సప్తమ కప్పు – కాఫీలాంటి ఆనంద్..ఆనంద్ లాంటి కాఫీ


ఒక యూనివర్సిటీ పూర్వ విద్యార్ధులు కొందరు తమకి పాఠాలు చెప్పిన ప్రొఫెసర్ గారింట్లో కలుసుకున్నారు. అందరూ తమ తమ కెరీర్స్ లో మంచి స్థాయిల్లో ఉన్నవాళ్ళే. అందరు యావరేజ్ ఇండియన్ మేల్స్ లాగే వీళ్ళూ ఉద్యోగాల్లో, డే-టు-డే లైఫులో పడుతున్న బాధలు, స్ట్రెస్సూ అంటూ ఇంకే టాపిక్కూలేనట్టు అదే సుత్తి కొడుతుంటే ప్రొఫెసరు గారికి చిరాకు పుట్టింది. కిచెన్ లోకి వెళ్ళిపోయి అందరికీ కాఫీలు కలుపుకొచ్చాడు. కాఫీ కప్పులు రకరకాలు – ప్లాస్టిక్, పింగాణీ, గ్లాసు, క్రిస్టల్ – ఖరీదైనవి, చీప్ గా వున్నవి, అందమైనవి, ఇలా వున్నాయి. అక్కడున్నవాళ్ళకన్నా ఎక్కువ సంఖ్యలోనే వచ్చాయి కాఫీలు. అందరూ కాఫీలు అందుకున్నారు. కొన్ని మిగుల్తాయి కదా! ప్రొఫెసరు మిగిలిన పోయిన కప్పుల్ని చూపిస్తూ అన్నాడు – ” మీరు గమనించారో లేదో అందమైన, ఖరీదైన కప్పులే మీరంతా తీసుకున్నారు. ప్లాస్టిక్ వి, పాతవి ఎవరూ ముట్టుకోలేదు. జీవితంలో బెస్ట్ థింగ్స్ కోరుకోవడం సహజమే కానీ ప్రాబ్లెమ్స్ అన్నీ ఆ కోరికలోనే వున్నాయి. మీరు తాగేది కాఫీ, కప్పు కాదు. అన్ని కప్పుల్లోనూ అదే కాఫీ వున్నా ప్రతీ ఒక్కరు ఖరీదైన కప్పే కోరుకున్నారు. పక్కవాడికి ఎలాంటి కప్పొచ్చిందా అని చూస్తున్నారు. నౌ, జీవితం కాఫీ అనుకుంటే ఉద్యోగం, డబ్బు, ఆస్తి, స్టేటస్ .. ఇవి కప్పులు. జీవితం గడపడానికి అవి సాధనాలు. అంతే! వాటి మీద ఫోకస్ ఎక్కువైతే జీవితం ఎంజాయ్ చెయ్యలేరు. కప్పులు కంపేర్ చేస్తూ కూచుంటే కాఫీ ఎంజాయ్ చెయ్యలేనట్టు,” అన్నాడు. తరవాతేమయిందో మనకి తెలీదు.

తెలుసుకోవడం కూడా అనవసరం. ఎందుకా? ఎందుకంటే జీవితం విషయంలో ప్రొఫెసర్ సలహా అవసరమే కానీ కాఫీ విషయంలో కాదు.

వై బికాజ్, పొజిషన్ కన్నా జీవితం గొప్పది.

కప్పు కన్నా కాఫీ గొప్పది.

దేర్-ఫోర్, జీవితం కంటే కాఫీ విలువైనది.

పిచ్చి లాజిక్కనిపిస్తోందా? ఇంకా పిచ్చిగా అనిపించే లాజిక్ కూడా వుంది. ప్రేమవున్నచోట లాజిక్ వుండదు అన్నప్పుడు కాఫీ వున్నచోట లాజిక్ అనే మాట కూడా వుండదు. అందువల్ల జీవితం కన్నా, ప్రేమకన్నా కూడా కాఫీయే విలువైనది అని తేలుతోంది. ఇలాంటి లాజిక్కుల ద్వారా తెలుసుకోవలసింది, ఇదీ –

 కాఫీ క్వాలిటీ బావుంటే ఏ కప్పులోతాగినా ఆనందం తప్పదు. దానికి మనమేం చెయ్యలేం. కానీ అందమైన కప్పుతోనో, ధగ ధగ మెరిసే స్టీల్ గ్లాసులోనో నురుగులు కక్కే ఫిల్టర్ కాఫీ తాగితే ఆ ఆనందం ఎక్స్పొనెన్షియల్ గా, ఎక్స్ప్లోజివ్ గా పెరిగిపోతుంది. 

చుట్టూ అందమైన వాతావరణం వుంటే ..

చక్కటి సంగీతం వింటూ వుంటే…

మంచి పుస్తకం చేతిలో వుంటే ….

దీనికీ ఏం చెయ్యలేం, ఎంత లెవెల్లో వీలయితే అంత లెవెల్లో ఆనందించడం తప్ప.

మంచి కాఫీ నిజానికి ఆనంద్ సినిమాలాంటిది. అందుకే శేఖర్ కమ్ముల తన ‘ఆనంద్’కి మంచి కాఫీ లాంటి సినిమా అని టాగ్ లైన్ పెట్టారు. హృషీకేశ్ ముఖర్జీ తన 1971 ఆనంద్ కి కాఫీ టాగ్ తగిలించకపోయినా ఆ సినిమా కూడా కాఫీలాంటిదే, బ్లాక్ కాఫీలా చేదైన ఆనందం ఇస్తుంది.

యూ కెన్ ఇమాజిన్ ఇట్, రైట్! సో, డోంట్ కాంప్రమైజ్ వెన్ ఇట్ కన్సర్న్స్ కాఫీ!

kaafeetva5

 

 

 స’శేషం’

2 thoughts on “సప్తమ కప్పు – కాఫీలాంటి ఆనంద్..ఆనంద్ లాంటి కాఫీ

  1. sri

    Namaste!
    Ilaanti varu okaru untaarani, naalanti vinta maavallu anta annattu “nakharalu” unna mahanubhavulu unnarani, vallu naakosam ila rastarani telisi, chadivi, anandaasruvulato…gontu gadgadamai, cheyyi vonukutuu..inka raayaleka rase lekha..

    adbhutam!!!

    Like

    Reply
    1. అం'తరంగం' Post author

      శ్రీ గారూ మిమ్మల్నింత ప్రభావితం చేస్తుందని తెలీక ఏదో అలా రాసేసాను, పర్వాలేదు కదా? 🙂 _/\_
      ఇంతకీ “naalanti vinta maavallu anta annattu“nakharalu” unna ..” – అర్ధం కాలేదండి

      Like

      Reply

Hi, _/\_ :-) Thank you for coming this far in the post ;-) I do appreciate people who stimulate my creativity & make me think on a deeper level. Your rating this post helps. _/\\_ :-)

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s