Author: YVR's అం'తరంగం'

These little thoughts are the rustle of leaves; they have their whisper of joy in my mind...

డియర్ లార్డ్ కృష్ణా! నీ బర్త్ డే కి ….


లోకంబులు లోకేశులు
లోకస్థులుఁ దెగినతుది నలోకంబగు పెం
జీఁకటి కవ్వలనెవ్వం
డేకాకృతి వెలుంగు నతని నే సేవింతున్


విన్నారా
అలనాటి వేణుగానం మోగింది మరలా
అలనాటి వేణుగానం మోగింది మరలా
చెలరేగే మురళీ సుధలు తలపించును కృష్ణుని కథలు

విన్నారా…
పుట్టింది ఎంతో గొప్ప వంశం పెరిగింది ఏదో మరో లోకం
పుట్టింది ఎంతో గొప్ప వంశం పెరిగింది ఏదో మరో లోకం
అడుగడుగున గండాలైనా ఎదురీది బతికాడు
చిలిపి చిలిపి దొంగతనాలు చిననాడే మరిగాడు
దొంగైనా దొర అయినా మనసే హరించేనులే
విన్నారా
అలనాటి వేణుగానం మోగింది మరలా
ద్వేషించే కూటమిలోనా నిలచీ
ప్రేమించే మనిషే కదా మనిషి
ఆడేది నాటకమైనా పరుల మేలు తలచాడు
అందరికీ ఆనందాల బృందావని నిలిచాడు
ఆనాడూ ఈనాడూ మమతే తరించేనులే
విన్నారా
అలనాటి వేణుగానం మోగింది మరలా
చెలరేగే మురళీ సుధలు తలపించును కృష్ణుని కథలు
విన్నారా ...
విన్నారా
అలనాటి వేణుగానం మోగింది మరలా
అలనాటి వేణుగానం మోగింది మరలా
చెలరేగే మురళీ సుధలు తలపించును కృష్ణుని కథలు
విన్నారా…
పుట్టింది ఎంతో గొప్ప వంశం పెరిగింది ఏదో మరో లోకం
పుట్టింది ఎంతో గొప్ప వంశం పెరిగింది ఏదో మరో లోకం
అడుగడుగున గండాలైనా ఎదురీది బతికాడు
చిలిపి చిలిపి దొంగతనాలు చిననాడే మరిగాడు
దొంగైనా దొర అయినా మనసే హరించేనులే
విన్నారా
అలనాటి వేణుగానం మోగింది మరలా
అలనాటి వేణుగానం మోగింది మరలా
ద్వేషించే కూటమి లోనా నిలచీ
ప్రేమించే మనిషే కదా మనిషి
ద్వేషించే కూటమి లోనా నిలచీ
ప్రేమించే మనిషే కదా మనిషి
ఆడేది నాటకమైనా పరుల మేలు తలచాడు
ఆడేది నాటకమైనా పరుల మేలు తలచాడు
అందరికీ ఆనందాల బృందావని నిలిచాడు
ఆనాడూ ఈనాడూ మమతే తరించేనులే
విన్నారా
అలనాటి వేణుగానం మోగింది మరలా
చెలరేగే మురళీ సుధలు తలపించును కృష్ణుని కథలు
విన్నారా …

కృష్ణాష్టమి శుభాకాంక్షలతో…

🌹🌻🌷🌼⚘🙏⚘🌼🌷🌻🌹

నల్లటి తారు రోడ్డు. రెండు పక్కలా అశోకుడు నాటించిన చెట్లు. రోడ్డు మధ్యలో….


