పో!!,” అంది సైకిలు. అంటూనే తామరపూవుని తీసేసి కిర్రుకిర్రుమంటూ పోతోంది. ఎవరైనా ఒక చెయ్యేసి🤚 ముందుకు తొయ్యకపోతారా? అనే ఆశా, ఐడియా లేకపోలేదు.

తీ.తా. – తీసేసిన తాసిల్దారు కాదు, తీసేసిన తామరపువ్వు – ఇటూ అటూ చూసింది. “ఇప్పుడింక పవర్ లేకుండా క్షణం కూడా బతకలేను అదెక్కడ దొరుకుతుందో,”నని దిక్కులు చూసింది.

అప్పుడు దానికి గిరగిర తిరుగుతున్న ఫాన్ ఒకటి కనిపించింది. దాని దగ్గరకెళ్ళి, “నీకున్న మూడు బ్లేడ్లకి నా రేకులు కూడా కలుపుకో, ఇద్దరం కలిసి దేశంలో సుడిగాలి సృష్టించచ్చు,” అంది. “అదెలా?,” అంది ఫాను. “ఇలా👇,” అంది తామర .

“కానీ, ఫాను గాలికి తామరపూల వాసన కలిస్తే కొందరికి నచ్చదేమో,” అని సందేహం వెలిబుచ్చింది ఫాను. “అదీ నిజమే జాగ్రత్తగా ప్లాన్ చేద్దాం,” అంది తామర.

ఇంతలో అటుగా వెళ్తున్న కారు కనపడింది దానికి. సైకిలూ, ఫానూ కంటే గ్లామరస్ గా, పవర్-ఫుల్‌ గా కనిపించింది. కారుకి కూడా తామరపువ్వు అందంగా, కలర్ ఫుల్‌ గా అనిపించింది. దీన్ని డాష్ – బోర్డు మీదో, బోనెట్ మీదో పెట్టుకుంటే తను ఇంకా గ్లామరస్ గా కనబడచ్చని ఆశ పడింది. కానీ తామర తగ్గదు కదా?

“నేను స్టీరింగ్-వీల్ గా కూడా పనికొస్తా,”నంది. “వీల్‌ + లేదు = వీల్లేదు!,” అంది కారు. స్టీరింగిస్తే డ్రైవింగ్ చేస్తాననే రకం తామరపువ్వని సైకిలు దగ్గరే తేలిపోయింది కదా! తెలిసి తెలిసి అలాంటి ఛాన్స్ ఇవ్వదల్చుకోలేదు కారు. “వీల్‌ + లేదు = వీల్లేదు అనేది ఏ సంధో తెలీదు కానీ, ఖచ్చితంగా ఏదో ఒక సంధి. అది వ్యూహాత్మక మౌనసంధి కూడా కావచ్చు. తరవాత చూద్దాం,” అంటూ వ్యూహాత్మకమౌనం పాటించింది. తామరపువ్వు వెయిటింగ్ లో వుంది. ప్రస్తుతానికి ఫానే కాస్త ఫేవరబుల్ గా కనిపిస్తోంది. కానీ గాలి ఎటు మళ్ళుతుందో చూడాలి. చూద్దాం!

ప్రస్తుతానికి ఇంతే సంగతులు.

బై4నౌ😁