ఇంకా అయోమయం!! ఇంకా జగన్నాధం!! Yes, We have failed them as humans.


మనదేశంలో దారుణాలు రెండు రకాలుగా వెలుగులోకి వస్తున్నాయనిపిస్తోంది. ఆ రెండురకాల దారుణాల్లో మొదటిరకాన్ని నేరాలనీ, రెండో రకాన్ని ఘోరాలనీ పిలవచ్చు. పేర్లు పెట్టాక అలా ఎందుకు పెట్టామో డిఫైన్ చెయ్యాలి కదా? సరే, నేరాలంటే నేరమనస్తత్వం లేక మానసిక రుగ్మతల వలన పురికొల్పబడిన దారుణం అనుకుంటే, అలాంటి నేరానికి రాజకీయ ఎజెండా జోడయినప్పుడు నేరం కాస్తా ఘోరంగా మారుతుంది అనుకోవచ్చు.

అనుకోవాలి. ఎవరు? అందరం.

ఎందుకంటే, ఒకసారి నేరం రాజకీయ రాద్ధాంతంగా మారాక అసలు నేరానికి కారణం, ఆ కారణాలకి దారితీస్తున్న పరిస్థితులు అన్నీ ఔట్-ఆఫ్-ఫోకస్ ఐపోతాయి. కొండనాలిక్కి మందేస్తే ఉన్న నాలిక ఊడిపోయిందనే సామెత తెల్సిందే, కానీ అసలు నాలికే ప్రమాదంలో వున్నా దాని సంగతి పట్టించుకోకుండా కొండనాలిక్కి వైద్యం చెయ్యడంలా తయారవుతోందా పరిస్థితి?

అవుతోందేమో🤔 !?! ఆలోచించాలి. ఎవరు? బుర్రవున్నవాళ్ళు. (బుర్ర ఉందా లేదా అనేది ఎవరికివాళ్ళు – ఐ మీన్, నాయకులు, వ్యవస్థలు, ప్రజలు i.e. మనందరం – తేల్చుకోవచ్చు)

జోకులు, చతుర్లు, విసుర్లు పక్కనపెడితే….

  • ఆల్రెడీ నేరమనస్తత్వం / మానసిక రుగ్మతల వలన జరిగిన నేరాన్ని రాజకీయలబ్ధికోసం చిలవలు పలవలు చేస్తున్నారా?
  • రాజకీయ క్రీడలు జరగని ఘోరాల్ని కూడా సృష్టించడం లేదు కదా?
  • పొలిటికల్ డామేజ్ తీవ్రంగా ఉంటుందని తెలిసి కూడా హేయమైన పనులు చేసే రాజకీయులు వున్నారా? అలాంటివాళ్ళు ఒకవేళ వుంటే కొందరా ఘోరాల్ని ఎందుకంత తేలిగ్గా తీసిపారేస్తున్నారు? లేకపోతే వాళ్ళనెందుకు, ఎవరు బద్నాం చేస్తున్నారు? ఆ  రాక్షసుల్ని కటకటాల్లోకి నెట్టడం కంటే వాళ్ళని వెనకేసుకు రావడంవల్ల వచ్చే రాజకీయ మైలేజి ఎక్కువా?
  • సహజంగానే మనుషుల్లో మానసిక రుగ్మతలు, పైశాచికత్వం పెరుగుతున్నాయా? ఒకవేళ అదే నిజమైతే ఈ విషయంలో మన రాజకీయాలు రాద్ధాంతాలు కాక ఇంకేం చేస్తున్నాయి? రాజకీయులకి (పార్టీలతో సంబంధం లేకుండా) ఈ విషయాల మీద వున్న అవగాహనేంటి? వాళ్ళు తీసుకుంటున్న / తీసుకోవాలనుకుంటున్న చర్యలేంటి?
  • ఇవన్నీ అర్ధమయ్యి కూడా జనం నోరు మెదపట్లేదా? లేక జనం అయోమయంలో వున్నారా? లేకపోతే రాజకీయాల్లో కొట్టుకుపోతున్నారా? లేకపోతే ఈ ఘోరాలకి గురౌతున్నది పేదవాళ్ళే కదా అనే నిర్లక్ష్యం+ఉదాసీనతా? అసలు పై ప్రశ్నలకి సరైన జవాబులేంటో క్లూ ఉందా మనకి?

పై ప్రశ్నల్లో ఒక్కదానికైనా స్పష్టమైన సమాధానం ఉందా? ఏమో! నా ఆలోచనకందట్లేదు. ఇంకా పైగా

👀అనుమానాలు  👀, 😇 కన్ఫ్యూజన్😇 ఎక్కువైపోతున్నాయ్ 😌 😢 

కొందరు మాత్రం –

  • ఇలాంటి నేరాలు పాతరోజుల్లోనూ జరిగాయి, అప్పుడవి బైట పడలేదు, ఇప్పుడు మీడియా డెవలప్ ఐపోడంతో బైట పడుతున్నాయంటున్నారు. (మరైతే గతకాలపు ఘనకీర్తి అంతా డొల్ల అనుకోవాలా? అంతా అయోమయం 😇 జగన్నాధం🙏)
  • రాక్షసకృత్యం చేసిన మృగాన్ని  మనిషిని ఉరి తీసెయ్యలంటున్నారు. చట్టం వచ్చేసింది కూడా. (మరి చట్టం తన పని తను చేసుకుపోవాలి కదా! రాక్షసుడు పట్టుబడాలి కదా! వాణ్ని పట్టుకోవాల్సిన & ఉరి తీయాల్సిన వ్యవస్థలు సరిగ్గా పని చెయ్యాలి కదా! మరే! కదా?  ఇంకా అయోమయం 😇 😇, ఇంకా జగన్నాధం🙏🙏)

“ఎదగడానికెందుకురా తొందరా? ఎదర బతుకంతా చిందర వందర” అని పిల్లల్ని జోకొట్టే కాలం చెల్లిపోయింది. ఎదక్కుండానే చిందరవందర బతుకుని ఎదుర్కుంటున్నారు వాళ్ళు. అందుకు కారణాలు ఏవైనా, కారకులు ఎవరైనా రోజుల్లో, కాకపోతే వారాల్లో, ఎట్-లీస్ట్ నెలల్లో నేరగాళ్ళని ఉరికంబం ఎక్కించాల్సింది పోయి, రాజకీయ నష్టనివారణలు / మైలేజీల మీదే దృష్టి పెట్టి వాళ్ళని భయంకరంగా అవమానిస్తున్నాం.

భగవంతుడా! జగన్నాధా! ఈ అయోమయాన్ని గుర్తించే వయసొచ్చి, వాళ్ళూ ఈ సొసైటీలా తెలివి మీరిపోయే వరకైనా పసిపిల్లల్ని రక్షించు స్వామీ! ఎందుకంటే వీకే సింగ్‌‌గారన్నట్టు We have failed them as humans. నీకు ఒకటి కాదు వంద, కాదు కోటి 🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏 ………………………………………………………………………………………………………………………………………………………………………………………………………………………………………………………………………………………………… 🙏లు.

ఇంతేసంగతులు స్వామీ 🙏! బై4నౌ 😢