నా ఫేవరిట్ ఇంగ్లీషు నవల ఒకటుంది. అది, ‘ది ఫోర్త్ ప్రోటోకాల్’ అని ఫ్రెడరిక్ ఫోర్సిత్ రాసినది. అది మొదలవ్వడం ఒక దొంగతనంతో మొదలౌతుంది. బ్రిటిష్ గవర్నమెంట్లో సెక్రెటరీ లెవెల్లో పంజేస్తున్న ఒక ఘరానా పెద్దమనిషి ఇంట్లో వజ్రాలు దొంగిలిస్తూ వాటితోపాటు పొరపాటున కొన్ని రహస్య పత్రాలు కూడా తీసుకొచ్చేస్తాడు . తీసుకొచ్చినవాడు వాటిని ఎక్కడో పారెయ్యక తీరిగ్గా కూచుని క్షుణ్ణంగా చదువుతాడు. సదరు సెగెట్రీగారు దేశరక్షణ రహస్యాలన్నీ అమ్మేస్తున్నాడని అర్ధం చేసుకుంటాడు. ఇక్కడి వరకూ వచ్చాక ఫ్రెడరిక్ ఫార్సిత్ ఒక గొప్పసత్యాన్ని ‘ప్రవచి’స్తాడు. ఈ వజ్రాలదొంగ అవ్వడానికి దొంగే కావచ్చు కానీ అతను మనసా వాచా కర్మణా అసలు సిసలు బ్రిటిషు జెంటిల్మన్ అని. అలా అన్నందుకైనా ఆ మాట నిలబెట్టాలి అన్నట్టు దొంగగారు ఆ పత్రాలని బ్రిటిష్ గూఢచర్య సంస్థ MI6కో, స్కాట్లాండ్ యార్డుకో పంపించేసి తన దేశభక్తిని మనకి ప్రకటించి, దేశం పట్ల తన బాధ్యతని నిర్వర్తిస్తాడు. దొంగతనం మామూలుగా నేరమే అయినా దేశభక్తి చూపించడానికి అది ఏ మాత్రం అడ్డం రాదని నిరూపించే ఇలాంటి ‘మహత్తర సన్నివేశాలు’ మన దేశంలో ఎన్ని వేలు వందలు జరుగుతూ వుంటాయోననిపించే ఒక వాట్సప్ వార్త ఇవాళొకటి అందింది. బ్రిటిష్ దొంగ మహాశయుడు గుర్తొచ్చాడు. ఎంతమంది ఎన్ని
ఫార్వర్డ్లు చేస్తే నా దగ్గరకొచ్చిందో గానీ ఆ ఫోటో చూస్తే నిజంగా ముచ్చటేసేసింది. నల్లటి తారు రోడ్డు. రెండు పక్కలా అశోకుడు నాటించిన చెట్లు. రోడ్డు మధ్యలో పక్క పక్కనే పార్క్ చేసి ఒక ఎర్ర కారు, ఒక బైకూ. ఆ రెండిట్నీ పార్క్ చేసినవాళ్ళది దేశభక్తో , మనిషి క్రియేటివిటీ పట్ల ఆరాధనా భావమో కానీ ఫోటోలో ఆల్రెడీ నిండిపోయిన ‘దేశభక్తి’కి చాలా క్రియేటివ్-గా అందాన్ని , నిండుదనాన్ని తీసుకొచ్చారు. వాళ్ళకింత ‘కలాపోసన ‘ కలిగించిన ఆ ‘సృజనాత్మకశక్తి’ ఆ రోడ్డేసిన కాంట్రాక్టర్-దే అని ఫోటో చూసిన ఏ భారతీయుడికైనా నమ్మకం కలిగి తీరుతుంది. ఫోటోకి ఫోర్-గ్రౌండ్ లో వున్న వాన నీటి మడుగుని చూస్తే. అసలా కారూ, బైకు ఓనర్లిద్దర్నీ ఆపి, ఫోటో తీయించేలా చేసింది ఆ సృజనాత్మకతే. ఫోటోని స్ట్రెయిట్ గా పోస్టులో పెట్టడం ఎందుకులే అని ఏదో చేతైనట్టు బొమ్మ గీశా. అచ్చు భారద్దేశంలా కనిపించే గొయ్యి పడేట్టుగా అంత నాణ్యత తో రోడ్డు వేసిన ఆ కాంట్రాక్టర్ ది అవినీతి అని కానీ, అలాంటి రోడ్డు వెయ్యనిచ్చిన అధికారవర్యులది అక్రమం అని కానీ అస్సలనిపించదు. అవినీతిని ఇంత అందంగా ప్రెజెంట్ చెయ్యచ్చని కూడా అనిపించదు. ఒక వేళ అనిపించినా అవినీతిలోనూ దేశభక్తిని రంగరించిన ఆ మహానుభావుడి /లకి మనసులోనే జోహార్లు చెప్పకుండా ఉండడం కష్టం. నేనూ అలా జోహార్లర్పించి అవినీతిలోనూ దేశభక్తి ఉంటుందన్నమాట అనో కామెంట్ పడేసి ఊరుకున్నా. అదుగో అదీ👇 ఆ సన్నివేశం –

మీరు ఆల్రెడీ వాట్సప్ లో అందుకునే వుంటారు లేదా త్వరలో అందుకుంటారు. ఇంతేసంగతులు. బై4నౌ 😉🤣.

🌻🌹🎶🐒🎶🌹🌻

మొన్న సోమనాధ్ – నిన్న వాజపాయ్


రాజకీయాలు, చరిత్రలు చాలామంది కంటే చాలా తక్కువే తెలిసినా కొందరు నాయకులు నిజంగా నాయకులు అనిపిస్తుంది. అలాంటి గౌరవభావాన్ని నాలో కలిగించిన ఓ ఇద్దరి గురించి, నాకనిపించినదిదీ 🤗 –

Politicians with delicate sense of humor and deep respect for parliamentary values are a species on the path of extinction. Two of that species bid good bye to Indians in a span of a week.

