WHY(ఎందుకు)WE(మనం)ARE(ఉన్నాం)? 001


మొదటి అల

ఈ ప్రశ్న ఎప్పుడూ తలెత్తని మనిషి నిజంగా అదృష్టవంతుడు(రాలు). ఈ మీమాంస మొదలైన మైండ్‌కి ప్రశాంతత దొరకడం కష్టం. ఒకవేళ దొరికినా అది తాత్కాలికమే, టెంపరరీ ఫినామినన్. ఎందుకు టెంపరరీ? ఎందుకంటే, మనిషి ఉనికే టెంపరరీ కనక. ఈ ప్రపంచంలో, ప్రపంచం మరీ చిన్నది, విశ్వంలో Uncertainty is the only Certainty. నదిలో కొట్టుకుపోయే నీటిచుక్క తను ఆవిరైపోయేవరకూ తనో పేద్ద నదిననే అనుకుంటుంది. ఆవిరై మేఘాల్లో చేరిపోయాక? తనో కుములో నింబస్ మబ్బునని అనుకుని ఉరుములు, మెరుపులతో నానా హడావిడీ, ఆర్భాటం చేసేస్తుంది. వర్షంగా కురిసి బురదగానో, వరదగానో మారేవరకూ. దానికి తెలీని సంగతి ఏంటంటే తన ఐడెంటిటీ, నీటి బిందువు నుంచీ మహా సముద్రం వరకూ మధ్యలో బురద, వరదతో సహా ఎలాగైనా మారొచ్చు అని.

వెయ్యికోట్లఏళ్ళ క్రితం బిగ్‌‌బాంగ్‌తో మొదలైన ఈ దృశ్యప్రపంచంలో మనిషి పాత్ర ప్రవేశించి కొన్ని క్షణాలే అయింది. ఇంతలోనే మనిషి బుర్రలో ఎన్ని ప్రశ్నలు? ఈ పూటకి నూకలెక్కడ దొరుకుతాయ్? నుంచీ భూమ్మీద నూకలు చెల్లాక ఎక్కడికి పోవాలి వరకూ. అన్నిటికీ జవాబులు దొరుకుతున్నాయా? అది డౌటే. జవాబుల కోసం వెతుకుతున్నామా అంటే ముందు అడగాల్సింది అసలు ప్రశ్నలు వేస్తున్నామా అని…..

ఏడు బిలియన్ల జనాభాలో ప్రశ్నలు వేసుకుని, జవాబులు వెతుక్కునే లగ్జరీ ఎంతమందికి దొరుకుతుంది? ముందీ ప్రశ్నకి ఆన్సర్ వెతకాలి. అక్కర్లేదు, కురుక్షేత్రంలో మొట్టమొదటి ప్రపంచయుద్ధం జరిగినప్పుడు (1914 – 18 జరిగింది రెండో ప్రపంచయుద్ధం) అర్జునుడికి అర్జెంటుగా వై వియ్ ఆర్ అనే ప్రశ్నకి సమాధానం కావాల్సొచ్చింది. కృష్ణుడు కూడా అంతే అర్జెంటుగా విశ్వరూపం చూపించి హడలగొట్టేవరకూ యుద్ధం చెయ్యనని భీష్మించుక్కూచున్నాడు. ఆ తరవాత “అర్జునా! కోట్లాదిమందిలో ఓ పదిమందికో ఇరవైమందికో ఇలాంటి ప్రశ్నలు వేసుకోవడం, సమాధానాలు వెతకడం అనే హాబీ ఉంటుంది. వాళ్ళలో ఏ ఒక్కడికో మాత్రమే కరెక్ట్ ఆన్సర్ తెలిసే అవకాశం వుంటుంది,” అని తేల్చేసాడు(సింది) పరమాత్మ. అందువల్ల ఎవరికైనా ఎగ్జిస్టెన్షియల్ డౌట్స్ వచ్చాయంటే పరమాత్మ షార్ట్ లిస్టు చేసిన పదీ ఇరవై మందిలో వారూ ఉన్నట్టే లెఖ్ఖ. ఐతే, చివరికి సెలక్ట్ అయ్యేది ఒక్కరే కదా! తనెందుకు “ఉన్నాడో” వాడికి తెలిసిపోయింది కనక వాడితో ప్రపంచానికి, ప్రపంచంతో వాడికి గొడవేంలేదు.

***face***

2 thoughts on “WHY(ఎందుకు)WE(మనం)ARE(ఉన్నాం)? 001”

  1. చాలా తాత్వికంగా రాశారు తమరికి ఆధ్యాత్మక మార్గంలో ఏమైనా హస్తం ఉందా(ప్రశ్న) లేక పోతే ఏదో లొల్లాయిగా రాశారా(మరో ప్రశ్న)

    Like

    1. సర్! మీ సందర్శనకు స్వాగతం, సంతోషం. 🙂 మీరడిగిన టోన్ బట్టీ మీకు నచ్చలేదనిపిస్తోంది. అయినా, లైక్ పెట్టారు. ఏం చెప్పాలా అనే తికమకలో ఉన్నాను. ఐనా ట్రై చేస్తాను. ఆధ్యాత్మికతకి మార్గం, అందులో హస్తం – ఈ పదజాలం స్పిరిచ్యువాలిటీకన్నాఆర్గనైజ్డ్ రెలిజియన్‌కి దగ్గరగా అనిపిస్తాయి. ఆ అర్ధంలో ఐతే ఆ రెండూ లేవు. కేవలం ఆధ్యాత్మికత అయితే – Truth is a pathless land అనే వాక్యాన్ని నమ్ముతాను. నమ్మకం కాదు, ఇష్టం.
      తాత్వికంగా ఉందన్నారు కనక లొల్లాయి కాదనే అనుకుంటున్నాను._/\_ 🙂

      Like

Hi, _/\_ :-) Thank you for coming this far in the post ;-) I do appreciate people who stimulate my creativity & make me think on a deeper level. Your rating this post helps. _/\\_ :-)

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s