Saying RIP to both

⚘🙏⚘

No, not to Rest in peace but to –

🌹Return If Possible🌻

***

భా.జ.పా=? తె.దే.పా=? వై.కా.పా=? జ.సే.పా=?😉🤣🙄


మరి కాంగ్రెస్ పార్టీ సంగతేం టంటారా? ఆ పార్టీ జనానికి అర్ధమైతే గాంధీతాత గారి టైములోనే దాన్ని రద్దు చేసేవాళ్ళు కదా!!

ఐనా ట్రై చేస్తా . .

కాంగ్రెస్ పార్టీ = కాం.పా కదా,

దేర్ -ఫోర్ 👇👇👇👇

ఇంతేసంగతులు, బై4నౌ

😉🤣🙄

కోతిtoమనిషి?డౌటు🤔 మనిషిtoకోతి?రైటు👍+ Don’t miss this పవన్K.ఇంటర్వ్యూ


ఆ మంత్రిగారిని చాలామంది అన్ సైన్టిఫిక్ అని ఆడిపోసుకున్నారు కానీ ఆయన చెప్పిందాంట్లో సగమైనా నిజం లేకపోలేదు. కానీ అది మామూలు నిజం కాదు. నిలకడగా ఆలోచిస్తే తెలిసే నిజం.
అసలాయన ఏమన్నాడు? కోతి మనిషిగా పరిణమించడం అనేటటువంటి దాన్ని మానవమాత్రులెవరూ చూళ్ళేదు అన్నారు. ఏం? అది నిజం కాదా? అసలు మనిషే లేనప్పుడు కోతి మనిషిగా రూపాంతరం చెందడం మనిషెలా చూడగలడు? బి.కామ్ లో ఫిజిక్స్ చదివితే తప్ప అర్ధం కాని ఇంతటి సంక్లిష్ట విషయాన్ని మంత్రివర్యులు వివరిస్తే అది అర్ధం చేసుకోలేని సైన్టిఫిక్ కమ్యూనిటీ అంతా నానా యాగీ చేశారు. నిజానికి మినిస్టర్వర్యులు చూళ్ళేదన్నారు కానీ ఇకముందు చూడబోరు అన్లేదు కదా? దేర్ ఫోర్, ఆయన స్టేట్మెంట్ పూర్తిగా నిజం. హెన్స్ ప్రూవ్డ్.
ఐతే, మినిష్టర్వర్యులు తను ఏరి కోరిన “సైన్టిస్ట్”లతో ఒక లాంగ్ టర్మ్ కమిటీ (ఎంత లాంగ్ అంటే మినిమమ్ ఒక కోతి తోకంత లాంగ్ ఉండాలి) ఏర్పాటు చేసి మనిషి కోతిగా రూపాంతరం చెందడం లేదర్రోయ్ అని నిరూపించేసి తన మంత్రివాక్కుని మంత్రవాక్కు చెయ్యడం అత్యవసరం. ఎందుకంటే రోజూ పేపర్ చూస్తుంటే కోతి నుంచి మనిషి రావడం సంగతి అటుంచి కోతే మనిషిలోంచి పరిణామక్రమం చెందుతోందేమో అనిపిస్తోంది. అదేదో చింపాంజీ, గొరిల్లా టైపు వానరాలు కాకుండా ఇంకా అనాగరిక కోతులేవో తయారౌతున్నాయని —
పిల్లల దగ్గర్నుంచి ముసలి ముక్కా వరకూ,
డబ్బూదస్కం వున్నాళ్ల నించీ బీదాబిక్కీ వరకూ ,
చేతబళ్లు చేసేవాళ్ళ నుంచీ గుళ్ళో పూజాదికాలు చేసేవాళ్ళ వరకూ
కొందరు దేశాధిపతుల నుంచీ సకలదోషాధిపతుల వరకూ

ఆడామగా,

ఆస్తికనాస్తిక,

చదువుకున్న,

చదువు కొన్న , చదువుకోకున్న …. వగైరా వర్గ బేధాలేం లేకుండా అన్ని రంగాల్లోనూ, వర్గాల్లోనూ జనం చేస్తున్న నేరాలు, ఘోరాలు, వెకిలిచేష్టలు చూస్తుంటే “అదో రకం” పరిణామక్రమం జరుగుతున్నట్టు కొందరికనుమానాలొస్తున్నాయ్ మరి.
అనుమానాలు భయాలుగా మారకుండా అప్పుడప్పుడూ –

నిర్భయ కేసులో ఇవాళ సుప్రీం తీర్పులాంటివి వినిపిస్తుంటాయి.
అలాగే, ఇవాళే నేను విన్న పవన్ కె. —- ఆహ్హా హ్హా .. మీరనుకున్న ఆ పవన్ కె. కాదు , ఆయన ఏకంగా ప్రజలందరినీ ఒక్క ఎలక్షన్ తో ఉద్దరించేసే అవతార లక్ష్యం దిశలో బిజీ, ఆయన కాదు. నేచెప్పేది పవన్ కె. వర్మ అనే డిప్లొమాట్ కం జర్నలిస్ట్ గురించి.
ఆయన అద్వైత సిద్ధాంతం పుస్తకం రాశారట. దానికి ఇంట్రో ఇస్తూ హైందవవైభవంపై ఆయన మాటలు వింటే నిజానికి అనుమానాలు, భయాల సంగతలా ఉంచి అమాంతం ధైర్యం పెరిగిపోతుంది. ఇక్కడ👇

చూస్తూ వినండి. చూడకుండా, జస్ట్ వింటాం అంటే అది మీ ఇష్టం. వినడం మాత్రం మిస్సవ్వద్దు. అదీ సంగతి. ఇంతకీ ఇంత వాగించిన శ్రీమన్మంత్రి వర్యులకి అనేకానేక నెనర్లకి తోడు-

నేను చెప్పిన కమిటీ తొందరగా వెయ్యకపోతే, ప్రస్తుత
పరిణామక్రమం చూసి, ఝడుసుకుంటున్న మనుషులు, ఎగస్పార్టీలు కుమ్మక్కై , “అయ్యా!మనిషిలోంచి కోతి రావడం మానవమాత్రులం ఇప్పుడు చూసేస్తున్నాం, ఆ లెక్కన కోతిలోంచి మనిషి రావడం పెద్ద వింతా కాదు, హాశ్చర్యం అంతకంటే కాదు. ఇంక మీ స్టేట్మెంటు విత్ డ్రా చేస్కోండం టూ” తగులుకుంటారేమో కాస్త చూసుకొండనే ముందుజాగ్రత్త జతపర్చి …
ఇంతే సంగతులు. బై 4 నౌ .

మొన్న జూన్5th న ‘జులాయి’ సినిమాలో రాజేంద్రప్రసాద్ చెప్పిన త్రివిక్రమ్ డైలాగ్ గుర్తొచ్చింది


If you can’t be in awe of Mother Nature, there’s something wrong with you – Alex Trebek

జూన్5thన వర్ల్డ్ ఎన్విరాన్‌‌మెంట్ డే అని కొంచెం లేటుగా గుర్తొచ్చింది. వాట్సప్ మిత్రులందరికీ నిన్న మా ఆఫీస్ బిల్డింగ్ పక్కనున్న పార్కులో కనబడ్డ ఆ 👇 –

poobaala

పూబాలతో గ్రీటింగ్స్ పంపే దాకా బ్లాగ్‌‌లో కూడా ఒక ఎన్విరాన్‌‌మెంటల్ టపా ఒకటి పోస్ట్ చెయ్యాలని గుర్తురాలా.  ఎన్విరాన్‌‌మెంటల్ అనుకోగానే ‘జులాయి’ సినిమాలో రాజేంద్రప్రసాద్ డైలాగొకటి గుర్తొచ్చింది. ఒక దొంగతో నిజం చెప్పించడానికి హీరో వాడి చేతిలో ఒక పెన్ను గుచ్చేస్తాడు. రాజేంద్రప్రసాద్ పోలీస్ కమిషనరే అయినా పోలీస్ పన్లు ఎప్పుడూ చెయ్యని శాల్తీ కావడంతో జడుసుకుంటాడు. కానీ త్రివిక్రమ్ శ్రీనివాస్ పుణ్యమా అని మాంఛి డైలాగ్ వదుల్తాడు – కుర్రాడు మరీ వయోలెంట్‌‌గా వున్నాడు. వీడికి పువ్వుల్నీ, పిల్లల్నీ చూపించండ్రా!! – అని.

మాటల మాంత్రికుడి డైలాగులో వున్న మంత్రం ఏంటోగానీ ఆ పూబాల కాస్తా ఈ👇 మురిపాలబాలయ్యింది.

muripaala bala

మళ్ళీ వాట్సప్పుకి పని పడింది. నిజంగా ఆ డైలాగులో “మాయమైపోతున్నాడమ్మా మనిషన్న వాడు…” అనే నైరాశ్యాన్ని పోగొట్టే మందుంది. ఎన్విరాన్మెంటల్ హెల్త్‌‌లో దాగిన మెంటల్ హెల్త్ రహస్యాన్ని విప్పి చెప్తుంది.

Every flower is a soul blossoming in nature – Gerard De Nerval 

ఒక పువ్వుని పూజ కోసమైనా కొయ్యడానికి మనసొప్పని చేతులు యాసిడ్ అటాక్‌‌లు చెయ్యగలవా?

ఎట్ లీస్ట్ అటాక్ చేసేముందు సందేహిస్తాయేమో, ఆ సందిగ్ధంలో అనర్ధం ఆగిపోయే అవకాశం ఉంటుందేమో!?!

DSC_0451

తల్లిపక్షి అందించిన పండుని గారంగా అందుకుంటున్న ఆ పిట్టపిల్లలో అమ్మ చేతి గోరుముద్దలు తిన్న తనని చూసుకున్న కుర్రాడు ఇంకో తల్లి బిడ్డని నొప్పించగలడా?

ఒక క్షణంంపాటైనా తటపటాయింపుకి గురై మనసు మార్చుకుంటాడేమో!?!

DSC_0413-1

సాలెగూడులో చిక్కి విలవిల్లాడుతున్న అందాల సీతాకోకచిలుకని చూసి ఒకే ఒక్కసారి ఒక పసిమనసు ద్రవిస్తే అది మళ్ళీ ఎవరి స్వాతంత్రాన్నైనా, ఎవరి ప్రాణాలైనా హరించడానికి ఒడిగట్టగలదా?

మనసులో ఒడిగట్టినా చేతల్లోకి దిగకుండా ఆగుతుందేమో!?!

DSC_0257

పూవు-తేనెటీగల అవినాభావ సంబంధంలో రెండు వేరు వేరు జీవులుగా కనిపిస్తున్న ఏకత్వాన్ని, విభిన్న రూపాల్లో కనిపిస్తున్న వాటిలో అంతర్లీనంగా స్ఫురించే అద్వైతతత్వాన్ని ఆకళింపు చేసుకున్న యువతలో వ్యతిరిక్త భావాలు, పరస్పర విద్వేషాలు ఎలా పుడతాయి?

ఏకం సత్ విప్రాః బహుదా వదంతి అని ఎవరి భాషలో వాళ్ళు అర్ధం చేసుకుంటారేమో!?! ఎవరి బ్రతుకు వాళ్ళు బ్రతుకుతారేమో!?! 

DSC_0170

సొంతంగా విత్తు నాటి పెంచిన వృక్షం పూలు పూసి, కాయలు కాసి కొత్త చెట్టుకి జన్మనివ్వడం చిన్నప్పుడే అనుభవంలోకి తెచ్చుకున్నవాళ్ళు  తమని కని పెంచినవాళ్ళ ప్రేమానురాగాల్ని వమ్ము చేసి ఆత్మహత్యలకి పాల్పడగలరా? నేరస్తులుగా మారగలరా?

పువ్వుల్ని, పొలాల్నీ, తోటల్నీ చూస్తూ –

తూనీగలతో, తువ్వాయిలతో ఆడుకుంటూ –

పంటకాలవకి అడ్డంగా వేసిన తాటి దుంగ మీద అడుగులో అడుగేసుకుంటూ నడుస్తూ –

తొలకరి జల్లు నేలనంటగానే వెలువడే మట్టివాసన పీలుస్తూ –

నల్లటి వానమబ్బుల క్రిందగా, పచ్చటిపైర్ల మీదగా అందంగా, మందంగా పయనించే తెల్లకొంగల బారుల్ని చూసి పరవశిస్తూ –

బడికెళ్ళే ఛాన్సే లేని పిల్లలకి ఆ పైన చెప్పినవన్నీ ఎలా అనుభవంలోకి వస్తాయి?

Look deep into nature, and then you will understand everything better – Albert Einstein 
పర్యావరణ పరిరక్షణ అంటే చెట్లు పెంచడం, వన్యప్రాణుల్ని కాపాడ్డం మాత్రమే కాదేమో వాటితో మనిషి తాదాత్మ్యం చెందడం కూడా అవసరమేమో?

అందుకే ఎన్విరాన్‌‌మెంటల్ లో మెంటల్ కూడా ఇమిడిపోయివుంది.

ఎన్విరాన్‌‌మెంటల్ పొల్యూషన్, మెంటల్ పొల్యూషన్ రెండూ ఒకేసారి విజృంభిస్తున్న తరుణంలో వనాలు పెంచడంతో పాటు పిల్లల చదువులు ధనం కన్నా వనం ముఖ్యమనిపింపజేసేలా వుంటే ఎంత బావుండు!!??!!

Study nature, love nature, stay close to nature. It will never fail you – Frank Lloyd Wright

🐦🐒 🐵🍵 🌏 🌊 🌄 🌇 🌃 🌉 🌷 🌿 🌾 🌹 🌴

మోడీమేష్టారు సారీ చెప్పడవేంటి?అసలాయన సారీ చెప్పల్సినంత పెద్ద సమస్యేవుందీ దేశంలో?


NM apologises

Coutsey: Andhrajyothi

మోడీ మేష్టారు సారీ చెప్పడం ఏంటి? అసలాయన సారీ చెప్పల్సినంత పెద్ద సమస్య ఏముందీ ?

గురువు అద్వానీ నమస్కారాన్ని పట్టించుకోలేదని దేశమంతా తల్లడిల్లిపోయినా దాని గురించి బాధ పడినట్టు చిన్న హింట్ కూడా ఇవ్వనాయన,

డీమోనిటైజేషన్ టైములో వారానికి రెండువేల కోసం క్యూలల్లో జనం నానా తంటాలు పడుతుంటే సారీ అనిపించనాయన,

బాంక్ ఎక్కౌంట్ వున్న ప్రతి ఒక్కరూ ఆ ఎక్కౌంట్లో పడాల్సిన పదిహేనులక్షలు ఎప్పుడు పడతాయా అని నాలుగేళ్ల బట్టీ కళ్ళు వాచేలా వెయిట్ చేస్తున్నా కిమ్మనకుండా కూచున్నాయన,

ఉన్నట్టుండి సారీ చెప్పడమేంటి? అసలాయన సారీ చెప్పల్సినంత పెద్ద సమస్య ఏముందీ దేశంలో? అనిపించక తప్పదు కొందరికైనా. జనరలైజ్ చేసెయ్యడం ఎందుగ్గానీ నాకు మాత్రం అనిపించింది. అందుకే పై హెడ్డింగ్ అదే ఫలానా పేపర్లో కనిపించగానే చదివేశా. ఎగ్జాక్ట్‌‌లీ ఇదీ ఆ న్యూస్ –

//కోల్‌కతా : ప్రధాన మంత్రి నరేంద్ర మోదీ శుక్రవారం విద్యార్థులకు క్షమాపణ చెప్పారు. విశ్వభారతి విశ్వవిద్యాలయం స్నాతకోత్సవం సందర్భంగా ఆయన శాంతినికేతన్‌లో జరిగిన సమావేశంలో మాట్లాడారు. తన ప్రసంగాన్ని ప్రారంభించే ముందు ఆయన మాట్లాడుతూ ‘‘అన్నిటికన్నా ముందు, విశ్వభారతి విశ్వవిద్యాలయం ఛాన్సలర్ హోదాలో నేను క్షమాపణలు చెప్తున్నాను. నేను వస్తున్నపుడు కొందరు విద్యార్థులు సైగలు చేశారు, తమకు తాగునీటి ఏర్పాట్లు చేయలేదని చెప్పారు. మీకు జరిగిన అసౌకర్యానికి క్షమాపణలు చెప్తున్నాను’’ అన్నారు. ఈ స్నాతకోత్సవంలో బంగ్లాదేశ్ ప్రధాన మంత్రి షేక్ హసీనా, పశ్చిమ బెంగాల్ ముఖ్యమంత్రి మమత బెనర్జీ కూడా పాల్గొన్నారు.// 
Coutsey: Andhrajyothi

ఆయనకి నేను ఫానూ కాదు, అలా అని యాంటీ కూడా కాదు, కానీ ఆయన యొక్క జెస్చర్ మాత్రం నాకు భలే నచ్చింది. ఆయన ఛాన్సలర్ హోదాలోనే చెప్తున్నానంటూ ప్రధానమంత్రి హోదాలో కాదని నర్మగర్భంగా చెప్పినట్టనిపించినా కూడా నచ్చింది.

మనం గుళ్ళో విగ్రహాన్ని చూసి అది విగ్రహమే అనుకునే జనాలం కాదు కదా! అది అఖిలాండకోటి బ్రహ్మాండ నాయకుడనే అనుకుంటాం కదా!! అలాగే ఆయన నేను ఛాన్సలర్ హోదాలోనే చెప్తున్నానర్రోయ్ అంటూ హైలైట్ చేసుకున్నా మనం ఆయనకున్న ప్రధాని హోదానే పట్టించుకుంటాం, ఆ మాటలు ప్రధాని మాటలే అనుకుంటాం. అనుకున్నాం. అనుకుందాం.

ఆ మాటలు చెప్పి మోడీ మేష్టారు ఎందరో పాత ప్రధానులు చెయ్యని, రాబోయే ప్రధానులు చేస్తారో చెయ్యరో తెలియని ఒక గొప్ప పని చేసి ఒక ట్రెండ్ సెట్ చేసారని నాకనిపించింది.

విశ్వభారతి ప్రాంగణంలో విశ్వకవి ఆత్మ వింటుండగా ప్రధాని దేశంలో ప్రబలుతున్న మంచినీటి సమస్యలని, నానాటికీ అడుగంటుతున్న భూగర్భ జలాల సమస్యని ఎక్నాలెడ్జ్ చేసారు.

ఆ యూనివర్సిటీ విద్యార్ధులు మంచినీళ్ళు లేవని చేసిన సైగలని ఆయన దేశం నలుమూలలనించీ ప్రజలు చేసిన సైగలుగా గుర్తించారనిపించింది.

తద్వారా ఫేస్‌‌బుక్కులూ, వాట్సప్పులూ, టీవీ డిబేట్లూ, చివరికి బ్లాగులూ – వీటిల్లో ఎక్కడా కనిపించని, నిజానికవేంటో కూడా తెలీని జనాల సమస్యల్ని ఎక్నాలెడ్జ్ చేసారు.

ఇంక ఆయన మార్గదర్శకత్వంలో కేంద్రం, రాష్ట్రాలూ –

NM apologises

అందరి నీటి కష్టాలూ తీర్చేస్తారని ఆశించచ్చు. (అసలే వాళ్ళ సత్సంబంధాలు అదిరిపోతున్నాయి కూడాను)

ఇంక జనాభాలో ప్రతి మనిషికి-

గుప్పెడు మట్టి సంగతెలా వున్నా రోజూ చెంబెడు నీళ్ళు దొరికి ఆ విధంగా స్వచ్ఛభారత్ ప్రాజెక్టు కూడా సక్సెస్ అవుతుందని కూడా-

ఆశించచ్చు

ఆశిద్దాం

ఆశిస్తూనే ఉందాం.

ఇంతేసంగతులు.

బై4నౌ

🙏

 

KSD”అప్పల్రాజు” ఎవరో తెలుసుకోవాలని, రెండో, మూడో వేల ఏళ్ళ క్రితం ఒక రాజుగారబ్బాయి…


మొన్న మార్చిలో రెండు వారాల  చైనా ట్రిప్పు పడింది. సుజౌ సిటీ చుట్టుపక్కల మూడు రోజులు తెగ తిరిగాం, ఫౌండ్రీలు, ఫోర్జింగ్ షాపులు వగైరాలు విజిట్ చేస్తూ. ఆ తిరుగుడులో ఒక చోట అదుగో ఆ బుద్ధుడు👇 కనిపించాడు.WhatsApp Image 2018-05-29 at 11.47.50ఆదిశంకరాచార్యుడు, జీసస్‌‌‌‌ల ప్రతిరూపాలని చూసినప్పుడు ఎలాంటి అలౌకిక భావపరంపర మనసుని తాకుతుందో శాక్యమునిని చూసినా కలుగుతుంది. కలుగుతుంది కాదు మనసు కరుగుతుంది అంటే కరెక్టు. అలా కరిగిపోయినప్పుడు కలిగే  అనుభవం ఏంటంటే ఈ అస్తిత్వానికి కులం, మతం, దేశం, …. టు కట్ ఇట్ షార్ట్ .. మనని మనం చుట్టూ ఉన్న ప్రపంచం నుంచి సెపరేట్ చేసుకోడానికి ఎన్ని రకాల సాకులుంటే అన్ని సాకులూ మాయమైపోతాయి. క్షణంలో సగం సేపే ఐనా ఆ ఆనుభూతి అద్వితీయం. కాదు, అద్వైతం. ఆ ఆద్భుతవ్యక్తుల ఆలోచనా పరంపర  వేల ఏళ్ళ తర్వాత ఇంకా నిలిచి వుందంటే అది వారి జీవితకాలంలో  వాళ్ళు తమ అనుయాయులకి కలిగించిన అద్వితీయ భావనలకి అద్వైత అనుభవానికి సాక్ష్యం అని నాకర్ధమైంది అని నేననుకుంటున్న వారి గొప్పతనం. లెటజ్ నాట్ గో టు వాట్ సమ్ ఆఫ్ దెయిర్ ఫాలోవర్స్ డు ఇన్ ద నేమ్ ఆఫ్ ఫాలోయింగ్ దెయిర్ ఫిలాసఫీస్. ఇట్స్ నాట్ ఇంపార్టెంట్ హియర్.

ఇప్పుడా బుద్ధుడు ఎందుకు గుర్తొచ్చాడంటే ఇవాళాయన బర్తు డే కదా! అది మర్చిపోకూదడనే సెలవు కూడా ఇచ్చారు కదా!! ఈ సందర్భంగా మానవజాతిని నిజంగా మెచ్చుకోవాల్సిన సంగతి – మహానుభావుడు అనుకున్న వ్యక్తి పుట్టినరోజుకి పబ్లిక్ హాలిడే ఇవ్వడం. ఆ రకంగా, “జీవితమంటే అంతులేని ఒక పోరాటం. బ్రతుకు తెరువుకై  పెనుగులాడుటే ఆరాటం..” అంటూ పాడుకోడానిక్కూడా టైము, ఛాన్సు కూడా లేని మనిషికి పోరాటాలకి, ఆరాటాలకి అవతల ఏముందోనన్న ఆసక్తి, కుతూహలం పెంచుకోడానికి, వీలయితే తీర్చుకోడానికీ ఒక అవకాశం ఇవ్వడం.  ఎంతమంది దాన్ని సద్వినియోగం చేసుకుంటున్నారు అనేది వేరే విషయం. అది నెగెటివ్ థింకింగ్.

పోరాటాలకి, ఆరాటాలకి అవతల ఏముందోనన్న ఆసక్తి, కుతూహలంతో, ఈ ప్రపంచం అనే నాటకరంగానికి తెర వెనక కధ-స్క్రీన్ ప్లే-దర్శకత్వం చేసే “అప్పల్రాజు” ఎవరో తెలుసుకోవాలని –

రెండో, మూడో వేల ఏళ్ళ క్రితం ఒక రాజుగారబ్బాయి ఇంట్లోంచి వెళ్ళిపోతే,

అలా వెళ్ళిపోయి “తెర వెనక భాగవతం” అంతా తెలిసేసుకుని ఇవతలికి వచ్చి “ఒరేయ్! బాబుల్లారా! K.S.D “అప్పల్రాజు” సంగతలా వుంచండి. పరలోకంలో ప్రశాంతత కోసం ఈ లోకంలో అశాంతి సృష్టించక్కర్లేదురా! మీ పరలోక సుఖాల కోసం ఇతర జీవుల్ని పరలోకానికి పంపించాల్సిన పనిలేదురా! మీ బుద్ధిని వాడండి, మీ ధర్మాన్ని ఆచరించండి, మీ సంఘాన్ని ఆశ్రయించండి” అని బోధిస్తే

ఆయన కృషి అంతా ఈ రోజు మనకి ఒక పబ్లిక్ హాలి డే రూపంలో వస్తే, దాన్ని ఎంజాయ్ చెయ్యడానికి, బిర్యానీ తిని, సినిమా చూడ్డానికి  ఉపయోగిస్తే ఆయన ఫీలవ్వడూ?!? ఇవాళ మాయింట్లో బిర్యానీయే; అది ఆపలేదుగానీ పిల్లలు సినిమా చూద్దామని యూ ట్యూబ్ ఓపెన్ చెయ్యగానే మాత్రం సక్సెస్‌‌ఫుల్‌‌గా, శాంతియుతంగా ఆపించా💪💪💪. బుద్ధుడు ఫీలవ్వడనే ఫీలౌతున్నా. ఫీలౌతాడని మనసులో ఏ మూలో వున్న కాస్త అనుమానం, గిల్ట్ పోగొట్టుకోడానికి నాకు తెలిసిన “బుద్ధం శరణం గచ్ఛామి….”కి నాకు తోచిన ఎక్స్ప్లనేషన్ ఇలా👇 ….

WhatsApp Image 2018-05-29 at 12.12.45

…. రాసుకుని బంధుమిత్రులతో వాట్సాప్‌‌లో పంచేసుకున్నా. చూసినవాళ్ళు చిన్ముద్రలు 👌 పెట్టారుగానీ చివాట్లు పెట్టకపోడంతో  అందరికీ నచ్చిందనే అనుకున్నా. ఒక ఫ్రెండు బుద్ధతత్వాన్ని ఇలా జ్ఞానకర్మ యోగాలతో ఇలా ముడి పెట్టాడు – Three layers of human life. Self, dharma and society. All three layers have their importance. Only when we follow our Dharma and work towards a righteous society, Karma yogam is fulfilled. By looking inwards gyana yogam is initiated. Karma yogam and Gyana yogam are inseparable. ఇది చూసి ఇంకాస్త ధైర్యం వచ్చి టపాలో పెట్టేశా.

(ఈ టపాకి టైటిల్‌‌గా ఆర్జీవీగారి సినిమా టైటిల్ ఎలా కుదిరిందో ఆ దేవుడికే తెలియాలి  ‌😆 )

ఏకం సత్ విప్రాః బహుదా వదంతి

 

🌹 🙏🌹